https://www.facebook.com/109685035510608/

Radyo 630

Home
Philippines
Makati
Radyo 630

This is the official page of DWPM Radyo 630. Radyo 630. Para sa Mamamayan.
(5)

01/01/2025

Isang ligtas na umaga, kaserbisyo!

Makakasama niyo kami sa paghahatid ng mga sariwang balita, dagdag impormasyon at serbisyo publiko.

Panoorin, LIVE! https://www.youtube.com/

01/01/2025

Simple man ang iyong simula, magiging masagana ang iyong kinabukasan! 🙏🏽🎆

01/01/2025

RADYO 630 WRAP: JANUARY 1, 2025

Narito na ang ilan sa mga nangungunang headlines ngayong unang araw ng Bagong Taon!

01/01/2025

Kinasuhan ang 23-anyos na si Kyle Chester De Los Reyes kasunod ng pagpatay sa tatlo niyang kaanak sa kanilang tahanan sa Baldwin Park, California.

Kakaharap sa 3 patong-patong na kaso ng murder na may special allegation ng paggamit ng deadly weapon at multiple murder.

Naaresto si De Los Reyes matapos nito umanong subukang tumakas sa mga awtoridad kasunod ng pagsaksak nito sa kanyang mga kamag-anak.

01/01/2025

Patuloy na nagsasagawa ng search and rescue operations ang mga awtoridad upang mahanap nawawalang tripulante na miyembro ng lumubog na cargo vessel na MV Jherlyn Khatness.

Ayon sa Office of Civil Defense (OCD), papunta sana ang barko sa San Jose, Northern Samar nang tamaan ito nang malakas na alon. Kalaunang lumubog ang cargo vessel sa Lavezares, Northern Samar noong Lunes, Disyembre 30.

13 sa 15 crew member ang nailigtas. Isa naman ang kumpirmadong nasawi matapos matagpuan ang mga labi nito sa Biri.

01/01/2025

Inaprubahan ng 14 na Regional Tripartite Wage Productivity Boards (RTWPBs) ang dagdag sa minimum wage, kung saan makikinabang ang 4,907,584 na manggagawa.

Nag-isyu ng wage order ang mga RTWPB sa National Capital Region (NCR), Cordillera Administrative Region (CAR), Ilocos, Cagayan Valley, Central Luzon, CALABARZON, MIMAROPA, Western Visayas, Central Visayas, Eastern Visayas, Zamboanga Peninsula, Northern Mindanao, SOCCSKSARGEN, at Caraga.

Batay sa wage order, itataas sa ₱645 ang minimum wage sa Metro Manila mula sa dating ₱610.

01/01/2025

Bumaba sa 64% ang bilang ng mga firecracker-related injuries ngayong taon, ayon sa Department of Health (DOH).

Sa isang pahayag, sinabi ng DOH na ang karaniwang naiuulat na injury ay pinsala sa mata, pagkaputol ng mga parte ng katawan, at pagkalapnos ng balat dahil sa paputok. Karamihan sa mga biktima ng paputok ay menor de edad, dagdag ng DOH.

01/01/2025

Isinilang ang unang ‘New Year Baby’ eksaktong 12 ng hatinggabi sa Dr. Jose Fabella Memorial Hospital.

Pinangalanan ang sanggol na Alea Jayde ng kanyang ina na si Lea Mae Razo.

Ang mga sanggol na ipinanganak mula 2025 hanggang 2039 ay sinasabing bahagi ng ‘Generation Beta’, ang unang henerasyong ‘native’ sa paggamit ng Generative artificial intelligence (AI).

01/01/2025

Arestado ang 21 indibidwal kabilang ang isang miyembro ng Philippine National Police (PNP), correctional officer, at security guard dahil sa paglabag sa Republic Act No. 11926 o ang Anti-indiscriminate firing of guns, nitong holiday season.

Ayon sa tagapagsalita ng PNP na si Brig. Gen. Jean Fajardo, nakainom ang naturang pulis na nagpaputok ng baril sa probinsya ng Rizal, batay sa report ng ilang residente sa naturang lugar. Naaresto naman ang tauhan ng Bureau of Corrections na nagpaputok ng baril sa Zamboanga Peninsula habang naaresto sa CALABARZON ang isang security guard,

Tinutugis pa rin ng mga awtoridad ng 7 sa 18 sibilyan na nagpaputok ng baril. Nakumpiska ang 17 baril sa isinagawang operasyon ng mga awtoridad. Nangyari ang insidente ng pagpapaputok ng baril noong Disyembre 16 hanggang 31, 2024.

