https://www.facebook.com/824588767411095/

Ang Bukal-SPC, Ormoc City (2026)

24/11/2025

𝗛𝗮𝘁𝗮𝘄 𝗗𝗶𝘀𝘁𝗿𝗶𝘁𝗼 𝟭𝟬: 𝗞𝗮𝗺𝗽𝗲𝗼𝗻 𝗻𝗴 𝗢𝗿𝗺𝗼𝗰 𝗦𝗶𝗴𝗹𝗮𝗿𝗼 𝟮𝟬𝟮𝟱

Ormoc City — Ginanap nitong Nobyembre 20-22 ang Siglaro 2025 kung saan nagpakita ng husay sa iba't ibang larangan ng isports ang mga atleta na mula sa iba't ibang distrito sa Ormoc.

Nagwagi sa overall standings ang Distrito 10. Sinundan naman ito ng Distrito 1, at ang Distrito 4 ang nakakuha ng ikatlong pwesto.

Ang tagumpay na ito ay hindi lamang isang patunay sa kahusayan ng mga atleta, kundi pati na rin sa kanilang dedikasyon at pagsisikap sa isports.

Lalaban ang mga nagwagi sa naganap na Siglaro sa paparating na Eastern Visayas Regional Athletic Association (EVRAA) Meet, bitbit ang bandera ng Ormoc City na gaganapin sa Baybay City sa susunod na taon.

Mabuhay ang mga atletang Ormocanon!

✒️: Nicole Ann Rota
📸: Reuben San Juan

24/11/2025

𝗣𝗮𝗴𝗹𝗮𝘂𝗺: 𝗣𝗮𝗴𝗵𝗶𝗹𝗼𝗺 𝗮𝘁 𝗣𝗮𝗴-𝗮𝘀𝗮

Sa gitna ng masayang tawanan at ingay ng musika ay binuksan ng instrumental na "Fiesta" ang pagtatanghal, kung saan nagmistulang pista ang entablado. Ang mga ilaw ay tila nagdiriwang kasabay ng mga mananayaw-aktor na nagbigay-buhay sa celebrasyon. Ngunit higit sa saya, ang pagtatanghal na ito ay naglalayong maghatid ng mensahe ng pag asa, pananampalataya at muling pagbangon.

SCENE 1: The Fiesta

Sa unang yugto ay ipinakita ang karakter ni Julia Openiano na nagmula sa masigla at masayang kalagayan ngunit unti-unting bumigat ang eksena matapos siyang makatanggap ng nakalulungkot na balita tungkol sa lindol. Mula sa gulo ng emosyon ay inawit ang kantang "Under the Tree".

Sa entablado, gumamit ng soft spotlight ang karakter ni Julia at isang dance performance na higit na naging highlight sa bahaging ito. Dito unang nakita ang pagbabago ng emosyon ng karakter mula kasiyahan patungo sa kalungkutan at pagkalito.

SCENE 2: Darkness and Hope

Ang ikalawang yugto ay nagpakita ng pagpapatuloy ng pakikipaglaban ni Julia sa dilim ng emosyon at trauma. Naging simbolo ang paggamit ng mga light-emitting diode (LED) patterns at smoke effects habang maririnig ang kantang "Be Not Afraid" nina Fr. Justin Alcantara kasama ang iilang mga madre. Sa bahaging ito ay nagpaabot ng mensahe ang pagtatanghal na ang pag-asa ay unti unting dumarating kahit sa pinakaitim na sandali.

SCENE 3: Hope Begins to Return

Muling bumalik ang liwanag sa entablado sa pamamagitan ng kantang "Payapang Daigdig" kasama ang GPTA choir. Ang mga ilaw ay sumalamin ng puti at ginto na sumisimbolo ng pananampalataya at bagong simula. Sa bahaging ito ay makikita ang pag-alon ng emosyon mula sa pangungulila patungo sa pagkakaroon ng lakas. Unti-unting pinakita ng mga tagpuan na ang pag-asa ay muling umuusbong.

