Polomolok Karon (2025)

07/05/2025

Kun ang pagpahayag sa kamatooran makadaot sa usa ka tawo, mali ba kini sa nagsulti sa matood, o mali kini sa naghimo ug dautan?

07/05/2025

HEAVY EQUIPMENT SA LGU, GIGAMIT SA 'PRIVATE CONTRACTING'?

Ang isyu kay dili lang diay OVERPRICED ang pinalit sa LGU Polomolok nga Heavy Equipment (https://www.facebook.com/share/p/1Aj78dE68L/), gigamit usab diay kini sa pribadong pagpangontrata sa tawong nagpaluyo sa tanan?

Susihon nato ang mga ebidensya!

Tuig 2023, usa ka pribadong kumpanya ang nagpatukod ug piggery sa Barangay Glamang. Ordinaryo ra unta kini nga proyekto. Apan ang dakong ISYU niini, HEAVY EQUIPMENT, krudo, ug trabahante sa LGU Polomolok ang gigamit sa maong proyekto.

Miaging Agosto 2024, gipagawas sa Mindanews ang balita sa pagbungkag sa Center Island dinhi sa Polomolok tungod kay PALPAK kini (https://www.facebook.com/share/p/1EXyKMqAGA/). Apan ang maong Center Island nga proyekto sa DPWH, gigama sa private contractor nga wala misubay sa "specifications" sa maong ahensya, mao nga na "back job"kini. Daghang residente sa Polomolok ang nagtuo nga ang CENTER ISLAND proyekto sa LGU tungod kay Makita man nga ginagamit ang mga Heavy Equipment sa maong proyekto. Apan dili kini tinuod - pribadong kontratista ang migama sa Center Island!

Karon, ang 3 ka andanas nga hospital building sa PGH gikontrata sa L.H.E. Construction & Industrial Services Inc., usa ka pribadong contractor nga naay kaugalingong mga Heavy Equipment. Apan makita sa post sa mismong FB Page ni Mayor Palencia nga ginagamit sa maong proyekto ang Heavy Equipment sa LGU Polomolok (https://www.facebook.com/reel/1279037709991531?mibextid=9drbnH&s=yWDuG2&fs=e). Ngano kahanga gigamit sa private contractor ang HEAVY EQUIPMENT sa LGU?

Kining mga proyekto, pribadong pagpangontrata kini - apil sa bayad sa kontrata ang bayad sa HEAVY EQUIPMENT. Apan nganong HEAVY EQUIPMENT man sa ATOANG MUNISIPYO ang gigamit sa maong mga proyekto?

Unsa kaha ang mas lawom nga diskarte aning mga proyekto halangdong Mayor Bernie D. Palencia?

Proyekto nga gipondohan sa gobyerno. Proyekto nga gi-award sa private contractor. Private Contractor nga sila na dapat ang mugasto para sa mga "Construction Equipment". Apan HEAVY EQUIPMENT sa LGU Polomolok ang gigamit?

Lihitimo kini nga mga isyu ug pangutana. Apan igo ra kita pasanginlan nga gapangdaot?

Kapait ba aning yano-yanohon ra ta ug bulatik ug ilad aning mga tawo nga mualagad man unta sa mga katawhan sa Polomolok Karon!

06/05/2025

TITULO SA YUTA, WALA GIHAPON GINAPAKITA!

Duha na ka SEMANA ang milabay sukad nga gipagawas nato ang isyu sa napulo ka ektaryang yuta (10 hectares land) nga gipalit sa LGU Polomolok gikan sa DARBCI, wala GIHAPON mapakita sa administrasyon ni Mayor Bernie D. Palencia ang TITULO sa maong yuta. (https://www.facebook.com/share/p/19KiEHtd9a/)

Kini human usab nga wala mahatagan ug igong tubag ang mga pormal nga hangyo, sa opisina ni Mayor Palencia, sa mga pribadong indibidwal alang sa maong dokumento.

WALA'Y MAPAKITA NGA TITULO, o WALA GAYU'Y TITULO ang maong yuta?

Kapin tuig na ang milabay sukad mabayran sa LGU Polomolok ug 65 Milyon ang maong yuta sa DARBCI, apan wala gihapon mapakita nga TITULO ang LGU.

