Radyo Katribu 103.3

18/09/2025

WITH JULIETA MALAYO,NGATO BUDOG, LUCILA AFIL

18/09/2025

KATRIBU NEWS UPDATE

17/09/2025

𝑰𝑵 𝑷𝑯𝑶𝑻𝑶𝑺 | DST Scholarship Program Committee Meeting. Presided by SB Committee Chairman on Education, Culture and Arts, Science and Technology, HON. KIRK T. TUAN, and Committee Member, Hon. Valerio Fado along with OMA, SEF, MTO, MBO and Office of the Municipal Accountant. Held at the MMO Conference Room last September 10, 2025.

Discussions were focused on the status of the applicants per school, schedule of interview and the remaining set of activities yet to be implemented before the end of the School Year.

17/09/2025

𝑰𝑵 𝑷𝑯𝑶𝑻𝑶𝑺 | Municipal Transport Terminal Regulatory Board Check-in Meeting presided by Municipal Administrator and Concurrent MTTRB Vice Chairperson, Atty. Aleanna Joy Gelido, on behalf of MTTRB Chairman, HON. KEO DAYLE T. TUAN. Held last September 10, 2025 at the Municipal Mayor's Office, Poblacion, Tboli, South Cotabato.

Discussions were focused on the LGU-Tboli's compliances to the requirements of mandated by Land Transportation Franchising and Regulatory Board (LTFRB) - Regional Franchising and Regulatory Office XII, aligned to Board Resolution No. 101 Series of 2025, 𝐴 𝑅𝑒𝑠𝑜𝑙𝑢𝑡𝑖𝑜𝑛 𝐷𝑖𝑟𝑒𝑐𝑡𝑖𝑛𝑔 𝐴𝑙𝑙 𝐵𝑢𝑠 𝑎𝑛𝑑 𝑇𝑒𝑟𝑚𝑖𝑛𝑎𝑙 𝑂𝑝𝑒𝑟𝑎𝑡𝑜𝑟𝑠 𝑡𝑜 𝐶𝑜𝑚𝑝𝑙𝑦 𝑤𝑖𝑡ℎ 𝑅𝑒𝑝𝑢𝑏𝑙𝑖𝑐 𝐴𝑐𝑡 11311 𝑎𝑛𝑑 𝐿𝑇𝐹𝑅𝐵 𝑀𝑒𝑚𝑜𝑟𝑎𝑛𝑑𝑢𝑚 𝐶𝑖𝑟𝑐𝑢𝑙𝑎𝑟 𝑁𝑜. 2017-030 𝑜𝑛 𝑇𝑒𝑟𝑚𝑖𝑛𝑎𝑙 𝑆𝑡𝑎𝑛𝑑𝑎𝑟𝑑𝑠, vis-a-vis provision of safety, comfort and preservation of the dignity of commuting public.

In attendance were SB Committee Chairman on Public Utilities, Transporation and Communication, Hon. Valerio Fado, SB Committee Chairman on Tourism, HON. KIRK T. TUAN along with the heads and representatives from MTO, MPDO, OME, MENRO, MHO, TMU, PNP-Tboli and MEEDO as members of the said Board.

17/09/2025

LGU-Tboli, muling napasama bilang Top Finalist sa prestihiyosong ATOP Pearl Awards 2025

Muling napasama bilang Top Finalist ang LGU-Tboli sa ATOP Pearl Awards 2025, matapos naging nominado ang tatlong entry nito bilang (1) 𝑩𝒆𝒔𝒕 𝑻𝒐𝒖𝒓𝒊𝒔𝒎-𝑶𝒓𝒊𝒆𝒏𝒕𝒆𝒅 𝑳𝑮𝑼 (Municipal Level), (2) 𝑩𝒆𝒔𝒕 𝑪𝒖𝒍𝒕𝒖𝒓𝒂𝒍 𝑭𝒆𝒔𝒕𝒊𝒗𝒂𝒍 (𝑺𝒆𝒔𝒍𝒐𝒏𝒈 𝑭𝒆𝒔𝒕𝒊𝒗𝒂𝒍) at (3) 𝑩𝒆𝒔𝒕 𝑷𝒓𝒂𝒄𝒕𝒊𝒄𝒆𝒔 𝒇𝒐𝒓 𝑪𝒐𝒎𝒎𝒖𝒏𝒊𝒕𝒚-𝑩𝒂𝒔𝒆𝒅 𝑻𝒐𝒖𝒓𝒊𝒔𝒎 (Municipal Level) sa entry nitong Tboli Knoon….Kule MMON (Our Heartbeat as Tboli people, Our Tradition and Our Strength as Community).

