25/09/2025
🙏🙏
𝙋𝙍𝘼𝙔 𝙁𝙊𝙍 𝘽𝙄𝘾𝙊𝙇🙏🙏
ORATIO IMPERATA
Mamomòton na Amâ,
Kaglalang asin Kagurangnan kan gabos,
an saimong providencia nagpapadanay kan kinâban asin
an saimong kadonongan nag-aantabay sa kalikasan.
Mapakumbaba kaming nag-aarang saimo na ilikay kami sa nagdadangadang na paghumâ nin bagyo, na sangkoban mo kami sa gabos na katibaadan, asin pakulpaon mo an gabos na bagyo nin buhay na naghuhumâ samô.
Magi man kaming ligtas sa mga mamomoton mong kamot, mag-ugid kan saimong Kabôtan sa gabos niamong inaagihan sa buhay, asin saimo maglingkod kaming pinaniwalaan kan saimong linalang, may pusong nagpapasalamat.
O Virgen nin Peñafrancia, samuyang Inâ, pamibian kami; kugosa kami kan saimong manto nin pagkamoot asin likayan kami sa gabos na kalamidad.
Ini hinahagad mi ki Jesu Cristo
samong Kagurangnan,
kasarô kan Espiritu Santo.
Amen.
