Umalohokan

10/06/2026

04/06/2026

𝐒𝐚 𝐋𝐢𝐤𝐨𝐝 𝐧𝐠 𝐓𝐞𝐥𝐨𝐧: 𝐏𝐚𝐠𝐤𝐢𝐥𝐚𝐥𝐚 𝐤𝐚𝐲 𝐉𝐨𝐬𝐞 𝐑𝐚𝐟𝐚𝐞𝐥 𝐘𝐚𝐬𝐢𝐬 𝐛𝐢𝐥𝐚𝐧𝐠 𝐇𝐚𝐥𝐢𝐠𝐢 𝐧𝐠 𝐄𝐧𝐭𝐚𝐛𝐥𝐚𝐝𝐨 𝐬𝐚 𝐩𝐚𝐠𝐤𝐚𝐦𝐢𝐭 𝐧𝐠 𝐌𝐚𝐥𝐢𝐤𝐡𝐚𝐢𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥 𝐬𝐚 𝐓𝐞𝐚𝐭𝐫𝐨

​Sa tuwing tataas ang telon, isang makulay at madamdaming mundo ang bumubukas para sa mga manonood. Ngunit sa likod ng mga palakpakan, nagniningning na ilaw, at madudulang pagganap, may mga kuwento ng sakripisyo at purong talento na bihirang makita ng mga manonood. Sa pagtatampok ng dokumentaryong “Sa Likod ng Telon” ng PTV Public EYE, masusing kinilala ang sining ng teatro sa pamamagitan ng isa sa mga pambihirang kalahok at aktor ng theater festival na si Jose Rafael Yasis o kilala sa kaniyang stage name na Dion. Dito ibinahagi ni Yasis ang kaniyang makulay na paglalakbay—mula sa kaniyang mga unang hakbang sa pag-arte, ang mga hamon sa likod ng entablado, hanggang sa mga pangarap na patuloy niyang binibigyang-buhay sa bawat karakter na kaniyang ginagampanan.
​
​Ayon kay Yasis, hindi biro ang pasukin ang mundo ng sining at pagtatanghal. Ang kaniyang hilig sa pag-arte ay nagsimula lamang bilang isang simpleng interes na kalaunan ay naging isang ganap na pasyon. Sa pamamagitan ng puspusang pag-eensayo, pag-unawa sa iba't ibang emosyon, at pag-internalize sa buhay ng mga karakter, unti-unti niyang binuo ang kaniyang sariling estilo sa pag-arte—isang husay na labis ngayon na kinagigiliwan at hinahangaan ng mga manonood sa festival.
​
​Gaya ng sinumang alagad ng sining, hindi nakaligtas si Yasis sa mga bitag at hirap ng industriya. Binigyang-diin niya na hindi madaling pagsabayin ang responsibilidad sa akademiko, pagiging lider-estudyante, at aktor sa entablado. Isa ang mga matinding pagod, emosyonal na burnout, at ang pressure na gampanan nang perpekto ang isang karakter ang ilan sa mga pinakamalaking pagsubok na kaniyang kinakaharap bago humarap sa madla. Gayunpaman, hindi siya sumuko, ginagawa niya itong motibasyon upang mas mapatalas pa ang kaniyang sining sa pagganap.
​"Ang pinakamahalaga ay ang patuloy na matuto at huwag matakot sumubok ng mga bagong papel o karakter," wika niya. Dagdag pa rito, ang suporta ng kaniyang pamilya, kaibigan, mga kasamahan sa Umalohokan, at ng komunidad ng teatro ang nagsisilbing lakas niya upang patuloy na tumayo sa ilalim ng mga ilaw sa tanghalan.

