Teacher Lita

23/07/2025

𝗛𝗮𝗯𝗮𝗻𝗴 𝘂𝗺𝗶𝗶𝗸𝗼𝘁 𝗸𝗮𝗺𝗶 𝗸𝗮𝗻𝗶𝗻𝗮 𝗽𝗮𝗿𝗮 𝗺𝗮𝗺𝗮𝗵𝗮𝗴𝗶 𝗻𝗴 𝗵𝗼𝘁 𝗺𝗲𝗮𝗹𝘀 𝘀𝗮 𝗶𝗯𝗮’𝘁 𝗶𝗯𝗮𝗻𝗴 𝗯𝗮𝗵𝗮𝗴𝗶 𝗻𝗴 𝗠𝗮𝗿𝗶𝗸𝗶𝗻𝗮, 𝗻𝗮𝘀𝗮𝗹𝘂𝗯𝗼𝗻𝗴 𝗻𝗴 𝗮𝗺𝗶𝗻𝗴 𝘁𝗲𝗮𝗺 𝘀𝗶 𝗖𝗼𝗻𝗴𝗿𝗲𝘀𝘀𝗺𝗮𝗻 𝗠𝗮𝗿𝗰𝘆 𝗧𝗲𝗼𝗱𝗼𝗿𝗼! 👋 💙

Mula noon hanggang ngayon, hands-on pa rin si Hon. Marcy bago, tuwing, at pagkatapos ng anumang kalamidad sa Marikina. Dahil sa kanyang aktibong presensya sa ground, lapat sa lupa ang kanyang mga hakbang. ✅

Bagama't hindi namin nasalubong, alam naming katuwang niya si Mayor Maan sa personal na pagtutok sa kalagayan ng mga apektadong lugar at pangungumusta sa mga taga-Marikina upang matiyak na ligtas at nasa maayos na kalagayan ang lahat.

Ganito ang mga lider na kailangan natin! Present, responsive, at tunay na may malasakit! 💙

21/07/2025

Sinusuportahan ko ang panawagang itigil na ang quarrying at mining sa Rizal. Hindi lang ito isyu ng kalikasan, ito ay isyu ng susunod na salinlahi, ng kaligtasan, ng kinabukasan. Kung hindi natin pipigilan ang pagkalbo sa kabundukan, paulit-ulit tayong mangangamba at paulit-ulit tayong mawawalan.

Magiging walang saysay ang lahat ng pagsusumikap ng lokal na pamahalaan ng Marikina, tulad ng dredging at pag-aayos ng mga daluyan ng tubig, kung hindi naman titigil ang pagkalbo sa kabundukan ng Rizal.

✍️ Pirmahan natin ang petisyon. Huwag na tayong maghintay ng susunod na Carina, Ulysses, o Ondoy.

Dapat ligtas ang mga bata. Dapat may kinabukasan sila.

𝐈𝐓𝐈𝐆𝐈𝐋 𝐀𝐍𝐆 𝐐𝐔𝐀𝐑𝐑𝐘𝐈𝐍𝐆 𝐀𝐓 𝐌𝐈𝐍𝐈𝐍𝐆 𝐒𝐀 𝐑𝐈𝐙𝐀𝐋! 𝐈𝐒𝐔𝐋𝐎𝐍𝐆 𝐀𝐍𝐆 𝐌𝐀𝐊𝐀𝐊𝐀𝐋𝐈𝐊𝐀𝐒𝐀𝐍 𝐀𝐓 𝐌𝐀𝐊𝐀𝐌𝐀𝐒𝐀𝐍𝐆 𝐒𝐎𝐋𝐔𝐒𝐘𝐎𝐍 𝐒𝐀 𝐏𝐀𝐆𝐁𝐀𝐇𝐀 𝐒𝐀 𝐌𝐀𝐑𝐈𝐊𝐈𝐍𝐀!

👉𝗣𝗨𝗠𝗜𝗥𝗠𝗔 𝗦𝗔 𝗣𝗘𝗧𝗜𝗦𝗬𝗢𝗡! https://chng.it/xRBqC7G4Gj

Kakaumpisa pa lang ng tag-ulan, ngunit muli na namang nangangamba ang mga residente sa paligid ng Marikina River dahil sa banta ng pagbaha. Wala pa man sa kategoryang bagyo si Crising nang tumama ito sa NCR, ngunit umabot na sa First Alarm ang tubig sa Marikina River.

Bagama’t may naabot ang pagsusumikap ng lokal na pamahalaan sa pamamagitan ng dredging, o ang pagpapalalim at pagpapalawak ng ilog, may malinaw itong limitasyon. Hangga’t patuloy ang pagkakalbo sa kabundukan ng Rizal, mananatiling bulnerable ang Marikina sa matinding pagbaha.

