Marikina City Today

Marikina City Today Contact information, map and directions, contact form, opening hours, services, ratings, photos, videos and announcements from Marikina City Today, News & Media Website, Marikina City.

𝐌𝐞𝐝𝐢𝐚, 𝐂𝐮𝐫𝐫𝐞𝐧𝐭 𝐀𝐟𝐟𝐚𝐢𝐫𝐬 & 𝐓𝐫𝐞𝐧𝐝𝐬

DISCLAIMER: MCT NEWS is an independent news page and is not affiliated with any local government unit (LGU), government agency, or public official.

JOEL VILLANUEVA, SUPORTADO “FIRING SQUAD” SA MGA KURAKOT SA FLOOD CONTROLSuportado ni Sen. Joel Villanueva ang “firing s...
03/09/2026

JOEL VILLANUEVA, SUPORTADO “FIRING SQUAD” SA MGA KURAKOT SA FLOOD CONTROL

Suportado ni Sen. Joel Villanueva ang “firing squad” para sa mga umano’y kurakot at sangkot sa anomalya sa flood control projects.

Sa kanyang naging pahayag sa Senate hearing sa proposed 2027 budget ng Commission on Audit, mariing nagpahayag ng galit si Villanueva laban sa mga taong umano’y nagnakaw sa pondo para sa mga proyekto kontra-baha.

Aniya:

“Maraming siraulong kurakot na dapat d’yan, talagang ako, fight ako sa firing squad eh, sa mga taong ganyan eh.”

Naging bahagi ito ng talakayan hinggil sa umano’y anomalya sa flood control projects at sa matinding epekto ng pagbaha, partikular sa Bulacan.

Samantala, nag-react naman dito ang political analyst at stand-up comedian na si Atty. Edward Chico, na nagsabing:

“Ok daw sa firing squad si Sen. Joel para sa mga sangkot sa flood control scam. At least alam na natin ang gusto niyang parusa.”

“UMIKOT ’YUNG ILOG, UMIWAS SA DAM, AT GUMAWA NG SARILING DAANAN”Ipinaliwanag ni Pangulong Ferdinand Marcos Jr. ang umano...
03/09/2026

“UMIKOT ’YUNG ILOG, UMIWAS SA DAM, AT GUMAWA NG SARILING DAANAN”

Ipinaliwanag ni Pangulong Ferdinand Marcos Jr. ang umano’y naging pagbabago sa daloy ng tubig sa isang binahang lugar sa Lubao, Pampanga, matapos maharangan ng mga debris at troso ang dam.

Ayon sa Pangulo, hindi umano mismong nasira ang dam. Sa halip, nabara ito dahil sa naipong mga debris, kabilang ang mga troso na posibleng nagmula sa illegal logging sa upstream area.

Dahil sa pagbabara, napilitang magbago ng direksiyon ang agos ng ilog.

“Umikot ’yung ilog, umiwas sa dam, at gumawa ng sariling daanan.”

Ipinaliwanag pa ni Marcos na matapos lumihis ang tubig, tinamaan nito ang isang pader o wall, dahilan upang magkaroon ng panibagong ruta ang malakas na agos at tuluyang makaapekto sa lugar.

MATAPOS ANG DETENTION, DERBY NAMAN! B**G REVILLA, TODO-HANDA SA AGIMAT BIG EVENTMuling naging aktibo sa publiko si Forme...
03/09/2026

MATAPOS ANG DETENTION, DERBY NAMAN! B**G REVILLA, TODO-HANDA SA AGIMAT BIG EVENT

Muling naging aktibo sa publiko si Former Senator Ramon “Bong” Revilla Jr. matapos ang kanyang pagkakalaya mula sa detention, nang mag-imbita para sa nalalapit na Invitational Birthday Derby – Agimat Big Event sa Cavite.

Sa kanyang social media post, sinabi ni Revilla na 12 araw na lamang bago ang event at hinikayat ang mga kalahok na ihanda na ang kanilang 10-Stag.

“Get your 10-Stag ready for the INVITATIONAL BIRTHDAY DERBY – AGIMAT BIG EVENT!”

Paalala rin niya sa mga sasali:

“Remember 1-Day Submission of All 10-Stag po tayo.”

Nakatakda ang event sa Setyembre 15 at 16, 2026, sa Cavite Coliseum.

Sa larawang ibinahagi ni Revilla, makikita siyang nakatayo sa tabi ng malaking gold-colored trophy na may disenyo ng tandang. Nakalagay sa tropeo ang “10 Stag,” “Invitational Birthday Derby,” “Agimat Big Event,” at “Champion.”

“See you, sa Cav Col mga Bossing!”

Matatandaang nakalaya si Revilla mula sa detention noong Hulyo 31, 2026, matapos makapagpiyansa ng ₱1 milyon kaugnay ng kasong malversation.