Wala ba gayud ginaseryoso ni Mayor Palencia ang hangyo sa mga yanong POLOMOLOKEÑO's? Kay kuno, matod pa sa usa ka gaangkon nga gisultihan "kuno" ni Mayor Palencia, wala daw nagahatag ug dokumento ang munisipyo kay GAMITON kuno kini sa pangdaot!

Kung gipakita nalang diay ni Mayor Palencia ang Titulo sa Yuta, ang Absolute deed of Sale, ug uban pang dokumento sa pagpalit niini, di ba dili na sila maisyuhan?

Unsa man diay ang panghitabo sa munisipyo? Nganong wala may mapakita nga TITULO?

Una, matod pa sa mga opisina sa munisipyo: wala'y MAPAKITA nga titulo kay wala man kini nabalhin sa LGU.

Ikaduha, wala kini nabalhin pipila na ka bulan ang milabay sukad sa pagbinayranay kay wala kuno gibayran ang mga buwis nga gikahinanglang bayran.

Ang mga anomaliya nga nagpaluyo ani nga transaksyon mao ang rason nganong nahadlok ug gikulbaan ang OIC Accountant sa panahon sa binayranay, kay kabalo siya unsa kabug-at ug kadoko ang problemaniini.

KATAWHAN sa Polomolok, Karon mao kini ang HAGIT:

Ang TITULO sa YUTA mao ang magpamatuod nga pagpandaot lamang kining atoang ginahimo isip usa ka tumandok sa Polomolok nga naki'gbisog sa Social Media.

Mao na ba kini ang atoang tema Mayor Bernie Palencia?

TITULO sa yuta ayaw Hilab-ti, kay ang CR gi-LIBRE!

05/05/2025

YUTA, GI-ANGKON NI CHAIRMAN, MAGUBA LANG SI CONGRESSMAN!

April 26, 2022, nagpasaka ug KASO sa Municipal Trial Court (MTC) ang kampo ni Chairman Vincent Palma gamit ang Dolefil Agrarian Reform Beneficiaries Cooperative (DARBC) batok sa mga negosyante kauban si Cong. Isidro Lumayag. Ang KASO: ginaangkon ni Palma (DARBC) ang YUTANG gipatukuran ug poultry sa Brgy. Crossing Palkan.

Sa ilahang post, si Cong. Isidro Lumayag lang ang gihinganlan ug giduot pag-ayo ni Palma nga nagkuha sa maong YUTA. Matod pa ni Palma, ang iyahang pag-kaso kang Cong. Lumayag alang sa benepisyo sa mga miyembro sa iyahang kooperatiba. (https://www.facebook.com/share/p/16af5JcJQs/)

Miaging August 22, 2024, nagpagawas ang MTC sa Polomolok ug DESISYON nga mipabor sa "defendant" o ang grupo nila Cong. Isidro Lumayag. DISMISSED ang maong KASO kay wala kini sakto nga basehan!

October 9, 2024, nag-file ug "Notice of Appeal" ang grupo ni Palma sa Regional Trial Court sa Polomolok.

April 23, 2025, giila ug gipamatud-an sa RTC sa Polomolok ang KATIBUK-ANG sa desisyon sa MTC nga gipanaog niini - DISMISSED kay lagi WALA'Y igong basehan ang KASO nga gipasaka ni Palma.

Dili ba halata kaayo nga ginagamit ni Palma ang DARBC aron lang mapagawas niya nga dautang tawo si Cong. Lumayag?

Dili ba bantang kaayo nga kung kanus-a pipila nalang ka adlaw bag-o ang eleksiyon kaniadtong miaging 2022, didto pa nagpasaka ug kaso si Palma batok kay Cong. Lumayag?

Wala ba naluoy si Palma sa mga lihitimong miyembro sa iyahang kooperatiba nga DARBC kay nigasto gayud siya ug MINILYON makafile lang ug KASO nga wala man diay basehan?

Ang DARBC giilang "pinakadako nga kooperatiba sa Asya", kooperatiba nga "Neutral" sa politika. Apan dili ba makasubo nga makita sa mga taga-Polomolok karon nga gigamit kini sa mga abusadong tawo tungod sa pagkahakog sa gahum?

Benepisyo alang sa mga miyembro! Dili benepisyo sa nagpakaaron-ingnong politiko!

