Balitang Klik

30/11/2025

P18-B confidential funds ni PBBM, halos kasing laki ng anim na taon ni Digong

Kumubra ng P18-B confidential funds si Pangulong Ferdinand “Bongbong” Marcos Jr. mula noong 2023 hanggang 2025 na katumbas ng halos anim na taon na confi funds ni dating Pangulong Rodrigo “Digong” Duterte, ayon kay IBON Foundation Executive Director Sonny Africa.

“Nakakalimutan ng marami, si Pangulong Marcos binigyan ang sarili niya, so far, P18-B in confidential funds halos kasing laki ito ng buong anim na taon ni Pangulong Duterte na P21-B,” sabi ni Africa sa panayam sa Super Radyo DZBB.

“At yung P18-B niya, kompara kay Pangulong Aquino , siguro less than P3-B ang nabigay nya eh. Anim na beses na malaki sa nabigay ni Pangulong Marcos sa sarili niya,” dagdag niya.

📷: IBON Foundation | FB

30/11/2025

30/11/2025

Pahayag na ₱500 Noche Buena ng DTI, Patunay ng Pagiging Manhid ng Gobyerno sa Kahirapan ng mga Pilipino

Mariing binatikos ng IBON Foundation ang Department of Trade and Industry (DTI) matapos ang pahayag ni Secretary Christina Roque na kaya umanong maghanda ng Noche Buena ang mga pamilyang Pilipino sa halagang ₱500 lamang.

Ayon kay IBON Foundation Executive Director Sonny Africa, habang sagana sa pagkain at inumin ang mga opisyal ng gobyerno, milyon-milyong Pilipino ang pinapayuhan ng DTI secretary na maging kuntento sa isang “subsistence-level Noche Buena”.

Kinondena ni Africa ang malaking agwat sa pamumuhay ng mga nasa kapangyarihan at ng karaniwang mamamayan.

Para sa IBON Foundation, ang ₱500 Noche Buena narrative ay hindi lamang hindi makatotohanan kundi isang malinaw na simbolo ng pagkabigo sa polisiya at kawalan ng malasakit ng gobyerno sa hirap ng mga pamilyang Pilipino.

“This isn’t just mathematically wrong but a moral failure. This condescending advice is policy bankruptcy and denialism wrapped in hypocrisy,” ani Africa.

30/11/2025

[BREAKING] National Parks Development Committee (NPDC) division chief Flordeliza Buclatin clarified it is not their agency that should issue the permit in today's protest events in Manila.

Buclatin said the announced venue of the Bahain ang Luneta 2.0 rally is Roxas Boulevard that is not within their area of responsibility.

In a DZMM interview, the parks official also revealed the Philippine National Police (PNP) is aware of the policy as someone from the police had called NPDC for clarifications earlier.

The PNP nonetheless is preventing the rally to be held in the venue.

Buclatin also clarified that even if individual protesters are within Rizal Park premises, NPDC will not ask them as "they are on a public space."

She added that the Metro Manila Development Authority has sought NPDC's permission to place portalets around the intended rally site. #

29/11/2025

Bayan: Marcos Jr Takot sa Mamamayan, Protesta sa Luneta Hinaharang

Inakusahan ng militanteng grupo na Bagong Alyansang Makabayan (Bayan) ang Manila Police District ng sinadyang pagsabotahe sa paghahanda para sa “Baha sa Luneta 2.0” kilos-protesta ngayong Araw ni Bonifacio sa Rizal Park.

Ayon sa Bayan, pinigilan ng pulisya ang kanilang grupo na magtayo ng entablado at magsagawa ng pagsasara ng kalsada mula pa hatinggabi, kahit na nakipag-ugnayan na sila sa Manila LGU at MMDA.

Binanggit ng grupo na parehong ahensya ay nag-anunsyo na ng road closures at naglagay ng mga portalets, patunay na ang protesta ay opisyal na nakipag-ugnayan sa mga awtoridad.

“This is clearly intended to sabotage the protest, discourage people from joining the rally, and suppress the demand to make Marcos Jr accountable for large-scale corruption in the government,” ayon sa pahayag ng Bayan.

Ikinonekta ng Bayan ang pagharang ng pulisya sa tinawag nilang “paranoid at hindi proporsyonal” na seguridad sa paligid ng Recto, Mendiola, at Malacañang.

Binatikos nila ang paglalagay ng container vans, konkretong harang, electric fence, at barbed wire, na anila’y ala-Martial Law tactics.

“Only a leader guilty of grave crimes against the people will surround himself with several layers of barriers,” pahayag ng Bayan, sabay tanong kung natatakot si Pangulong Marcos Jr na magmartsa ang mga tao patungong palasyo upang maningil ng pananagutan sa umano’y korapsyon.

Hinamon ng grupo ang mga awtoridad na hayagang ipahayag na ipinagbabawal ang protesta ngayong Araw ni Bonifacio, at sinabing handa silang harapin ang libu-libong dadalo sa Luneta.

