Ang Dalampasigan

31/03/2026

31/03/2026

Congrats NSF Graduates and Completers..

11/03/2026

READY, SET, GO!
‎
‎Project Dalagan, tagumpay ang pagtakbo; Kulay bughaw, nanguna sa pasiklaban
‎
‎MIYERKULES, MARSO 11—Sa pagpapakitang husay at galing sa halong larangan ng akademiko at pagpapakitang gilas, matagumpay na hinarap ng Kulay Bughaw ang pagsubok upang itakbo ang titulo.
‎
‎Bilang bahagi ng week-long culmination ng paaralan, nagpasiklaban ang mag-aaral 11 at 12 ng Naval School Fisheries kung saan hinati mga estudyante sa limang kulay: bughaw, p**a, rosas, lila, at dilaw.
‎
‎Dikdikan ang labanan ng mga kulay, kung saan hindi masasabi kung sino ang tatanghalin na kampeon, ngunit, sa kalaunan, nangibabaw ang determinasyon ng kulay bughaw. Matagumpay na naibulsa nila ang panalo at inuwi ang sertipiko at gintong medalya.
‎
‎Samantala, ipinagpatuloy ng natitirang kulay ang labanan. Sa huli, sumunod ang kulay dilaw na inuwi ang pilak, at tanso naman para sa lila.
‎
‎Bukod sa sertipiko at medalya, makatatanggap din ang mga nagwagi ng cash prize upang gantimpala sa husay at galing. Nag-uwi ng 1,500, 1,000, at 500 ang una, pangalawa, at pangatlong pwesto.

✒️| John Radaza
📸| Jherise Canonio, Princess Mangco, & Queenie Mangco

11/03/2026

ISA NA NAMANG MILESTONE

Grade 12-Students ng NSF matagumpay na naidaos ang Project Milestone
‎
‎Nagtipon-tipon ang mga Grade 12-Students ng Naval School of Fisheries upang tunghayan ang mga likhang bidyo bilang parte ng Project Milestone ng paaralan, Miyerkules, Marso 10, sa Senior HighSchool building ng paaralan.
‎
‎Bilang bahagi ng pagpapakitang husay at galing sa larangan ng Media and Information, ipinakita ng mga mag-aaral ang likhang Informercial, Music Video, Teleradyo, at Short Film.
‎
‎"Kaangayan sa inyong mga gipakitang videos", saad ni Mr. Ernie Mangco, g**o sa Media and Information Literacy.
‎

✒️| John Radaza
📷| Princess Mangco

10/03/2026

Literary Café: Tampok ang Panitikan at Pagkakaisa

Bilang bahagi ng Project F. I. S. H. E. R. S., isinagawa ang Literary Café bilang isa sa mga tampok na gawain sa week-long culmination ng Naval School of Fisheries. Sa temang "Short Stories, Big Meanings: Exploring Realistic Fiction" opisyal na binuksan ang Literary Café ni Ms. Maria Teresa Onrejas nitong Marso 10, 2026. Sa pagbukas, pinangunahan ng mga mag-aaral mula sa Grade 11 Senior High School ang pangangasiwa sa programa.

Hangad ng programang ito na ipagdiwang ang bawat aspeto ng panitikan sa paraan ng pagpapaunlad sa pagbabasa, mapahusay ang pag-unawa , at mahikayat ang bawat estudyanteng magbahagi ng sariling interpretasyon sa panitikan.

Kaya naman, damang-dama ang kasiyahan at sigla ng mga estudyanteng dumalo sa gawain. Sumasalamin ang bawat tawa at ingay sa makulay na kapaligiran ng Literary Café na ginanap sa NSF Gymnasium. Iba't ibang booth ang makikita sa loob ng venue—mula sa Game booth na puno ng aliw at hiyawan, Food Booth na handog ang masasarap na pagkain, at ang Photo Booth na nagbibigay ng pagkakataon upang makuha ang masasayang alaala. Makikita rin ang Movie Booth, kung saan mapapanood ang mga pelikula na naglalaman ng iba't ibang kuwento at karanasan, at ang Reading booth na naghahatid ng katahimikan at komportableng espasyo para sa pagbabasa.