01/01/2025

Nagsagawa ng cleanup ang mga park maintenance staff ng Quezon Memorial Circle (QMC) sa Quezon City matapos ang pagdiriwang ng Bagong Taon.

Ayon sa park maintenance staff na si Joseph Ventuso, nag-assign ng graveyard shift ang management ng QMC para sa event.

Nauna nang ipinagbawal ng lokal na pamahalaan ng Quezon City ang paggamit ng single-use plastic bottles.

01/01/2025

Umaasa si Pangulong Ferdinand Marcos Jr. na magsisilbing inspirasyon ang mga pinagdaanan at pinagtagumpayan ng mga Pilipino noong 2024 sa pagpasok ng panibagong taon.

Sa kanyang mensahe, sinabi ni Pangulong Marcos Jr. na magiging gabay ang lahat ng pinagdaan natin noong nakaraang taon sa pagbuo ng isang kinabukasang puno ng pag-asa.

01/01/2025

Nakumpiska ng Philippine National Police ang nasa 593,094 na iligal na paputok at iba pang pyrotechnics na nagkakahalagang ₱3.9 milyon.

Nakatakdang sirain ng Manila police ang mga nakumpiskang paputok sa kanilang headquarters.

01/01/2025

Nakapagtala ng 83 firecracker-related injuries sa Jose Reyes Memorial Medical Center mula Disyembre 21, 2024 hanggang Enero 1, 2025.

34 ang sugatan dahil sa paputok ngayong Enero 1, 2025 habang 32 naman ang sugatan dahil sa paputok noong bisperas ng Bagong Taon. Wala namang naiulat na biktima ng ligaw na bala.

01/01/2025

Muling nakapiling ng 13 Filipina surrogate mothers na na-repatriate mula sa Cambodia ang kanilang pamilya ngayong Bagong Taon kasunod ng kanilang pagdating sa bansa, ayon sa Department of Social Welfare and Development (DSWD), kahapon.

Nauna nang na-convict ang 13 Pilipina dahil sa kanilang pagiging surrogate mothers na ipinagbabawal sa naturang bansa. Ngunit binigyan sila ng pardon ni Cambodian King Norodom Sihamoni noong Disyembre 26, 2024.

01/01/2025

Nadiskubre ng Philippine Rice Research Institute (PhilRice) ang 3 bagong uri ng bigas na may mababang glycemic indexes (GI) na maaaring makatulong na ma-control ang blood sugar, lalo sa mga taong mayroong diabetes.

Nadiskubre ang 3 uri ng bigas na NSIC Rc 472, PSB Rc 10, at Rc 514.

01/01/2025

New Year, new day!

Kaserbisyo, kumusta ang unang araw ng taon mo? May bago na ba agad sa buhay mo? O dala mo pa rin ang ilang bagay mula noong nakaraang taon?

01/01/2025

Inaasahang magkakaroon ng bagong trend sa Asia-Pacific Region na ‘agentic artificial intelligence (AI) mula sa ‘generative AI’, ayon sa IBM Philippines.

Ang generative AI ay karaniwang ginagamit ng mga kompanya upang gumawa ng mga marketing copy, product designs, mga larawan, audio at video.

Sa kabilang banda, ang agentic AI o ‘intelligent agents’ ay maaaring magamit sa ‘autonomous’ na pagmamaneho ng kotse, pagpaplano ng travel abroad habang nag-aasikaso ng travel arrangements, o online chat sa isang customer at pagtugon sa mga pangangailangan nito na walang ‘repeating’ na script.

Ayon kay IBM Philippines President and Technology Leader Aileen Judan-Jiao, malaki ang potensyal ng agentic AI sa pagpapaigting ng operations, customer experience, at decision-making. Ngunit kailangan ding ilatag ang ilang internal na patakaran upang masiguro ang ‘ethical’ at responsableng paggamit nito, giit ni Judan-Jiao.

01/01/2025

Na-monitor ng Philippine Coast Guard (PCG) ang 28,423 pasahero sa mga pantalan sa buong bansa nitong bisperas ng Bagong Taon, mula hatinggabi hanggang 6 AM ng Disyembre 31, 2024.

Ayon sa PCG, 14,863 sa mga ito ay outbound passengers at 13,560 naman ay inbound passengers.

