09/06/2025
May mga taong kumikita ng P50,000 pero laging kapos. Samantalang may ibang kumikita ng P15,000 lang, pero payapa ang buhay, may direksyon, at may ipon.
Hindi palaging nakabase sa laki ng kinikita ang kaginhawaan. Mas mahalaga kung paano ninyo pinapamahalaan, pinagpaplanuhan, at pinagsisikapang pagyamanin ang bawat sentimo.
Dahil sa totoo lang, may mga mag-asawa o mag-partner na ang lalaki ng sweldo, pero laging may kakulangan.
Puno ng stress, bangayan, at paninisi. Walang ipon, walang plano, walang kapayapaan.
Samantalang may iba, simpleng kinikita lang ang hawak pero marunong magkasundo, may respeto sa badyet, may pangarap na sabay tinutupad, at may malasakit sa isa’t isa.
Ang tunay na yaman ay hindi lang nasusukat sa pera kundi sa pagkakaunawaan at pagkaka-align ng magka-partner.
Yung hindi lang sabay kumikita, kundi sabay ding nagbibigay halaga sa kinikita.
Yung marunong magplano bago gumastos,
Yung handang magsakripisyo ngayon para sa mas magandang bukas,
Yung mas pinipili ang pangmatagalang tagumpay kaysa pansamantalang luho.
Yung sinasabi ang “huwag muna” sa mga gustong bilhin, para masabi ang “handa na tayo” sa mga pangarap na sabay ninyong binuo.
Dahil ang tunay na pagmamahal ay hindi lang kilig, ito ay commitment. Ito’y pagtanggap sa mahirap, pagtutulungan sa gitna ng kulang,
at pagbangon nang magkasama kahit gaano pa kabigat ang pagsubok.
Packed lunch sa halip na mamahaling kainan.
Budget meetings imbes na spontaneous gastos. Mga tanong na “Kaya ba natin ito?” at “Saan tayo patungo?”
Hindi mo kailangang maging mayaman para maging matatag.
Ang kailangan: pagkakaisa sa prinsipyo, pangarap, at disiplina.
Kapag marunong sa piso, hindi matatakot sa milyon.
Ctto!