04/05/2025

300 SA UBAN, 150 SA UBAN? INSTALLMENT KAHA NI?

Gisaysay ni Mayor Bernie Palencia sa iyahang pagpangampanya ang isyu nga napuno kuno ug anomaliya ang panghatag ug AYUDA sa DSWD kay wala nagkadimao ang sumada sa kuwarta. Dugang pa niya, tungod daw kini kay naay gapangomisyon o kickbak! (https://www.facebook.com/share/v/197aJ5E6br/)

Apan naunsa na man kini kay ang ilahang gipanghatag sa ilahang headquarters pasulod sa Agan kay wala man sab nagkadimao - naay makadawat ug 300, naa usab makadginot ug 150?

Resulta na kaha kini sa ilahang gihimo nga pagpakang ug badyet aron naa la'y ikabayad sa nautangan sa munisipyo?

O 150 lang sa ang sa uban, tutal, LIBRE BITAW ANG CR!

Mao na ba kini ang gipasigarbo natong pagdumala ni Mayor Palencia sa Polomolok Karon?

03/05/2025

ISYU NGA UTANG SA LGU, PANGDAOT LANG KUNO?

Atoang gi-post kaniadtong niaging April 29, 2025 ang isyu nga 8 MILYON nga UTANG sa LGU Polomolok sa Mount Matutum Petron Service Station Incorporated. UTANG NGA maoy hinungdan nganong wala na'y gasolina ug krudo nga matubil sa mga sakyanan sa munisipyo. (https://www.facebook.com/share/v/15qKW4YUfn/)

Abtik kaayo midepensa ang mga suporters ni Mayor Palencia nga misulti nga dili kuno tinuod nga naay UTANG ang munisipyo sa Petron. Apan kung tinuod nga walay UTANG ang LGU, ngano kaha nga wala man dayon nagpost ug "Certificate of Payment" ang LGU o si Mayor Bernie D. Palencia? Igo ra nakakuha ang LGU Polomolok sa maong certificate pagka-May 2 na! (https://www.facebook.com/share/p/15u8NRNuz3/)

April 29 gi-butyag ang isyu, April 30 gi-settle and UTANG, ug May 2 gi-issue ang certificate. Klaro na man 'g**o ni!

Unya, nagdali-dali usab ug "partial payment" ang LGU Polomolok sa utang niini nga 1.7 Milyon sa Polomolok Water District (PolWD). Nagpasalamat pa man gani dayon kay Mayor Palencia si BOD Cecil Mirasol nga mura ba ug gibayran na TANAN. Apan wala pa man diay kay "PARTIAL PAYMENT" pa man lang! (https://www.facebook.com/share/p/1AMWhzAsL4/)

Ang sakit pa para sa Polomolok Water District, nagpadala pa gayud ug duha niini ka empleyado ang LGU aron maghatod ug sulat nga nagahangyo sa management sa PolWD nga hatagan ug "Certificate of Full Payment" ang LGU Polomolok.

"PARTIAL" ang gibayaran apan "FULL PAYMENT" ang gipangayo nga certification?

Mao ba gayud kini ang "Modus Operandi" sa Palencia Administration? Nga maghulat usa nga mahimong dakong issue ang ilahang obligasyon bag-o kini hatagan ug solusyon?

Apan sumala pa lagi nila nga nangulo sa munisipyo sa Polomolok Karon:
"Bahala na'g PURO UTANG, basta ang CR - LIBRE MANGIHI/MALIBANG!"

02/05/2025

OVERPRICED NGA HEAVY EQUIPMENT - UNSA MA'Y TINUOD?

Sa milabay nga bulan sa Oktubre, tuig 2024, gibutyag sa usa ka Facebook user ang isyu nga overpricing sa pagpalit ug Heavy Equipment sa LGU Polomolok nga gipangunahan ni Mayor Bernie D. Palencia. (https://www.facebook.com/share/p/15chmUSXqr/) (https://www.facebook.com/share/v/18yXaCGQi8/)

Say-ron nato kung unsa kini katinuod pinaagi sa pagsusi sa dokumento (Purchase Order/PO) nga gikan mismo sa munisipyo ug ikumpara kini sa pinalit sa usa ka pribadong negosyante.

