Bayan ng Santa Cruz

06/11/2025

𝗛𝗨𝗟𝗜𝗡𝗚 𝗣𝗜𝗥𝗔𝗦𝗢

Ipinagmamalaki po ng Bayan ng Santa Cruz ang opisyal na short film entry nito sa EDukSINE: AHD Short Film Festival 2025!

Suportahan po natin sa pamamagitan ng ❤️ react, at i-share po ang official post hanggang Nobyembre 10, 2025 – 3:00 PM.

04/11/2025

𝗡𝗮𝘁𝗶𝗼𝗻𝗮𝗹 𝗜𝗗 ( 𝗣𝗵𝗶𝗹𝗦𝘆𝘀 ) 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝘁𝘂𝘄𝗶𝗻𝗴 𝗮𝗿𝗮𝘄 𝗻𝗴 𝗠𝗮𝗿𝘁𝗲𝘀 𝘀𝗮 𝗕𝗮𝘆𝗮𝗻 𝗻𝗴 𝗦𝗮𝗻𝘁𝗮 𝗖𝗿𝘂𝘇 ✨

Ang Philippine Statistics Authority (PSA) sa pakikipagtulungan ng Lokal na Pamahalaan ng Bayan ng Santa Cruz sa pamamagitan ng Municipal Civil Registrar’s Office, ay magkakaroon po ng schedule para sa mga nais kumuha ng National ID.

Tuwing araw ng Martes, simula Oktubre 21, 2025 sa ating Municipal Lobby.

Inaanyayahan po ang lahat ng hindi pa nakakapagpa-register para sa PhilSys (National ID) na pumunta at magparehistro dito po sa ating munisipyo.

Mahalaga po ang pagkakaroon ng National ID bilang opisyal na pagkakakilanlan sa mga transaksyon sa gobyerno at pribadong sektor.

03/11/2025

𝐌𝐆𝐀 𝐁𝐘𝐀𝐇𝐄 𝐍𝐆 𝐌𝐆𝐀 𝐒𝐀𝐒𝐀𝐊𝐘𝐀𝐍𝐆 𝐏𝐀𝐍𝐃𝐀𝐆𝐀𝐓 𝐏𝐀𝐓𝐔𝐍𝐆𝐎𝐍𝐆 𝐒𝐄𝐌𝐈𝐑𝐀𝐑𝐀 𝐀𝐓 𝐂𝐎𝐑𝐎𝐍, 𝐒𝐔𝐒𝐏𝐄𝐍𝐃𝐈𝐃𝐎 𝐃𝐀𝐇𝐈𝐋 𝐒𝐀 𝐁𝐀𝐆𝐘𝐎𝐍𝐆 𝐓𝐈𝐍𝐎

Sa ating mga kababayan magbyabyahe patungong Semirara sa lalawigan ng Antique maging sa Coron Palawan, sa kasalukuyan as of 8:40 AM, Nov. 3 2025, ang mga byaheng pandagat sa mga nabanggit na lugar ay pansamantalang sinususpende ng Philiipine Coast Guard base sa mga datos na inilahas ng DOST PAGASA na kabilang ang mga bayan ng San Jose, Magsaysay, Rizal at Calintaan ang nasa ilalim ng Severe Tropical Storm (STS) No. 1 dahil sa bagyong TinoPH.

Patuloy po ang paalaala ng ating Pamahalaang Panalalwigan sa pangunguna ng ating Gobernador Eduardo B. Gadiano ng ibayong pag iingat sa ating mga kababayan. Manatiling nakaantabay sa ating PIO FB page sa mga karagdagang impormasyon patugkol sa panibagong ulat hinggil sa bagyong TinoPH.

SERBISYONG GANADO!
GANADO NA, MAS GAGANAHAN PA!




Source:https://www.facebook.com/permalink.php?story_fbid=1143111171346299&id=100069422790254&rdid=4gdQETSvqkeUjhcw #