​Sa pagwawakas ng panayam sa dokumentaryo, nag-iwan si Yasis ng isang makabuluhang mensahe para sa mga kabataang nagnanais ding pumasok sa larangan ng pag-arte at teatro. Ipinaalala niya na ang tunay na mahika ng pagtatanghal ay wala sa ganda ng kasuotan o rangya ng entablado. Ang mas mahalaga ay ang dedikasyon, pagiging totoo sa emosyon (authenticity), at ang kuwentong nais mong iparating sa puso ng mga manonood.
​Sa patuloy na pag-usbong at pagbuhay sa sining ng teatro, tiyak na mas marami pang kapana-panabik na pagganap at obra ang aasahan ng publiko mula kay Yasis—isang patunay na ang talento ng Pilipinong aktor, kapag hinaluan ng sipag at puso, ay tunay na nagniningning sa bawat pagbaba at pagtaas ng telon.

🎨: John Lexter Tenefrancia I Cartoonist
𝐓𝐚𝐠𝐚𝐬𝐮𝐥𝐚𝐭 𝐧𝐠 𝐋𝐚𝐭𝐡𝐚𝐥𝐚𝐢𝐧: John Frankie V. Mascarinas I Patnugot sa Lathalain

Source: PTV Public Eye

04/06/2026

𝐑𝐓𝐔 𝐚𝐭 𝐒𝐭𝐚. 𝐋𝐮𝐜𝐢𝐚 𝐇𝐒, 𝐋𝐮𝐦𝐚𝐠𝐝𝐚 𝐬𝐚 𝐌𝐎𝐀 𝐩𝐚𝐫𝐚 𝐬𝐚 𝐏𝐫𝐨𝐣𝐞𝐜𝐭 𝐃𝐄𝐂𝐈𝐏𝐇𝐄𝐑

Pormal na nilagdaan ng Rizal Technological University (RTU) at Sta. Lucia High School (SLHS) ang isang 𝐌𝐞𝐦𝐨𝐫𝐚𝐧𝐝𝐮𝐦 𝐨𝐟 𝐀𝐠𝐫𝐞𝐞𝐦𝐞𝐧𝐭 (𝐌𝐎𝐀) sa ilalim ng 𝐏𝐫𝐨𝐣𝐞𝐜𝐭 𝐃𝐄𝐂𝐈𝐏𝐇𝐄𝐑 na naglalayong palakasin ang 𝐤𝐚𝐤𝐚𝐲𝐚𝐡𝐚𝐧 𝐧𝐠 𝐦𝐠𝐚 𝐠𝐮𝐫𝐨 𝐬𝐚 𝐩𝐚𝐧𝐚𝐧𝐚𝐥𝐢𝐤𝐬𝐢𝐤 sa pamamagitan ng mga 𝐩𝐚𝐠𝐬𝐚𝐬𝐚𝐧𝐚𝐲, 𝐦𝐞𝐧𝐭𝐨𝐫𝐢𝐧𝐠, at iba pang akademikong gawain.

Sa ilalim ng programa, inaasahang makikinabang ang mga g**o at kawani ng SLHS sa mga gawaing nakatuon sa pagpapaunlad ng kanilang kasanayan sa research at pagbuo ng mga pag-aaral na maaaring makatulong sa pagpapahusay ng kalidad ng edukasyon.

Ang pagtutulungang ito ay naglalayong palakasin ang kultura ng pananaliksik sa RTU at SLHS at hikayatin ang mga g**o na makabuo ng mga pag-aaral na may positibong epekto sa pagtuturo at pagkatuto.



𝐓𝐚𝐠𝐚𝐬𝐮𝐥𝐚𝐭 𝐧𝐠 𝐁𝐚𝐥𝐢𝐭𝐚: Czarina Gozom & Claire Ann Savina Cabrera
🎨: John Paul Guzman | Pangalawang Patnugot

Source: Official RTU page
Source: Official Sta. Lucia High School (SLHS) page

01/06/2026

𝐀𝐧𝐠 𝐛𝐢𝐠𝐚𝐭 𝐧𝐠 𝐩𝐚𝐦𝐮𝐦𝐮𝐡𝐚𝐲 𝐬𝐚 𝐢𝐥𝐚𝐥𝐢𝐦 𝐧𝐠 𝐚𝐧𝐢𝐧𝐨 𝐧𝐠 '𝐒𝐚𝐲𝐚𝐧𝐠'

