https://www.facebook.com/627477397113787/

BCFI-Pristine High School Department, Molave (2025)

31/08/2025

𝗦𝗜𝗥-𝗜𝗢𝗨𝗦𝗟𝗬 𝗠𝗔'𝗔𝗠𝗨𝗦𝗜𝗡𝗚 | Ngayong Buwan ng Wika, siyempre, todo effort si Ma'am na ipakita sa klase ang kahalagahan ng ating sariling wika. Kaya, ang activity: gumawa ng sanaysay upang maipakita ang pagmamahal sa wikang Filipino. Pero, sa bawat classroom ay meron talagang estudyanteng may kakaibang lakas ng loob - at nagtanong: "Ma'am, pwede English?" Ayun, nabigla ang buong klase sabay ang pagkulo ng kanilang tawa!

Hindi naman nagpatalo si Ma'am at may sagot na swak na swak sa tema: "Filipino time ngayon - kaya kahit utot mo, dapat naka-Filipino pa rin!" Buhay na buhay ang diwa ng Buwan ng Wika, hindi lang sa mga tula, sayaw, o sanaysay, kundi pati narin sa mga simpleng bagay, kagaya ng birong ito, na nagpapaalala sa atin kung gaano kahalaga ang ating sariling wika. Kaya, ngayong buwan, ipagmalaki natin ang pagiging Pilipino maging sa salita, gawa, at kahit sa mga utot na dapat naka-Filipino!

Mga salita ni Carlos Alforque
Guhit ni Marian Denosca

31/08/2025

𝗜𝗡 𝗩𝗜𝗗𝗘𝗢 | Mabuhay ang Wikang Filipino!

Sa temang “𝘗𝘢𝘨𝘭𝘪𝘯𝘢𝘯𝘨 𝘴𝘢 𝘍𝘪𝘭𝘪𝘱𝘪𝘯𝘰 𝘢𝘵 𝘒𝘢𝘵𝘶𝘵𝘶𝘣𝘰𝘯𝘨 𝘞𝘪𝘬𝘢: 𝘔𝘢𝘬𝘢𝘴𝘢𝘺𝘴𝘢𝘺𝘢𝘯 𝘴𝘢 𝘗𝘢𝘨𝘬𝘢𝘬𝘢𝘪𝘴𝘢 𝘯𝘨 𝘉𝘢𝘯𝘴𝘢”, ipagdiriwang natin ang Buwan ng Wika 2025 sa pamamagitan ng makukulay na pagtatanghal, malikhaing sanaysay at poster, at masigabong patimpalak na nagpapatunay sa galing at talino ng kabataang Pilipino.

Mula sa masuhay na pagtatanghal sa mga paborito nating personalidad, sa karisma at talino ng mga Lakan at Lakambini, hanggang sa mga likhang-sining na pumukaw sa damdamin ng lahat at sa pagmamahal natin sa bayan. Tunay na buhay na buhay ang ating pagkakakilanlan bilang mga Pilipino.

Hindi lang ito pagdiriwang dahil ito rin ay paalala na ang ating wika ay sumasalamin sa ating kasaysayan at ugat ng ating pagkakaisa. Kaya't sama-sama nating itaguyod, ipagmalaki, pahalagahan, at mahalin ang ating wikang Filipino - wika ng puso, wika ng bayan, at wika ng pagkakaisa!

Mga salita at bidyu ni Carlos Alforque
Korespondente Prince Angelu Ermac

30/08/2025

𝗘𝗞𝗦𝗘𝗡𝗔 𝗖𝗛𝗥𝗢𝗡𝗜𝗖𝗟𝗘𝗦 | “𝘚𝘢𝘯𝘢 𝘢𝘭𝘭 𝘱𝘢𝘴𝘢𝘥𝘰 𝘴𝘢 𝘊𝘩𝘦𝘮𝘪𝘴𝘵𝘳𝘺… 𝘢𝘬𝘰 𝘬𝘢𝘴𝘪 𝘩𝘢𝘯𝘨𝘨𝘢𝘯𝘨 𝘉𝘪𝘰𝘭𝘰𝘨𝘺 𝘯𝘢 𝘭𝘢𝘯𝘨, 𝘱𝘶𝘳𝘰 𝘬𝘪𝘭𝘪𝘨 𝘴𝘢 ‘𝘤𝘩𝘦𝘮𝘪𝘴𝘵𝘳𝘺’ 𝘯𝘨 𝘪𝘣𝘢.”