Magdiriwang si Revilla ng kanyang kaarawan sa Setyembre 25, ilang araw matapos ang nakatakdang Agimat Big Event.

**GREVILLA

“SERIOUS LUNG ILLNESS” — KARAMDAMAN NI LEGARDA, INIHAYAG NI ZUBIRIKinumpirma ni Senate Majority Leader Migz Zubiri na ka...
03/09/2026

“SERIOUS LUNG ILLNESS” — KARAMDAMAN NI LEGARDA, INIHAYAG NI ZUBIRI

Kinumpirma ni Senate Majority Leader Migz Zubiri na kasalukuyang nagpapagamot sa ibang bansa si Senator Loren Legarda dahil sa isang malubhang sakit sa baga.

Ayon kay Zubiri, nais nang makauwi ni Legarda sa Pilipinas sa lalong madaling panahon, ngunit kailangan muna nitong tapusin ang mga kinakailangang pagsusuri at medical tests.

“She wants to come home as soon as possible. Tatapusin lang niya yung tests niya,” saad ni Zubiri.

Hiningi naman ni Zubiri ang pang-unawa ng publiko sa kasalukuyang sitwasyon at kalagayan ng senadora.

MGA EMPLEYADO NG GOBYERNO, PALDO SA 2027? May dagdag-sahod na naghihintay sa mga kwalipikadong empleyado ng gobyerno sim...
03/09/2026

MGA EMPLEYADO NG GOBYERNO, PALDO SA 2027?

May dagdag-sahod na naghihintay sa mga kwalipikadong empleyado ng gobyerno simula Enero 1, 2027.

Ito ang magiging ikaapat at huling tranche ng updated salary schedule para sa mga kawani ng pamahalaan, alinsunod sa Executive Order No. 64, series of 2024.

Sa bagong salary rates, halimbawa, aabot sa ₱15,208 ang Salary Grade 1, habang ₱459,469 naman ang Salary Grade 33.

Mas mataas pa ang matatanggap depende sa Salary Grade at step ng bawat empleyado.

LITO LAPID, NANUMPA BILANG BAGONG KASAPI NG SENATE ELECTORAL TRIBUNALNanumpa ngayong Huwebes, Setyembre 3, si Senador Ma...
03/09/2026

LITO LAPID, NANUMPA BILANG BAGONG KASAPI NG SENATE ELECTORAL TRIBUNAL

Nanumpa ngayong Huwebes, Setyembre 3, si Senador Manuel “Lito” Lapid bilang bagong kasapi ng Senate Electoral Tribunal (SET) sa Korte Suprema.

Pinangunahan ni Senior Associate Justice Marvic Leonen ang panunumpa ni Lapid, bilang bahagi ng pagsisimula niya sa bagong tungkulin sa Tribunal.

Ang SET ay binubuo ng siyam na miyembro—tatlong mahistrado ng Korte Suprema at anim na senador—at siyang may hurisdiksyon sa mga usaping may kaugnayan sa halalan, returns, at qualifications ng mga senador.

Si Lapid ay kabilang sa mga senador na inihalal bilang miyembro ng SET.

FORTUNER NI TORRE, NASA KUSTODIYA NA NG LTO! MMDA PINAGSUSUMITE NG PAPELNahuli sa camera si MMDA General Manager Nicolas...
03/09/2026

FORTUNER NI TORRE, NASA KUSTODIYA NA NG LTO! MMDA PINAGSUSUMITE NG PAPEL

Nahuli sa camera si MMDA General Manager Nicolas Torre III habang gumagamit ng Toyota Fortuner na may hindi tugmang plaka sa pagdaan sa EDSA Busway.

Kinumpirma ni Torre na siya ang gumagamit ng naturang sasakyan. Ayon sa kaniya, minomonitor niya noon ang sitwasyon ng trapiko kaugnay ng roadworks sa EDSA-Guadalupe Bridge at tumutugon sa isang stalled vehicle.

Gayunman, ayon sa Land Transportation Office o LTO, hindi awtomatikong exempted ang mga government vehicle sa mga patakaran ng EDSA Busway.

Mas lumalim ang usapin nang matuklasan ng LTO na ang government plate na nakakabit sa Fortuner ay hindi tugma sa rehistro ng naturang sasakyan. Batay sa records, nakatalaga umano ang plaka sa ibang sasakyan ng MMDA.

Dahil dito, nasa kustodiya na ngayon ng LTO ang naturang Fortuner.

Inatasan din ng LTO ang MMDA na magsumite ng rehistro, official receipt at iba pang kaukulang dokumento para sa pagpapaliwanag.

Nakatakdang dinggin ng LTO ang kaso bukas, Biyernes, Setyembre 4.