Kung kaya, higit pa sa kasiyahan, layunin ng Literary Café na bumuo ng alaala at ipakita ang pagpapahalaga sa panitikan. Hindi lamang nito pinapalawak ang kaalaman ng mga estudyante, kundi pinapaalala rin na sa bawat akda ay may mga kabanata, pahina, at kuwento na maaaring maging bahagi ng kanilang sariling karanasan.

Sa nalalapit na pagtatapos ng School 2025-2026, naging isang makabuluhang gawain ang Literary Café. Naipakita ang diwa ng pagkakaisa at pagkakaibigan sa loob ng paaralan kung saan pinagtibay ng mga ngiti, tawanan, ingay, at hiyawan ng mga mag-aaral na dumalo.

✒️| Dayze Arche
📷| Queenie Mangco & Louis Labungray

09/03/2026

PROJECT F.I.S.H.E.R.S.

Week-long culmination, umarangkada ngayong araw; Governor Espina, pinangunahan ang opening
‎
‎LUNES, MARSO 9 — Pormal nang sinimulan ang week-long culmination ng Naval School of Fisheries na Project F.I.S.H.E.R.S. sa pangunguna ni Governor Rogelio J. Espina na may temang “Integrating Knowledge, Skills, and Values for Sustainable Fisheries and Lifelong Learning” sa NSF Multipurpose Gym.
‎
‎Nagtipon-tipon ang mga mag-aaral sa NSF Gym bilang tanda ng pagsisimula ng pinakahihintay na culmination kung saan ibinandera ang iba’t ibang likhang tatak NSF—mula sa makabagong imbensyon, teknolohiyang pang-edukasyon, hanggang sa malikhaing proyekto ng mga mag-aaral.
‎
‎Layunin ng Project F.I.S.H.E.R.S. (Fostering Integrated Skills, Holistic Education, Research and Sustainability: The Pro Tech Expo 2026) na maipakita ang kakayahan at natamong kasanayan ng mga mag-aaral sa larangan ng agham, teknolohiya, pananaliksik, at teknikal-bokasyonal na edukasyon. Tampok dito ang mga output at proyekto mula sa Science, Technology, and Engineering (STE), Strengthened Technical-Vocational Education Program (STVEP), at Academic and TechPro strands.
‎
‎Sa pagbubukas ng programa, nanguna si Governor Rogelio J. Espina sa pagbigay-diin sa kahalagahan ng ating palaisdaan. Binigyang-importansiya rin niya pagsasanib ng kaalaman, kasanayan, at pagpapahalaga upang makabuo ng mga mag-aaral na handang humarap sa hamon ng modernong industriya, lalo na sa sektor palaisdaan at ng teknolohiya.
‎
‎"Tuwang-tuwa po ako na meron na pong ganitong programa na tungkol sa kayamanan ng ating palaisdaan", saad ni Governor Espina.
‎
‎Inihayag din ng Gobernador ng Biliran ang suporta sa proyektong ito ng NSF.
‎
‎ "Susuporta po ako ng 100% para sa inyong Project F.I.S.H.E.R.S.", pagtatapos ng Gobernador.
‎
‎Ilan sa mga tampok sa nasabing expo ang mga research exhibits, technological prototypes, skills demonstrations, at product showcases na nagpapakita ng pagiging malikhain at maparaan ng mga mag-aaral ng NSF.
‎
‎Bukod sa pagpapakita ng mga proyekto, magsisilbi rin ang week-long culm bilang pagkakataon upang mapalawak ang kaalaman ng mga kalahok sa pamamagitan ng iba’t ibang aktibidad, presentasyon, at interaktibong booth na inihanda ng iba’t ibang departamento.
‎
‎Magpapatuloy ang Project F.I.S.H.E.R.S. Pro Tech Expo 2026 mula Marso 9 hanggang 13, kung saan inaasahang mas marami pang programa at presentasyon ang magaganap bilang pagdiriwang ng kahusayan, inobasyon, at talento ng mga NSF Sailors.
‎
‎✒️| John Radaza
📸 | Princess Claire Mangco & Queenie Faith Mangco
‎
‎
‎

05/03/2026

Bilang suporta sa nalalapit na pagdiriwang na kapistahan ng Brgy. Caraycaray, isinigawa ng mga mag-aaral ng Naval School of Fisheries ang taunang clean-up drive, Marso 4.

