Inday frenlyn

Inday frenlyn roadtrip in masbate

Efren Bungot Delito
12/09/2025

Efren Bungot Delito

KATANGIAN NG ISANG TAO NA HINDI MO DAPAT MAHALIN, PARA MAIWASAN MO ANG PAGSISISI SA HULISa mundong puno ng mga kwento ng...
12/09/2025

KATANGIAN NG ISANG TAO NA HINDI MO DAPAT MAHALIN, PARA MAIWASAN MO ANG PAGSISISI SA HULI

Sa mundong puno ng mga kwento ng pag-ibig, hindi lahat ng pagmamahal ay dapat ipaglaban.
Minsan, ang pinakamagandang desisyon ay ang hindi ibigay ang puso mo sa taong hindi karapat-dapat.
Kaya bago mo isuko ang lahat, kilalanin mo muna ang mga katangiang dapat mong iwasan sa isang tao na gusto mong mahalin.

Huwag kang magmamahal ng isang taong nakikipagtiisan lang sayo.
Ang taong kaya kang tiisin kahit alam niyang nagtatampo o galit ka ay isang senyales na hindi siya handang intindihin ang nararamdaman mo.
Kapag ang damdamin mo'y hindi niya kayang bigyang-halaga, paano niya maibibigay ang tamang pagmamahal?

Huwag kang magmamahal ng taong galit din kapag galit ka.
Sa isang relasyon, dapat mayroong balanse.
Ang galit ay hindi sinasagot ng galit, kundi ng pang-unawa.
Kung hindi niya kayang pakalmahin ang sitwasyon at pinapairal niya rin ang init ng ulo, mas magiging komplikado ang inyong relasyon.

Huwag kang magmamahal ng taong minumura ka.
Ang pagmamahal ay dapat puno ng respeto.
Ang salitang binibitawan ng isang tao ay salamin ng kung paano ka niya pinapahalagahan.
Kung ang pagmumura ang natural niyang sagot sa'yo, hindi ito pagmamahal kundi pagpapakita ng kawalan ng respeto.

Huwag kang magmamahal ng taong hahayaan kang masaktan dahil sa kanya.
Ang tunay na pagmamahal ay nagpoprotekta at nag-aalaga.
Kung kaya niyang manahimik habang nasasaktan ka, hindi siya ang tamang tao para sa'yo.

Huwag kang magmamahal ng taong patutulogin ka ng may sama ng loob.
Ang sama ng loob na pinapasan sa magdamag ay nag-iiwan ng mabigat na damdamin kinabukasan.
Ang taon tunay na nagmamahal ay hindi hahayaang matulog ka nang may luha sa iyong mga mata.

Huwag kang magmamahal ng taong kaya kang tiisin ng buong araw nang hindi kausapin.
Ang komunikasyon ang pundasyon ng isang relasyon.
Kung hindi niya kayang magpakumbaba o gumawa ng paraan para kausapin ka, paano siya magiging katuwang mo sa mga mas mabibigat pang pagsubok?

Huwag kang magmamahal ng taong kaunting problema lang, bibitawan ka na.
Ang relasyon ay nangangailangan ng tibay at determinasyon.
Kung ang sagot niya sa bawat hamon ay ang paglayo, mas mabuting hindi ka na lamang niya sinubukang makilala.

Ang pagmamahal ay hindi palaging masaya.
Ngunit hindi rin ito dapat maging dahilan ng patuloy mong paghihirap.
Piliin mong mahalin ang taong kaya kang ipaglaban, alagaan, at respetohin hindi dahil kailangan mo, kundi dahil karapat-dapat kang mahalin ng tama!

" PAYO SA MGA MAG ASAWA"1. PAG GALIT ANG ASAWA MO, WAG MONG SABAYANKailangan isa lang ang galit, kung galit sya hayaan m...
12/09/2025

" PAYO SA MGA MAG ASAWA"

1. PAG GALIT ANG ASAWA MO, WAG MONG SABAYAN

Kailangan isa lang ang galit, kung galit sya hayaan mo sya manahimik ka. Kapag kalmado na tska kayo mag usap at wag matutulog ng magkaaway.

2. SELF CONTROL

Kailangan matuto kang kontrolin ang sarili mo. Hindi pwedeng pag galit ka mananakit ka, magsasalita ng masama o susugod ka.

