25/07/2026
📢 Sa panahon nga nanginahanglan ang gobyerno sa inyong kooperasyon, daghan ang mibalibad. Apan karon nga adunay mga programa nga naggamit sa maong datos, daghan usab ang nangutana, “Ngano’ng wala mi naapil?”
2024 | CBMS Enumeration 🏠
🚪 “Busy pa mi.”
🙅 “Dili lang ko magpa-interview, wala man koy makuha ana.”
😩 “Dugay ba na?”
📵 Dili motubag sa tawag o mensahe sa Enumerator.
🚶 “Balik lang mo sunod.” (Bisan pila na ka beses silang nibalik.)
🐶 Usahay, ang iro pa ang unang modawat sa Enumerator kaysa sa tag-iya sa panimalay.
2026 | Sa dihang nagsugod na ang mga programa…
📱 “Pwede pa ba mi makahabol?”
🤔 “Ngano’ng wala man mi sa listahan?”
😅 “Importante diay kaayo ang CBMS?”
❗ Mao kini ang tinuod.
Ang CBMS dili lang usa ka ordinaryong interbyu. Ang matag tubag nga inyong gihatag mahimong basihanan sa pagplano sa mga proyekto, serbisyo, ug mga programa nga ipatuman sa inyong komunidad. Kung walay tukmang datos, lisod usab ang pagplano ug patas nga pag-apod-apod sa mga benepisyo.
Busa, ayaw balibari ang higayon nga mapaminawan ang tingog sa inyong panimalay. Ang dili pag-apil karon mahimong hinungdan nga dili makita ang inyong tinuod nga kahimtang sa umaabot.
👏 Dako kaayong pasalamat sa tanang CBMS Enumerators.
Bisan sa init sa adlaw, kusog sa ulan, taas nga paglakaw, balik-balik nga callback, mga balay nga dili magpabukas, ug usahay mapagkamalan pa nga adunay laing tuyo—nagpadayon gihapon kamo sa pag-alagad uban sa dedikasyon ug pasensya.
❤️ Kung nakigtambayayong ka sa Enumerator nga mibisita sa inyong panimalay, react og ❤️.
💬 Kung usa ka CBMS Enumerator ug naka-relate ka niini nga mga kasinatian, comment “CBMS.”
🔄 I-share kini aron mas daghang katawhan ang makasabot nga ang paghatag og tinuod ug kompleto nga impormasyon dili lang alang sa gobyerno—kondili alang usab sa kaayohan sa matag pamilya ug sa tibuok komunidad.
Ang datos karon mahimong oportunidad ug serbisyo alang sa ugma.
