22/08/2026
Isang bilanggo na papatayin na ang tinanong kung ano ang huling gusto niya. Humingi siya ng lapis at papel, at isinulat ito:
Mahal kong Nanay,
Kung patas lang sana ang batas, kasama mo sana akong papatayin ngayon. Pero dahil parang bulag ang batas, ako lang ang pinarusahan sa mga maling ginawa nating dalawa.
Naalala mo pa ba kung paano nagsimula ang lahat? Noong tatlong taon pa lang ako, ninakaw ko ang kendi ng kapatid ko. Hindi mo ako sinaway. Noong limang taon naman ako, kinuha ko ang laruan ng kapitbahay at itinago natin. Wala ka ring sinabi. Noong labindalawang taon ko, itinago ko ang bola ng pinsan ko. Nakita mo, pero sinabi mong wala kang alam.
Noong labinlima ako, pinalayas ako sa eskwela. Gusto sana akong parusahan ni Tatay, pero pinigilan mo siya. Nagtalo pa kayo. Sinabi mong bata pa ako at mali ang mga g**o kahit alam mong hindi ako pumapasok.
Lagi mo akong ipinagtatanggol. Sinasabi mong tama ako kahit alam mong mali. Noong labimpito ako, ninakaw ko ang bisikleta ng kapitbahay at ibinenta. Nakita mo, pero tahimik ka lang. Mahal mo ako, alam ko iyon. Pero mahal mo ako nang sobra kaya hindi mo ako itinama. Hinayaan mo lang ako. Dito nagsimula ang lahat hanggang sa lumala. Ngayon ay papatayin na ako dahil nagnakaw at nakapatay ako.
Noong bata pa ako, kailangan ko lang sana ng gabay at tamang turo mula sa iyo. Sa oras na mabasa mo ito, wala na ako.
Nagmamahal,
Ang iyong anak
Sinasabi sa Bibliya, Kawikaan 13:24:
Ang hindi nagdidisiplina sa anak ay parang ayaw dito. Pero ang nagmamahal sa anak ay itinatama ito.
Mahalin ninyo ang inyong mga anak, pero huwag kalimutang itama at disiplinahin sila.
Habang bata sila need natin silang gabayan para paglaki nila alam na nila ang tama at mali.