3. ACCEPTANCE

Tanggpin mo kung ano ang asawa mo, pinili mo yan ginusto mo yan, kung anong pangit tanggapin mo, magtiis ka.

4. Pag may problema, PAG-USAPAN nyong dalawa, ng pamilya,

hindi ng kapitbahay, ng kaibigan at lalo na wag niyo ipost sa fb kapag magkagalit kayo. Pag may hindi pagkakasunduan, wag hayaan humantong sa sakitan at hiwalayan.

5. Pag galit sya, marami yang masasabing masasamang salita, WAG MO DIBDIBIN,
isipin mo galit lng sya, ang taong galit wala namang yang sasabihing maganda hindi ka nyan pupurihin, galit sya eh. Gawin mo pasok kanan tainga labas sa kaliwang tainga.

6. LAGING YAKAPIN ANG ASAWA AT MGA ANAK

Nakakaluwag daw yan ng dibdib nakakagamot ng sama ng loob, nakakaluwag ng problema.

7. I-APPRECIATE MO ANG ASAWA MO,

kung pogi/maganda sya sabihin mo ang pogi/ganda nya, ang bango nya, wag mo pagdudahan na kaya sya nagpapapogi/nagpapaganda dahil sa iba, mas dapat ikaw ang unang maka appreciate nun sa kanya.

8. RESPETO

Pinakamahalaga ang respeto at tiwala kaysa sa love.
Dapat yan ang kahit anong mangyari hindi mawawala sa dalawang nagmamahalan.

9. MAGING KAIBIGAN ANG ASAWA.
Masarap na ang asawa mo mismo ang kabarkada mo.

10. OPEN COMMUNICATION

Dapat lagi kayong nag uusap, dapat binabalikan nyo ung mga nakaraan nung nagliligawan pa lang kayo, dapat nag de-date pa rin kayo, hanggat maari walang kasamang anak.

Pinag uusapan ang problema hindi pinag aawayan.

Always remember, A good husband makes a good wife đŸ«°â€ïž

Alam mo, madalas akala ng iba, simple lang ang lalaki trabaho, kain, tulog, repeat. Pero sa likod ng katahimikan nila, m...
12/09/2025

Alam mo, madalas akala ng iba, simple lang ang lalaki
trabaho, kain, tulog, repeat.

Pero sa likod ng katahimikan nila, may mga bagay silang dinadala na hindi nila basta ibinubukas.
Hindi dahil mahina sila.
Kundi dahil sanay silang maging “the strong one” kahit sila mismo, may sugat na tinatago.

Ito yung limang bagay na ayaw aminin ng karamihan sa mga lalaki:

1. Fear of failure.

Oo, mukha silang confident sa labas. Pero sa loob, may takot din silang bumagsak.
Lalo na kung sila ang breadwinner, o may mataas na expectations ang pamilya. Kaya minsan, tahimik lang sila.
Pero sa isipan nila may parang group message sa daming iniisip.
Kaya dito pumapasok ang tinatawag sa Islamic psychotherapy na “cognitive pressure” yung bigat ng isip na ikaw lang daw dapat ang hindi matisod.

2. Feelings of not being enough.

Hindi lang babae ang may insecurities.
Minsan kahit anong effort ng isang lalaki, pakiramdam niya kulang pa rin.
Sa trabaho, sa relationships, at kahit sa sariling identity.
Ito yung tinatawag na “silent self-doubt” at kung hindi dadalhin sa Allah, pwede itong maging sanhi ng burnout.

3. The pressure to always be strong.

Bata pa lang, tinuro na: “Boys don’t cry.”
Kaya kahit gusto nilang umiyak, o magsabi ng nararamdaman, pipigilan nila.
Pero tandaan: ang tunay na strength sa Islam ay hindi yung walang luha, kundi yung may sabr (patience) at marunong magpakumbaba sa Allah.

4. Struggles with mental health.

Stress, anxiety, burnout pero kadalasan, tinatahimik lang.
Kasi baka sabihan silang: “Magpakalalaki ka.”
Sa Islam, hindi weakness ang umamin sa sarili na pagod ka.
Even the Prophet ï·ș himself felt sadness, stress, and fear pero ibinabalik niya sa Allah sa pamamagitan ng du’a at tawakkul.