- September 12, 2022 nakapalit ang usa ka pribadong negosyante ug usa ka XCMG XE215D EXCAVATOR gikan sa Jinyi Import and Export Trading Co., Inc. sa kantidad nga Php5,500,000.00 para sa usa (1) ka unit. Makita ang detalye sa Unilateral Deed of Sale nga gilakip niining post.

- October 11, 2022, nagpagawas ug Resolution 195 ang Sangguniang Bayan sa Polomolok nga nag-otorisa kay Mayor Palencia nga MANGUTANG ug Php330,000,000.00 alang sa nagkalainl-laing proyekto lakip na dinhi ang Php150,000,000.00 alang ipalit ug HEAVY EQUIPMENT (lakip na niini ang 13 Milyon alang sa excavator - PR No. 2023-06-1198). (https://www.facebook.com/share/p/16RzT9rrBX/)

- Ang Purchase Order Number 2023-1390 nga dokumento gikan sa LGU Polomolok, nagpakita sa specifications sa XCMG XE215-5G EXCAVATOR nga nagkantidad ug Php12,9900,000.00 para sa usa (1) ka unit, nga gikan sab kini sa supplier nga Jinyi Import and Export Trading Co., Inc. ((https://www.jinyi.ph/pages/earth_excavator_crawler.html)

UNSA MAN ANG PASABOT NIINI?

Makita nato nga dako kaayo ug diperensiya sa presyo sa EXCAVATOR XCMG XE215 nga pinalit sa pribadong negosyante (5.5 Milyon), kun ikumpara nato ang gipalit sa LGU Polomolok (12.99 Milyon).

WALA ba kini gisusi, nakita, o napansin sa mga empleyado sa LGU nga gitahasan sa ani nga trabaho?

Wala ba natingala si Mayor Palencia nganong ingon ani kamahal ang presyo para sa LGU? 12.99 Miyon?

Dili ba engineer ug kontratista man ang atoang halangdong mayor? Wala ba gayud siya'y ideya ani?

O BASIN WALA NA SILA NATINGALA tungod kay sa una pa lang, mao na man kini ang ilahang presyohanay nga giaapil sa budget para maaplyan ug loan?

Planado na ba ang tanan - nga paliton ug 12.99 Milyon ang ecxavator nga nagkantidad ra man unta ug 5.5 Milyon?

Planado na ba daan nga sa 12.99 Milyon nga INUTANG sa MUNISIPYO, kickback na ang 7.49 Milyon?

OVERPRICED? EXCAVATOR PA LANG NI!

KATAWHAN SA POLOMOLOK, Karon kita magsulti nga pandaot ra ni!

Karon nato ipiyong ang atoang mga mata! Karon nato talikdan ang kamatooran?

Unsa ra man nang MINILYON nga kickback, di' ba?

IMPORTANTE, LIBRE ang CR!

30/04/2025

PLATAPORMA o PA-PORMA?
Ang Gitaguang Diskarte ni Yorme!

Atoang susihon kung natuman ba sa Team Palencia ang ilahang gipangsaad sa ilahang "plataporma de gobyerno" kaniadtong 2022.

Sumala pa sa ilahang video sa Facebook (https://www.facebook.com/share/r/1HJhDFg2pR/), ang plano nila Mayor Bernie D. Palencia para sa lungsod sa Polomolok mao ang "Excellent Implementation of Basic Governance". Apan nahimo ba kini, kung asa ang tinuod nga panginahanglan mao ang hatagan ug igong BILI?

Atoang say'ron!

Una, EDUKASYON:
- Pagpatukod ug Polomolok College sa sulod lamang sa duha ka tuig. ❌❌❌ (Wala nahimo, kay kuno daghan ug rason. Ang Tinuod, NAGPATAKA lang ug saad nga WALAY GIHIMO NGA PAGTUON!)
- LIBRE o "100% free to all students!" - ❌❌❌ (WALA, kay ang nahitabo, kadaghanan sa scholars estudyante man sa PRIVATE School sa kaagawad nga nagsaad!)