📷: BAYAN - Bagong Alyansang Makabayan | FB




.0

28/11/2025

₱500 Noche Buena, Insulto sa Manggagawa – KMU

Kinondena ng progresibong grupong Kilusang Mayo Uno (KMU) ang umano’y kawalan ng malasakit ng Malacañang matapos ipanukala ni Department of Trade and Industry (DTI) Secretary Cristina Roque na maaaring pagkasyahin ng mga pamilya ang ₱500 para sa Noche Buena, sa kabila ng pagtataya ng IBON Foundation na ₱1,200 ang kinakailangang arawang sahod upang mamuhay nang disente.

Tinuligsa ng KMU ang mungkahi bilang “Leche Buena”, na anila’y insulto sa mga naghihirap na Pilipino habang bilyun-bilyong piso ang nawawala sa kaban ng bayan dahil sa korupsiyon.

“Auntie Kler, ano bang tinitira niyo diyan sa Malacañang at tila lutang kayong lahat?”* tanong ni KMU Chairman Jerome Adonis kay Palace Press Officer Claire Castro.

“At nakakainsulto na tinatawanan pa ninyo ang kahirapang dinaranas ng pamilyang Pilipino habang nagmumungkahi pa’no pagkakasyahin ang P500 sa noche buena. Pinapatunayan lang ninyo na walang kayong alam sa dinaranas naming masang anakapawis dahil paldo kayo lagi. Bilyun-bilyong piso nga naman ang kinukurakot ninyo sa kaban ng yaman," dagdag pa niya.

Ayon sa KMU, lalo lamang pinapalala ng administrasyon ang galit ng sambayanan.

"Wala kayong naloloko sa mga pinagsasabi ninyo at sa halip lalo niyo lang sinsindihan ang galit ng sambayanan. Kaya’t ang nararapat sa inyo ay tanggalin sa pwesto."

Nanawagan ang grupo sa publiko na kumilos sa Nobyembre 30, Araw ni Bonifacio, sa Luneta upang igiit ang ₱1,200 nationwide living wage, pananagutan sa kurapsiyon, at pagpapatalsik kay Pangulong Bongbong Marcos at Vice President Sara Duterte na tinawag nilang mga simbolo ng malalim na katiwalian.

28/11/2025

BREAKING: Ibinasura ng International Criminal Court - ICC Appeals Chamber sa isang unanimous decision ang apela na interim release ni dating Pangulong Rodrigo Duterte kaya't mananatili siyang nakakulong sa detention facility.

28/11/2025

Binabasa ni ICC Appeals Chamber Judge Luz del Carmen Ibanez ang desisyon sa hirit na interim release ni dating Pangulong Rodrigo Duterte.

28/11/2025

Sabwatang Marcos Jr. – Ramon Ang, Binatikos sa Protesta sa SMC , Gobyerno, ‘Middleman’ ng mga Oligarko sa mga ‘Gatasang Proyekto’

“Bukod kay Ramon Ang, ang pinakamalalaking oligarko gaya nina Enrique Razon at Manuel Villar ay nagkamal ng yaman—umabot sa pinagsamang net worth na Php1.5 trilyon mula 2022 hanggang 2025—mula sa mga pribatisadong serbisyo publiko at utilities gaya ng tubig, kuryente, telekomunikasyon, at iba pang malalaking sektor gaya ng real estate, paliparan, at extractives.”

Buong ulat sa link sa comment section.

📷: SUKI Network | FB

28/11/2025

'You May Have the Money to Run, But You Cannot Outrun the Republic of the Philippines'

Nagbigay ng matinding babala si Pangulong Ferdinand "Bongbong" Marcos Jr. nitong Biyernes sa mga indibidwal na umano’y sangkot sa multi-bilyong pisong flood control scandal, partikular kay dating Ako Bicol Partylist Rep. Zaldy Co, at hinikayat silang bumalik sa bansa at harapin ang pananagutan.

Ayon sa Pangulo, inatasan na niya ang Department of Transportation (DOTr) at Civil Aviation Authority of the Philippines (CAAP) na makipag-ugnayan sa mga awtoridad sa Malaysia at Singapore kaugnay ng mga air assets na umano’y konektado kay Co.

“You cannot steal from the Filipino people and expect to hide or fly away on your private jets. You may have the money to run, but you cannot outrun the Republic of the Philippines,”ani Marcos Jr.

“Kaya kayong mga pugante, umuwi na kayo! Ang payo ko sa inyo, hindi na kayo turista. Hinahabol na kayo ng batas.”

Ang pahayag ng Pangulo ay kasunod ng tumitinding panawagan para sa pananagutan sa lumalawak na iskandalo ng korupsiyon, na kinasasangkutan ng ilang mambabatas, kontraktor, at opisyal ng pamahalaan.

Binigyang-diin ni Marcos Jr. na patuloy na tutugisin ng pamahalaan ang mga nagtatangkang umiwas sa hustisya, at walang yaman o impluwensiya ang makakapagsanggalang sa kanila laban sa batas.

🎥: Bongbong Marcos| FB