Habang todo focus ang lahat sa bonggang presentasyon ng Lakandiwa at Lakambini, may isang STEM student na 𝘤𝘢𝘶𝘨𝘩𝘵 𝘪𝘯 4𝘬 na mas abala pa sa pagiging 𝘤𝘦𝘳𝘵𝘪𝘧𝘪𝘦𝘥 𝘢𝘶𝘥𝘪𝘦𝘯𝘤𝘦 of the year. Ang ngiti niya? Parang may libreng ice cream sa canteen.

Sa sobrang tuwa, para bang nakakita ng KDrama live—“𝙐𝙮, 𝙗𝙤𝙡𝙖 𝙧𝙖 𝙣𝙖 𝙞𝙡𝙖𝙣𝙜 𝙘𝙝𝙚𝙢𝙞𝙨𝙩𝙧𝙮, 𝙙𝙞𝙡𝙞 𝙣𝙖 𝙞𝙢𝙤𝙣𝙜 𝙡𝙤𝙫𝙚 𝙡𝙞𝙛𝙚!”

Mapapa sabi ka nalang talaga ng: minsan mas mahirap i-solve ang 𝘚𝘈𝘕𝘈 𝘈𝘓𝘓 kaysa sa kahit anong exam.

- Luns

30/08/2025

𝗣𝗔𝗡𝗚𝗚𝗔𝗣

Init ng pagmamahal, nais kong maranasan
dumating sa puntong ikaw ay nan'diyan.
Ngunit ako'y di hilig sa aking anyo,
kaya't napilitang magbalatkayo.

Sa maikling panahon tayo'y naging masaya,
at naibahagi ang damdamin sa ibang nga lang hitsura.
Nasasabik ka tuwing may mensaheng galing sa'kin,
habang ako rito'y sobrang naiilang na.

"Mali 'to"--Laging bulong ng aking damdamin,
hindi na'to tama sa aking paningin.
Gustong-gusto ko maging totoo sa' yo,
Subalit 'di mapigilan ang umaapaw na pagmamahal ko.

Nang iyong nalaman ang katotohanan,
pilit paring ipagpatuloy ang pagmamahalan.
Hindi makapaniwala, ako'y nabigla, saloobin ay puno ng saya,
pero alam kong pagod na at parang nag-iba.

Kaya'y tinatagan ang loob at binigkas ang mga salitang-"tigil na natin 'to",
masakit ngunit ang relasyong ito'y magiging sakit lamang sa ulo.
Salamat sa lahat ng iyong mga nagawa,
sapagkat dito na magtatapos ang ating panata.

Mga Salita ni Hamida Enar

30/08/2025

𝗜𝗡 𝗩𝗜𝗗𝗘𝗢 | 𝘞𝘪𝘬𝘢 𝘯𝘨 𝘉𝘢𝘺𝘢𝘯, 𝘛𝘪𝘯𝘪𝘨 𝘯𝘨 𝘗𝘢𝘨𝘬𝘢𝘬𝘢𝘪𝘴𝘢: 𝘐𝘴𝘪𝘯𝘢𝘣𝘶𝘩𝘢𝘺 𝘯𝘨 𝘉𝘊𝘍𝘐 𝘢𝘯𝘨 𝘋𝘪𝘸𝘢 𝘯𝘨 𝘈𝘨𝘰𝘴𝘵𝘰

Isang makulay at makabuluhang pagdiriwang ng Buwan ng Wika 2025 ang isinagawa sa Blancia College Foundation, Inc. noong Agosto 29, 2025, na tunay na nagpamalas ng pagmamahal sa sariling wika at kultura. Sa temang “𝘗𝘢𝘨𝘭𝘪𝘯𝘢𝘯𝘨 𝘴𝘢 𝘍𝘪𝘭𝘪𝘱𝘪𝘯𝘰 𝘢𝘵 𝘒𝘢𝘵𝘶𝘵𝘶𝘣𝘰𝘯𝘨 𝘞𝘪𝘬𝘢: 𝘔𝘢𝘬𝘢𝘴𝘢𝘺𝘴𝘢𝘺𝘢𝘯 𝘴𝘢 𝘗𝘢𝘨𝘬𝘢𝘬𝘢𝘪𝘴𝘢 𝘯𝘨 𝘉𝘢𝘯𝘴𝘢,” naging layunin ng programa na paigtingin ang pagkilala sa wikang Filipino bilang mahalagang bahagi ng ating pagkatao at pagkabansa.