Ang masabihan, o ang iparamdam na “sayang,” ay isang kakaibang uri ng kasawian—isang uri ng pagkawala ng halaga o sirang ekspektasyon. Para sa mga q***r na mag-aaral, nagsimula na ang ganyang pakiramdam bago pa sila pumasok sa pintuan ng unibersidad. Nanirahan na ito sa malalim na boses tuwing nagsasalo-salo sa hapag, sa mga hindi komportableng komento tungkol sa pagpili ng kanilang pananamit, o sa pagmamahal na may kundisyon, na nabubuhay lamang sa lilim ng pagtatago.

Kapag paulit-ulit na sinasabi na ang iyong pagkakakilanlan ay may kapintasan, nagiging magaan ang pagtanggap sa sarili bilang isang kabiguan. Sinisimulan mong tratuhin ang iyong sarili bilang isang “red flag.” Ngunit ang pulang bandila ay kailanman hindi umangkin sa taong nakikipaglaban upang mamuhay nang tunay. Ang pulang bandila ay para sa bulok na sistema, sa mga institusyon, at sa mga taong nanatiling sarado—tumatangging palawakin ang kakayahan ng puso na magmahal.



🎨: John Lexter Tenefrancia I Cartoonist
𝐓𝐚𝐠𝐚𝐬𝐮𝐥𝐚𝐭 𝐧𝐠 𝐋𝐚𝐭𝐡𝐚𝐥𝐚𝐢𝐧: Iya Alvarado I Punong Patnugot

31/05/2026

“𝓨𝓪𝓶𝓪𝓷 𝓷𝓰 𝓵𝓪𝓱𝓲”

Sa bawat sulok ng ating bansang sinta,
May mga tradisyon at kulturang likha;
Ang pamana ng lahi ay ating yaman,
Na dapat ingatan ng kahit sinuman.

Sulyapan ang ganda ng lumang simbahan,
At mga kuwento ng ating kasaysayan;
Sa mga sayaw at awit na makulay,
Sining ng ninuno ay muling mabubuhay.

Ang wika at sining sa ating lipunan,
Ay patunay ng ating pagkakakilanlan;
Ito ang gabay sa bawat henerasyon,
Tungo sa maayos at magandang bukas ngayon.

Huwag nating hayaang ito ay malimot,
Sa mundong mabilis ang ikot at salot;
Ipagmalaki sa buong daigdig,
Kulturang Pilipino, itaas ang tinig.

🎨: Eden Abrantes I Tagapamahalang Patnugot
𝐓𝐚𝐠𝐚𝐬𝐮𝐥𝐚𝐭 𝐧𝐠 𝐏𝐚𝐧𝐢𝐭𝐢𝐤𝐚𝐧: Johan Alexis Adora I Patnugot sa Panitikan

29/05/2026

𝐒𝐨𝐜𝐢𝐚𝐥 𝐒𝐭𝐮𝐝𝐢𝐞𝐬 𝐃𝐞𝐩𝐚𝐫𝐭𝐦𝐞𝐧𝐭, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐌𝐚𝐚𝐠𝐚𝐧𝐠 𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚

Muling ipinakita ng mga student leaders ng Social Studies Department, kasama ang 𝐍𝐚𝐭𝐢𝐨𝐧𝐚𝐥𝐢𝐬𝐭𝐢𝐜 𝐀𝐥𝐥𝐢𝐚𝐧𝐜𝐞 𝐨𝐟 𝐒𝐨𝐜𝐢𝐚𝐥 𝐒𝐭𝐮𝐝𝐢𝐞𝐬 𝐒𝐭𝐮𝐝𝐞𝐧𝐭𝐬 (𝐍𝐀𝐒𝐒𝐒) at 𝐢𝐛𝐚 𝐩𝐚𝐧𝐠 𝐒𝐨𝐜𝐢𝐚𝐥𝐢𝐬𝐭𝐚, ang diwa ng 𝐛𝐚𝐲𝐚𝐧𝐢𝐡𝐚𝐧 at 𝐫𝐞𝐬𝐩𝐨𝐧𝐬𝐚𝐛𝐥𝐞𝐧𝐠 𝐩𝐚𝐦𝐮𝐦𝐮𝐧𝐨 sa isinagawang maagang Brigada Eskwela.

Sa bawat oras, pagod, at pagtutulungan, naipapakita na ang tunay na lider ay hindi lamang namumuno kundi handang maglingkod para sa kapakanan ng kapwa at ng paaralan.



🎨: John Paul Guzman | Pangalawang Patnugot
𝐓𝐚𝐠𝐚𝐬𝐮𝐥𝐚𝐭 𝐧𝐠 𝐁𝐚𝐥𝐢𝐭𝐚: Czarina Gozom | Patnugot ng Balita

27/05/2026

𝐒𝐚 𝐆𝐮𝐡𝐢𝐭 𝐧𝐠 𝐏𝐚𝐬𝐚𝐬𝐚𝐥𝐚𝐦𝐚𝐭:
𝐈𝐬𝐚𝐧𝐠 𝐎𝐛𝐫𝐚𝐧𝐠 𝐏𝐚𝐠𝐩𝐮𝐩𝐮𝐠𝐚𝐲 𝐤𝐚𝐲 𝐏𝐫𝐨𝐟. 𝐗𝐢𝐚𝐨 𝐬𝐚 𝐏𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐒𝐢𝐧𝐢𝐧𝐠

May mga g**o na hindi lamang nag-iiwan ng marka sa pisara at silid-aralan, kundi nagtatanim din ng malaking inspirasyon na umaabot ng ilang dekada. Para sa pintor at alagad ng sining na si Sir. Roberto Martin Sing, ang inspirasyong ito ay nagmula sa bulwagan ng Philippine Historical Association (PHA) taong 2010 hanggang 2015—mga taon kung kailan una niyang nasaksihan, narinig, at hinangaan ang mga makasaysayang panayam ng tanyag na istoryador na si Prof. Xiao Chua.

Matapos ang mahabang panahon, ang pasasalamat na matagal nang iningatan ay sa wakas nahanap ang kanyang anyo sa ibabaw ng papel.

🎨: Iya Alvarado I Punong Patnugot
𝐓𝐚𝐠𝐚𝐬𝐮𝐥𝐚𝐭 𝐧𝐠 𝐋𝐚𝐭𝐡𝐚𝐥𝐚𝐢𝐧: John Frankie V. Mascarinas I Patnugot sa Lathalain

23/05/2026

𝟏𝟔 𝐆𝐔𝐑𝐎 𝐌𝐔𝐋𝐀 𝐑𝐓𝐔 𝐁𝐎𝐍𝐈 𝐁𝐑𝐀𝐍𝐂𝐇, 𝐏𝐔𝐌𝐀𝐒𝐀 𝐒𝐀 𝟐𝟎𝟐𝟔 𝐋𝐈𝐂𝐄𝐍𝐒𝐔𝐑𝐄 𝐄𝐗𝐀𝐌𝐈𝐍𝐀𝐓𝐈𝐎𝐍 𝐅𝐎𝐑 𝐏𝐑𝐎𝐅𝐄𝐒𝐒𝐈𝐎𝐍𝐀𝐋 𝐓𝐄𝐀𝐂𝐇𝐄𝐑𝐒!