5. Hidden dreams.

Maraming lalaki ang may pangarap na hindi pa naaabot career shift, negosyo, o simpleng travel.
Pero minsan, tinatago nila kasi pakiramdam nila wala pa silang karapatan mangarap hangga’t hindi nila natutupad ang responsibilidad nila.
Pero tandaan: sa Islam, hindi haram mangarap. Ang mahalaga, gawin mong halal ang paraan, at isuko mo ang resulta sa Allah.

Kaya para sa mga nakikinig o nagbabasang lalaki:
Hindi kahinaan ang magsabi ng “Hindi ako okay.”
Hindi kasiraan ng masculinity ang humingi ng tulong.
Sa totoo lang, ayon sa Islamic psychotherapy, ang tunay na kalakasan ay yung kayang i-acknowledge ang pain, at pagkatapos, dalhin ito sa tamang lugar sa salaah, sa du’a, at sa pagkakaroon ng healthy support system.

At para sa mga mahal natin sa buhay partner, kapatid, kaibigan, o anak tandaan: hindi porke tahimik sila, ayos na sila.
Minsan, yung katahimikan nila ay sigaw na hindi natin naririnig.

Kaya bro, always remember: You don’t have to carry it all alone.
Ang tunay na lalaki, hindi yung walang iniinda
kundi yung marunong magtiwala sa diyos at marunong magsabi ng,
“Yes diyos ko hindi ko kaya mag-isa.”

“Alam mo kung bakit laging may banggaan ang magulang at anak?Kasi ang magulang, dumaan na sa hirap at maling desisyon......
31/08/2025

“Alam mo kung bakit laging may banggaan ang magulang at anak?

Kasi ang magulang, dumaan na sa hirap at maling desisyon...
Gusto nilang iligtas ang anak sa parehong sakit na dinanas nila.

Pero ang anak?
Laging feeling alam na ang lahat.
Laging iniisip na outdated ang payo,
na hindi na bagay sa panahon.
Ang hindi naiintindihan ng mga kabataan,
ang payo ng magulang,galing sa sugat at karanasan,
hindi lang sa salita.

At oo, minsan nagkakamali rin ang magulang.
Minsan makulit,
minsan paulit-ulit,minsan parang kulang sa pang-unawa.
Pero isipin mo rin...sino ba ang walang tigil na nagtatrabaho para may makain ka?
Sino ba ang nag-aalala sa’yo kahit dis-oras ng gabi?
Sino ba ang unang nagtatanggol sa’yo kapag lahat na ng tao iniwan ka?
Hindi barkada, hindi tropa, hindi kaibigan.. kundi magulang mo.

At para sa mga magulang...
Minsan kailangan din nating tandaan na hindi lahat ng desisyon ng anak ay masama.

Minsan kailangan natin silang hayaan matuto sa sarili nilang paraan.
Ang problema, parehong kampo gusto laging tama. Anak na ayaw magpatalo,magulang na ayaw magkamali.
Kaya imbes na magtulungan, nagbabanggaan.

Pero sa dulo, tandaan natin...
Magulang at anak hindi dapat magkalaban.
Hindi ito kompetisyon ng tama o mali.
Ito ay relasyon na dapat nagtutulungan.

Ang payo ng magulang at ang boses ng anak dapat magsanib, hindi magbanggaan.
Kasi kapag nawala na ang isa,
doon mo lang marerealize kung gaano kahalaga ang presensya at pagmamahal na hindi na maibabalik pa.

‎

“Mga Magulang...Mag-ipon din kayo.”Masakit mang aminin pero totoo...hindi lahat ng anak,kahit gaano kalaki ang sakripisy...
31/08/2025

“Mga Magulang...Mag-ipon din kayo.”

Masakit mang aminin pero totoo...
hindi lahat ng anak,
kahit gaano kalaki ang sakripisyo ninyo, ay kayang tumbasan o kaya’y ipagpatuloy ang pag-aalaga kapag kayo’y tumanda na.

Kasi ang realidad,
May mga anak na mababait at maalalahanin

pero meron ding mga anak na nagiging madamot sa magulang.
Lalo na kapag may sarili na silang pamilya, gastos, at prayoridad.