Ang selebrasyon ay hindi lang paggunita—ito ay pagdiriwang, pagbabalik-tanaw, at panata. Panata na sa BCFI, ang Filipino at mga katutubong wika ay hindi kailanman malilimutan, bagkus ay isasabuhay, ipagmamalaki, at ipaglalaban bilang tulay ng pagkakaisa at pag-unlad ng bayan.

Mga salita ni Ayessa Gella
Bidyu ni Sasha Andea

30/08/2025

𝗕𝗮𝗻𝘀𝗮𝗻𝗴 𝗡𝗮𝗴𝗸𝗮𝗸𝗮𝗶𝘀𝗮-𝗣𝗮𝗴𝗹𝗶𝗻𝗮𝗻𝗴 𝘀𝗮 𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗞𝗮𝘁𝘂𝘁𝘂𝗯𝗼𝗻𝗴 𝗪𝗶𝗸𝗮

Ipinagdiriwang ng Blancia College Foundation Incorporated ang Buwan ng Wika 2025 na may temang “Paglinang sa Filipino at sa Katutubong Wika: Makasaysayan sa Pagkakaisa ng Bansa” ngayong Agosto 29, 2025.

Ang ating sariling wika ay nagsisilbing instrumento upang maipapahayag ang kultura, kasaysayan, at pagkakaisa ng sambayanang Pilipino. Ang paglinang
natin sa ating wika ay ang tulay sa atin na nagdudugtong sa ating pagkakaiba– ito ay patuloy nating linangin at wag kalimutan sapagkat dahil dito, tayo'y maituturing na taong makabayan.

Sama-sama nating tunghayan, ipagmalaki at pagyamanin ang ating wikang Filipino at mga katutubong wika bilang susi sa pagkakaisa at pagkakakilanlan ng ating bansa.

Mga Salita ni Jane Dagohoy
Kuhang Larawan nina Ayessa Gella, Hershiey Tagaro at Mariebelle Filipino
Edit ni Alger Pejo

29/08/2025

"𝗪𝗶𝗸𝗮 𝗮𝗻𝗴 𝗨𝗴𝗮𝘁, 𝗣𝗮𝗴𝗸𝗮𝗸𝗮𝗶𝘀𝗮 𝗮𝗻𝗴 𝗕𝘂𝗻𝗴𝗮: 𝗟𝗮𝗸𝗮𝗻 𝗮𝘁 𝗟𝗮𝗸𝗮𝗺𝗯𝗶𝗻𝗶 𝟮𝟬𝟮𝟱, 𝗡𝗮𝗺𝘂𝗸𝗼𝗱-𝗧𝗮𝗻𝗴𝗶 𝘀𝗮
𝗣𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮"

Matagumpay na ipinagdiwang ng Blancia College Foundation, Inc. ang Buwan ng Wika ngayong taon sa temang “Paglinang sa Filipino at Katutubong Wika: Makasaysayan sa Pagkakaisa ng Bansa.”

Iba’t ibang makabuluhang aktibidad ang isinagawa, ngunit ang pinaka-tampok sa lahat ay ang patimpalak na Lakan at Lakambini ng Wika 2025, na hindi lamang tungkol sa ganda at tindig, kundi pati sa talino, husay sa wika, at pagmamalasakit sa kulturang Pilipino.

Itinanghal na Lakan at Lakambini ng Wika 2025 sina Harry Milmao at Jane Ochia mula sa Ika-12 Baitang. Namukod-tangi ang dalawa sa bahagi ng tanong at sagot, kung saan buong puso nilang ipinaliwanag ang kahulugan ng salitang “paglinang” at kung bakit ito mahalaga—hindi lamang sa larangan ng edukasyon kundi sa pangangalaga sa wikang Filipino bilang ating pagkakakilanlan.

Ayon sa kanilang sagot, “Ang paglilinang ay hindi lamang tungkol sa pag-unlad ng kaalaman, kundi isa rin itong paraan upang patuloy nating buhayin, pagyamanin, at ipagmalaki ang ating wika—na siyang puso ng ating pagka-Pilipino.”

Ang matagumpay na pagdiriwang ng Buwan ng Wika ngayong taon ay patunay ng patuloy na hangarin ng Blancia College Foundation, Inc. na itaguyod ang ating sariling wika at kultura—isang makasaysayang hakbang tungo sa pagkakaisa at pag-unlad ng bayan.

Mabuhay ang Wikang Filipino!

