03/02/2025
"MADUTY PA AKO KUNG TANI"
By: Rrienna Alag
Sa pagbangon ko sa kaagahon, nasadyahan ang akon paminsaron,
Yari na naman ang bag-o nga adlaw nga akon paga atubangon,
Sa adlaw adlaw ko nga pag sinarayo, daw wala naman gid sang naga bag-o,
Amo sa gihapon ang akon obligasyon nga mangin guardiya sang isa ka Bangko.
Nagatayhom ang akon huna-huna, sa kadugayon ko na sa akon obra, may ara pa bala nga mas mabudlay diri? sa pamatyag ko wala na.
Naanad na ang akon lawas sa pagbugtaw sa kada aga,
sa paghimos sang akon mga gamit bilang isa ka guardiya.
Pero sa sini ko nga byahe sa malamig nga kaagahon, daw nakabatyag ang lawas ko sang mamag-an nga panakayon.
amo ni ang una nga beses nga pakadto ako sa obra,
nga wala nako may nabatyag nga mga mabug-at nga problema,
Daw kaina lang sang aga saakon nga pagbangon, antis ako maghimos damo pa ko may napanumdom,
nga sa edad ko nga baynte-nwebe, wala paman ako sang asawa,
pero gusto ko man magtinguha para tani kanday Mama.
Pero hulat sang makadali, sa diin na ako dampi?
Nawili ako kapangyapot sang daw may nag lampos nalang gulpi.
Naglinong ang akon palibot,daw indi nako kaintindi..
Papanauga niyo ako Manong, kay ma duty pa ako kun tani.
Pero ngaa syado kasanag sang malaba nga kalsada? siguro kay tungod ang adlaw naga buskad na.
Pero wala diri sang mga tawo, sa diin na sila? Ngaa wala ako sang mga upod, ako nalang isa.
Ingkaso amo na idto ang ulihi ko nga pangyapot, palihog hambal kay Mama indi na ako makahingabot.
Amo na siguro ini ang katapusan ko nga byahe,
kanugon sang akon pagbangon, ma duty pa ako kung tani.
A tribute to Jeric Huyo. (BDO SECURITY GUARD )
Rest in peace, Jeric.
Your service will always be remembered. 🕊
