Repetek, Ang Diyaryo ng Pilipino

26/10/2025

| Totoo, tapat, at tamang paglalahad ng balita at impormasyon ang hatid ng REPETEK, Ang Diyaryo ng Pilipino! Ito ay pag-aari ng limbagang redsolseyer Media Services.

Para sa mga katanungan, tumawag lamang sa (048) 434 8598 o kaya’y magpadala ng mensahe sa aming page. Maaari rin kaming makontak sa aming email address na [email protected].

Ang aming opisina ay matatagpuan sa Centro de Benito Y Aliva Complex, Rizal Avenue, Barangay Maningning, Lungsod ng Puerto Princesa, Palawan, Philippines.

26/10/2025

‘WALANG DEMOLISYON’ — GARCIA

“Actually po, ‘yong sa demolition po ay bahagi ng judicial process. Kasi ang lugar ay gagamitin ng gobyerno at tatayuan ng agri-camp,” pahayag ni Iwahig Prison and Penal Farm (IPPF) Superintendent Gary Garcia.

“So, hindi ibig sabihin na kapag nagbigay ka ng notice to vacate ay gigibain na ang mga bahay,” aniya pa.

“Hindi natin ‘yon gagawin dahil bahagi lang ito ng pagsasampa natin ng kaso laban sa kanila,” giit ni Garcia.

Headlines Metro Puerto “WALANG DEMOLISYON” – GARCIA Repetek News October 5, 2025 2 min read Tahasang inihayag ni Iwahig Prison and Penal Farm (IPPF) Superintendent Gary Garcia na hindi gigibain ng Kawanihan ang limang kabahayan na pinadalhan ng ‘notice to vacate’ sa Sitio Tagbarungis, Bara...

26/10/2025

PILIPINAS, NAUNGUSAN NG IBANG BANSA SA TOURIST ARRIVALS

REPETEK NEWS--Limang bansa mula sa Timog-Silangang Asya ang nanguna sa bilang ng mga tursita mula buwan ng Enero hanggang Agosto 2025, ayon sa Seasia.stats.

Malaysia ang iniulat na may pinakamaraming bilang ng mga dayuhan sa loob ng walong buwan ngayong taon matapos magtala ng 28.4 milyong bisita na dumayo sa nasabing bansa.

Bukod sa mayamang kultura at likas na ganda, dinarayo rin ang mga modernong lungsod gaya ng Kuala Lumpur at Penang, na nagbibigay ng kakaibang karanasan sa mga turista.

Thailand ang pumangalawa na may 21.88 milyong bisita. Kilala ang naturang bansa sa mga beach, masasarap na pagkain, at mainit na pagtanggap.

Vietnam ang nasa ikatlong puwesto na may 13.9 milyon, kung saan patuloy na umaakit ng mga turista sa mga lugar tulad ng Hanoi, Ho Chi Minh City, at Ha Long Bay.

Ang Singapore ay nananatiling sentro ng negosyo at turismo na may 11.6 milyong bisita, habang ang Indonesia ay patuloy naman dinarayo dahil sa Bali at mga isla nito, kung saan nagtala naman ito ng 10.4 milyon, na nasa ikaapat at ikalimang puwesto.

Nasa ikaanim na puwesto naman ang Pilipinas matapos magtala ng 3.96 milyong bisita. Bagama’t mas maliit ang bilang, may potensyal na tumaas pa sa pamamagitan ng promosyon ng mga isla at ecotourism sa pandaigdigang merkado.

Samantala, ang Seasia.stats ay isang website na nagpapakita ng mga datos tungkol sa mga bansa sa Timog-Silangang Asya na layong ipakita ang pag-unlad at pagkakaiba-iba ng mga bansa sa ASEAN gamit ang mga datos.

via Samuel Macmac

26/10/2025

COVERED NG PHILHEALTH

Inannunsiyo ni Ginoong Wilfred Hernandez, Hepe ng PhilHealth Palawan, na mahigit isang milyong mga Palaweno mula sa kabuuang 1.3 milyong populasyon ang kasalukuyang covered ng PhilHealth sa buong lalawigan ng Palawan nitong araw ng Martes, Setyembre 30.

Ayon sa opisyal, ang dating outpatient program na KONSULTA, o libreng pagpapakonsulta sa doktor, ay tinatawag na ngayong YAKAP o Yaman ng Kalusugan Program na kung saan maraming benepisyaryong Palaweno ang nabibigyan ng libreng serbisyo gaya ng libreng gamot at iba pa.

