ABAKADA's

ABAKADA's Ang binhi ng dunong na itinanim ko sa 'yong isipa'y sana lumago, at ang mga bunga nito'y ipamahagi mo

25/10/2024

KAPE SA TAG-ULAN

Mula sa pagkakaupo namin ay hindi ko maiwasang humanga sa estado ng buhay na mayroon na kami pareho sa ngayon. Hindi naman ganoon kataas subalit malayo na sa kung nasaan kami noon.

Binasag niya ang pananahimik nang sinimulan niyang tanungin kung anong problema ko at kumusta naman ako. Sinagot ko siya ng simple at malumanay, sinabi kong ayos lang naman ako. Napag-usapan naming dalawa ang tungkol sa mga bagay na naranasan namin, mula sa hirap ng trabaho hanggang sa mga kabiguan niya sa pag-ibig. Nakatutuwang marinig sa kaniya na may nakakasama na siyang kumain sa labas, kasamang magkape at mag-explore ng mga bagay-bagay.

Tumingin ako sa aking relo, alas otso na rin pala ng gabi. Muli niya akong kinamusta kung anong lagay ng puso ko. Sumagot akong ayos lang. Ramdam niya ang lungkot ko, binasag niya ang pananahimik ko nang sabihin niyang, ganoon talaga ang buhay. May mga relasyon talagang kahit na anong ingat at pagpapahalaga ang gawin natin. May mga relasyon talagang meant to be broken. Hindi ko na nagawang pigilin ang luhang kanina pa nagbabadyang pumatak. Bahagya akong lumingon sa labas tinitigan ko ang malakas na buhos ng ulan. Saka ko iniangat nang bahagya ang aking ulo at saka pinuri ang ganda ng coffee shop na pinuntahan namin. Ang coffee shop kung saan namin napagdesisyunang tapusin ang lahat, dalawang taon na ang nakararaan.

-Eros

04/09/2024

IKALAWANG KUWENTO: PAGDALAW

Hindi na ako makatulog, namumugto na naman ang mga mata. Paano ba naman kasi, mamaya ay luluwas na naman ako upang dumalaw sa taong mahal ko. Maya-maya ay papatayin ko ang ilaw, magsisilbing sasakyan ang apat na sulok niring kwarto. Dadalaw ako sa mga luma niyang larawan, sa mga larawang hindi niya alam na mayroon ako sa 'king telepono. Babagtasin ko ang teleponong punong-puno ng kaniyang mga imahe. Mula sa magaganda niyang kuha hanggang sa mga stolen shots. Tititigan ko ito nang magdamag hanggang sa hindi ko mamalayang pumapatak na ang aking mga luha. Sunod kong dadalawin ay ang matatamis niyang mga salita, mga mensaheng pinakatago-tago ko at ayaw kong mabura. Paulit-ulit ko silang babasahin na animo'y ngayon ko lang nakita. Hahapuin ko ang sarili sa pagdalaw hanggang sa 'di ko mamalayang ilang oras na ang nakalipas, kailangan ko na namang matulog at magpahinga. Sapagkat mamaya ulit ay dadalaw ako sa kaniya.