May mga anak na nakakalimot.
Kapag sila’y nakaangat na,
minsan ang magulang na dati nilang sandigan, nagiging huling-iniisip na lang.

May mga anak na kapag humingi ka ng tulong, iniisip na pabigat ka na.
May mga anak na mas inuuna ang luho,
kesa ang kumustahin kung may gamot ka pa ba o kung kumain ka na ba.

Kaya mga magulang, habang malakas pa, matuto kayong magtabi.
Hindi para sa luho.
Hindi para sa yabang.
Kundi para sa “panahon ng kahinaan”
na tiyak darating.
Kasi tandaan ninyo...ang katawan hihina,
ang lakas mawawala,
at ang dating malakas magtrabaho,
darating sa puntong hindi na kayang kumilos.

At doon susubukin ang lahat.
Kung wala kang ipon, at nakadepende ka lang sa awa ng anak.
Paano kung wala silang maibigay?
Paano kung hindi nila kayang ibigay?
O mas masakit, paano kung ayaw nilang magbigay?

Hindi ito tungkol sa kawalan ng tiwala sa anak.
Ito’y tungkol sa paghahanda para hindi maging pabigat.

Totoo, responsibilidad ng anak ang mag-alaga sa magulang.
Pero sa tunay na buhay,hindi lahat gumagawa nito.
At kung sakali man na maalaga at maalalahanin ang mga anak mo
mas magaan pa rin sa puso na meron kang sariling nakahanda.

📌Munting-Aral.

Ang pinakamagandang maipapamana ng magulang sa anak ay hindi lang edukasyon o bahay, kundi ang halimbawa ng pagiging handa at responsable sa sarili nilang pagtanda.
At sa mga anak naman kung may Nanay at Tatay ka pa, alalahanin mo...walang “pabigat” na magulang.
Sila ang dahilan kung bakit ka may buhay ngayon.
Kung dumating man ang araw na sila’y humina, huwag mong hayaang maramdaman nila na sagabal sila sa mundo.

Darating talaga yung araw na mag-aaway kayo araw-araw. Darating yung time na puro galit na lang yung mangingibabaw. Mins...
31/08/2025

Darating talaga yung araw na mag-aaway kayo araw-araw.

Darating yung time na puro galit na lang yung mangingibabaw.

Minsan aabot pa sa punto na pareho niyo nang gustong umayaw.

Walang intindihan ng side, walang may gustong magbaba ng pride.

Tipong pag-aawayan niyo kahit sobrang liit na bagay.
Hanggang sa dun na lang kayo masanay.
Tipong konting mali lang away agad automatic.

Ganun yung pakiramdam ng relasyon na sobrang toxic.
'Yan yung bagay sa relasyon na hindi natin pwedeng takasan.
Lahat nagdadaan sa ganyan.

Wala kasing relasyong perpekto. Lahat ng relasyon umaabot sa ganitong punto.
Pero ito kasi yung punto, kapag kasi nag-stay tayo sa isang tao dun tayo mas natututo. Hindi mo ba napapansin?

Kahit palagi kayo magkaaway ng partner mo kayo pa din?
Normal lang naman kasi yun kung tutuusin.
Malaking tulong ba talaga yung hiwalayan?
Kapag ba nakakilala ka ng iba hindi mo ba yun mararanasan?

Nagegets mo ba yung punto?
Na kahit sino pang maging jowa mo, aabot at aabot kayo sa punto na palagi kayong magtatalo.

Kaya kung sino ang sumuko, siya yung talo.
Iniisip kasi nila na hindi nila mararanasan yung away-bati sa ibang tao. Kaya sana maintindihan niyo na hindi solusyon ang pagsuko kapag hindi niyo na maintindihan partner niyo.

Hindi na tayo mga bata, wag niyong gawing solusyon sa problema ang pakikipaghiwalay.
Tandaan niyo, walang relasyon na walang away.
Wala ring away kung walang pasaway.

‘NANINIWALA AKO NA HINDI KAYANG BAGUHIN NG ASAWA YUNG ASAWA NIYA. ANG PAGBABAGO, MANGGAGALING MISMONG SA SARILI MO.’Kahi...
31/08/2025

‘NANINIWALA AKO NA HINDI KAYANG BAGUHIN NG ASAWA YUNG ASAWA NIYA.
ANG PAGBABAGO, MANGGAGALING MISMONG SA SARILI MO.’