01/11/2025

𝗟𝗚𝗨 𝗦𝗔𝗡𝗧𝗔 𝗖𝗥𝗨𝗭 , 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗙𝗜𝗡𝗔𝗟 𝗖𝗔𝗣𝗗𝗘𝗩 𝗔𝗚𝗘𝗡𝗗𝗔 𝗙𝗢𝗥𝗠𝗨𝗟𝗔𝗧𝗜𝗢𝗡 𝗪𝗢𝗥𝗞𝗦𝗛𝗢𝗣

Matagumpay na naisagawa ng Pamahalaang Bayan ng Santa Cruz, Occidental Mindoro ang 𝗙𝗶𝗻𝗮𝗹 𝗖𝗮𝗽𝗮𝗰𝗶𝘁𝘆 𝗗𝗲𝘃𝗲𝗹𝗼𝗽𝗺𝗲𝗻𝘁 (𝗖𝗮𝗽𝗗𝗲𝘃) 𝗔𝗴𝗲𝗻𝗱𝗮 𝗙𝗼𝗿𝗺𝘂𝗹𝗮𝘁𝗶𝗼𝗻 𝗪𝗼𝗿𝗸𝘀𝗵𝗼𝗽 na ginanap sa Aroma Center, San Jose, Occidental Mindoro — isang mahalagang hakbang tungo sa higit pang pagpapatibay ng lokal na pamamahala at institusyonal na kakayahan.

Kabilang sa mga naging tagapagsalita mula sa Pamahalaang Panlalawigan at Department of the Interior and Local Government (DILG) sina:
● Ron Lowell Karl Daproza – Planning Officer III
● Ricardo Atanacio Zoleta – Planning Officer IV
● Michael Jordan – CDA I
● Raul Benedick Sison – LGOO II
● Mauren Abegail O. Magnaye – LGOO V
● Engr. Ma. Cristina Tajonera – Economist III

Ang matagumpay na aktibidad na ito ay naisakatuparan sa pamamagitan ng buong suporta ng DILG–Santa Cruz sa pangunguna ni MLGOO VI Baby Araceli A. Quito, at sa matatag na pamumuno ni Mayor Ernesto P. Torreliza, katuwang sina Vice Mayor Mark Francis Villaluna Galsim at mga kasapi ng Sangguniang Bayan.

Lubos na pasasalamat sa lahat ng Department Heads at Technical Working Group sa kanilang dedikasyon at aktibong pakikilahok — tunay na naging susi upang maging matagumpay ang workshop na ito tungo sa patuloy na pag-unlad ng Bayan ng Santa Cruz!

09/10/2025

𝗕𝗮𝘆𝗮𝗻 𝗻𝗴 𝗦𝗮𝗻𝘁𝗮 𝗖𝗿𝘂𝘇, 𝗡𝗮𝗴𝗶𝗻𝗴 𝗣𝘂𝗻𝗼𝗻𝗴 𝗔𝗯𝗮𝗹𝗮 𝘀𝗮 𝟰𝘁𝗵 𝗤𝘂𝗮𝗿𝘁𝗲𝗿 𝗔𝘀𝘀𝗲𝘀𝘀𝗼𝗿𝘀 𝗟𝗲𝗮𝗴𝘂𝗲 𝗖𝗼𝗻𝗳𝗲𝗿𝗲𝗻𝗰𝗲 𝗻𝗴 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼

𝑆𝑎𝑛𝑡𝑎 𝐶𝑟𝑢𝑧, 𝑂𝑐𝑐𝑖𝑑𝑒𝑛𝑡𝑎𝑙 𝑀𝑖𝑛𝑑𝑜𝑟𝑜 – 𝑂𝑐𝑡𝑜𝑏𝑒𝑟 9, 2025

Isinagawa ngayong araw sa Bayan ng Santa Cruz ang 4th Quarter Assessors League of Occidental Mindoro Conference, na dinaluhan ng mga Municipal Assessors at kanilang mga kawani mula sa iba’t ibang bayan ng lalawigan.

Isang mainit na pagtanggap ang ipinagkaloob nina Mayor Ernesto Torreliza at Vice Mayor Mark Francis Galsim, na personal na bumati at nagpaabot ng kanilang mensahe ng suporta at inspirasyon sa lahat ng kalahok. Binigyang-diin ng mga lokal na opisyal ang kahalagahan ng pagkakaisa at dedikasyon sa patuloy na pagbibigay ng tapat na serbisyo publiko.

Layunin ng naturang kumperensya na pagtibayin ang ugnayan at palitan ng kaalaman sa larangan ng real property assessment, upang higit na mapaigting ang maayos, makabago, at epektibong pamamahala sa mga lokal na pamahalaan ng Occidental Mindoro.

Ang Bayan ng Santa Cruz ay patuloy na nagsisilbing katuwang sa mga inisyatiba na naglalayong itaas ang antas ng serbisyo para sa kapakinabangan ng bawat mamamayan.




