21/09/2026
ππ«°
ππππ ππππ, ππππππππππ ππππππ ππππππ ππ ππππππ: πππ ππππππ ππ πππππππππ ππ ππππππππ ππ ππππ ππππ πππππππ
βEverything happens for a reason.β
Ito ang naging sandigan ni John Mark Daradal, 25, simula noong siya ay ma-admit sa DSWD Field Office VIII Regional Rehabilitation Center for Youth (RRCY) sa edad na 16.
Mahigit apat na taon siyang nanatili sa center hanggang sa siya ay makalabas noong taong 2021. Sa panahong iyon, natutunan niyang hindi lamang ang magbago, kundi ang maniwala na may kinabukasang naghihintay sa kanya.
Sa pamamagitan ng holistic na mga programa at serbisyo ng RRCYβmula sa physical, social, emotional, at spiritual development hanggang sa education at life skillsβunti-unting nabuo ang panibago niyang pananaw sa buhay.
Nang malaman niyang may Alternative Learning System (ALS) sa loob ng center, agad niyang niyakap at hindi pinalagpas ang pagkakataong makapag-aral muli.
βMali, pero hindi pa katapusan. Meron pa akong pag-asa.β
Ipinagpatuloy niya ang kanyang pag-aaral, hanggang sa nakapag-mainstream siya sa high school sa pamamagitan ng partnership ng center at Tanauan School of Arts and Trade (TSAT).
Para kay John Mark, ang RRCY ay naging kaniyang βtraining groundββisang lugar kung saan inihanda niya ang sarili para sa muling pagbabalik sa komunidad.
Paglabas ng center, hindi natapos ang kanyang paglalakbay. Pinili niyang kumuha ng Bachelor of Science in Social Work sa Leyte Normal University.
Sa kabila ng pangamba at takot na baka tingnan siya ng iba ayon sa kanyang nakaraan, nagpatuloy siya. Sa bawat hakbang, dala niya ang isang paniniwalang natutunan niya sa kanyang paglalakbay: βMan has the capacity to change.β
At ngayon, mula sa pagiging isang Child in Conflict with the Law (CICL), isa na siyang Registered Social Worker (RSW).
Para kay John Mark, hindi pa ito ang katapusan. Isa pa lamang itong panibagong simulaβat pangarap niyang balang araw, makapaglingkod sa mga kabataang dumaraan sa parehong landas na minsan niyang tinahak.
βKung kaya ko, kaya ninyo rin.β
Ito ang mensaheng nais niyang iparating sa kanyang mga kapwa kabataan sa center: huwag mawalan ng pag-asa. Ang nakaraan ay hindi kailangang maging hangganan ng iyong kinabukasan. Dahil minsan, ang isang pagkakataon, tamang paggabay, at taong handang maniwala sa iyo ay sapat upang makita mong may pag-asa pa.
At sa bawat batang binibigyan ng pagkakataong magbago, may isang kinabukasang muling nabubuo.
