Mcky Don Pulubi, orani, Orani (2025)

31/10/2025

Dapat tayong mga OFW, magpasalamat daw kay BBM,
Kung wala raw siya, di tataas ang dolyar at riyal.
Ngayon bawat padala, may dagdag na halaga,
Sa piso nating kawawa, may konting pag-asa. 💸

Sa palitan na $1 = ₱59.18,
At Riyal = ₱15.60, aba, sulit din!
Sabi nila, “magaling” daw ang ating lider,
Kaya saludo raw dapat, kahit medyo bitter. 😅

Pero teka lang, wag kalimutan ang katotohanan,
May mga corrupt officials ding may ambag diyan!
Kung wala sila, baka di rin tumaas ang palitan,
Kaya salamat din sa kanila sa kakaibang paraan! 🤣

Ngunit sa dulo, sa puso kong totoo,
Duterte pa rin ang sigaw ko! 👊
Sa hirap ng buhay sa ibang bansa,
Hindi pera ang sukatan ng ginhawa. 🇵🇭

22/10/2025

Totoo ang kasabihan na ang buhay ng tao ay parang gulong minsan nasa itaas ka, minsan naman nasa ibaba. Kapag nasa itaas ka, huwag mong kalimutan ang halaga ng pag-iipon at pagtitipid. Dahil kapag umikot muli ang gulong ng buhay at mapunta ka sa ibaba, may madudukot ka pa rin upang muling makabangon.

Naranasan namin ‘yan. Noong nasa itaas kami, gastos dito, gastos doon parang hindi mauubos ang biyaya. Pero dumating din ang panahon na lumubog kami, nawala ang lahat, at nalubog pa sa utang. Hindi namin alam kung saan magsisimula. Dumating sa puntong puro away at tampuhan, nagkahiwalay pa ng ilang araw at linggo.

Pero ngayon, unti-unti kaming bumabangon muli. Unti-unting umaangat, at sa bawat hakbang ay may aral. Natutunan namin na mag-ipon, maging masinop, at huwag basta-basta magwaldas. Dahil ang hirap ng pagbagsak ay masakit lalo na kung wala kang nasimpen.

At isa pa, huwag mong asahan na lahat ng natulungan mo ay tutulong din sa’yo. Kapag ikaw na ang nangangailangan, madalas ay iiwasan ka pa. Masakit man tanggapin, pero ‘yan ang realidad ng buhay.

Ang mahalaga, huwag kang mawalan ng pag-asa. Minsan nagkakamali tayo, pero hindi habang buhay ay mali ang ating mga desisyon. Ang pagkakamali ay daan para matuto, at ang pagtutuwid ay simula ng panibagong pag-angat.

Tandaan: Ang buhay ay umiikot, pero nasa iyo kung paano ka muling babangon sa bawat ikot nito.

Nagmamahal
Don Pulubi

17/10/2025

Nagtrabaho ako sa ibang bansa upang mabigyan ko kayo ng magandang buhay, mga anak ko. Ginawa ko ito para pag laki ninyo at magkaroon na kayo ng sarili ninyong pamilya, hindi ninyo kailangang sundan ang landas na tinahak ko. Ayokong maranasan ninyo ang hirap at lungkot ng pagiging malayo sa pamilya. Ayokong isuot ninyo ang sapatos na sinuot ko para lang maitaguyod ang kinabukasan ninyo.

Nais ko na kapag nagkaroon na kayo ng mga anak, makasama ninyo silang lumaki na maramdaman nila araw-araw ang pagmamahal at presensiya ninyo. Kaya payo ko sa inyo, mag-aral kayong mabuti. Pagsikapan ninyong makapagtapos upang sa hinaharap ay makapagnegosyo kayo o magkaroon ng magandang trabaho kahit nasa Pilipinas lang kayo. Huwag ninyo akong gayahin na kinailangang lumayo para mabigyan kayo ng magandang kinabukasan.

09/10/2025

Ang TGP Global ay hindi isang fraternity. Ito ay isang konstitusyon isang balangkas ng mga alituntunin na naglalayong ayusin at bigyan ng direksyon ang ating kapatiran. Layunin ng TGP Global Constitution na magsilbing gabay upang mapag-isa at mapatibay ang samahan ng Tau Gamma Phi, saan mang panig ng mundo naroroon ang mga kasapi.

Ngunit bakit may iilang patuloy na ipinipilit na ang TGP Global ay isang fraternity? Bakit nila ito pinapakita sa ibang mga miyembro na para bang ito ay isang bagong grupo, at hindi isang konstitusyong nakabatay sa ating mga prinsipyo at layunin?

Malinaw ang motibo ng ilan upang manipulahin ang sistema para sa pansariling interes. Itinataguyod nila ang ideya na ito ay isang fraternity upang makontrol kung sino lamang ang dapat maupo sa mga posisyon, na tila ba isang paligsahan ng kapangyarihan at hindi isang paglilingkod sa kapatiran.

Sakim ba sa kapangyarihan? O nabulag na ng pansariling pakinabang?

Ang Tau Gamma Phi ay isang malayang kapatiran. Hindi ito pag-aari ng iilan. Hindi dapat hadlangan ang sinuman sa mga brod na nais maintindihan at mapakinggan kung ano ba talaga ang nilalaman at layunin ng TGP Global Constitution.

Sa huli, ang pagkakaisa at tunay na diwa ng kapatiran ang dapat manaig hindi ang pansariling interes. Tayo ay Triskelion, at tungkulin natin ang panindigan ang tama, ituwid ang mali, at protektahan ang diwa ng ating kapatiran.

Nagmamahal
Don Pulubi
Salute

Address

Orani
Orani
2112

Telephone

+639178008630

Website

https://www.youtube.com/@TeamPulubi

Alerts

Be the first to know and let us send you an email when Mcky Don Pulubi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mcky Don Pulubi:

Mcky Don Pulubi