Mga Liham Sa Dapithapon

Mga Liham Sa Dapithapon Para sa mga nagmamahal ng tapat at hindi sumusuko kahit nasasaktan na. Mga tula para sa mga taong pinipiling ayusin ang relasyon kahit na nasasaktan.
(5)

Sa mga nakararanas ng silent pain, pagod sa relationship pero lumalaban, nagmo-move on, may healing journey

07/09/2026

salamat sa wagas mong pagmamahal




Nagiging paborito ko na rin ang mga kinakanta mo sa hardin.Nagiging mahinahon ang mundo sa tuwing niyayakap ako ng duyan...
06/09/2026

Nagiging paborito ko na rin ang mga kinakanta mo sa hardin.

Nagiging mahinahon ang mundo sa tuwing niyayakap ako ng duyan na ikinabit ko dito para sa iyo. Pagmamahal mo ang bulong ng bawat paglago, at kasingsaya natin ang naggagandahang mga kulay nito.

Bumabalik ang sigla ng aking damdamin sa tuwing nalalanghap ko ang halimuyak—kung paano mo ako pinahalagahan, kung paanong wala kang kapaguran sa araw-araw na pagdidilig sa mga ito.

Sa pag-uwi mo, hihintayin kita rito sa hardin. Iduduyan kita ng pag-ibig ko.

Nagising ako sa nag-uunahang mga katok ng ulan sa aming bubungan. Niyayakap ako ng lamig na dala nitong hangin.Hindi na ...
05/09/2026

Nagising ako sa nag-uunahang mga katok ng ulan sa aming bubungan. Niyayakap ako ng lamig na dala nitong hangin.

Hindi na ako makalabas sa bahay—buong araw na naman akong maghihintay kung kailan ito mapapagod.

Ang nais ko lang ay mapagod na itong ulan sa kanyang pagbuhos, pero ikaw ang unang nakarinig nitong hiling ko.

Wala na akong natatanggap na kumusta galing sa iyo. Wala ka ring tugon sa mga tanong ko, kung bakit nagmadali kang marating natin itong dulo.

Kung pagmamahal ang bawat pagbuhos na nais ipaabot sa akin nitong ulan, unti-unti ko nang tatanggapin na wala na akong dapat hintayin.


03/09/2026

mahal mo ako,
at 'yun ang pinanghahawakan ko




31/08/2026

ayaw kong nag-aaway tayo,
kaya sorry na




Kaya pala tahimik ka lang palagi.Nirerespeto ko ‘yung mga oras na hindi ka masyadong nagsasalita kahit magkasama tayo. A...
31/08/2026

Kaya pala tahimik ka lang palagi.

Nirerespeto ko ‘yung mga oras na hindi ka masyadong nagsasalita kahit magkasama tayo. Ang alam ko kasi, baka lang inaatake ka na naman ng anxiety mo. Kahit medyo nagtatampo na ako sa’yo, ‘di ko na lang binibigyan ng pansin ‘yung nararamdaman ko.

Kilala mo naman ako pagdating sa ating dalawa, imbis na sarili kong nararamdaman ang dapat, ikaw palagi ang inuuna.

At dumating nga ang pagkakataon na nalito ka. Iniisip mong iba ang iyong kasama kaya ibang pangalan din ang ginamit mong pagtawag sa akin.

Nahuli rin kita sa sarili mong bibig.

Kaya pala tahimik ka palagi, habang sa’yo ako buong nakasuporta, nagkaka-problema ka na pala doon sa isa.

dalawang salita na gusto mong aminin sa kanya
31/08/2026

dalawang salita na gusto mong aminin sa kanya

Kung mayroong forever, forever tayong dalawang may pagkakaiba.Magkaiba tayo ng paniniwalang kinalakihan.Magkaiba ng luga...
31/08/2026

Kung mayroong forever,
forever tayong dalawang may pagkakaiba.

Magkaiba tayo ng paniniwalang kinalakihan.
Magkaiba ng lugar na kinaroroonan.
Magkaiba ng taon kung kailan tayo isinilang.

At kung paano tayo nanatiling may ugnayan,
dahil 'yun sa nag-iisang bagay na pareho tayong nagkakaintindihan,
‘yun ay walang iba kundi ang isa’t isa ay pareho nating mahal.

Totoong may hirap na pinagdaanan at pagdadaanan pa,
pero hindi pa rin tayo nagpapatinag dahil mahal natin ang isa’t isa.

Mayroong mga hadlang, pero ang mga puso natin ay hindi napipigilan.

Forever man tayong may pagkakaiba,
sana forever din nating piliin ang isa’t isa.




Kung isang lugar ang ating pagmamahalan, binabaha na ito ngayon—hindi ng ulan, kundi binabaha ng pakikialam at mga hadla...
29/08/2026

Kung isang lugar ang ating pagmamahalan, binabaha na ito ngayon—hindi ng ulan, kundi binabaha ng pakikialam at mga hadlang.

Inuulan tayo ng maraming haka-haka, mga usap-usapan na walang katuturan. Kung tutuusin, madali lang naman sana itong baliwalain, at huwag bigyan ng kahit katiting na pansin, pero sadyang may mga taong makasarili at nais tayong lunurin sa mga sabi-sabi, para paghiwalayin.

Ginagawa nilang libangan ang mang-abuso.

Pero pagod na tayo.

Para sa akin, ang ating pagmamahalan ay isang tahanan. Binubuo ng maraming pangarap, pinagtibay ng dalawang pusong malalim ang pagkakaintindihan.

Hindi dito magwawagi ang layunin ng mga magnanakaw—ng mga ngiti at saya, ng mga ligaya at tawa. Ulanin man tayo ng mga pekeng usapin, hindi na tayo babahain ng suliranin.

hanggang saan nakakarating ang mga tula ko?
29/08/2026

hanggang saan nakakarating ang mga tula ko?

Address

Quezon City
110

Website

Alerts

Be the first to know and let us send you an email when Mga Liham Sa Dapithapon posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mga Liham Sa Dapithapon:

Shortcuts

Share

Category