25/02/2026

KULOM | Pag-aalsang pilit na ibinubura

Tuwing Pebrero 25, ipinagdiwang ang EDSA (Epifanio de los Santos Avenue) People Power Revolution sa Pilipinas. Isang mahalagang pangyayari na nagpapatunay na ang boses ng mga mamamayan ay may kapangyarihan at dapat pakinggan. Ito'y pinangunahan ng mga relihiyosong grupo ng simbahan. Ngunit, kung ang EDSA ay may dangal, bakit patuloy pa rin tayong sumasamba sa mga hangal?

Ang EDSA People Power Revolution ay pag-aalsang nilahokan ng mahigit dalawang milyong Pilipino upang maitalsik sa pwesto si Pangulong Ferdinand Marcos Sr. at upang humalili si Pangulong Corazon Aquino. Ito ay paghihimagsik na kung saan nagtagumpay ang boses ng mga Pilipino laban sa kamay ng mga kurakot na opisyal. Isang patunay na kung mamamaya'y nagkakaisa, matutulungan natin ang bawat isa.

Sa gabi noong Perbrero 22, 1986 na kung saan ang EDSA ay hindi pa rebolusyon—ito'y bulong pa na nanggaling sa Radio Veritas isang Katolikong stasyon mula Quezon City. Mga hukbo'y ipinadala hindi upang sirain ang stasyon kundi ang Transmitter na nasa Malolos, Bulacan. Katahimika'y nag-ingay ngunit ang plano'y mas maingay, bagong stasyon ang lumitaw: Radio Bandido. Hindi lamang ito simpleng pagsisira ng Transmitter, kundi ang pilit na pagsisira ng katotohan sa sanlibutan. Patunay na walang katotohanan ang matatahimik kung bansa ay nagkakaisa at nagtutulungan. Ang isang gabing tinangka nilang patahimikin ang EDSA ay hindi nauwi sa katahimikan, kundi ito'y nauwi sa isang makabuluhang kasaysayan.

Noong Oktubre 13, 2023, inanunsyo ni Pangulong Bongbong Marcos Jr. sa ilalim ng Proclamation No. 368 na hindi na itinuturing na holiday sa bansa ang Pebrero 25. Nakalulungkot lamang isipin na ang makabuluhang pag-aalsa'y pilit na kinakalimutan at binubura ng nasa itaas. Dahil lang ba ang iyong ama ang pilit na pinapatalsik sa puwesto niya noon ay pilit mong binubura sa kasaysayan? Natatakot ka, PBBM?

Ito'y isang malungkot na katotohanan na tayo'y nagdiriwang ng mga holiday tulad ng Chinese New Year na hindi naman tayo mga Intsik pero patuloy na ipinagdiwang. Pero hindi ang EDSA People Power Revolution. Bakit iniisip natin ang kasaysayan ng ibang bansa kaysa sa ating sariling kasaysayan? Dapat mas inuuna natin ang ating kasaysayan bago pa ang iba, dahil ang kasaysayan ng bansa ang siyang umukit sa kung ano ang kalagayan natin ngayon. At kung ito'y kakalimutan, nasaan ang ating pasasalamat at pagpapahalaga sa ating kanuno-nunoan?

Kahapon lamang, Pebrero 24 ng kasalukuyang taon, ang mga House of Representatives ay naghain ng bill upang gawing public holiday ang Pebrero 25—anibersaryo ng Rebolusyon. Nakatutuwa na hanggang ngayo'y pinapahalagahn pa din ng iilang opisyal ang kasaysayang ito. Dahil kung mga opisyal ay nagkakaisa at ang mga mamamayan, may makabuluhang pangyayari ang magiging kasaysayan na naman.