Agad namang inatasan at ipinadala ni Municipal Mayor, HON. KEO DAYLE T. TUAN, ang kanyang napili bilang opisyal na kinatawan ng LGU-Tboli para dipensahan ang mga nasabing nominasyon.

Nitong Setyembre 6, 2025, dinipensahan ng grupo mula sa LGU-Tboli na binubuo nina SB Committee Chairman on Tourism, HON. KIRK T. TUAN, Municipal Administrator, Atty. Aleanna Joy Gelido, Tourism Officer Designate, Alexander Montallana, Municipal Information Officer, Antonio R. Cabinbin IV, at Tourism Staff, John Albert Nuñes, ang tatlong nasabing nominadong entries sa harap ng mga hurado na ginanap sa University of Santo Tomas, City of Manila.

Ayon kay Atty. Gelido, kabilang na ang tatlong entries ng LGU-Tboli sa Top 3 Finalists ng ATOP Pearl Awards 2025 kaya pinasalamatan niya ang LGU-Tboli, lalong lalo na ang buong komunidad ng Tboli, maging ang mga tagapamahala ng Tourism Development and Promotions Unit at ang mga Event Managers and Coordinators at Creative and Production Team ng Seslong Festival, na siyang nasa likod ng naturang mga nominasyon.

Ayon sa ATOP, ay namumukod-tangi ang pagsusumite ng entries ng LGU-Tboli dahil sa innovation at impact nito, at maging ikinararangal nilang kilalanin ang naging kontribusyon nito sa industriya ng turismo.

Matatandaan, na nakuha ng LGU-Tboli ang Best Tourism-Oriented LGU (Municipal Level) noong 2022 at 1st Runner-Up naman sa Best Practices for Community-Based Tourim (Municipal level) habang ang naging Best Cultural Festival naman ay ang Seslong Festival ng Tboli sa taong 2024.

Dahil dito ay umaasa si Atty. Gelido na muling makakamit ng LGU-Tboli ang tagumpay sa gaganaping ATOP Pearl Awards 2025 ngayong Oktubre 2, 2025 na gaganapin sa Baguio City.

Ang ATOP Pearl Awards ay isang pambansa at taunang pagkilala sa mga pambihirang kasanayan, proyekto at inobasyon na mahalagang bahagi ng mabilis na paglaki at dinamikong organisasyon gaya ng Association of Tourism Officers of the Philippines, Inc.

Layunin ng parangal na ito na kilalanin at ipagdiwang ang mga huwarang kontribusyon ng mga indibidwal sa sektor ng turismo, partikular ang mga nagawa ng Local Government Units, sa lipunan sa kabuuan. (Johnary G. Orella, MIO News Team)

17/09/2025

Konstruksiyon ng tire path sa Sitio Lasak ng Barangay Salacafe, nagpapatuloy

Natanggap na ng Sitio Lasak sa Barangay Salacafe ang karagdagang 100 bags ng semento mula sa LGU-Tboli nitong nakaraang mga araw para sa pagpapagawa ng kanilang "tire path".

Naibigay ang nasabing mga semento sa pagsusumikap at pag request ng Barangay Salacafe Officials, sa pamumuno ni Punong Barangay Juneto Baway, sa koordinasyon kay OIC-MDRRMO, Roan P. Guille ng LGU-Tboli.

Sa ngayon ay patuloy ang pagtutulungan ng mga residente ng nabanggit na Sitio sa paggawa ng Tire Path upang ito ay kanila nang magamit.

Kasunod nito, lubos ang pasasalamat ng mga residente sa lugar, lalong-lalo na sa Lokal na Pamahalaan ng Tboli, sa pangunguna ni HON. KEO DAYLE T. TUAN, na binibigyang-pansin noon pa man ang liblib na mga lugar na may mahirap na mga kalsada o daan. (Milchard A. Bing, MIO News Team/Photos by Barangay Kagawad Herman Muan)

17/09/2025

Mga bagong 4Ps Municipal Links, itinatalaga sa MGOC-Tboli

Ipinakilala nitong Lunes, Setyembre 15, 2025, ni Miss Effie Joy C. Pardello, PDO II – Municipal Link ng Pantawid Pamilyang Pilipino Program (4Ps), ang mga bagong Municipal Links na makakasama sa pagpapatupad ng programa sa iba’t ibang barangay na sakop ng sa Municipal Government Operation Center (MGOC-Tboli).