TORRE, UMAMING DUMAAN SA EDSA BUSWAY: “OFFICIAL MMDA PATROL VEHICLE NA GINAGAMIT KO IYAN”Kinumpirma ni MMDA General Mana...
03/09/2026

TORRE, UMAMING DUMAAN SA EDSA BUSWAY: “OFFICIAL MMDA PATROL VEHICLE NA GINAGAMIT KO IYAN”

Kinumpirma ni MMDA General Manager Nicolas Torre III na siya ang gumagamit ng official MMDA patrol vehicle na nakuhanan ng video na dumaraan sa EDSA Busway.

“Yes, official MMDA patrol vehicle na ginagamit ko iyan, at naka-official duty tayo noong oras na iyon,” ani Torre.

Ipinaliwanag ni Torre na dumaan sila sa Guadalupe Bridge habang matindi ang traffic dahil sa roadworks at may sasakyan ding tumirik sa ibabaw ng tulay.

“Last Sunday naman, habang dumadaan kami sa Guadalupe Bridge, sobrang traffic dahil sa roadworks at may sasakyan pang tumirik sa ibabaw ng tulay. Huminto kami, bumaba ako, at tinulungan naming maialis ang sasakyan para makagalaw ang traffic.”

Binigyang-diin niya na may operational access ang mga awtorisadong patrol o enforcement vehicle habang naka-duty, ngunit kaakibat nito ang responsibilidad.

“Yes, may operational access at capability ang isang authorized patrol or enforcement vehicle habang naka-duty. Pero ang bawat operational capability ay may katumbas na obligasyon.”

Dagdag pa niya, hindi dapat gamitin ang patrol vehicle bilang personal na pribilehiyo ng isang opisyal.

“Ang patrol car ay simbolo ng presensya ng gobyerno. Hindi iyan status symbol. At lalong hindi iyan personal privilege.”

Samantala, patuloy na sinusuri ng mga awtoridad ang usapin kaugnay ng paggamit ng naturang sasakyan sa EDSA Busway.

₱106.8-M HALAGANG HINIHINALANG HIGH-GRADE MA*****NA, NASAMSAM SA YACHT SA SUBICNasamsam ng mga awtoridad ang tinatayang ...
03/09/2026

₱106.8-M HALAGANG HINIHINALANG HIGH-GRADE MA*****NA, NASAMSAM SA YACHT SA SUBIC

Nasamsam ng mga awtoridad ang tinatayang 89 kilo ng hinihinalang high-grade ma*****na na nagkakahalaga ng humigit-kumulang ₱106.8 milyon.

Narekober ang mga hinihinalang kontrabando mula sa isang sailing yacht na nakadaong sa Subic Bay Yacht Club sa Zambales noong Setyembre 2, 2026.

Patuloy namang iniimbestigahan ng mga awtoridad ang pinagmulan ng mga nakumpiskang hinihinalang ilegal na droga at kung sino ang nasa likod ng pagdadala nito.

₱54-M CONFIDENTIAL FUNDS NI BOYING, MALIIT KUMPARA SA ₱125-M NI VP SARA — TITO SENIpinagtanggol ni Senate President Vice...
03/09/2026

₱54-M CONFIDENTIAL FUNDS NI BOYING, MALIIT KUMPARA SA ₱125-M NI VP SARA — TITO SEN

Ipinagtanggol ni Senate President Vicente “Tito Sen” Sotto III ang hiling na ₱54 milyon na confidential funds ni Ombudsman Jesus Crispin “Boying” Remulla para sa 2027 national budget.

Kinuwestiyon ni Senador JV Ejercito kung bakit umabot sa ₱54 milyon ang hinihinging confidential funds ng Ombudsman, kumpara sa ₱1 milyon lamang noong panahon ni dating Ombudsman Samuel Martires.

“Bakit kailangan ng Ombudsman ng 54 million na confidential fund nung panahon ni (Ombudsman) Samuel Martires under 2024-2025, 1 million lang daw pero pinapa-realign in other items?” tanong ni Ejercito.

Ipinaliwanag naman ni Remulla ang pangangailangan para sa mas malaking pondo:

“I think we're more aggressive in pursuing investigations, Your Honor, and purchasing information, other things needed that requires confidential funds to be utilized, Your Honor.”

Dahil dito, pabirong komento ni Ejercito:

“Kaya pala natutulog noon.”

Samantala, iginiit ni Sotto na hindi kalakihan ang ₱54 milyon kung ikukumpara sa confidential funds ng ibang tanggapan ng gobyerno.

“Kung tutuusin, for what the work the Ombudsman is doing, as a matter of fact, there was 1 office of government that have 125 million, 5 times eh, for confidential funds.”

Ang pahayag ni Sotto ay iniuugnay sa dating usapin tungkol sa ₱125-milyong confidential funds ng Office of the Vice President noong panahon ni Vice President Sara Duterte.

Address

Marikina City

Website

Alerts

Be the first to know and let us send you an email when Marikina City Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Marikina City Today:

Shortcuts

Share

Category