05/12/2025
DAVAO DEL SUR POLICE POLICE PROVINCIAL OFFICE , NAMAHAYAG NGA ADUNA NA SILAY PERSONS OF INTEREST SA KAMATAYON NI KAPITAN DODONG BUCOL.
Nagpagawas ug pamahayag ang Davao Del Sur Police Provincial Office(DDSPPO) nga aduna silay mga Persons of Interest , sukwahi sa unang mikatag nga balita nga nag atubang pa sila sa"blank wall" sa kamatayon ni Kapitan Bucol.
Matud sa gipagawas nga pamahayag sa Davao del Sur Police Provincial Office nga aduna na silay lead sa maong kaso ug ila nang nailhan ang mga POI nga adunay posibilidad nga adunay kalambigitan sa kamatayon sa kapitan , apan dili pa una ibutyag sa publiko alang integridad sa gipahigayon nga imbestigasyon .
Niadtong nakalabay nga Disyembre 2, miuntol ang mga suporters ni kapitan Bucol sa dihang gipamahayag sa tigpamaba sa SITG -Bucol, nga wala pay persons of interest sa gipahigayon nga imbestigasyon nga miani ug mga pagsaway sa mga suporters sa kapitan.
Sa pagkakaron namahayag ang mga kabanay sa napatay nga kapitan nga walay lubong mahitabo mintras nga dili mahatagan ug hustisya ang kamatayon ni Kapitan Dodong Bucol .
