01/02/2026
Senador, ROBIN PADILLA nanawagan ng pag-iingat sa gitna ng tensyon sa West Philippine Sea.
NAGBABALA si Senador Robin Padilla sa mga bumabatikos sa Chinese Embassy, sinabing baka mapikon ang China at mauwi ito sa pananakop sa Pilipinas. Ibinahagi niya ang pahayag sa kanyang opisyal na Facebook account sa gitna ng palitan ng maaanghang na salita sa pagitan ng mga Chinese diplomat at ilang opisyal ng pamahalaan.
Ayon kay Padilla, dapat maging maingat ang mga Pilipino sa kanilang mga pahayag dahil maaaring magdulot ito ng mas malalang sitwasyon. Sa kanyang post, ipinakita rin ang isang video kung saan umaawit siya ng “Pilipinas Kong Mahal” kasama ang ilang kalalakihan sa bangka, bilang mensahe na mas mahalaga ang aksyon kaysa salita.
Hindi rin lumagda ang senador sa resolusyon ng Senado na kumokondena sa Chinese Embassy kaugnay ng isyu.
