25/06/2025
16-ANYOS NA LALAKI SA MANGALDAN, PANGASINAN, PATAY MATAPOS MABANGUNGOT DAHIL SA ININOM NA ENERGY DRINK?
Nagluluksa ang mag-asawang Lorie at Marvin Abrera mula Barangay Anolid, Mangaldan, Pangasinan sa pagkamatay ng kanilang nag-iisang anak na si Mark Jolo Abrera, 16-anyos.
Ayon kay Lorie, namatay si Mark Jolo matapos umanong mabangongot dahil sa ininom nitong energy drink.
Pumasok pa sa pag-extra sa construction si Mark Jolo. Noong umaga, uminom daw ito ng sting at sinabayan ng energy drink.
Pag-uwi sa bahay, uminom ulit ito isang bote ng energy drink. Naparami rin umano ang kanyang kain ng kanin sa kanilang hapunan.
Pasado 9PM na nakatulog si Mark Jolo, nagising na lang ang mga magulang pasado 4AM nang marinig ang malakas na hilik ni Mark Jolo.
Sinubukan raw nila itong gisingin, pero hindi na magising. Naghanap sila ng mahihiram na mobile para madala sa ospital pero wala silang mahiram.
No choice ang ama na si Marvin kundi isakay sa motorsiklo ang anak para madala agad sa ospital, pero huli na ang lahat. Sa death certificate ni Mark Jolo, cardiac arrest o atake sa puso ang kanyang ikinamatay.
Kagabi, dumalaw ang Reporter ng bayan na si Russel Simorio sa burol ni Mark Jolo para makiramay. Nag-abot rin ito ng maliit na financial assistance pero hindi ito sasapat. Kailangan ng pamilya Abrera ng tulong.