Kahit anong pakiusap o sakripisyo, kung ayaw talagang magbago ng tao, walang mangyayari.
You can inspire, pero hindi mo hawak ang desisyon nila.
Kasi at the end of the day, choice nila kung pipiliin nilang ayusin ang sarili nila.

Maraming relasyon ang nasisira dahil umaasa tayo na kaya nating baguhin ang partner natin.
Pero love is not about control, it is about acceptance and growth. Hindi mo trabaho ayusin ang isang taong ayaw ayusin ang sarili niya.

Kung mahal ka niya, kusa niyang gagawin ang pagbabago.
Hindi dahil pinilit mo, kundi dahil pinili niyang maging mas mabuting tao para sa relasyon niyo.
Doon mo malalaman kung sincere ang pagmamahal niya.

Kapag ikaw lang ang laging nag-aadjust, darating ang punto na mapapagod ka.
Hindi kasi pwedeng ikaw lang ang lumalaban habang siya ay walang ginagawa. A healthy relationship takes two, hindi lang isa.

Tandaan mo, hindi mo hawak ang ugali ng partner mo, pero hawak mo kung mananatili ka o lalayo.
Huwag mong sayangin ang sarili mong kapayapaan sa taong ayaw magbago.
Minsan, ang tunay na pagmamahal ay yung marunong ding mag-let go.

HUWAG KANG HUMANAP AT MAGMAHAL NG IBA PARA PUNAN ANG PAGKUKULANG NG IYONG ASAWA 💔Tunay naman talaga ang kasabihan na lag...
30/08/2025

HUWAG KANG HUMANAP AT MAGMAHAL NG IBA PARA PUNAN ANG PAGKUKULANG NG IYONG ASAWA 💔

Tunay naman talaga ang kasabihan na laging nasa huli ang pagsisi, kaya habang malakas ka pa?
pakamahalin mo ng buong puso ang iyong asawa.

Maaaring marami siyang pagkukulang,
mga bagay na hindi niya lahat maibibigay.
Pero sa huli, asawa mo parin siya, at Asawa mo ang pinaka-unang taong dadamay at karamay mo sa lahat ng problema.

hindi sagot ang maghanap ng iba para punan ang pagkukulang ng iyong Asawa.

Tapos pag hindi mo na kaya,
kapag hindi nagwork yung relationship nyo ng bago mo iiwan mo nanaman.
Pag hindi na naman masaya sa bago mo babalik ka ulit sa asawa mo?

WALANG GANON, AT HUWAG GANON‌

Habang kumakapit pa ang Asawa mo at umaasang magbabago ka, magbago ka na dahil ang lahat ng pagmamahal at pagtitiis ay may hangganan at may katapusan.

wag na wag mong hintayin na tuluyan na siyang mapagod at kusa nalang siyang bumitaw.

Kaya nga maswerte ka kung nandyan parin Ang asawa mo,
kung nandyan padin siya sa kabila ng lahat ng pagkakamali mo at mga pagkukulang mo sa kanya.

MAY MGA SAKIT NA HINDI KAYANG PAWIIN NG ISANG YAKAP LANG,
MAY MGA SUGAT NA HINDI KAYANG PAGHILUMIN NG SALITANG PAGPAPATAWAD!

HUWAG MONG ANTAYIN MAGING HULI ANG LAHAT.
HANGGA'T KAYA MONG AYUSIN, AYUSIN MO ANG BUHAY AT PAMILYANG BINUO MO.

"Nakakalungkot isipin na maraming kabataan ngayon, nawawala na ang respeto sa magulang."Kapag pinapangaralan ka, makinig...
16/08/2025

"Nakakalungkot isipin na maraming kabataan ngayon, nawawala na ang respeto sa magulang."

Kapag pinapangaralan ka, makinig ka.
Hindi yung magdadabog, magmamatigas, o mag-aalburuto pa.

Kung mahal mo talaga ang magulang mo,
marunong kang makinig sa sinasabi nila.
Yung mga payo nila—iyan ang magtuturo sa’yo ng tama at maghahanda sa’yo para sa buhay.
Swerte ka kung may magulang na handang pagalitan ka,
kasi ibig sabihin mahal ka nila at ayaw ka nilang mapahamak.