Ikaduha, KALUSUGAN:
- Panghatag ug ayuda sa mga pamilya - ❌❌❌ (Kasagaran wala'y tambal ang HEALTH CENTER sama sa anti-rabies vaccine, maintenance, ug uban pa.)
- Dili na magsalig sa mga pribadong ospital ❌❌❌ (Daghan gihapong pasyente sa PGH ang ginarefer sa private hospitals!)
- Pagmodernize sa healthcare facilities - ❌❌❌ (Nagpalit ug OVERPRICED nga CT Scan pero dili pa magamit kay kulang pa ug igong accreditation ang PGH.)

Ikatulo, PABAHAY:
- Paghatag ug libreng BALAY ugg yuta alang sa mga nagkalisod magpatukod ug kaugalingong BALAY. ❌❌❌ (DILI LIBRE kay NOT TOTAL SUBSIDY ang maong housing sumala pa ni Mayor Palencia.)
- "INITIAL 1,000 units fully constructed and given(sic) in two years time." ❌❌❌ (One thousand? Nga duha ka units pa man lang intawon!)

Ikaupat, KABUHAYAN:
- Adtuan ang kada barangay ug maki'g istorya sa mga tawo nga walay trabaho. ✔️✔️✔️ (Giadtuan ug giistorya lang!)
- "Food products" nga makadani sa mga turista ❌❌❌ (Ang maong mga food products gipaningkamutan sa atoang mg akugihan nga negosyante!)
- "Kasuotan" fashion nga next big thing ❌❌❌ (Ang Mabal Tabih dugay na nga ginapasigarbo sa Polomolok!)
- "Tourist attractions" nga pangdani sa mga lokal ug international nga mga turista. ❌❌❌ (Libreng CR nga walay hunong nga ginapasigarbo!)
- DUHA (2) ka gas stations nga pagadumalaan sa mga kooeratiba sa mga sektor sa transportasyon. ❌❌❌ (Wala gayud ni natuman. Ang gimugna sa Tuazon Subd. Bunga sa pagpaningkamot sa mga TODA sa tabang ni Governor Tamayo.)

Makita nga KADAGHANAN o HALOS TANAN sa mga SAAD sa partido ni Mayor Palencia wala gayud natuman. Kay WALA gi-PRIORITIZE, WALA gi-BADYETAN, ug naa usab nga wala gayud diay GITUONAN o GISTUDY-HAN!

Apan adunay usa ka PROYEKTO ang ADMINISTRASYONG PALENCIA nga bisan pa ug WALA sa plataporma ug wala gisaad, giunay ug giuna gayud kini ug hangyo nga mabudgetan pinaagi sa pagpangutang SA bangko.

UNSA KINI?

Ang 150 MILYON nga HEAVY ERQUIPMENT - WALA SA PLATAPORMA, wala gisaad, APAN GIUNA!

Ngano kaha?

ATANGI!

29/04/2025

8 MILYON - UTANG SA MUNISIPYO SA PETRON!

Wala diay naapil sa ginapahambog ni Mayor Bernie D. Palencia nga UTANG SA MUNISIPYO sa Polomolok, ang Php8,000,000.00 nga UTANG sa LGU sa PETRON Fuel station.

Kung lantawon ang 136th Regular Session sa 19th Sangguniang Bayan sa Polomolok, mahibaloan nga mikabat na diay sa 8 MILYON ang UTANG SA MUNISIPYO sa Petron mao nga dili na makahatag ug Gasolina/krudo ang maong gasolinahan alang sa mga sakyanan sa munisipyo (timestamp - 1:18:29).

Dugang pa niini, matod pa sa nakahimamat nato nga empleyado sa Polomolok Water District, wala pa sab diay nakabayad ang LGU Polomolok sa ilalom sa pagdumala ni Mayor Palencia, sa BAYRONON niini sa maong ahensiya nga mukabat na karon sa 1.7 Milyon (Php1,700,000.00). (https://www.facebook.com/share/p/15eLpYLCoP/)

Ingon ani na ba ang klase sa pagdumala sa Munisipyo sa Polomolok Karon? UTANG diri, UTANG didto?

Dili lang man diay MINILYON nga UTANG SA bangko ang kaya ipanghambog ni Mayor Palencia, kun dili naa pa man diay kining 8 MILYON nga UTANG SA Petronn ug 1.7 Milyon nga UTANG sa POLOMOLOK Water District!

May pag-asa g'yud ba, Bagong Polomolok?

28/04/2025

SURVEY NGA ABANTE SI PALENCIA, NA-WOW MALI SIYA?