📸 Photo Credits: Municipal Assessor's Office- Santa Cruz

03/10/2025

𝐇𝐀𝐓𝐀𝐖 𝐊𝐀𝐁𝐀𝐓𝐀𝐀𝐍; 𝐌𝐀𝐒𝐒 𝐃𝐀𝐍𝐂𝐄 𝐂𝐎𝐌𝐏𝐄𝐓𝐈𝐓𝐈𝐎𝐍

Bilang bahagi ng pagdiriwang ng Linggo ng Kabataan 2025 sa Bayan ng Santa Cruz, gaganapin ang Hataw Kabataan; Mass Dance Competition sa darating na Oktubre 6, 2025, ganap na ika-5:00 ng hapon sa Municipal Gymnasium ng Bayan ng Santa Cruz.

Lalahukan ito ng mga SK officials at Katipunan ng Kabataan mula sa labing-isang barangay ng Bayan ng Santa Cruz, na magtatanghal ng kanilang husay at galing sa sabayang pagsayaw. Layunin ng aktibidad na ito na maipamalas ang talento ng kabataan, mapagtibay ang kanilang pagkakaisa, at higit sa lahat, maipadama ang kanilang mahalagang papel bilang katuwang sa pagpapaunlad ng ating Bayan ng Santa Cruz.

Ang Hataw Kabataan ay isa lamang sa mga tampok na gawain sa linggong selebrasyon, na naglalayong hikayatin ang mas aktibong pakikilahok ng kabataan sa mga programang pangkomunidad sa Bayan ng Santa Cruz.

Inaanyayahan ang lahat ng mamamayan ng Bayan ng Santa Cruz na makiisa at suportahan ang kaganapang ito, bilang pagkilala sa sigla at kakayahan ng ating kabataan na nagsisilbing pag-asa at haligi ng ating kinabukasan.

𝐇𝐀𝐓𝐀𝐖 𝐊𝐀𝐁𝐀𝐓𝐀𝐀𝐍; 𝐌𝐀𝐒𝐒 𝐃𝐀𝐍𝐂𝐄 𝐂𝐎𝐌𝐏𝐄𝐓𝐈𝐓𝐈𝐎𝐍🎉🌟

Sama-sama nating tunghayan ang galing at energy ng mga SK officials at Katipunan ng Kabataan mula sa labing-isang barangay ng Santa Cruz!
Magkakasama, magpapasiklab sa Hataw Kabataan;Mass Dance Competition ngayong October 6, 2025, sa Municipal Gymnasium, ganap na ika-5 ng hapon!
Huwag palampasin ang kasiyahan at talento ng kabataan!

03/10/2025

𝗣𝗔𝗥𝗔 𝗦𝗔 𝗠𝗚𝗔 𝗠𝗔𝗠𝗔𝗠𝗔𝗬𝗔𝗡 𝗡𝗚 𝗦𝗔𝗡𝗧𝗔 𝗖𝗥𝗨𝗭: 𝗟𝗜𝗕𝗥𝗘𝗡𝗚 𝗘𝗬𝗘 𝗖𝗛𝗘𝗖𝗞-𝗨𝗣 𝗔𝗧 𝗖𝗢𝗡𝗦𝗨𝗟𝗧𝗔𝗧𝗜𝗢𝗡

Sa pagtutulungan ng Bayan ng Santa Cruz at 𝙀𝙮𝙚𝙏𝙚𝙘𝙝 𝘿𝙚𝙨𝙞𝙜𝙣 𝙊𝙥𝙩𝙞𝙘𝙖𝙡 𝘾𝙚𝙣𝙩𝙚𝙧, isang libreng eye check-up at konsultasyon ang isasagawa sa darating na 𝙊𝙠𝙩𝙪𝙗𝙧𝙚 𝟔, 𝟐𝟎𝟐𝟓, mula alas-𝟖:𝟎𝟎 ng umaga sa Tanggapan ng Pangalawang Punong Bayan, Vice Mayor Mark Villaluna Galsim.

Layunin nito na mapanatili ang kalusugan ng mata ng mga mamamayan, lalo na ang mga kabataan at matatanda, sa pamamagitan ng libreng pagsusuri at rekomendasyon para sa tamang salamin o lunas. Bukas ito sa lahat ng edad, at maaaring makatanggap ng diskwento sa mga branded frames at salamin.

Ayon sa mga kinatawan ng lokal na pamahalaan, ang ganitong gawain ay bahagi ng kanilang patuloy na pagsusumikap na magbigay ng serbisyong pangkalusugan at medikal sa buong komunidad.

Para sa karagdagang detalye, makipag-ugnayan sa tanggapan ng Human Resources (HR) o kay Gng. Lina V. Ramos.

