04/08/2026
Isang 61-year-old na Filipino bakery worker sa Dubai ang isa ngayon sa mga pinakamalaking nanalo sa Abu Dhabi Big Ticket matapos manalo ng Dh20 million, o mahigit ₱330 million!
Pero eto ang nakaka-inspire... hindi niya ito inangkin lahat. Ang ticket pala ay pinagsama-samang binili ng 10 magkakaibigan… mga Pilipino, Indian at Bangladeshi. Kaya hahatiin nila ang premyo at bawat isa ay uuwi ng Dh2 million o humigit-kumulang ₱33 million.
Ang winner ay si Reynaldo Herboso, isang bakery worker na naninirahan sa UAE mula pa noong 1988. At alam nyo ba? Labinlimang taon na silang bumibili ng Big Ticket. Isipin nyo yun… 15 years na paulit-ulit na sumusubok, hanggang sa dumating ang araw na sila naman ang pinalad. Mas nakakatuwa pa, ayon kay Reynaldo, ang Bangladeshi nilang kaibigan pa ang pumili ng winning ticket number.
Sobrang nakakatuwang makarinig ng ganitong kwento. Hindi ito guarantee na mananalo ang lahat, pero magandang paalala ito na may mga pangarap na dumarating sa tamang panahon. At ang mas gusto ko rito? Hindi sila nag-away sa pera. Dahil simula pa lang, malinaw na magkakasama silang mangangarap at magkakasama rin silang hahati sa biyaya.
Congratulations, Kabayan Reynaldo at sa buong grupo ninyo! Sana maging simula ito ng mas magaan at mas panatag na buhay para sa inyong lahat.