Basahin dito: https://www.facebook.com/100063868150859/posts/1284301550375438/

26/10/2025

Dahil sa kakulangan ng pondo para sa orihinal na planong P1,000 insentibo kada g**o tuwing Buwan ng mga G**o, napagpasyahan ng Sangguniang Panlalawigan ng Palawan na bigas na lamang ang ibibigay sa mga g**o bilang alternatibong insentibo.

Imbes na pera, sampung kilong bigas ang ipamamahagi sa mga g**o sa buong lalawigan. Ayon kay Second District Board Member Al Nashier M. Ibba, maaaring bilhin ang bigas mula sa mga lokal na magsasaka o palay na ipagigiling ng pamahalaan bago ipamahagi.

Basahin dito: https://www.facebook.com/100063868150859/posts/1291661556306104/

26/10/2025

REPETEK, Ang Diyaryo ng Pilipino, ay tumatanggap ng iba’t ibang uri ng print advertisements o ads gaya ng 𝐍𝐨𝐭𝐢𝐜𝐞𝐬 𝐨𝐧 𝐄𝐱𝐭𝐫𝐚𝐣𝐮𝐝𝐢𝐜𝐢𝐚𝐥 𝐒𝐞𝐭𝐭𝐥𝐞𝐦𝐞𝐧𝐭 𝐨𝐟 𝐄𝐬𝐭𝐚𝐭𝐞, 𝐍𝐨𝐭𝐢𝐜𝐞 𝐨𝐧 𝐂𝐨𝐫𝐫𝐞𝐜𝐭𝐢𝐨𝐧 𝐨𝐟 𝐄𝐧𝐭𝐫𝐢𝐞𝐬, 𝐌𝐚𝐫𝐢𝐧𝐚 𝐚𝐭 𝐋𝐓𝐅𝐑𝐁 𝐍𝐨𝐭𝐢𝐜𝐞 𝐨𝐟 𝐇𝐞𝐚𝐫𝐢𝐧𝐠𝐬, 𝐏𝐮𝐛𝐥𝐢𝐜 𝐀𝐧𝐧𝐨𝐮𝐧𝐜𝐞𝐦𝐞𝐧𝐭𝐬, 𝐍𝐨𝐭𝐢𝐜𝐞 𝐨𝐟 𝐀𝐮𝐜𝐭𝐢𝐨𝐧, 𝐂𝐨𝐦𝐦𝐞𝐫𝐜𝐢𝐚𝐥 𝐨 𝐛𝐮𝐬𝐢𝐧𝐞𝐬𝐬 𝐞𝐬𝐭𝐚𝐛𝐥𝐢𝐬𝐡𝐦𝐞𝐧𝐭𝐬, 𝐞𝐥𝐞𝐜𝐭𝐢𝐨𝐧 𝐜𝐚𝐦𝐩𝐚𝐢𝐠𝐧, 𝐠𝐫𝐞𝐞𝐭𝐢𝐧𝐠𝐬, at iba pa!

Para sa mga karagdagang detalye, makipag-ugnayan lamang sa 𝒓𝒆𝒅𝒔𝒐𝒍𝒔𝒆𝒚𝒆𝒓 Media Services o kaya tumawag sa (048) 434 8598.

26/10/2025

PARA SA PAGSASAAYOS NG KALSADA SA ARACELI

Inihayag ni Municipal Mayor Sue Cudilla na magagamit na ng bayan ng Araceli ang mga heavy equipment na ipinahiram ng Pamahalaang Panlalawigan ng Palawan.

Sa kaniyang Facebook post, sinabi ng alkalde na dumating na ang mga naturang sasakyan matapos hilingin ng kaniyang tanggapan sa opisina ni Gobernadora Amy Roa Alvarez para sa pagsasaayos at maintenance ng mga kalsada sa kanilang bayan.

“[Ang bayan ng Araceli ay malugod na nagpapasalamat sa ating butihing Governor Amy Roa Alvarez sa kanyang agarang pagtugon sa ating kahilingang mapahiram tayo ng mga equipment para sa ating mga kalsada. Dumating na po sa Araceli ang mga sumusunod na equipment: 3 unit ng truck, 1 backhoe, 1 roller, at 1 prime mover],”
ani Cudilla.