03/09/2024

UNANG KUWENTO: TAG-ULAN

'Di na kayang pawiin ng hangin galing sa luma't karag-karag kong electric fan ang init na ngayon ko na lang ulit naranasan. Mula sa higaan kong halos wala ng pagkakakilanlan, marahan akong bumangon at maingat na naglakad, masusing iniwasan ang mga delikadong butas mula sa sira-sirang sahig ng aking bahay. Halos hirap na rin akong kumilos dahil sa mga nakahambalang na timba't pansalo sa tubig ulan na tumatagos sa butas-butas kong bubong. Dumungaw ako sa kalangitan, wala ni isang bituin akong maaninag, senyales ito na hindi pa magiging mabuti ang lagay ng panahon. Maya-maya pa ay bumuhos na nga ang malakas na ulan, mula sa aking kinatatayuan ay may kung anong humihila sa akin upang magtampisaw sa malamig at malalaking patak ng ulan. Maya-maya pa'y hindi ko na namalayang dinala na ako ng mga paa ko sa labas, alam kong malamig ang panahon, malamig ang mga patak ng ulan, subalit wala akong maramdaman. Higit na nangingibabaw ang init ng aking katawan. Bumuhos pa nang mas malakas ang ulan, nararamdaman kong unti-unting sumasakit ang bawat patak ng ulan na dumarampi sa aking katawan, hinayaan ko lamang ito, hanggang sa tuluyang namanhid. Tila nakiramay ang kalangitan sa aking nararamdaman, hinawakan ko ang aking dibdib, naghalo ang luha ko sa mga patak ng ulan, mabigat man ang nararamdaman ay halos walang tinig kong inilalabas ang lahat, ayokong may makarinig pa sa akin. Tila ba nakiramay talaga ang ulan, lumakas pa ito at tuluyang nagpaingay sa mga bubong na animo'y sumisigaw, dahil dito ay naging impit ang pag-iyak ko, tamang-tama sapagkat matatakpan ng ingay ng ulan ang aking pag-iyak. May kung anong bigat sa aking puso na nais kong ilabas, subalit hindi sasapat ang buhos ng ulan para ikubli ang aking mga luha, hindi sasapat ang ingay dulot ng ulan upang takpan ang impit kong pag-iyak.

TIMELESSI've been there; it is not a nice place. I'm telling you this: Rizal's novel was accurate. Filipinos at that tim...
27/08/2024

TIMELESS

I've been there; it is not a nice place. I'm telling you this: Rizal's novel was accurate. Filipinos at that time were treated like animals. They were not required to go to school; education was reserved only for the rich and powerful.

"What are you talking about, Loraine?" he asked.

"I've been there!" she shouted.

"I can't understand you. Put her in the cage and give her some drugs."

"Who the hell is Rizal? Is he a Filipino or just a legend? It is already 2057; who will believe in your fictional character?" he said while walking away.

-Eros Aeros

28/03/2024

Kung sakaling sa paggising ay walang telepono, paano mo ko kakausapin?

Kung hindi na kaya magluto ng paborito mong pagkain, paano iibigin?

Kung hindi na kayang maglakad, paano mo ako aakayin?

Kung sakaling malungkot, paano mo ko pangingitiin?

Paano?

Paano kung ang sitwasyon ay magbago? Mananatili ka ba?

Kung isang araw kaya bigla kong mawala, san ka mag-uumpisa?

-Kara Amate

HINDI KO ALAMWika ng iilan, ang buhay raw ay maaring ihalintulad sa mga sasakyang nakikita mo sa kalsada. Tulad ng mga s...
20/03/2024

HINDI KO ALAM

Wika ng iilan, ang buhay raw ay maaring ihalintulad sa mga sasakyang nakikita mo sa kalsada. Tulad ng mga sasakyan, ang buhay raw ng tao'y may landas na tinatahak, may rutang kailangang sundin nang makarating sa paroroonan. Subalit tulad ng mga sasakyan, may iilan ding taong naliligaw, hindi alam kung saan pupunta, hindi alam ang landas na tinatahak. Tulad ng mga sasakyang nakikipagpaunahan, hindi naman ako ganito, bagamat hindi ganoo'y pakiramdam ko'y lagi akong dulo, yung pakiramdam na kahit anong tapak mo ng gasolina'y huli palagi. Yung kahit na anong pakikipag tumbukan ng bumper ang gawi'y mananatiling nasa likod. Aba ewan, makasakay na lamang ng jeep at baka tulad ng ibang sasakyan ako'y ma-traffic pa.

-Eros

IKAWMahiwagang obrang nilalang na 'king iniirog, sa presensya mo'y nalulong at sa piling mo napiling makulong. Ang init ...
20/03/2024

IKAW

Mahiwagang obrang nilalang na 'king iniirog, sa presensya mo'y nalulong at sa piling mo napiling makulong. Ang init ng yapos mo'y tumutunaw sa nanlalamig kong isipan. Ang bawat bulong ng 'yong pagmamahal ay siyang nagpapasigaw sa 'king kaloob-looban. Animo'y baga kang nagpapaliyab sa unti-unti kong nauupos na katawan. 'Pagkat ikaw ang aking ikalawang buhay, ang bubuhay, ang bubuhay sa buhay kong unti-unting nawawalan ng buhay.