Mga Salita ni Ayessa Gella
Kuhang Larawan nina Ayessa Gella, Hershiey Tagaro at Mariebelle Filipino
Edit ni Alger Pejo

29/08/2025

“𝗜𝘀𝗮𝗻𝗴 𝗕𝗮𝗹𝗮 𝗞𝗮 𝗟𝗮𝗻𝗴!” — 𝗚𝗲𝗿𝗮𝗹𝗱 𝗖𝗮𝗯𝗮𝗹𝗹𝗲𝘀, 𝗡𝗮𝗴𝗻𝗶𝗻𝗴𝗻𝗶𝗻𝗴 𝗕𝗶𝗹𝗮𝗻𝗴 𝗛𝗮𝗿𝗶 𝗻𝗴 𝗔𝗸𝘀𝘆𝗼𝗻 𝘀𝗮 𝗕𝘂𝘄𝗮𝗻 𝗻𝗴 𝗪𝗶𝗸𝗮!

Sa patuloy na pagtataguyod ng pagmamahal sa sariling wika at kultura, matagumpay na isinagawa ang pagdiriwang ng Buwan ng Wikang Pambansa 2025 sa Blancia College Foundation Inc. na may temang “Paglinang sa Filipino at Katutubong Wika: Makasaysayan sa Pagkakaisa ng Bansa.”

Tampok sa nasabing selebrasyon ang Paligsahan sa Pagsasatao, isang patimpalak na nagbibigay-daan sa mga mag-aaral na gampanan ang mga kilalang Pilipinong nag-iwan ng mahalagang ambag sa kasaysayan at sining ng bansa.

Itinanghal na kampeon si Gerald Caballes mula sa departamento ng ika-12 na baitang matapos niyang buhayin sa entablado ang karakter ng “Hari ng Aksyon” na si Fernando Poe Jr. Sa kanyang mahusay na pagganap at matapang na pagbigkas ng tanyag na linyang “Isang bala ka lang,” agad niyang nakamit ang papuri at paghanga ng mga g**o at mag-aaral.

Ang naturang paligsahan ay hindi lamang nagpapalawak ng kaalaman sa kasaysayan at kultura, kundi nagsisilbi ring paraan upang linangin ang talento, kumpiyansa, at makabayang damdamin ng mga mag-aaral.

Mga Salita at Larawan ni Ayessa Gella

29/08/2025

“𝗠𝗮𝗸𝗮𝗯𝗮𝗴𝗼𝗻𝗴 𝗦𝗶𝗻𝗶𝗻𝗴, 𝗠𝗮𝘁𝗮𝘁𝗮𝗴 𝗻𝗮 𝗪𝗶𝗸𝗮: 𝗞𝗲𝗻𝗰𝗶 𝗟𝗲𝗮 𝗢𝘀𝘁𝗶𝗮, 𝗞𝗮𝗺𝗽𝗲𝗼𝗻 𝗻𝗴 𝗣𝗼𝘀𝘁𝗲𝗿 𝗠𝗮𝗸𝗶𝗻𝗴 𝗖𝗼𝗻𝘁𝗲𝘀𝘁!”

Sa pagdiriwang ng Buwan ng Wikang Pambansa 2025 na may temang “Paglinang sa Filipino at Katutubong Wika: Makasaysayan sa Pagkakaisa ng Bansa,” matagumpay na naisakatuparan ang Culmination Program na nagtaguyod sa kahalagahan ng wika at kultura bilang saligan ng pambansang pagkakakilanlan.

Itinanghal na kampeon si Kenci Lia Ostia mula sa departamento ng ika-9 na baitang bilang nagwagi sa Paligsahan sa Paggawa ng Poster dahil sa kanyang makulay at makabayang likhang-sining na nagpapamalas ng malalim na pagpapahalaga sa wikang Filipino at mga katutubong wika—mga haligi ng pagkakaisa.

Layunin ng naturang aktibidad na paunlarin hindi lamang ang intelektwal na kakayahan ng mga mag-aaral kundi pati ang kanilang malikhaing talento, kasabay ng pagpapalalim ng kanilang pagmamalasakit at pagpapahalaga sa sariling wika at kultura, na siyang pundasyon ng ating pambansang pagkatao.

Mga Salita at Larawan ni Ayessa Gella

BCFI-Pristine High School Department

31/08/2025

31/08/2025

30/08/2025

30/08/2025

30/08/2025

30/08/2025

29/08/2025

29/08/2025

29/08/2025

Address

Website

Alerts

Shortcuts

Share

Category