Tandaan mo:

Hindi ka nila pagsasabihan ng masakit kung wala kang ginagawang mali sa paningin nila.

Nasasaktan ka?

Pero ang naiisip mo agad ay maglayas?
Bago mo gawin ‘yan, isipin mo muna—yung sakit na nararamdaman mo, mas maliit ‘yan kumpara sa sakit na mararamdaman nila kapag iniwan mo sila.

Kapag ginawa mo ‘yan, para mo na ring sinabi sa kanila na hindi ka takot mawala sila, at wala kang respeto sa lahat ng sakripisyong ginawa nila para sa’yo.
Masakit yun para sa magulang na ang gusto lang ay madala ka sa tamang landas.

Isipin mo rin:

Darating ang araw, ikaw naman ang magiging magulang.
At baka yung sakit na binigay mo sa magulang mo ngayon, maramdaman mo rin sa magiging anak mo.

Kaya bata, habang may panahon pa—igalang, pahalagahan, at mahalin mo ang magulang mo.

Hindi habang buhay nandiyan sila para gabayan ka.

Regina Mercader Delito
Renz Mercader Delito
Reymart Delito

“Minsan bigla ka nalang maiiyak.”kapag Naisip mo na napagalitan mo ang anak mo ng dahil sa kakulitan nila đŸ˜„Minsan nawawa...
16/08/2025

“Minsan bigla ka nalang maiiyak.”

kapag Naisip mo na napagalitan mo ang anak mo ng dahil sa kakulitan nila đŸ˜„
Minsan nawawalan tayo ng pasensya sa kanila ng dahil minsan naghahalo-halo yung emosyon na nararamdaman natin.
pagod puyat,pagbubudget ng pera,
problema at di matapos tapos na gawaing bahay!
Kaya minsan di natin sinasadya napapagalitan,
nasisigawan at nawawalan tayo ng pasensya sa kanila. đŸ˜©đŸ˜­
Minsan maaawa ka nalang kapag tulog na sila at nakayakap sayo.

Napaka inosente nila đŸ„č
Kaya maiiyak ka nalang dahil naguguilty ka,
Pero hindi ibig sabihin dumadaan tayo sa times na yun.
Hindi ibig sabihin masamang nanay kana.

Kaya sa mga mommies, Big Hug đŸ«‚
Your doing great, you are a good mother.

Minsan dumadaan din tayo sa mga araw na nauubos at napapagod tayo at normal yun satin bilang tao.

Keep fighting.😉

BUHAY MAG-ASAWA đŸ„°âTotoo nga yung sabi ng mga nakatatanda na, malalaman mo ang ugali ng Partner mo pag magkasama na kayo ...
02/08/2025

BUHAY MAG-ASAWA đŸ„°

❝Totoo nga yung sabi ng mga nakatatanda na, malalaman mo ang ugali ng Partner mo pag magkasama na kayo sa iisang bubong.
Dun nyo malalaman yung mga weakness and strength ng isat-isa.
Dun nyo mare-realize na, ito pala yung taong pinili ko makasama habangbuhay.

Hindi laging masaya, hindi laging may kilig, hindi laging sweet.
Lalo nang hindi araw-araw ay mahal.
Totoo yung staying in love is a choice,
kasi ang love na nararamdaman mo ay hindi yan forever, Hindi perpekto ang relasyon ng mag-asawa, madalas pa nga magtalo o mag-away kesa maglambingan.

Walang mag-asawa ang hindi nagtatalo o hindi nagkaka-intindihan.
Staying in love with your partner is a choice.
A choice you have to choose again and again.

Minsan nakakapagod, mahirap, nakakasawa pero at the end of the day mas lamang parin ang pagmamahal, masasayang araw at mga pangarap na meron kayong dalawa.
Gaano man kahirap ang buhay, basta hawak kamay nyong lalagpasan lahat, naniniwala ko, balang araw, aayon din ang panahon.

Kaya ako?
ikaw lang mula noon, ikaw din hanggang ngayon at ikaw pa din hanggang sa mga susunod pang taon.❞

Address

Purok 7 Sitio Impapanan Armenia
Masbate
5402

Telephone

+639061428507

Website

Alerts

Be the first to know and let us send you an email when Inday frenlyn posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Inday frenlyn:

Shortcuts

Share

Category