29/09/2025

𝐊𝐚𝐛𝐚𝐭𝐚𝐚𝐧 𝐧𝐠 𝐒𝐚𝐧𝐭𝐚 𝐂𝐫𝐮𝐳, 𝐈𝐧𝐚𝐚𝐧𝐲𝐚𝐲𝐚𝐡𝐚𝐧𝐠 𝐋𝐮𝐦𝐚𝐡𝐨𝐤 𝐬𝐚 𝐒𝐢𝐤𝐡𝐚𝐲𝐚𝐧 𝐒𝐮𝐫𝐯𝐢𝐯𝐚𝐥 𝐂𝐚𝐦𝐩 2025

Santa Cruz, Occidental Mindoro — Inaanyayahan po ng Pamahalaang Lokal ng Santa Cruz, katuwang ang Sangguniang Kabataan Federation, ang lahat ng kabataan na lumahok sa Linggo ng Kabataan 2025: Sikhayan Survival Camp na gaganapin mula Oktubre 2–4, 2025 sa Andree’s Beach Resort, Barangay Barahan.

Ang nasabing programa ay naglalayong hubugin ang kakayahan ng mga kabataan sa larangan ng survival skills, leadership, at pakikipagkapwa, kasabay ng pagbibigay ng pagkakataong matuto, makapagbahagi ng karanasan, at makipag-ugnayan sa kapwa kabataan.

Bukas ito para sa mga kabataan na may edad 15–30 taong gulang. Dahil limitado lamang ang slots, hinihikayat ang mga nagnanais na lumahok na magparehistro agad upang masiguro ang kanilang partisipasyon.

Sa pamamagitan ng programang ito, muling pinagtitibay na ang kabataan ay mahalagang katuwang po natin sa pagtataguyod ng isang mas matatag at mas maunlad na komunidad.

𝐂𝐚𝐥𝐥 𝐟𝐨𝐫 𝐀𝐩𝐩𝐥𝐢𝐜𝐚𝐭𝐢𝐨𝐧𝐬!

𝐋𝐢𝐧𝐠𝐠𝐨 𝐧𝐠 𝐊𝐚𝐛𝐚𝐭𝐚𝐚𝐧 𝟐𝟎𝟐𝟓: 𝐒𝐢𝐤𝐡𝐚𝐲𝐚𝐧 𝐒𝐮𝐫𝐯𝐢𝐯𝐚𝐥 𝐂𝐚𝐦𝐩

Handa na ba kayo sa isang makabuluhang adventure? Sumali sa Linggo ng Kabataan 2025 Sikhayan; Survival Camp mula October 2-4, 2025, sa Andree's Beach Resort, Barangay Barahan, Santa Cruz, Occidental Mindoro!

Bukas ito para sa kabataan edad 15-30 years old na gustong matuto, mag-explore, at mag-enjoy kasama ang iba pang kabataan! May limitadong slots lang para makasama sa camp, kaya mag-register na agad!

I-click ang link sa ibaba para makapagsimula sa iyong registration. Huwag palampasin ang pagkakataon na maging bahagi ng isang unforgettable na karanasan!

https://forms.gle/NoSYes534fyzPYre8

26/09/2025

𝗕𝗮𝘆𝗮𝗻 𝗻𝗴 𝗦𝗮𝗻𝘁𝗮 𝗖𝗿𝘂𝘇, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗣𝗿𝗲-𝗗𝗶𝘀𝗮𝘀𝘁𝗲𝗿 𝗥𝗶𝘀𝗸 𝗔𝘀𝘀𝗲𝘀𝘀𝗺𝗲𝗻𝘁 𝗕𝗮𝗴𝗼 𝗗𝘂𝗺𝗮𝘁𝗶𝗻𝗴 𝗮𝗻𝗴 𝗕𝗮𝗴𝘆𝗼𝗻𝗴 “𝗢𝗽𝗼𝗻𝗴”
Setyembre 25, 2025 – 2:00 PM

Natapos kahapon ng Municipal Disaster Risk Reduction and Management Council (MDRRMC) ng bayan ng Santa Cruz ang Pre-Disaster Risk Assessment (PDRA) bilang paghahanda sa Severe Tropical Storm “Opong” na pinalalakas ng Southwest Monsoon.

Sa ginanap na PDRA, tinalakay at sinuri ng konseho ang antas ng panganib sa bayan base sa kasalukuyang exposure at vulnerability ng komunidad. Natukoy din ang angkop na mga hakbang at tugon upang matiyak ang kaligtasan at kahandaan ng lahat ng residente.

Patuloy na pinapaalalahanan ng MDRRMC ang publiko na manatiling updated sa mga pinakabagong abiso ng panahon mula sa DOST-PAGASA.