Isang panibagong karangalan ang itinala ng Kolehiyo ng Edukasyon ng Rizal Technological University (RTU) - Boni Campus matapos magtagumpay ang 16 na mag-aaral mula sa Kagawaran ng Araling Panlipunan sa kamakailang LEPT noong Marso 2026. Ang inyong tagumpay ay patunay ng inyong dedikasyon at handa nang humarap sa hamon ng pagtuturo upang magsilbing sulo sa pagbuo ng mga mapanuring kaisipan na may malalim na pagmamahal sa bayan.
Isang mainit na pagbati mula sa Umalohokan!

Mabuhay ang mga bagong G**ong Pilipino!

🎨 & ✍️: Iya Alvarado I Punong Patnugot

23/05/2026

𝐓𝐀𝐆𝐔𝐌𝐏𝐀𝐘 𝐍𝐆 𝐊𝐎𝐋𝐄𝐇𝐈𝐘𝐎 𝐍𝐆 𝐄𝐃𝐔𝐊𝐀𝐒𝐘𝐎𝐍: 𝟏𝟓𝟐 𝐍𝐀 𝐁𝐀𝐆𝐎𝐍𝐆 𝐋𝐏𝐓 𝐏𝐀𝐑𝐀 𝐒𝐀 𝐁𝐀𝐘𝐀𝐍!

Isang makasaysayan at naglalakbong pagpupugay ang ipinapaabot ng Rizal Technological University para sa tagumpay ng ating mga mag-aaral sa Marso 2026 Licensure Examination for Professional Teachers (LEPT)!
Opisyal nang ganap na mga Lisensyadong Propesyonal na G**o ang 151 na pasa mula sa Boni Campus! Ang inyong dugo, pawis, at walang sawang dedikasyon ay opisyal nang nagbunga ngayong buwan ng Mayo.

Handa nang magsilbing sulo ng karunungan, tagapagtaguyod ng mapanuring kaisipan, at inspirasyon ang ating mga bagong g**ong Pilipino para sa kinabukasan ng bansa. Saludo ang buong pamayanan ng RTU sa inyo!

🎨 & ✍️: Iya Alvarado I Punong Patnugot

23/05/2026

𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝟐𝟏 𝐁𝐚𝐠𝐨𝐧𝐠 𝐑𝐞𝐠𝐢𝐬𝐭𝐞𝐫𝐞𝐝 𝐏𝐫𝐨𝐟𝐞𝐬𝐬𝐢𝐨𝐧𝐚𝐥 𝐓𝐞𝐚𝐜𝐡𝐞𝐫𝐬 𝐧𝐠 𝐑𝐓𝐔 𝐏𝐚𝐬𝐢𝐠 𝐬𝐚 𝟐𝟎𝟐𝟔 𝐋𝐄𝐏𝐓

Isang makabuluhang tagumpay ang muling ipinagdiwang ng Kagawaran ng Araling Panlipunan ng Rizal Technological University (RTU) – Pasig Branch matapos makapasa ang 21 nitong estudyante sa 2026 Licensure Examination for Professional Teachers (LEPT).

Ang tagumpay na ito ay patunay ng kanilang sipag, tiyaga, at dedikasyon sa larangan ng edukasyon. Mula sa mga mag-aaral, sila ngayon ay ganap nang Registered Professional Teachers na handang humubog at maglingkod sa susunod na henerasyon.

Binabati ng Kagawaran ng Araling Panlipunan ang mga bagong Registered Professional Teachers mula sa RTU Pasig Branch na matagumpay na nakapasa sa 2026 LEPT. Ang inyong tagumpay ay hindi lamang personal na karangalan kundi isang inspirasyon at malaking ambag sa buong kagawaran at sa larangan ng edukasyon.

Nawa’y magsilbi kayong huwaran ng kahusayan, integridad, at pagmamahal sa pagtuturo habang patuloy ninyong tinatahak ang landas ng pagiging ganap na g**o. Sa inyo, buong puso kaming nagpapasalamat at nagpupugay.

🎨&✍🏻: John Paul Guzman | Pangalawang Patnugot