19/04/2025
Sangka vlogger ro ginbatikos it mga taga-Banga matapos nga nagpost it video sa anang page samtang nagasaot nga naka brief eang sa Rotonda nga ginakabig nga sangka historical land mark.
Suno sa mga netizen, kabastusan ro gin-obra it nasambit nga vlogger nga may masobra 50,000 ka followers sa Facebook sa andang lugar.
Kilaea ra imaw sa anang mga kabueo-bueo nga video ag pag-obra it mga content sa publiko samtang naka-brief eang.
Ginatinguhaan namon nga mabuoe ro pahayagit vlogger suno sa mga pagbatikos ngara. Pero deleted eon man ro nasambit nga post ag nagpangayo man raya it public apology sa sangka video post.
Suno kana, naobra na raya bangud suno kana hay sikat ro Rotonda it Banga ag owa kuno imaw kasayod nga may historical significance gali raya. Angot kara nagpangayo imaw it pasensya sa mga Banganhon eabi eon gid kay Mayor Noel Redison.
Ginatinguhaan man namon nga mabuoe ro reaksyon it mga opisyal it munisipyo angot kara.
