12/07/2025
𝗗𝗥𝗜𝗩𝗘𝗥'𝗦 𝗟𝗜𝗖𝗘𝗡𝗦𝗘 𝗠𝗔-𝗥𝗘𝗡𝗘𝗪 𝗡𝗔 𝗢𝗡𝗟𝗜𝗡𝗘
Mahimo na nga mag-renew sa ilang driver’s license online ang mga motorista human opisyal nga gilusad sa Land Transportation Office (LTO) ang Online Driver’s License Renewal System (ODLRS) pinaagi sa eGovPH mobile app niadtong Huwebes.
Matud ni LTO Chief, Assistant Secretary Atty. Vigor D. Mendoza II tinguha nilang mapadali ug mapasayon ang transaksyon sa mga kliyente bisan nga anaa ra sila sa ilang mga panimalay o opisina.
Aron maka-avail niining digital transaction, ang kliyente sa LTO kinahanglang mag-download ug mag-install sa eGovPh app sa ilang mga cellphones nga anaa sa App Store ug Google Play.
Ang app magkinahanglan og security verification aron mapanalipdan ang ilang account. Sa higayon nga ma-install na ang eGovPh app ug andam nang gamiton.
Matud pa ni Mendoza nga aron maseguro nga paspas ug walay hasol nga online application, mas maayo nga ang mga motorista mokuha una sa mosunod nga mga requirements nga i-upload atol sa online transaction process sama sa Telemedicine Medical Examination; Online Driver's Enhancement Program (ODEP); ug ang lima ka oras nga online education program.
Kun makompleto kini ug mapasa, pwede nang mobayad sa renewal fee pinaagi sa pagpili og payment gateway.
Si Mendoza miingon nga ang malampuson nga transaksyon nagpasabot nga ang driver’s license na-renew na, ug midugang nga ang Electronic Driver’s License awtomatik usab nga mamugna ug makita kini sa eGov App. Matud pa niya e-license balido sama sa physical card o license ID card.
𝗖𝗹𝗶𝗰𝗸 𝘁𝗵𝗲 𝗹𝗶𝗻𝗸 𝗳𝗼𝗿 𝗱𝗲𝘁𝗮𝗶𝗹𝘀:
https://www.philstar.com/banat/balita/2025/07/12/2457413/drivers-license-ma-renew-na-online
𝗡𝗲𝘄𝘀 𝗖𝗿𝗲𝗱𝗶𝘁: Gie-Ann Tapic - Banat
𝗟𝗶𝗻𝗸: https://www.philstar.com/banat/balita/2025/07/12/2457413/drivers-license-ma-renew-na-online
𝗣𝗵𝗼𝘁𝗼 𝗖𝗿𝗲𝗱𝗶𝘁: autodeal.com (for presentation only)
𝗟𝗶𝗻𝗸: https://www.autodeal.com.ph/articles/car-features/philippine-drivers-license-guide-everything-you-need-know
𝗣𝘂𝗯𝗹𝗶𝘀𝗵𝗲𝗱: July 12, 2025
✍️ 𝙅𝙤𝙝𝙣 𝙑𝙞𝙣𝙘𝙚𝙣𝙩 𝘿𝙖𝙫𝙚𝙙 𝙊𝙡𝙞𝙡𝙖