Kagahapon, gi-post ug gipasigarbo sa mga supporter ni Mayor Bernie D. Palencia ang usa ka "political" survey nga gipatigayon sa munisipyo sa Polomolok sa usa ka RGS Global Services (https://www.facebook.com/share/p/1ALfhJvDVE/).

Apan wala pa ma-abti ug usa ka adlaw, gitanggal na kini sa BAU Bagong Polomolok FB Page sa wala mahibalo-i nga rason.

Sa gihimo nga pagsusi ug pagtuki, nahibaloan nga ang maong GIPAHAMBOG NGA SURVEY daghan man diay ug MALI nga impormasyon, sama sa:

1. MALI nga spelling sa "Undicided" imbes nga "Undecided" (diri pa lang, alanganin na, kay nagpakita kini nga MUBO ug kalidad ang maong survey);
2. Ang pangalan nga RGC nga gigamit sa maong post PEKE. Kay RCG ang lihitimo nga pangalan sa kumpanya nga nakarehistro ug nagagamit sa address, ug mao kini ang ilahang official website - https://myridius.com/all-locations , (klaro nga pagpangilad);
3. MALI usab ang "grammar" sa ubos sa post nga dili hinimoan sa mga eksperto sa survey - "This Survey (?) Conducted thru Sectoral (?) and evenly distributed (?), (klaro na sab nga ALANGANIN ang naghimo Ani nga dokumento).

BOGUS nga Survey?

Desperadong paghinambong?

Nagpataka lang?

Mao na ba kini ang kalidad sa datos nga kaya sa grupo ni Mayor Palencia? Yano-yanohon ug sayun-sayonon na lang ba kita ani ug pangilad?

Aron sa unsa man? Aron sa asa man? Pila ka beses pa ka pagpamakak?

Magpailad pa ba ang katawhan sa Polomolok Karon? O ugma puhon?

24/04/2025

ANG HAGIT SA YUTANG GIPALIT

Gisaysay nato sa atoang niaging post (https://www.facebook.com/share/p/1BDv3gj78C/) ang isyu mahitungod sa pagpalit sa LGU Polomolok ug napulo ka ektaryang yuta (10 hectares) nga gipanagiyahan sa DARBCI nga mikabat sa Php65,000,000.00. Kini nga balita gibase ra usab sa Facebook post kung asa gipasigarbo ni Mayor Bernie D. Palencia ang maong proyekto sa iyahang administrasyon (https://www.facebook.com/share/p/17a2p29DMC/).

Ang tumong sa maong pagsaysay mao ang pagklaro sa tinuod nga kahimtang sa pagpalit sa yuta:

Una:
Asa na man ang kopya sa titulo ug mga dokumento sa gisugyot nga napulo ka ektaryang yuta?

Ikaduha:
Kung pagkahuman mabayran ug 65 Milyon ang yuta sa milabay nga tuig 2024, nabalhin na ba ang titulo niini sa LGU sa Polomolok? Kanus-a? Asa na man ang MGA DOKUMENTO nga NAGPAMATUOD nga NAPALIT UG NABALHIN NA SA LGU POLOMOLOK ANG MAONG YUTAA?

Ikatulo:
Kung ang tumong sa administrasyon ni Mayor Palencia, mao ang pagtuman sa ilahang gisaad sa ilahang plataporma niaging 2022 nga maghatag ug isa ka libo (1,000 units) ka panimalay nga LIBRE sa sulod sa duha ka tuig sa iyahang termino (https://www.facebook.com/share/r/1ByJwbQQUY/), nganong naghisgot pa man siya nga naa siya'y kaistorya nga mga "developer" nga interesado nga mupalit sa maong yuta sa presyo nga 15 Milyon kada ektarya?

Bale ang sistema diay, mao kini:
1. Nipalit ug 10 ektarya nga yuta nga nagkantidad ug 65 Milyon ang LGU Polomolok aron sa pagpanghatag ug "LIBRENG BALAY UG YUTA".
2. Ibaligya ang maong 10 ektarya sa mga developers sa kantidad nga 15 Milyon kada ektarya o 150 Milyon.
3. Magtukod ug BALAY ang developers ug pabayran kini sa mga gusto makabalay.
4. Mutabang ang gobyerno sa pagbayad sa BALAY ug YUTA.

