26/04/2026
SUNDAY SERVICE | APRIL 26, 2026
📖 : 1 CORINTO 15:22 - SAPAGKAT KUNG PAANONG
NAMAMATAY ANG LAHAT DAHIL SA
KANILANG KAUGNAYAN KAY ADAN, GAYUNDIN NAMAN, MABUBUHAY ANG LAHAT DAHIL SA KANILANG KAUGNAYAN KAY CRISTO.
Sa basketball, dalawa lang yan. Team A o Team B. Pag nasa Team A ka, panalo ng Team A, panalo mo rin. Talo ng Team A, talo mo rin. Wala kang magagawa. Nakakabit ka sa team mo.
Ganun din sa buhay. Sabi ni Pablo, dalawa lang ang team ng buong sangkatauhan: Team Adan o Team Cristo. At kung saang team ka nakakabit, yun ang kinabukasan mo.
I. TEAM ADAN: LAHAT PATAY v22a
"Sapagkat kung paanong namamatay ang lahat dahi sa kanilang kaugnayan kay Adan..."
A. Automatic ang membership
Hindi ka nag-apply sa Team Adan. Pagkapanganak mo pa lang, member ka na. Bakit? Kasi lahat tayo galing kay Adan. Genesis 5:3. Pag nagkasala si Adan, nadamay lahat.
Parang apelyido. Pag "Santos" ka, dala mo yun kahit ayaw mo. Hindi mo pinili, pero effect sa'yo. Ganun si Adan. Dala natin yung "apelyidong makasalanan." Roma 5:12
B. Automatic din ang penalty: Kamatayan Tatlong klase ng kamatayan ang minana natin kay Adan:
1. Espirituwal: Hiwalay tayo sa Diyos. Efeso 2:1
2. Pisikal: Tumatanda, nagkakasakit, namamatay.
3. Walang hanggan: Impyerno kung walang kaligtasan. Roma 6:23
Application: Wag mo nang ipagmalaki na "Mabait naman ako." Sa Team Adan, kahit MVP ka pa sa kabaitan, talo pa rin. Kasi ang kapitan ng team,
sumablay. At yung sablay niya, sablay ng buong team.
II. TEAM JESUS
"...gayundin naman, mabubuhay ang lahat dahil sa kanilang kaugnayan kay Cristo."
A. Lipat ng team sa pamamagitan ng pananampalataya Hindi ka pinanganak sa Team Cristo. Kailangan mong lumipat. Paano? Juan 3:3- "Kailangang ipanganak kang muli."
Pag sinampalatayanan mo si Jesus, inililipat ka ng Diyos mula kay Adan papunta kay Cristo. Colosas 1:13. New team, new captain, new destiny
B. Automatic din ang panalo: Buhay
Kung kay Adan may 3 klase ng kamatayan, kay Cristo may 3 klase ng buhay:
1. Espirituwal: Buhay na ulit espiritu mo. Nakakonekta ka na sa Diyos. Juan 5:24
2. Pisikal: Babangon ang katawan mo pagbalik Niya. 1 Corinto 15:52-53
3. Walang hanggan: Buhay na walang katapusan sa piling Niya. Juan 11:25-26
Si Cristo parang "Last Man Standing" sa isang giyera. Namatay Siya, pero nabuhay. At kasi Siya ang kapitan ng Team Cristo, lahat ng nasa team Niya, bubuhayin din. Sabi Niya: "Dahil akoʻy nabubuhay, mabubuhay rin kayo." Juan 14:19
Application: Ang tanong hindi "Gaano ka kabait?" Ang tanong: "Kanino ka nakaugnay?" Pwede kang bagsak sa lahat ng subject, pero kung nasa honor's list ang kapitan mo, pasado ka. Si Cristo ang Kapitan mo. Perfect Siya. Kaya kung nasa Kanya ka, perfect din ang tingin sa'yo ng Diyos.
III. CHECK MO: SAANG TEAM KA NGAYON?
A. Paano malalaman kung nasa Team Adan ka pa?
1. Takot ka pa rin sa kamatayan.
2. Wala kang assurance sa langit.
3. Buhay mo umiikot lang sa lupa - pera, bisyo,
sarili.
4. Hindi mo pa tinanggap si Jesus bilang Tagapagligtas.
B. Paano malalaman kung nasa Team Cristo ka na?
1. Nanampalataya ka na kay Jesus - hindi sa relihiyon, kundi sa Kanya. Gawa 16:31
2. May bago nang pagnanasa - gusto mo na si Lord. 2 Corinto 5:17
3. Hindi ka na takot mamatay, kasi alam mong buhay ang naghihintay. Filipos 1:21
4. Hindi ka na nabubuhay para sa sarili mo lang
C. Pwede ka pang lumipat ngayon
Hindi pa tapos ang laro. Habang humihinga ka pa, pwede ka pang lumipat ng team. Pero pag namatay ka na, kung saang team ka inabutan, dun ka na forever
Pang Wakas : "CHANGE YOUR JERSEY"
Sa NBA, pag na-trade ka, kailangan mong hubarin yung lumang jersey mo at suotin yung bago. Hindi pwedeng Lakers jersey pa rin suot mo kung nasa Celtics ka na. Pagagalitan ka ng coach
Ganun din sa spiritual. Maraming "Christian" pero Adan pa rin ang jersey. Ugali, pananalita, priority Adan pa rin.
Hamon:
1. Kung hindi ka pa kay Cristo: Ngayon na ang trade deadline mo. Tanggapin mo si Jesus. Sabihin mo:
"Lord Jesus, inaamin kong nasa Team Adan ako. Makasalanan ako. Pero ngayon, lilipat na ako sa Team Mo. Ikaw na ang Kapitan ko. Amen."
2. Kung kay Cristo ka na: Hubarin mo na yung lumang jersey. Itigil mo na yung ugali ng Team Adan. Suotin mo nang maigi ang jersey ni Cristo. Buhay na may pag-ibig, kabanalan, pag-asa
Isang araw, dalawa lang ang grupo sa harap ng Diyos. Hindi "Catholic vs. Protestante." Hindi "Mabait vs. Masama." Kundi "Nasa kay Adan" o "Nasa kay Cristo."
Kay Adan, lahat patay. Kay Cristo, lahat buhay. Mamili ka ngayon. Kasi bukas, baka huli na.
PS : Mark Genzola