Kabilang sa mga ito ay sina:

Sabena V. Nolaso, PDO II – Municipal Link, Pantawid Pamilyang Pilipino Program, Barangay Maan;

April Mae M. Miguel, PDO II – Municipal Link, CPS, Barangay Basag;

Kate Merril Catbagan, PDO II – Municipal Link, Pantawid Pamilyang Pilipino Program, Barangay Maan; at

Divina E. Sobremisana, PDO II – Municipal Link, Pantawid Pamilyang Pilipino Program, Barangay Basag

Iniharap ang mga ito kasabay ng lingguhang Flag Raising Ceremony ng mga empleyado ng LGU-Tboli sa MGOC.

Layunin ng kanilang pagtatalaga na mas mapalakas pa ang pagpapatupad ng mga serbisyong nakalaan para sa mga benepisyaryo ng 4Ps sa kani-kanilang nasasakupan.(Milchard A. Bing, MIO News Team)

17/09/2025

Tboli Animal Bite Treatment Center, ganap nang isang DOH Certified Facility pagkatapos masuri ng Regional ABTC Assessment Team

Sinuri ng Regional Animal Bite Treatment Center (ABTC) Assessment Team na pinangunahan ni Dr. Charmaine Pearl A. Cedeño, RMT, Medical Officer IV ng Department of Health CHD 12, ang pasilidad ng Tboli Animal Bite Treatment Center nitong nakaraang linggo lamang.

Layon nito na mabigyan ng sertipikasyon ng Regional Animal Bite Treatment Center ang naipatayong Animal Bite Treatment Center ng Tboli.

Mahalaga ang hakbang na ito upang masigurado ang kalidad na serbisyo at pagpapamahala ng naturang pasilidad.

Sinisig**o ng assessment team na maibigay ng Tboli Animal Bite Treatment Center ang standardized care sa bawat indibidwal na pumupunta sa pasilidad, na isa sa mga pamamaraan upang masugpo ang rabies sa bayan. (Milchard A. Bing, MIO News Team/Photos by MHO-Tboli)

17/09/2025

LGU-Tboli, kinilala bilang Top Performing Municipality sa pagpapatupad ng RCEF ng DA

Tboli, South Cotabato - Kinilala ng Department of Agriculture - Philippine Rice Research Institute Midsayap Branch, ang LGU-Tboli, bilang isa sa mga Top Performing Municipalities (Small Scale Category) 2025 Wet Season sa buong rehiyon.

Natanggap ng LGU-Tboli ang parangal na pinangalanang, "Punla ng Tagumpay", dahil sa natatanging pagganap at kontribusyon nito sa matagumpay na implementasyon ng Rice Competitiveness Enhancement Fund (RCEF) sa bayan ng Tboli.

Ang pagkilalang ito ay muling iginawad kina Municipal Vice Mayor, Hon. Ronie L Dela Peña at Municipal Administrator, Atty. Aleanna Joy Gelido, sa LGU-Tboli Flag Raising Ceremony nitong Lunes, Setyembre 15, 2025, sa pamamagitan nina OIC-Municipal Agriculturist, Aileen Malasador, at OMAg Rice Coordinator, Marigene L. Catiquesta.

Matatandaan na sa pangalan ni Municipal Mayor, HON. KEO DAYLE T. TUAN, ay tinanggap ni Catequista ang pagkilalang ito bilang bahagi sa isinagawang RCEF Seed Program Planning and Firm-up of Seed Allocation for DS 2025 na ginanap sa Provincial Demo Farm, Banga, South Cotabato noong Setyembre .

Ang aktibidad na ito ay pinangasiwaan mismo nina PhilRice-12, Dir. Sailia E. Abdula, RCEF Coordinator, Gilbert V. Romarez, at Provincial Rice Focal Person, Rommel Eladia. (Johnary G. Orell, MIO News Team)

17/09/2025

17/09/2025

Family Planning Information Drive, isinagawa sa Sitio Blangas ng Barangay Kematu

Tboli, South Cotabato- Isinagawa nitong nakaraang Huwebes, Setyembre 11, 2025, sa Sitio Blangas, Barangay Kematu, Tboli, South Cotabato ang programang, “Panalo ang Pamilyang Planado, Tara, Usap Tayo sa Family Planning!”, na pinangunahan ng Municipal Health Office ng LGU-Tboli, katuwang ang mga Barangay Health Workers.

