An Pukot

Home
Philippines
Palo
An Pukot

Tinig ng Kabataan Tungo sa Kamalayan.

Ang Opisyal na Pahayagang Pangkampus sa Filipino ng Mataas na Paaralan ng Pilipinas sa Agham - Kampus sa Silangang Visayas (MPPA-KSV)

20/05/2026

𝗧𝗜𝗡𝗚𝗡𝗔𝗡: 𝗜𝗸𝗮-𝟮𝟳 𝗻𝗮 𝗣𝗮𝗹𝗮𝘁𝘂𝗻𝘁𝘂𝗻𝗮𝗻 𝗻𝗴 𝗣𝗮𝗴𝗸𝗶𝗹𝗮𝗹𝗮

Ginanap ang Araw ng Pagkilala 2026 ng Mataas na Paaralan ng Pilipinas sa Agham - Kampus ng Silangang Visayas sa Leyte sa awditoryum noong Mayo 18, 2026.

Kinilala ang mga mag-aaral mula Baitang 7-12 na nagkamit ng karangalan bilang Director’s Lister at mga lumahok sa iba’t ibang patimpalak bilang Special Awardee para sa taong panuruan 2025-2026.

Nagbigay rin ng talumpati bilang inspirasyon sa mga mag-aaral ang mga pangunahing tagapagsalita na sina Dr. Enrico Jose P. Gomez para sa FAYP at Dr. Richard Jonathan O. Taduran para sa SYP.

𝘒𝘶𝘩𝘢 𝘯𝘪𝘯𝘢 𝘝𝘪𝘢𝘯𝘯𝘢 𝘓𝘭𝘦𝘷𝘢𝘥𝘰, 𝘒𝘰𝘣𝘦 𝘋𝘶𝘢𝘯, 𝘢𝘵 𝘊𝘰𝘭𝘦 𝘈𝘣𝘢𝘭𝘰𝘺𝘢𝘯
𝘗𝘩𝘰𝘵𝘰 𝘦𝘥𝘪𝘵𝘪𝘯𝘨 | 𝘑𝘦𝘳𝘯𝘪𝘦 𝘔𝘶𝘯𝘤𝘢𝘥𝘢

19/05/2026

𝗠𝗔𝗟𝗜𝗚𝗔𝗬𝗔𝗡𝗚 𝗣𝗔𝗚𝗧𝗔𝗧𝗔𝗣𝗢𝗦, 𝗕𝗔𝗧𝗖𝗛 𝗗𝗔𝗟𝗨𝗡𝗜𝗥𝗔!

Gunitain natin ang mga naganap sa ika-27 na palatuntunan ng pagtatapos ng Mataas na Paaralan ng Pilipinas sa Agham – Kampus ng Silangang Visayas sa Leyte (MPPA-KSVL) na isinagawa sa awditoryum ng paaralan ngayong Mayo 19, 2026.

Opisyal na nagsipagtapos ang 82 na iskolar mula sa Batch Dalunira (Batch 2026).

Dinaluhan ito ng ilang mga kinatawan mula sa Kagawaran ng Agham at Teknolohiya, Board of Trustees ng PSHS System, at PSHS National Alumni Association.

Mula sa An Pukot, pagbati, mga Iskolar!

𝘒𝘶𝘩𝘢 𝘯𝘪𝘯𝘢 𝘝𝘪𝘢𝘯𝘯𝘢 𝘓𝘭𝘦𝘷𝘢𝘥𝘰 𝘢𝘵 𝘒𝘰𝘣𝘦 𝘋𝘶𝘢𝘯
𝘗𝘩𝘰𝘵𝘰 𝘌𝘥𝘪𝘵𝘪𝘯𝘨 | 𝘑𝘦𝘳𝘯𝘪𝘦 𝘔𝘶𝘯𝘤𝘢𝘥𝘢

19/05/2026

𝗠𝗨𝗟𝗔 𝗦𝗔 𝗠𝗚𝗔 𝗔𝗟𝗢𝗡, 𝗣𝗔𝗥𝗔 𝗦𝗔 𝗕𝗔𝗬𝗔𝗡

Malugod na binabati ng patnugutan ang mga kasapi nito mula sa Batch Dalunira (Batch 2026) na nagsipagtapos ngayong araw, Mayo 19, 2026.

Lubos ang aming pasasalamat sa dedikasyong iginugol ninyo sa An Pukot at sa patuloy na pagtataguyod ng layunin ng publikasyon na magsilbing alon ng katotohanan at maging tinig ng kabataan tungo sa kamalayan.