May dalawang perspektiba sa tumataas na tubig sa Marikina River: una, malaking tulong ang dredging dahil hindi umabot sa matinding antas ang baha; at pangalawa, may hangganan ang dredging, dahil kahit hindi pa bagyo si Crising, First Alarm na agad. Ibig sabihin, hindi sapat ang imprastraktura kung patuloy ang pagkasira ng ating kalikasan.

Mag-iisang taon na ang anibersaryo ng pananalasa ni Bagyong Carina sa darating na Hulyo 24. Huwag na nating hintayin pa na sa mga susunod na buwan ay muling lumubog ang Marikina at mga komunidad sa tabing-ilog. Noong 2024, lumaganap ang iba't ibang satellite images online na nagpakita ng pagkawasak ng maraming kabundukan sa Rizal sa quarrying. Panahon na para tuluyang itigil ito.

Hinahamon namin ang lokal na pamahalaan ng Marikina na magkaroon ng malinaw at matapang na tindig laban sa quarrying, lampas sa kasalukuyang mga hakbang sa imprastraktura. Ipinapanawagan din namin sa DENR na kilalanin ang papel ng quarrying bilang pangunahing dahilan ng pagbaha. Sa mahabang panahon, lalo na matapos ang Bagyong Ulysses noong 2020, binalewala ito ng dating DENR Undersecretary Jonas Leones sa pagsasabing “minimal” lamang ang epekto ng quarrying.

ITIGIL ANG QUARRYING AT MINING SA RIZAL! ISULONG ANG MAKAKALIKASAN AT MAKAMASANG SOLUSYON SA PAGBAHA!

19/06/2025

NAKABUBUHAY NA SAHOD PARA SA MGA MANGGAGAWA, ISINULONG NI KONSEHALA LITA!

Nitong Hunyo 18, 2025, nagtalumpati tayo sa session ng Konseho para idiin ang kakagyatan na maisulong ang nakabubuhay na sahod, lalo pa't naunsyami ang panukalang P200 dagdag-sahod sa Kongreso.

Ipinanawagan natin na pangunahan ng Konseho at pamahalaang lungsod ang paglulunsad ng mga konsultasyon at caucus sa hanay ng mga manggagawa para mabuo ang ihahaing panukalang wage hike bill sa 20th Congress at ang wage hike petition sa regional wage boards.

Taos-puso ang aking pasasalamat sa mga manggagawa na dumalo at nakinig sa session ng konseho na kasama natin sa laban para sa nakabubuhay na sahod!

06/06/2025

𝐁𝐮𝐤𝐚𝐬 𝐚𝐧𝐠 𝐚𝐭𝐢𝐧𝐠 𝐓𝐚𝐧𝐠𝐠𝐚𝐩𝐚𝐧🤝💧

Bilang bahagi ng 𝙋𝙚𝙤𝙥𝙡𝙚'𝙨 𝙋𝙖𝙧𝙩𝙞𝙘𝙞𝙥𝙖𝙩𝙞𝙤𝙣 𝘾𝙤𝙢𝙢𝙞𝙩𝙩𝙚𝙚, patuloy ang ating tanggapan sa pakikinig at pakikisalamuha sa iba’t ibang komunidad sa Marikina. Isa sa mga dumulog sa atin kamakailan ay ang 𝗜𝘀𝗹𝗮 𝗱𝗲 𝗟𝗮𝘁𝗮 𝘀𝗮 𝗖𝗼𝗻𝗰𝗲𝗽𝗰𝗶𝗼𝗻, na matagal nang may kinakaharap na problema sa patubig.

Matagal na nating kilala ang Isla de Lata — nakasama natin sila sa outreach program ng Batibot Early Learning Ctr kung saan nagsagawa tayo ng rights education workshop para sa mga bata noong 2024. Kaya alam natin ang hirap ng sitwasyon nila.

May patubig sila dati, pero naputulan dahil hindi nakayanan ang bayarin. Kung kaya, ngayong nasa konseho tayo, 𝗵𝗶𝗻𝗶𝗸𝗮𝘆𝗮𝘁 𝗻𝗮𝘁𝗶𝗻 𝗮𝗻𝗴 𝗸𝗼𝗺𝘂𝗻𝗶𝗱𝗮𝗱 𝗻𝗮 𝗽𝗼𝗿𝗺𝗮𝗹 𝗻𝗮 𝗺𝗮𝗴𝘀𝘂𝗺𝗶𝘁𝗲 𝗻𝗴 𝗹𝗶𝗵𝗮𝗺 𝘀𝗮 𝗮𝘁𝗶𝗻𝗴 𝘁𝗮𝗻𝗴𝗴𝗮𝗽𝗮𝗻 upang maisama sa talakayan ang kanilang problema.