Ang DAKONG pangutana: ASA na man ang inyohang GISAAD nga LIBRENG BALAY UG YUTA?

Polomolok, karon, nganong gibutyag pa man nato kini sa publiko? Nganong i-agi pa man sa pag-post sa Social Media?

Gibutyag nato kini aron dinhi pa lang, mapakita ug mapaklaro na sa administrasyon ni Mayor Palencia kung unsa kalimpyo ug kahusto ang gihimong pagpalit sa yuta!

Ang tumong nato dili pagpangdaot. Ang tumong nato mao ang pagpaklaro ug pagbutyag sa kamatuoran nga ang administrasyon ni Mayor Palencia dili BAKAKON ug wala gapanglimbong!

23/04/2025

BALAY UG YUTANG GISAAD, MAHULOG NGA PANG-ILAD?

Usa na usab ka Flomlokeño ang nagbutyag sa kaagi sa ilahang grupo may kalabutan sa gipasigarbo ni halangdong Mayor Bernie D. Palencia nga gipalit sa LGU Polomolok nga napulo ka ektarya nga yuta sa DARBCI sa kantidad nga Php65,000,000.00 (65 Milyon ka pesos) alang daw sa "decent housing program" (https://www.facebook.com/share/p/1DLkUjqksH/).

Matod pa sa nidangop sa atoa, wala gayud naghatag ug kopya sa titulo sa maong yuta (Transfer Certificate of Title - TCT) o bisan unsa nga dokumento ang opisina ni Mayor Palencia - sukwahi sa Freedom of Information (FOI) sumala sa Executive Order No. 2, s. 2016 - bisan pa nagpadala sila ug "request letter" kadtong December 2024, ug "follow-up letter" bulan sa Pebrero tuig 2025.

Nganong dili man makahatag ug kopya sa dokumento ang opisina ni mayor Palencia? Gitaguan ba kini? O, naa ba kaha'y igong dokumento ang gigiingong pagpalit ug yuta sa DARBCI sa kantidad nga 65 Milyon?

Una.

Makasulti kita nga walay igong dokumento ang maong TRANSAKSIYON tungod kay sa atoang pagsubay sa munisipyo, lisod pangitaon ang kumpletong dokumento nga kinahanglan sa pagbalhin sa titulo sa yuta. O kun naa man, nganong wala man sila nakahatag ug nakapadawat ug released copy sa kumpletong dokumento sa nihangyo niini.

Ikaduha.

Subay sa gisulti ni Mayor Palencia nga ang maong napulo (10) ka ektaryang yuta pagagamiton alang sa "decent housing program", mao nga gipalit kini sa kantidad nga 65 Milyon. Apan ngano man nga nibuhi sab siya ug istorya nga naa'y "land developers" nga taga-Cebu ug taga-Manila nga interesado mupalit sa maong yuta sa kantidad nga Php15,000,000.00 (15 Milyon) kada ektarya?

GAMITON ALANG PATUKURAN UG "DECENT HOUSING", O IBALIGYA? Naki'g "discuss"? Gitugutan ba kini sa Sangguniang Bayan?

Dugang pa, nakasulti si Mayor Palencia nga "So imagine, nitaas ang value in a matter of one year. Hindi siya dead investment - panalo pa rin si LGU, Hindi pa rin talo si taxpayers."

Unsa man gayud ang plano ni Mayor Palencia? Nipalit ug yuta alang sa "decent housing"? O Nipalit ug yuta aron investment ug ibaligya?

Kahibulongan, apan ang gisaad nga kabalayan, asa na man?

Seryoso nga isyu, seryoso nga mga pangutana, kay seryoso man kini nga tulubagon sa sinaligan ug halangdong mayor. Dili man kini sugal aron igo ra iagi sa pakuno-kuno nga istorya ang bahandi ug kaayuhan sa KATAWHAN sa Polomolok, karon ug sa umaabot pa nga panahon.

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Polomolok Karon

07/05/2025

07/05/2025

06/05/2025

05/05/2025

04/05/2025

03/05/2025

02/05/2025

30/04/2025

29/04/2025

28/04/2025

24/04/2025

23/04/2025

Address

Opening Hours

Website

Alerts

Contact The Business

Shortcuts

Share