16/03/2025
𝐌𝐈𝐋𝐅, 𝐍𝐀𝐆𝐋𝐀𝐁𝐀𝐒 𝐍𝐆 𝐎𝐏𝐈𝐒𝐘𝐀𝐋 𝐏𝐀𝐇𝐀𝐘𝐀𝐆 𝐇𝐈𝐍𝐆𝐆𝐈𝐋 𝐒𝐀 𝐌𝐆𝐀 𝐏𝐀𝐆𝐁𝐀𝐁𝐀𝐆𝐎 𝐒𝐀 𝐁𝐀𝐍𝐆𝐒𝐀𝐌𝐎𝐑𝐎 𝐓𝐑𝐀𝐍𝐒𝐈𝐓𝐈𝐎𝐍 𝐀𝐔𝐓𝐇𝐎𝐑𝐈𝐓𝐘 𝐊𝐀𝐒𝐀𝐁𝐀𝐘 𝐍𝐀𝐍𝐆 𝐈𝐒𝐈𝐍𝐀𝐆𝐀𝐖𝐀𝐍𝐆 𝐂𝐎𝐍𝐒𝐔𝐋𝐓𝐀𝐓𝐈𝐕𝐄 𝐀𝐒𝐒𝐄𝐌𝐁𝐋𝐘
Camp Darapanan, Marso 16, 2025 — Ngayong araw, ilang araw bago ang anibersaryo ng paglagda sa Comprehensive Agreement on the Bangsamoro (CAB), nagpulong ang Moro Islamic Liberation Front (M**F) sa isang Consultative Assembly na dinaluhan ng mga pangunahing opisyal ng M**F, military leader, religious sectors, at iba pang mga stakeholder ng Bangsamoro upang talakayin ang mga pagbabago sa pamumuno ng Bangsamoro Transition Authority (BTA) at ang epekto nito sa proseso ng kapayapaan.
Sa kanilang pahayag, binigyang-diin ng M**F Central Committee ang lumalalang pangamba at pagkadismaya ng mga dumalo sa pagtitipon, kaugnay ng mga kamakailang Presidential appointments sa BTA. Sa 41 nominado ng M**F, 35 lamang ang kinilala at hinirang ni Pangulong Ferdinand Marcos Jr. Ayon sa M**F, ang hindi pagsunod sa kanilang opisyal na listahan ay maituturing na panghihimasok sa internal na usapin ng grupo at isang malinaw na paglabag sa Bangsamoro Organic Law (BOL).
𝐌𝐈𝐋𝐅: 𝐈𝐠𝐚𝐥𝐚𝐧𝐠 𝐚𝐧𝐠 𝐧𝐚𝐩𝐚𝐠𝐤𝐚𝐬𝐮𝐧𝐝𝐮𝐚𝐧𝐠 𝐩𝐞𝐚𝐜𝐞 𝐚𝐠𝐫𝐞𝐞𝐦𝐞𝐧𝐭
Ayon sa M**F, ang di-pagsunod sa opisyal na listahan ng nominado ay isang direktang paglabag sa Bangsamoro Organic Law (BOL) at sa mga probisyon ng CAB. Ayon sa Artikulo XVI, Seksyon 2 ng BOL, ang M**F ang dapat mamuno sa BTA nang walang hadlang sa partisipasyon ng Moro National Liberation Front (MNLF). Nakasaad din sa Annex on Transitional Arrangements ng Comprehensive Agreement on the Bangsamoro (CAB) na ang BTA ay dapat na M**F-led. Dahil dito, iginiit ng M**F na ang hindi pagtatalaga sa lahat ng kanilang nominado ay isang hakbang na sumasalungat sa kasunduang pangkapayapaan.
“𝑰𝒕 𝒊𝒔 𝒇𝒐𝒓 𝒕𝒉𝒆 𝒃𝒆𝒔𝒕 𝒊𝒏𝒕𝒆𝒓𝒆𝒔𝒕 𝒐𝒇 𝒂𝒍𝒍 𝒕𝒉𝒂𝒕 𝒕𝒉𝒆 𝒍𝒆𝒂𝒅𝒆𝒓𝒔𝒉𝒊𝒑 𝒐𝒇 𝒕𝒉𝒆 𝑴𝑰𝑳𝑭 𝒊𝒔 𝒄𝒐𝒏𝒔𝒖𝒍𝒕𝒆𝒅 𝒂𝒏𝒅 𝒊𝒕𝒔 𝒅𝒆𝒄𝒊𝒔𝒊𝒐𝒏 𝒃𝒆 𝒓𝒆𝒔𝒑𝒆𝒄𝒕𝒆𝒅 𝒐𝒏 𝒎𝒂𝒕𝒕𝒆𝒓𝒔 𝒐𝒇 𝒑𝒂𝒓𝒂𝒎𝒐𝒖𝒏𝒕 𝒊𝒎𝒑𝒐𝒓𝒕𝒂𝒏𝒄𝒆 𝒕𝒐 𝒕𝒉𝒆 𝑩𝒂𝒏𝒈𝒔𝒂𝒎𝒐𝒓𝒐." ayon sa pahayag ng M**F.