Nawa’y manatiling matatag ang inyong paninindigan at manatiling buhay sa inyong diwa ang pagiging malay at mulat. Nawa’y patuloy ninyong isabuhay ang diwa ng mapanuring pamamahayag at paglilingkod sa bayan.

Maligayang pagtatapos, Batch Dalunira!

𝘗𝘶𝘣𝘮𝘢𝘵 𝘯𝘪 𝘌𝘴𝘵𝘩𝘦𝘳 𝘋𝘪𝘢𝘩 𝘉𝘦𝘳𝘯𝘢𝘭

04/05/2026

𝗝𝗨𝗦𝗧 𝗜𝗡: Inilabas na ng PSHS-EVC Commission on Elections ang opisyal na resulta ng SAGE 2026 ngayong araw, Mayo 4, 2026.

Kilalanin ang mga bagong mukha ng MPPA-KSV Student Alliance para sa taong panuruan 2026-2027.

𝘗𝘶𝘣𝘮𝘢𝘵 𝘯𝘪 𝘒𝘢𝘪𝘳𝘢𝘩 𝘑𝘢𝘤𝘰𝘣𝘦

01/05/2026

𝗦𝗔𝗛𝗢𝗗, 𝗜𝗧𝗔𝗔𝗦! 𝗣𝗥𝗘𝗦𝗬𝗢, 𝗜𝗕𝗔𝗕𝗔!

Ngayong unang araw ng Mayo, ginugunita ang Araw ng Manggagawa. Kinikilala ang kanilang mahalagang ambag sa pagpatatakbo ng ekonomiya at sa araw-araw na pag-usad ng lipunan. Ngunit sa kabila ng kanilang malaking papel, patuloy nilang hinaharap ang hamon ng mababang sahod at tumataas na presyo ng mga pangunahing bilihin at serbisyo.

Sa kabila ng mga hakbang at panukalang solusyon, hindi ito sapat upang tugunan ang ugat ng problema. Sa ganitong kalagayan, lalong umiigting ang panawagan para sa makatarungang sahod, makataong presyo, at kongkretong reporma sa sistemang pang-ekonomiya.

Ang disenteng sahod at abot-kayang pamumuhay ay hindi pribilehiyo kundi karapatan na dapat ibinibigay ng gobyerno. Hangga’t nananatiling mabigat ang pasanin sa hanay ng manggagawa, magpatutuloy ang kolektibong panawagan para sa tunay na pagbabago.

𝗠𝗮𝗯𝘂𝗵𝗮𝘆 𝗮𝗻𝗴 𝘂𝗿𝗶𝗻𝗴 𝗺𝗮𝗻𝗴𝗴𝗮𝗴𝗮𝘄𝗮!
𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗠𝗮𝗻𝗴𝗴𝗮𝗴𝗮𝘄𝗮!

𝘗𝘶𝘣𝘮𝘢𝘵 𝘯𝘪 𝘍𝘳𝘦𝘪𝘺𝘫𝘢 𝘗𝘰𝘭𝘪𝘲𝘶𝘪𝘯

13/04/2026

Balikan ang mga kasagutan ng mga kandidato sa Fast Talk segment ng Miting de Avance at Debate para sa SAGE 2026.

Bilang mga botante, mahalagang masuri natin ang kanilang mga pananaw at paninindigan hindi lamang para sa kanilang sarili kundi pati na rin sa mga isyung kinahaharap ng ating lipunan.

𝘒𝘶𝘩𝘢 𝘯𝘪 𝘓𝘺𝘬𝘢 𝘈𝘣𝘢𝘳𝘳𝘢𝘵𝘪𝘨𝘶𝘦
𝘗𝘶𝘣𝘮𝘢𝘵 𝘯𝘪 𝘈𝘯𝘵𝘰𝘪𝘯𝘦𝘵𝘵𝘦 𝘘𝘶𝘦𝘣𝘦𝘤
𝘗𝘩𝘰𝘵𝘰 𝘌𝘥𝘪𝘵𝘪𝘯𝘨 | 𝘑𝘦𝘳𝘯𝘪𝘦 𝘔𝘶𝘯𝘤𝘢𝘥𝘢

13/04/2026

𝗕𝗢𝗦𝗘𝗦 𝗔𝗧 𝗣𝗔𝗡𝗜𝗡𝗜𝗡𝗗𝗜𝗚𝗔𝗡 | SAGE 2026 Special Coverage

Narito ang mga pangyayari sa Miting de Avance at Debate para sa SAGE 2026, kung saan limang kandidato na nagnanais maglingkod sa kapwa iskolar at sa buong komunidad ng MPPA-KSVL ang humarap sa entablado. Isa-isa nilang ipinakilala ang kanilang mga sarili, inilahad ang kanilang mga plataporma, at ibinahagi ang kani-kanilang pambungad na talumpati. Ilan sa mahahalagang puntong tinalakay sa kanilang mga pahayag ay ang sumusunod:

𝘒𝘶𝘩𝘢 𝘯𝘪 𝘓𝘺𝘬𝘢 𝘈𝘣𝘢𝘳𝘳𝘢𝘵𝘪𝘨𝘶𝘦
𝘗𝘶𝘣𝘮𝘢𝘵 𝘯𝘪 𝘈𝘯𝘵𝘰𝘪𝘯𝘦𝘵𝘵𝘦 𝘘𝘶𝘦𝘣𝘦𝘤
𝘗𝘩𝘰𝘵𝘰 𝘌𝘥𝘪𝘵𝘪𝘯𝘨 | 𝘑𝘦𝘳𝘯𝘪𝘦 𝘔𝘶𝘯𝘤𝘢𝘥𝘢

01/04/2026

𝗜𝘀𝗮𝗻𝗴 𝗽𝗮𝘁𝗮𝗸 𝗻𝗴 𝗴𝗮𝘀𝗼𝗹𝗶𝗻𝗮, 𝘀𝗮𝗺𝗽𝘂𝗻𝗴 𝘁𝘂𝗹𝗼 𝗻𝗴 𝗽𝗮𝘄𝗶𝘀 𝗮𝘁 𝗹𝘂𝗵𝗮.

Sa patuloy na pagtaas ng presyo ng gasolina kada litro dulot ng hidwaan sa West Asia, dagdag na pasanin ang kinahaharap ng mga jeepney drayber sa bansa. Mas malaki pa ang nagagastos sa gasolina kaysa sa kinikita sa buong araw na pamamasada.

Marami sa kanila ang patuloy na kumakayod kahit hindi sapat ang kita upang tugunan ang pang-araw-araw na gastusin. Kadalasan, ang kinikita sa maghapong pasada ay nauuwi lamang sa pambawi sa gasolina at ang natitira ay kulang pa sa pagkain, bayarin, at pangangailangan ng pamilya. Pawis at luha ang kanilang puhunan, ngunit tila hindi ito pinapansin ng may kapangyarihan.

Sa gitna ng krisis na ito, nananatiling kulang ang kongkretong tugon ng pamahalaan. Ang pagpatutupad ng four-day work week sa ilang tanggapan ay isang patak sa dagat kumpara sa tunay na pangangailangan ng mga apektadong sektor. Habang may opisina na nagbabawas ng araw ng trabaho, ang mga tsuper ay walang ganiyang pribilehiyo. Patuloy pa rin ang pasada, patuloy ang pagod, at patuloy ang pangambang baka kulangin muli ang iuuwi sa pamilya.

Hindi sapat ang pansamantalang hakbang ng gobyerno kung ang problema ay pangmatagalan. Hindi sapat ang katahimikan kung ang sigaw ng mamamayan ay malinaw. Sa ganitong kalagayan, hindi lamang awa ang kailangan—kundi pananagutan at matalinong pagpili ng mga pinunong may tunay na malasakit at kakayahang tugunan ang hinaing ng mamamayan.

𝘗𝘶𝘣𝘮𝘢𝘵 𝘯𝘪 𝘋𝘩𝘢𝘯𝘪𝘦𝘭𝘭𝘦 𝘎𝘶𝘪𝘯𝘰-𝘰

31/03/2026

𝗠𝗔𝗕𝗨𝗛𝗔𝗬 𝗔𝗡𝗚 𝗞𝗔𝗕𝗔𝗕𝗔𝗜𝗛𝗔𝗡

Bago tuluyang matapos ang Buwan ng Kababaihan, mahalagang balikan hindi lang ang mga selebrasyon at pagbibigay-pugay, kundi ang realidad na patuloy na kinahaharap ng kababaihan araw-araw. Ang buwang ito ay paalala na ang pagtataguyod sa pagkapapantay-pantay at paggalang ay hindi natatapos sa mga programa o kampanya. Nasa ating mga kilos ito—sa paraan ng pakikinig, sa pagrespeto, at sa paninindigan laban sa mali.

Sa kabila ng mga tagumpay, nananatiling mabigat ang mga hamon. Marami pa ring kababaihan ang nakararanas ng pambabastos, takot, at karahasang nangyayari sa mga lugar na dapat sana’y ligtas—sa paaralan, sa komunidad, at maging sa sariling tahanan. Hindi ito normal at hindi dapat palampasin. Ang bawat karanasang ito ay paalala na marami pa tayong dapat baguhin sa ating lipunan.