Revised Candle Lighting Segment

Isang makabuluhang bahagi ng programa ang pagtanggap ni Julia ng kandila mula kay Rev. Msgr. Lito habang nasa background music ang "Silent Night." Sa paghawak niya sa liwanag ay nagbago ang ramdam ng eksena at unti unting napalitan ang takot ng pag-asa. Ang gintong sinag na sumunod dito ay nagsilbing simbolo ng gabay na nagmumula sa Diyos.

Dance Segment and Employee Performance

Sumunod ang masiglang dance segment ng "Kumukutikutitap" na nagpasigla sa mga manonood. Sinundan ito ng pagtatanghal ng mga empleyado ng St Peter's College of Ormoc, Inc. (SPC) habang inaawit ang "Ang Pasko ay Pilipino," isang pagtatanghal na nagbigay-kulay sa kultura at tradisyong Pilipino.

Finale: Mob Dance

Tinapos ang programa sa pamamagitan ng isang masayang Mob Dance na may kasamang flashing LED lights at dance spotlights. Ang musika at galaw ay nagsilbing simbolo ng pagkakaisa at pasasalamat sa kabila ng pinagdadaanan ng bawat isa.

Ang "Paglaum" ay hindi lamang isang palabas o kaganapan. Ito ay kwento ng pagkabigo, paghilom at muling pagbangon. Isang paalala na kahit gaano kadilim ang yugto ng buhay ay laging may liwanag na naghihintay. Ang pag-asa ay laging uusbong basta't tayo'y mananampalataya at magkakaisa.

✒️: Reuben San Juan
📸: Reuben San Juan & Erhyze Abrasaldo Bisnar

24/11/2025

𝗣𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗣𝗮𝗴𝗹𝗮𝘂𝗺 2025 𝗶𝗱𝗶𝗻𝗮𝗼𝘀 𝗻𝗴 𝗦𝗣𝗖

Ginanap ang Paglaum: Christmas Lighting 2025 ng St. Peter’s College of Ormoc, Inc. sa SPC Inner Quadrangle noong Nobyembre 21, 2025.

Dumalo sa kaganapan ang mahigit 200 katao mula sa komunidad ng paaralan. Sinimulan ang programa sa pamamagitan ng isang pagtatanghal mula sa Performing Arts Club (PAC).

Nagbigay-mensahe ang pangunahing tagapagsalita, si Msgr. Erlito A. Maraya, tungkol sa kahalagahan ng pasko at pag-asa. Ayon sa kanya, “A new day means new beginning. So, no matter how difficult your situation may seem, do not despair. Troubles will give way to peace, and sadness will give way to joy.”

Matagumpay ang pagdiriwang na nagbigay-inspirasyon at kaligayahan sa mga dumalo. Ipinahayag din ng SPC na ipagpapatuloy ang ganitong kaganapan sa mga susunod na taon.

✒️: Jayzon Bennedict Donayre
💻: Reuben San Juan

12/11/2025

𝓓𝓮𝓭𝓲𝓴𝓪𝓼𝔂𝓸𝓷. 𝓟𝓾𝓼𝓸. 𝓣𝓪𝓵𝓲𝓷𝓸.

Tatlong salitang sumasalamin sa bawat mamamahayag sa likod ng ating pampaaralang pahayagan.

Sa bawat balita, larawan, at lathalain, naroon ang pagsisikap na maghatid ng inspirasyon at katotohanan.

Ipinagmamalaki naming ipakilala ang 𝙀𝙙𝙞𝙩𝙤𝙧𝙞𝙖𝙡 𝘽𝙤𝙖𝙧𝙙 ng 𝐀𝐍𝐆 𝐁𝐔𝐊𝐀𝐋 para sa Taong Panuruan 2025-2026!

✍️: Bb. Vera Thryxcy B. Borinaga
💻: Reuben M. San Juan

Address

Ormoc City

Website

facebook.com

Alerts

Be the first to know and let us send you an email when Ang Bukal-SPC posts news and promotions. Your email address will not be used for any other purpose, and you can unsubscribe at any time.

Ang Bukal-SPC

24/11/2025

24/11/2025

24/11/2025

12/11/2025

Address

Website

Alerts

Shortcuts

Share

Category