DXDM 99.5 LAYAG FM

18/10/2025

𝐌𝐀𝐘𝐎𝐑 𝐑𝐀𝐈𝐃𝐀 𝐓𝐎𝐌𝐀𝐖𝐈𝐒-𝐒𝐈𝐍𝐒𝐔𝐀𝐓 𝐒𝐇𝐎𝐖𝐒 𝐒𝐔𝐏𝐏𝐎𝐑𝐓 𝐈𝐍 𝐓𝐇𝐄 𝟖𝐓𝐇 𝐌𝐔𝐍𝐈𝐂𝐈𝐏𝐀𝐋 𝐌𝐔𝐒𝐀𝐁𝐀𝐐𝐀𝐇

Sa patuloy na pagsuporta sa mga programang pangkabataan at pangrelihiyon, dumalo si Mayor Raida Tomawis-Sinsuat sa 8th Municipal Musabaqah na ginanap sa Barangay Penansaran, Datu Blah T. Sinsuat ngayong araw, Oktubre 18, 2025.

Buong puso niyang ipinahayag ang kanyang suporta sa mga kalahok na nagpapamalas ng galing, disiplina, at pananampalataya.

Kaisa rin sa okasyong ito si Vice Governor Datu Marshall I. Sinsuat, na dumalo upang ipakita ang kanyang buong suporta sa nasabing aktibidad — patunay ng pagkakaisa ng pamahalaang panlalawigan at lokal sa pagtataguyod ng edukasyon at kulturang Islam.

18/10/2025

Panaderya ng barangay chairman niratrat, anak na konsehal sugatan

Sugatan ang anak ng isang barangay chairman sa Lamitan City ng ratratin ng M16 assault rifles ng mga lalaking sakay ng motorsiklo ang kanilang panaderya sa Barangay Parang Basak sa naturang lungsod nitong umaga ng Sabado, October 18.

Sa inisyal na ulat ng Basilan Provincial Police Office kay Brig. Gen. Jaysen De Guzman, director ng Police Regional Office-Bangsamoro Autonomous Region, nakaupo sa labas ng kanilang panaderya sa Barangay Parangbasak sa Lamitan City si Alcarem Ballaho Muddalan, 30-anyos, ng paputukan ng assault rifles ng mga lalaking sakay ng mga motorsiklo na agad ding nakatakas.

Nagtamo ng tama ng sa kanang braso ang biktima na isang barangay councilor sa Parangbasak.

Ang ama ni Muddalan, ang 68-anyos na si Juddihal Iralan Muddalan, barangay chairman ng Parangbasak, ay nakaligtas sa naturang pamamaril. Siya ay kilala sa kanyang masigasig na pag-suporta, bilang barangay chairman, sa mga law-enforcement activities ng mga tropa ng Lamitan City police sa lahat ng lugar sa barangay na kanyang pinamumunuan bilang barangay chairman.

Ayon kay Lt. Colonel Elmer Solon, hepe ng Lamitan City Police Station, nagtutulungan ang mga residente ng Parangbasak sa pagkilala sa mga bumaril sa kanilang mag-amang barangay councilor at chairman upang agad na masampahan ng kaukulang mga kaso. (October 18, 2025, Lamitan City, Basilan Province)

(Contributed report)

18/10/2025

Ilang bayan sa Cotabato province, lubog sa baha

Ilang mga barangay sa mga bayan sa probinsya ng Cotabato ang lubog sa baha sanhi ng malakas, paulit-ulit na ulan sa kapaligiran nitong nakalipas na ilang araw.

Makikita sa larawan ang isang lugar sa bayan ng Kabacan sa Cotabato province na binaha kasunod ng ng pag-apaw ng mga ilog sa paligid nito na konektado sa 220,000-hectare na Ligawasan Delta.

Ang Ligawasan Delta ay isang catch basin ng mga malalaking ilog mula sa mga kabundukan ng Cotabato, Bukidnon, Sultan Kudarat, Maguindanao del Norte at Maguindanao del Sur, dumadaloy pababa sa direksyon ng west coast ng Cotabato City, malapit sa karagatang kabahagi ng Moro Gulf. (October 18, 2025, handout photo)

18/10/2025

UAS IN FOCUS

17/10/2025

16/10/2025

16/10/2025

15/10/2025

15/10/2025

Bangsamoro Government, ginunita ang ika-13 anibersaryo ng Framework Agreement on the Bangsamoro

IPINAGDIWANG ng Bangsamoro Government ang ika-13 anibersaryo ng Framework Agreement on the Bangsamoro o FAB, ang kasunduang naglatag ng daan tungo sa kapayapaan sa Mindanao.

Ang FAB, na nilagdaan noong 2012 sa pagitan ng gobyerno ng Pilipinas at Moro Islamic Liberation Front o M**F, ang naging pundasyon ng Comprehensive Agreement on the Bangsamoro o CAB at ng Bangsamoro Organic Law o BOL na lumikha sa Bangsamoro Autonomous Region in Muslim Mindanao (BARMM).

Sa pahayag ni Interim Chief Minister Abdulraof Macacua, binigyang-diin niyang ang FAB ay hindi lamang dokumento, kundi isang panata na itutuloy ang pakikibaka hindi sa pamamagitan ng armas kundi ng pagkakaisa at pananampalataya sa isang makatarungan at sariling pamahalaang Bangsamoro.

Kasabay ng paggunita, inalala rin ng Bangsamoro Government ang mga martir, tagapagtaguyod ng kapayapaan, at mga pamilyang Bangsamoro na nagtiis sa mahabang panahon ng sigalot upang marating ang kapayapaang tinatamasa ngayon.