Dagdag pa niya, “Mapapadali na po ang pag-maintain ng ating mga kalsada. Thank you and more power to you, Gov. Amy Roa Alvarez.”

26/10/2025

PH NAT'L GAMES DRAGONBOAT AT PADDLE EVENTS CHAMPIONS, KINILALA SA PUERTO PRINCESA

Namayagpag ang mga koponan at indibidwal na nagwagi sa kani-kanilang kategorya sa dalawang araw na kompetisyon ng kauna-unahang Philippine National Games para sa Dragonboat, Vanoe, Kayak, at Stand Up Paddling na isinagawa sa City Baywalk ng Puerto Princesa nitong Oktubre 23.

Sa 200-meter race, nanguna ang Sugbu Mighty Dragon sa Women’s Under 18, habang San Pedro Laguna Dragon Boat Racing Team ang kampeon sa Men’s Under 18.

Sa Men’s Under 24, inihayag na nanalo ang 2GO Dragonboat Team, sinunda ng Bakunawa Dragonboat Tram at Puerto Princesa WPS, ayon sa tanggapan ng impormasyon ng Pamahalaang Panlungsod.

Sa Individual events, nagwagi bilang kampeon sa Women’s Kayak si Carla Joy Cabugon, habang si Ivan Ercilla naman ang nanguna sa Men’s Kayak. Sa Women’s Canoe, naiuwi ni Joana Barca ang unang puwesto, habang naipanalo naman ni John Paul Selencio ang Men’s Canoe 200M at 500M.

Sa Stand Up Paddle, nanguna si Nikko Alcos sa Men’s category, habang si Diane Polestico ang kampeon sa Women’s Division.

Sa 500M race, umangat si Gabriel Labra sa ikalawang puwesto sa Men’s, habang si Eunice ang pumangalawa sa Women’s, kasunod ni Mary Ann Vanguardia.

Sa Cumulative time ranking ng 500M race, nanatiling nangunguna ang Sugbu Mighty Dragons sa Women’s Under 18, habang hindi rin nagpatinag ang San Pedro Laguna Dragonboat sa Men’s Under 18 at 2Go Dragonboat Team sa Men’s Under 24.

via Samuel Macmac

26/10/2025

Know your status, get tested regularly! 🙌

Knowing your status enables you to make informed decisions about your s*xual health, including the use of safer s*x practices to protect yourself and your partners.

If you are seeking for HIV-related Healthcare Services, you can schedule an appointment with us by going to this link: bit.ly/lybooking

Want to self test? You can get free Selfcare Test Kit here: m.me/SelfCare2S

26/10/2025

LOLONG MAY KASONG PANGAGAHASA, NASAKOTE SA SOFRONIO ESPANOLA

Arestado sa pinagsanib na puwersa ng Palawan Provincial Police Office (PPO) ang isang senior citizen na ikaanim sa listahan ng Most Wanted Persons sa Provincial Level.

Batay sa ibinahaging impormasyon ng pulisya, kinilala ang naaresto na si alyas "Anggek", 64-taong gulang, magsasaka, at residente Taytay, Palawan.

Sa bisa ng warrant of arrest, nadakip siya sa barangay Pulot sa bayan ng Sofronio Española matapos isagawa ang operasyon sa pagtutulungan ng mga tauhan ng Sofronio Española Municipal Police Office (MPS), Provincial Intelligence Unit (PUI)-Palawan PPO, 1st Palawan Mobile Force Company, at Taytay MPS nitong Oktubre 23.

Ang pag-aresto ay batay sa kautusan ni Presiding Judge Emmanuel Quial Artazo, Regional Trial Court (RTC), Branch 14, Family Court sa Taytay, Palawan.

Ang naarestong indibidwal ay nahaharap sa kasong panggagahasa alinsunod sa Article 266-A ng Revised Penal Code, na walang inirekomendang piyansa ang korte para sa kanyang pansamantalang kalayaan.

Kasalukuyang nasa kustodiya ng pulisya ang suspek para sa kaukulang dokumentasyon at disposisyon.

Ang pagkakaaresto sa ikaanim na Most Wanted Person ay bahagi ng pinaiigting na kampanya kontra kriminalidad ng Palawan PPO sa ilalim ng pamumuno ni Police Colonel Joel Dalisay Casupanan upang matiyak ang kaayusan at katahimikan sa buong lalawigan.

via Samuel Macmac