Sa pagtatapos ng buwang ito, nawa’y magsilbi itong paalala na ang laban para sa kaligtasan, dignidad, at pagkapapantay-pantay ng kababaihan ay hindi lang laban tuwing Marso. Bilang mga kasapi ng lipunan, may papel tayo sa pagpalalakas ng boses ng kababaihan—sa pakikinig kapag may nagsasalita, sa paninindigan kapag may inaapi, at sa pagtindig tuwing may kailangang baguhin.

Hindi nasusukat ang diwa ng Buwan ng Kababaihan sa dami ng selebrasyon, kundi sa paraan ng ating patuloy na pagkilos kahit tapos na ang Marso. Hangga’t may boses na kailangang marinig at karapatang kailangang ipaglaban, patuloy tayong kikilos—hindi lang para sa ngayon, kundi para sa mas makatarungan at ligtas na kinabukasan.

𝘗𝘶𝘣𝘮𝘢𝘵 𝘯𝘪 𝘒𝘢𝘪𝘳𝘢𝘩 𝘑𝘢𝘤𝘰𝘣𝘦

30/03/2026

Nagkamit ng mga parangal ang An Pukot sa Para sa Bayan at Lasalyano (BayLayn) 2026 ng Ang Pahayagang Plaridel sa De La Salle University – Manila noong Marso 28, 2026.

𝗣𝘂𝗯𝗹𝗶𝗸𝗮𝘀𝘆𝗼𝗻𝗴 𝗣𝗮𝗻𝗴𝗺𝗮𝗴-𝗮𝗮𝗿𝗮𝗹
𝗨𝗡𝗔𝗡𝗚 𝗚𝗔𝗡𝗧𝗜𝗠𝗣𝗔𝗟𝗔
𝗣𝗶𝗻𝗮𝗸𝗮𝗺𝗮𝗵𝘂𝘀𝗮𝘆 𝗻𝗮 𝗞𝗼𝗹𝗲𝗸𝘀𝗶𝘆𝗼𝗻 𝗻𝗴 𝗟𝗮𝗿𝗮𝘄𝗮𝗻

𝗜𝗻𝗱𝗶𝗯𝗶𝗱𝘄𝗮𝗹 𝗻𝗮 𝗞𝗼𝗺𝗽𝗲𝘁𝗶𝘀𝘆𝗼𝗻
𝗨𝗡𝗔𝗡𝗚 𝗚𝗔𝗡𝗧𝗜𝗠𝗣𝗔𝗟𝗔
𝗝𝗮𝗿𝘆𝗻 𝗔𝘃𝗲𝗹𝗶𝗻𝗼 – 𝗣𝗶𝗻𝗮𝗸𝗮𝗺𝗮𝗵𝘂𝘀𝗮𝘆 𝗻𝗮 𝗔𝗿𝘁𝗶𝗸𝘂𝗹𝗼𝗻𝗴 𝗣𝗮𝗺𝗯𝗮𝗹𝗶𝘁𝗮

Muli, pagpupugay sa lahat ng kasapi ng pahayagan at patuloy na maging tinig ng kabataan tungo sa kamalayan.

𝘓𝘢𝘳𝘢𝘸𝘢𝘯 𝘮𝘶𝘭𝘢 𝘴𝘢 𝘈𝘳𝘤𝘩𝘦𝘳𝘴 𝘕𝘦𝘵𝘸𝘰𝘳𝘬
𝘗𝘶𝘣𝘮𝘢𝘵 𝘯𝘪𝘯𝘢 𝘌𝘴𝘵𝘩𝘦𝘳 𝘉𝘦𝘳𝘯𝘢𝘭 𝘢𝘵 𝘈𝘯𝘵𝘰𝘪𝘯𝘦𝘵𝘵𝘦 𝘘𝘶𝘦𝘣𝘦𝘤

Address

Palo

Website

http://medium.com/an-pukot-evc

Alerts

Be the first to know and let us send you an email when An Pukot posts news and promotions. Your email address will not be used for any other purpose, and you can unsubscribe at any time.

Contact The Business

Send a message to An Pukot:

Shortcuts

Want your business to be the top-listed Media Company in Palo?

An Pukot

20/05/2026

19/05/2026

19/05/2026

04/05/2026

01/05/2026

13/04/2026

13/04/2026

01/04/2026

31/03/2026

30/03/2026

Address

Website

Alerts

Contact The Business

Shortcuts

Share

Category