Sa huli, kung patuloy na gagawing normal day at hindi holiday ang Pebrero 25, hindi pangyayari ang binubura—kasaysayan mismo ng bansa. Kahit na ito'y 40 taon na ang nakalipas, dapat itong pahalagahan at igalang, kabilang na ang mga nasa posisyon. Ito'y hindi lamang isang simpleng pag-aalsa, ito'y kasaysayan na humubog sa demokrasiya ng Pilipinas.

✒️| Esteven Jhay S. Bañal

12/02/2026

PANITIKAN | 💌𝓘𝓼𝓪𝓷𝓰 𝓵𝓲𝓴𝓮 𝓴𝓪 𝓼𝓪 𝓪𝓴𝓲𝓷

𝑺𝒊𝒏𝒈𝒍𝒆 ka na naman ba?𝐇𝐢𝐧𝐢𝐡𝐢𝐧𝐭𝐚𝐲 𝐦𝐨 𝐛𝐚 𝐚𝐧𝐠 𝐟𝐢𝐫𝐬𝐭 𝐦𝐨𝐯𝐞 𝐧𝐢 𝐜𝐫𝐮𝐬𝐡 kahit ikaw ang tumatangi?

Kung ikaw ay 𝒅𝒆𝒍𝒖𝒍𝒖, para sa iyo ito.

𝓟𝓮𝓫𝓻𝓮𝓻𝓸 na naman — buwan ng mga may jowa.Eh ikaw? Simula pa lang ng taon, talo ka na agad.

𝑨𝒍𝒂𝒎 𝒎𝒐 𝒚𝒖𝒏𝒈 𝒇𝒆𝒆𝒍𝒊𝒏𝒈 na gusto mong magkaroon ng kasintahan ngunit sinusubok ka ng panahon. Parati na lang “the perfect time will come” kahit ang totoo, hinihintay mo lang ang imposibleng one message notification galing sa kaniya.

Parang tamang clout chase lang ng “good morning, babe” at “happy valentines, baby”.

𝐈𝐤𝐚-𝟏𝟒 𝐧𝐠 𝐏𝐞𝐛𝐫𝐞𝐫𝐨 — 𝐚𝐫𝐚𝐰 𝐧𝐚. 𝐄𝐝𝐢, 𝐇𝐚𝐩𝐩𝐲 𝐕𝐚𝐥𝐞𝐧𝐭𝐢𝐧𝐞’𝐬 𝐃𝐚𝐲 𝐬𝐚 𝐢𝐧𝐲𝐨!

𝓛𝓪𝓴𝓪𝓭 doon, pabalik-balik dito, makikita mo lang ang mga nagkahawak-kamay na damang-dama ang diwa ng Feb-ibig. Ngunit pagminsan, sa bandang hulihan, matatanaw mo rin ang tumi-third wheel. Syempre, ikaw yun. Motto mo kasi: “Masarap kumain ‘pag may kasama.”

𝐁𝐚𝐤𝐚 𝐬𝐢𝐠𝐧 𝐧𝐚 𝐲𝐚𝐧! Hanapin muna si Mr. Perfect Timing… o baka naman, iboses muna ang iyong nararamdaman.

𝑫𝒆𝒍𝒖𝒍𝒖 ka ‘di ba? Gawin mo nang 𝒕𝒓𝒖𝒍𝒖𝒍𝒖. Hindi pwedeng palagi ka na lang magsa-sana all. Hindi rin pwedeng lagi na lang parinig sa notes sa Instagram at Messenger. At mas lalong hindi pwedeng wala kang baby.

𝐒𝐢𝐠𝐞 𝐧𝐚! 𝐂𝐨𝐧𝐟𝐞𝐬𝐬 𝐤𝐚 𝐧𝐚! Baka sa susunod na Valentine’s Day, ikaw naman ang sasaya.

