03/08/2024
AMPON
Adn a miyakaisha rakn sa PM: khapakay kon a pangaroman o mama so ampon yan?
Sayatano simbag ka an maka rangkom so katawi ron sii ko makakhikinanglanon.
Paganay ron na so kapangampon na Haram sa Islam.
Ibarat na khowa ka sa wata na phmbabawataan ka, aya dn a ptharoon ka na skai khiwataon, phakala na skai khilalaan yan a loks yan, na HARAM anan sa Islam.
Pitharo o Allah:
"ادعوهم لآبائهم هو أقسط عند الله." الآية
Maana: "Ayadn a talo niyo kiran na so mga ama iran, ka giyanan i mawntol sii ko Allah."
Ogaid; na upama ka so wata na matag ka phagoyagn, ilo ibarat, odi na knaba ilo na asar bo a miyambabawata aka, knabangka thataroa obangka wata ka makikila go katotokawan so mga loks yan, na knaba anan Haram.
Na ino khapakay a mapangaroma o mama a wata oto upama ka babay?
Aya smbag na khapakay a pangaroman yan, ka knaba niyan wata.
Asar a da maka soso a wata oto ki karoma niyan sa miniraot sa makalima, ka o makasoso ron na gyoto i kiyabaloy niyan a Haram obanyan mapangaroma.
Pitharo o Nabi ﷺ :
"الرضاعة تحرم ما تحرم الولادة." الحديث
"So kapakasoso na maphakaharam yan so maphakaharam o kambawata." Hadith
Maana: Apiyangka knaba wata o makasoso ki karomangka na miyaharam rka, apiyangka knaba pagari o makasoso ki ina aka na miyaharam rka.
Pitowa: Miyaka dakdakl a PM rakn a mga isha, na rila kano ka diko plakayan langon.
Inisurat i: Dr. Shaikh Muhd-ata Abdulkarim