Bukod rito, ikinadismaya rin ng M**F ang unilateral na desisyon ng Pambansang Pamahalaan sa pagtalaga ng bagong Interim Chief Minister (ICM), sa kabila ng paulit-ulit na kahilingan ng Central Committee na panatilihin ang kasalukuyang ICM. Bagamat kinikilala ng M**F ang kapangyarihan ng Pangulo sa paghirang ng mga opisyal, nanindigan ang grupo na dapat isinasaalang-alang ang kanilang posisyon upang mapanatili ang tiwala at kooperasyon sa pagitan ng M**F at ng Pambansang Pamahalaan.
“𝑻𝒉𝒆 𝒊𝒎𝒑𝒍𝒆𝒎𝒆𝒏𝒕𝒂𝒕𝒊𝒐𝒏 𝒐𝒇 𝒕𝒉𝒆 𝒑𝒆𝒂𝒄𝒆 𝒂𝒈𝒓𝒆𝒆𝒎𝒆𝒏𝒕 𝒍𝒊𝒆𝒔 𝒊𝒏 𝒕𝒉𝒆 𝒔𝒚𝒎𝒃𝒊𝒐𝒕𝒊𝒄 𝒑𝒂𝒓𝒕𝒏𝒆𝒓𝒔𝒉𝒊𝒑 𝒃𝒆𝒕𝒘𝒆𝒆𝒏 𝒕𝒉𝒆 𝑴𝑰𝑳𝑭 𝒂𝒏𝒅 𝒕𝒉𝒆 𝑵𝒂𝒕𝒊𝒐𝒏𝒂𝒍 𝑮𝒐𝒗𝒆𝒓𝒏𝒎𝒆𝒏𝒕 — 𝒂 𝒓𝒆𝒍𝒂𝒕𝒊𝒐𝒏𝒔𝒉𝒊𝒑 𝒃𝒖𝒊𝒍𝒕 𝒐𝒏 𝒕𝒓𝒖𝒔𝒕, 𝒎𝒖𝒕𝒖𝒂𝒍 𝒓𝒆𝒔𝒑𝒆𝒄𝒕, 𝒂𝒏𝒅 𝒔𝒕𝒓𝒊𝒄𝒕 𝒂𝒅𝒉𝒆𝒓𝒆𝒏𝒄𝒆, 𝒕𝒐 𝒃𝒐𝒕𝒉 𝒕𝒉𝒆 𝒔𝒑𝒊𝒓𝒊𝒕 𝒂𝒏𝒅 𝒕𝒉𝒆 𝒍𝒆𝒕𝒕𝒆𝒓𝒔 𝒐𝒇 𝒕𝒉𝒆 𝒔𝒊𝒈𝒏𝒆𝒅 𝒂𝒈𝒓𝒆𝒆𝒎𝒆𝒏𝒕𝒔.” Ipinunto ng M**F.
Sa pagtatapos ng Consultative Assembly, muling binigyang-diin ng M**F ang kahalagahan ng pagkakaisa ng Bangsamoro sa kabila ng mga hamon.
"𝑵𝒐𝒘 𝒎𝒐𝒓𝒆 𝒕𝒉𝒂𝒏 𝒆𝒗𝒆𝒓, 𝒘𝒆 𝒎𝒖𝒔𝒕 𝒘𝒐𝒓𝒌 𝒕𝒐𝒈𝒆𝒕𝒉𝒆𝒓 𝒕𝒐 𝒑𝒓𝒐𝒕𝒆𝒄𝒕 𝒕𝒉𝒆 𝒊𝒏𝒕𝒆𝒈𝒓𝒊𝒕𝒚 𝒐𝒇 𝒕𝒉𝒆 𝒑𝒆𝒂𝒄𝒆 𝒑𝒓𝒐𝒄𝒆𝒔𝒔 𝒂𝒏𝒅 𝒕𝒉𝒆 𝒇𝒖𝒕𝒖𝒓𝒆 𝒐𝒇 𝒕𝒉𝒆 𝑩𝒂𝒏𝒈𝒔𝒂𝒎𝒐𝒓𝒐.," ayon sa pahayag.
Nananatiling matatag ang paninindigan ng M**F na ipaglaban ang awtonomiya ng Bangsamoro at tiyakin ang tamang pagpapatupad ng mga kasunduang pangkapayapaan.
Photos by: M**F Chairman Official