Itinalaga naman ang nasa 2,724 na frontline personnel ng PCG sa 16 distrito na nagsagawa ng inspeksyon sa 211 na sasakyang pandagat at 21 na motorbanca.

Isinailalim ng PCG sa ‘heightened alert’ ang mga distrito, istasyon, at sub-station para matutukan ang pagdagsa ng mga pasahero sa mga pantalan ngayong holiday season.

Address

3F Universal RE Bldg. , 106 Paseo De Roxas
Makati
1226

Website

facebook.com

Alerts

Be the first to know and let us send you an email when Radyo 630 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radyo 630:

Videos

RADYO 630 WRAP: JANUARY 1, 2025 Narito na ang ilan sa mga nangungunang headlines ngayong unang araw ng Bagong Taon! #Radyo630 #TeleRadyoSerbisyo #DWPM630

Sinalubong ng libo-libong Pinoy ang Bagong Taon ngayong 2025 sa Rizal Park sa Maynila. Sa kabila ng ulan noong hapon ng bisperas ng Bagong taon, pumunta pa rin ang maraming pamilya para magsalo ng kanilang Media Noche at panoorin ang grand fireworks display kinagabihan. Mayroon ding concert na tampok ang ilang local artists tulad nina Unique Salonga at Jaydee bilang bahagi ng countdown sa bagong taon. #RizalPark #Luneta #NewYear #Radyo630

RADYO 630 WRAP: DECEMBER 31, 2024 Narito na ang ilan sa mga nangungunang headlines ngayong bisperas ng Bagong Taon. #Radyo630 #TeleRadyoSerbisyo #DWPM630

Dumalo ang nasa 60,000 deboto sa taunang ‘Thanksgiving Walk’ ng Minor Basilica at Nattional Shrine of Jesus Nazareno sa Quiapo, Manila, nitong hatinggabi ng Disyembre 31. Ayon sa Technical Adviser ng Quiapo Church na si Alex Irasga, tampok sa taunang thanksgiving ng simbahan ang pagpupugay at pagbibigay ng pasasalamat para sa lahat ng biyayang ipinagkaloob ng Panginoon sa pagtatapos ng taon. #Thanksgiving #Nazareno #Quiapo #Jesus #Radyo630

Sinira ng mga awtoridad ang higit 4,000 ipinagbabawal na paputok at boga o ‘PVC canon’ na nakumpiska sa magkakaibang operasyon sa Central Luzon at CALABARZON. Kabilang sa mga ito ang Piccolo, Giant Bawang, at Giant Missble Bomb na nilubog o binugahan ng tubig ng mga pulis. #Paputok #Fireworks #PNP #NewYear #Radyo630

RADYO 630 WRAP: DECEMBER 30, 2024 Narito na ang ilan sa mga nangungunang headlines ngayong araw ng Lunes. #Radyo630 #TeleRadyoSerbisyo #DWPM630

Nasawi ang 179 katao habang 2 flight attendant ang nakaligtas matapos bumulok at sumalpok sa barrier ng Muan International Airport ang isang Jeju Air plane mula Thailand patungong South Korea. Isang bird strike ang binanggit ng mga awtoridad bilang posibleng dahilan ng pag-crash. #SouthKorea #PlaneCrash #BirdStrike #JejuAirPlane #Radyo630

Narito ang panayam kay USEC Eduardo De Vega, DFA USEC for Migrant Affairs tungkol sa pagbibigay ng royal pardon sa mga kababayan nating nahuli sa Cambodia dahil sa surrogacy. #GisingPilipinas #Pinay #Surrogates #Cambodia #RoyalPardon #Radyo630

RADYO 630 WRAP: DECEMBER 29, 2024 Narito na ang ilan sa mga nangungunang headlines ngayong araw ng Linggo. #Radyo630 #TeleRadyoSerbisyo #DWPM630

Narito na ang hatid naming showbiz balita ngayong Linggo! 😊 #ShowbizBalita #Radyo630

RADYO 630 WRAP: DECEMBER 28, 2024 Narito na ang ilan sa mga nangungunang headlines ngayong araw ng Sabado. #Radyo630 #TeleRadyoSerbisyo #DWPM630

RADYO 630 WRAP: DECEMBER 27, 2024 Narito na ang ilan sa mga nangungunang headlines ngayong araw ng Biyernes. #Radyo630 #TeleRadyoSerbisyo #DWPM630

Radyo 630

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

01/01/2025

Address

Website

Alerts

Contact The Business

Videos

Shortcuts

Share

Category