Dahil sa tuloy-tuloy na konsultasyon at pagkilos ng mamamayan, napagkaisahan ang isang resolusyon upang tulungan silang muling makabitan ng tubig. 🙌

𝗣𝗶𝗻𝗮𝗴𝗽𝘂𝗽𝘂𝗴𝗮𝘆𝗮𝗻 𝗻𝗮𝘁𝗶𝗻 𝗮𝗻𝗴 𝘀𝗮𝗺𝗮-𝘀𝗮𝗺𝗮𝗻𝗴 𝗽𝗮𝗴𝗸𝗶𝗹𝗼𝘀 𝗻𝗴 𝗜𝘀𝗹𝗮 𝗱𝗲 𝗟𝗮𝘁𝗮. 𝗣𝗮𝘁𝘂𝗻𝗮𝘆 𝗶𝘁𝗼 𝗻𝗮 𝗸𝗮𝗽𝗮𝗴 𝗯𝘂𝗸𝗮𝘀 𝗮𝗻𝗴 𝘂𝗴𝗻𝗮𝘆𝗮𝗻 𝘀𝗮 𝗽𝗮𝗴𝗶𝘁𝗮𝗻 𝗻𝗴 𝗴𝗼𝗯𝘆𝗲𝗿𝗻𝗼 𝗮𝘁 𝗺𝗮𝗺𝗮𝗺𝗮𝘆𝗮𝗻, 𝗺𝗮𝘆 𝗸𝗼𝗻𝗴𝗸𝗿𝗲𝘁𝗼𝗻𝗴 𝘀𝗼𝗹𝘂𝘀𝘆𝗼𝗻 𝘀𝗮 𝗽𝗿𝗼𝗯𝗹𝗲𝗺𝗮.

07/04/2025

𝐀𝐤𝐨 𝐬𝐢 𝐓𝐞𝐚𝐜𝐡𝐞𝐫 𝐋𝐢𝐭𝐚, 𝐦𝐚𝐠-𝐚𝐚𝐩𝐚𝐭 𝐧𝐚 𝐝𝐞𝐤𝐚𝐝𝐚 𝐧𝐚𝐧𝐠 𝐰𝐨𝐦𝐞𝐧 𝐚𝐧𝐝 𝐜𝐡𝐢𝐥𝐝𝐫𝐞𝐧’𝐬 𝐫𝐢𝐠𝐡𝐭𝐬 𝐚𝐝𝐯𝐨𝐜𝐚𝐭𝐞.🌸👩‍👧‍👦

Sa loob ng halos 40 taon, naging bahagi ako ng laban para sa karapatan at kagalingan ng kababaihan at batang Pilipino. Bilang isang daycare worker sa Batibot Early Learning Ctr sa Barangay Industrial Valley sa Marikina, nakita ko ang pangangailangang tumindig at lumaban para mapabuti ang kalagayan ng mga babae at bata sa komunidad. ❤️

Isa sa nakikita kong mahalagang mapagtuunan ng pansin ay ang Early Childhood Care and Development ng iba’t ibang komunidad. Naniniwala ako na ang mga unang taon ng isang bata ay ang pinakamahalaga sa kanilang paglaki. Dito nabubuo ang pundasyon ng kanilang kaalaman, kakayahan, at pagpapahalaga sa sarili. Kaya’t napakahalaga na sa bawat komunidad, may komprehensibong programa sa pagpapaunlad ng kanilang potensyal. 🌱

Kasabay nito, mahalaga rin ang pagsuporta sa karapatan ng kababaihan. Ang mga nanay, bilang tagapangalaga, ay nangangailangan ng sapat na serbisyong pangkalusugan, disenteng kabuhayan, at proteksyon mula sa karahasan. Ang pagpapalakas sa kababaihan ay hindi lamang para sa kanilang kapakanan, kundi para rin sa kapakanan ng kanilang mga anak at ng buong komunidad.

Kaya tara na! Samahan natin ang mga babae at bata na tumitindig at lumalaban. Samahan natin sila nang mahikayat din ang iba pa na maging bahagi ng laban. 💪

𝐒𝐚𝐦𝐚𝐡𝐚𝐧 𝐧𝐢𝐲𝐨 𝐫𝐢𝐧 𝐚𝐤𝐨 𝐬𝐚 𝐢𝐬𝐚𝐧𝐠 𝐛𝐚𝐠𝐨𝐧𝐠 𝐡𝐚𝐦𝐨𝐧 𝐧𝐚 𝐭𝐢𝐧𝐚𝐧𝐠𝐠𝐚𝐩 𝐤𝐨 – 𝐚𝐧𝐠 𝐩𝐚𝐠𝐢𝐠𝐢𝐧𝐠 𝐭𝐞𝐦𝐩𝐨𝐫𝐚𝐫𝐲 𝐜𝐨𝐮𝐧𝐜𝐢𝐥𝐨𝐫 𝐧𝐠 𝐌𝐚𝐫𝐢𝐤𝐢𝐧𝐚 𝐂𝐢𝐭𝐲. Kahit sa maiksing panahon, sikapin nating mabigyang pansin ang mga serbisyo para sa kababaihan at early childhood care and development centers dito sa Marikina. 🌸👶

Sikapin nating mag-level up ang mga serbisyong ito upang mas maraming kababaihan at bata ang makinabang. 🌟