Sa patuloy na suporta ng Lokal na Pamahalaan sa ilalim ng Administrasyon ni HON. KEO DAYLE T. TUAN, matagumpay na naipapatupad sa bayan ang mga programa para sa Family Planning.

Layunin nitong bigyan ng sapat na kaalaman at tamang serbisyo ang bawat magulang upang makapili at makapagdesisyon nang responsable tungkol sa bilang at agwat ng anak.

Sa naturang aktibidad, tinalakay ni Family Planning Coordinator, Hernalyn S. Tuazon, ang mga isyu ng Adolescent Pregnancy at kahalagahan ng "self-care". Binigyang-diin din nito na ang hindi tamang pagpaplano ng pamilya ay isang usaping nagpapahirap sa mga Pilipino kaya naman patuloy na pinapa-igting ng MHO ang programang ito upang mas maraming pamilya ang mas ligtas, mas maayos ang kalusugan, at mas handa para sa magandang kinabukasan. (Milchard A. Bing, MIO News Team/Photos by MHO-Tboli)

17/09/2025

PhilHealth YAKAP, pormal nang inilunsad sa bayan ng Tboli

Tboli, South Cotabato- Inilunsad na sa bayan ang Yaman ng Kalusugan Program o YAKAP, isang programang pangkalusugan ng Philippine Health Insurance Corporation (PhilHealth) bilang bahagi ng pagpapatupad ng Universal Health Care Law.

Isinagawa ang Philhealth Yakap Launching sa Tboli National High School nitong Setyembre 9, 2025 na pinangunahan ni Remy Abbie E. Tanco, RN, Executive Assistant-II sa LGU-Tboli, na siyang kumatawan kina Tboli Municipal Mayor, HON. KEO DAYLE T. TUAN, at Municipal Health Officer, Dr. Joel Arcega, kasama ang mga kinatawan ng Integrated Provincial Health Office (IPHO-South Cotabato), PhilHealth-South Cotabato at mga g**o ng TNHS.

Layon ng nasabing programa na mas mapalawak pa ang pagbibigay ng serbisyong pangkalusugan ng PhilHealth sa iba’t ibang sektor ng lipunan.

Sa ilalim ng YAKAP, mas pinalawak na rin ang mga libreng Laboratory Tests ng PhilHealth, kabilang ang 13 regular Laboratory Procedures at anim na Cancer-Screening Tests tulad ng Mammogram, Colonoscopy, at Low-Dose Chest CT Scan.

Nadagdagan din ang bilang ng mga libreng gamot na sakop ng PhilHealth mula 54, na ngayon ay umabot na ng 72, na maaaring nang ma-avail ng libre o may subsidiya.

Nilinaw ni Remy na sa nasabing mga Laboratory Tests ng PhilHealth, ang Cancer-Screening Tests ay kasalukuyang hindi pa available sa RHU-Tboli, gayundin ang nasabing 72 na mga gamot, dahil nasa proseso pa ng pag-procure at pag-establish ng nasabing programa.

Aniya, ang YAKAP ay dating kilala bilang Konsultasyong Sulit at Tama o KonSulTa Program na mas pinalawak pa ang serbisyo at benepisyo para sa pamilyang Pilipino.

Kasama rin sa inisyatibo ang pagpapatuloy ng digitalization ng PhilHealth. Sa tulong ng eGov Super App, maaaring gawing online ang Registration, Consultation Records, at maging ang pagkuha ng gamot mula sa mga Accredited Pharmacies gamit lamang ang QR code na ibibigay ng PhilHealth.

Maliban sa Launching ng Philhealth YAKAP ay nagkaroon din ng Yakap Caravan na bahagi ng CLASS+ (Clinics for Learners’ Access to School-health Services Plus), programa ng Department of Education (DepEd) at PhilHealth na nag-uugnay sa mga clinic ng paaralan at lokal na health system. Ipinatutupad ito sa ilalim ng PhilHealth Konsulta, ang pangunahing serbisyong pangkalusugan na nagbibigay ng libreng konsultasyon, laboratory tests, at gamot. (Milchard A. Bing, MIO News Team/Photos by Ang Bukang Liwayway ng Maughan of Tboli National High School)