12/06/2026
"Sa panahong maraming nais magdikta ng dapat mong paniwalaan, ang pinakamahalagang gawin ay hanapin ang katotohanan, suriin ang mga katibayan, at huwag matakot manindigan para sa tama..."
May ilan sa mga nasa gobyerno, media, hanay ng mga abogado, at mga political analyst na matatalino sana at may kakayahang magpaliwanag ng tama at totoo. Ngunit sa halip na maging gabay sa katotohanan, pinipili nilang baluktutin ang batas upang umayon sa kanilang pansariling interes at agenda.
Kapag ang batas ay ginagamit laban sa katarungan, at ang katotohanan ay tinatabunan ng ingay at propaganda, tungkulin ng bawat mamamayan na maging mapanuri at manindigan sa tama.
Ang katotohanan ay hindi nababago ng paulit-ulit na kasinungalingan. Hindi ito nasusukat sa dami ng nagsasalita kundi sa lakas ng ebidensiya at integridad ng budhi.
Ang batas ay ginawa upang ipagtanggol ang katarungan, hindi upang maging kasangkapan ng kapangyarihan.
-Ka Edwil Zabala
INC Spokesperson