-Eros

Pa'no kung sa pagpapagal na paglalayag sa gitna ng malalakas na alon ay unti-unting tangayin ang ating bangka. Paano kun...
18/01/2024

Pa'no kung sa pagpapagal na paglalayag sa gitna ng malalakas na alon ay unti-unting tangayin ang ating bangka. Paano kung 'di mo mamalayan na sa sobrang tagal mo ng sumasagwan ay masyado ka ng malayo. Paano kung isang umaga magising ka, magising kang nasa tabi na ng dalampasigan. Ang kwento'y 'di lang palagi sa ere na minsang iniwan ang 'sang tao. Ito ri'y maaaring maging sa gitna ng maalon na karagatan. Paano kung ikaw ay maiwan, maiwan sa kawalan. Ikaw, anong gagawin mo?

-Eros

10/12/2023

Kahit na sa kasalukuyan pangalan ko na ang tugon, 'di pa rin ako makaalis sa nakabibinging bulungan ng kahapon.

-Kara

11/05/2023

NAROON AKO

Matatagpuan mo ako sa pagitan ng mga pahina ng paborito mong libro.
Nananahan ako sa labi ng araw, bago 'to humalik sa karagatan. Nananahan ako sa sensaryong 'yong binabalik-balikan.
Makikita mo ako sa apat na sulok ng 'yong kwarto. Sa ibabaw ng aparador, ilalim ng 'yong k**a, maging sa paborito mong punda.
Ang init ko'y nasa kapeng hilig mong inumin.
Nakaipit ang ngalan ko sa likod ng luma mong retrato.
Nakaupo ako sa kung sa'n ka madalas tumungo.
Ang amoy ko'y naiiwan sa 'yong saplot.
Naroon ako sa kung nasaan ang 'yong mga paborito.
Narito ako, sa kung nasa'n ang tunay na ikaw.
Naroon ako sa mga bagay na minamahal mo.
Tulad ng kung pa'no mo sila minahal, gano'n din kita minamahal.
Kaya naman palagi akong narito, sa lilim ng mga minamahal mo.
Naroon ako, sa kung nasa'n ang puso mo.

-Kara Amate

Ang mga mata'y nadarang sa kawalan, ang isipa'y nakapako sa kaguluhan. Bagama't ang labi'y nananahang tahimik, halos sum...
09/04/2023

Ang mga mata'y nadarang sa kawalan, ang isipa'y nakapako sa kaguluhan. Bagama't ang labi'y nananahang tahimik, halos sumambulat ang mga kataga sa isipan. Hapo na 'ko sa kaiisip, matamlay na rin ang katawan. Gusto sanang lumisan, panandalian lamang. Subalit lumbay ang magiging tugon, para sa nag-iisang irog. Sa'n ba ko lulugar? Kung ngayong 'di na alam ang patutunguhan.

-Eros

Hapong katawan, sa maghapong pagpapagal. 'Di naman pabaliktad ang paglakad, subalit ba't parang ang tagal? Sinubukang bi...
06/04/2023

Hapong katawan, sa maghapong pagpapagal. 'Di naman pabaliktad ang paglakad, subalit ba't parang ang tagal? Sinubukang bilisan ang paghakbang, ang pag-usad ay 'di ramdam. Sino ba'ng problema? Ano nga ba ang problema? Ito bang mga paang sa paglakad ay nawili? O ang kalsadang walang hangganan? Alin man sa dalawa, walang mapaglugaran, sapagkat ang pagtigil ng paghakbang at ang pagkawala ng lalakaran ay isang kabalintunaan.

-Eros

Address

Quezon City

Telephone

+639304059370

Website

Alerts

Be the first to know and let us send you an email when ABAKADA's posts news and promotions. Your email address will not be used for any other purpose, and you can unsubscribe at any time.

Shortcuts

Share

Category