💞 𝓣𝓾𝓷𝓪𝔂 𝓷𝓪 𝓫𝓾w𝓪𝓷 𝓷𝓰 𝓹𝓪𝓰-𝓲𝓫𝓲𝓰 💞

Kunwari napindot mo lang ang like button tas sabihin mong: “Ay sorry. I didn’t mean to like you.” Baka sa susunod na marinig mo ang notification, siya na yan — si crush.

𝐍𝐚𝐤𝐚𝐩𝐚𝐩𝐚𝐧𝐚𝐛𝐢𝐤. 𝐍𝐚𝐤𝐚𝐤𝐚𝐛𝐮𝐡𝐚𝐲-𝐩𝐮𝐬o.
At mas nakatutunaw kapag nahawakan mo ang kamay na dati’y tinatamasa mo lang.

𝑴𝒂𝒔𝒂𝒓𝒂𝒑 𝒖𝒎𝒊𝒃𝒊𝒈. 𝑴𝒂𝒔𝒂𝒓𝒂𝒑 𝒅𝒊𝒏 𝒌𝒂𝒑𝒂𝒈 𝒊𝒏𝒊𝒊𝒃𝒊𝒈.

Kaya ikaw, wag mong hintayin si crush ang unang gumalaw ng baso — 𝒇𝒊𝒓𝒔𝒕 𝒎𝒐𝒗𝒆 ka na!Baka sa huli, kayo ang para sa isa’t isa.

✒️| John Radaza
🖼️| Queenie Mangco

08/02/2026

TULA | Sa likod ng Pluma at Pahina

Sa bawat umaga, dala namin ang bag na mabigat pa sa antok,
Hindi lang papel at libro, bitbit din ang mga tanong na nais masagot.
Kami ay mga estudyanteng mamamahayag,
Paslit na namulat sa katotohanan habang tibok ng mundo’y pinakikinggan.

Sa silid-aralan, kami’y estudyante:
Nakikinig, nag-aaral, at nagsusulat ng aralin.
Datapwa may isa rin kaming hangarin:
Ang mailantad ang payak at mapagkakatiwalaang balita.

Kami’y mga mamamahayag,
Pluma bilang sandata,
Pahina bilang aming panata,
At katotohanan bilang aming kalasag.

Hindi madali ang pagiging journo,
Mga gabing tahimik na ang lahat,
Ngunit isipan ay gising pa rin,
Hinahabol ang mga tamang salita.

Ngunit sa bawat artikulong natatapos,
May munting tagumpay—
Isang katotohanan ang nabigyang-liwanag,
Isang kuwento ang naayos kahit hindi pinapakinggan.

Bilang estudyanteng journo,
Natututuhan namin na hindi lamang talento ang pagsulat,
O isang propesyon lamang,
Ito’y aming responsibilidad.

Na ang bawat salita ay mabigat,
Na ang katahimikan ay may maingay na kahulugan,
Na lahat ng kuwento’y dapat pinapakinggan,
Sa mundong binalot ng katiwalian.

Kami’y mga bata pa, nag-aaral pa,
Ngunit sa pagiging journo—
Natututuhan naming maging mulat, maging masipag,
At higit sa lahat—maging matapat.

Kami’y estudyante lamang,
Ngunit sa bawat kuwentong naisulat,
Kami’y natutong hubugin ang sariling tinig,
Sa mundong maingay na kailangang marinig.

✒️| Esteven Jhay S. Bañal
🖌️| Tweety Jade D. Huilar

30/01/2026

Balitang Wow Tatak NSF!

Pormal na itinalaga bilang NSF- SHS Koordineytor si Gng. Melanie Casas Bation at Gng. Queenilyn Queen Quinx Sabong bilang STVEP Department Head sa pangunguna nina Naval II District Supervisor Dr. Shiela Completo at Principal ng nasabing eskuwelahan Rowena P. Gabuya, Enero 30.

29/01/2026

Sa mga mga mag-aaral ng NSF na gustong maging manunulat sa Ang Dalampasigan at The Seastrand bukas po namin ibibigay ang application form, sa mga nagpalista kita kits po tayo bukas nang umaga sa Publication Office.