25/09/2025

𝗪𝗔𝗟𝗔𝗡𝗚 𝗣𝗔𝗦𝗢𝗞 | 𝗦𝗘𝗧𝗬𝗘𝗠𝗕𝗥𝗘 𝟮𝟲,𝟮𝟬𝟮𝟱

Alinsunod po sa Executive Order No. 48 na nilagdaan ni Governor Eduardo B. Gadiano, 𝙨𝙪𝙨𝙥𝙚𝙣𝙙𝙞𝙙𝙤 𝙥𝙤 𝙖𝙣𝙜 𝙡𝙖𝙝𝙖𝙩 𝙣𝙜 𝙠𝙡𝙖𝙨𝙚 (𝙥𝙖𝙢𝙥𝙪𝙗𝙡𝙞𝙠𝙤 𝙖𝙩 𝙥𝙧𝙞𝙗𝙖𝙙𝙤) 𝙖𝙩 𝙩𝙧𝙖𝙗𝙖𝙝𝙤 𝙨𝙖 𝙢𝙜𝙖 𝙩𝙖𝙣𝙜𝙜𝙖𝙥𝙖𝙣 𝙣𝙜 𝙡𝙤𝙠𝙖𝙡 𝙖𝙩 𝙥𝙖𝙢𝙗𝙖𝙣𝙨𝙖𝙣𝙜 𝙥𝙖𝙢𝙖𝙝𝙖𝙡𝙖𝙖𝙣 𝙨𝙖 𝙗𝙪𝙤𝙣𝙜 𝙊𝙘𝙘𝙞𝙙𝙚𝙣𝙩𝙖𝙡 𝙈𝙞𝙣𝙙𝙤𝙧𝙤 bukas, Biyernes, Setyembre 26, 2025, dahil sa banta ng Severe Tropical Storm “Opong” (Bualoi).

Ang hakbang na ito ay para po sa ating kaligtasan laban sa inaasahang malalakas na pag-ulan at hangin. Gayunpaman, magpapatuloy po ang serbisyo ng ating mga ospital, health services, at disaster response teams upang masiguro na may sapat na tulong at serbisyong pangkalusugan sa oras ng pangangailangan. Para naman po sa mga pribadong negosyo, nakasalalay ang suspensyon ng trabaho sa desisyon ng kani-kanilang employer.

Mag-ingat po tayong lahat. Iwasan po ang paglabas kung hindi kinakailangan at makinig po sa mga opisyal na abiso.

Ang ating kaligtasan po ang higit na mahalaga.

25/09/2025

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢
September 25, 2025
As of 12:30 AM, kanselado na ang lahat ng biyahe ng mga barko sa lahat ng pantalan sa Lalawigan ng Occidental Mindoro hanggang sa susunod na abiso.

25/09/2025

𝗔𝗥𝗧𝗔 𝗖𝗼𝗺𝗽𝗹𝗶𝗮𝗻𝗰𝗲 𝗠𝗼𝗻𝗶𝘁𝗼𝗿𝗶𝗻𝗴 𝗮𝗻𝗱 𝗘𝘃𝗮𝗹𝘂𝗮𝘁𝗶𝗼𝗻 𝘀𝗮 𝗟𝗼𝗸𝗮𝗹 𝗻𝗮 𝗣𝗮𝗺𝗮𝗵𝗮𝗹𝗮𝗮𝗻 𝗻𝗴 𝗕𝗮𝘆𝗮𝗻 𝗻𝗴 𝗦𝗮𝗻𝘁𝗮 𝗖𝗿𝘂𝘇

Ngayong Setyembre 25, 2025, isinagawa sa Lokal na Pamahalaan ng Bayan ng Santa Cruz ang Compliance Monitoring and Evaluation (CME) ng Southern Luzon Anti-Red Tape Authority (ARTA) sa ilalim ng Office of the President.

Layunin ng aktibidad na ito na tiyakin na ang ating pamahalaang lokal ay mahigpit na sumusunod sa mga itinakdang pamantayan ng Ease of Doing Business and Efficient Government Service Delivery Act o mas kilala bilang Ease of Doing Business Law. Sa ilalim ng batas na ito, inaasahan na ang mga tanggapan ng pamahalaan ay magbibigay ng mabilis, malinaw, at episyenteng serbisyo upang mapawi ang red tape at mapadali ang mga transaksyon ng mamamayan.

Ang pagsusuring ito ay hindi lamang tumutukoy sa mga aspeto na kailangang paigtingin, kundi patunay din na ang Lokal na Pamahalaan ng Bayan ng Santa Cruz ay nananatiling kaagapay ng pambansang pamahalaan sa pagsusulong ng transparency, accountability, at mahusay na pamamahala.