https://www.facebook.com/112340154794439/

Pitak ng Lakandupil - PNL, P. Urduja, Quezon City (2025)

15/06/2025

𝑷𝒂𝒈𝒃𝒂𝒕𝒊 𝑲𝒂𝑱𝒐𝒖𝒓𝒏𝒆𝒚!

Panibagong yugto ng paglalakbay ang magbubukas para sa ating mga mamamahayag. Maligayang pagbati sa inyong lahat mga kaJourney!

Patuloy ninyong iwagayway ang asul na bandera sa inyong susunod na pahina, baunin ang nakuhang karanasan at pinagsamahan sa inyong paglalakbay.

Bagamat magbabago ang landas na inyong tatahakin, mananatili kayong mahalagang bahagi ng Pitak ng Lakandupil — ang inyong pamana ay hindi kailanman mabubura ng panahon.

𝑲𝒂𝒑𝒔𝒚𝒐𝒏 𝒎𝒖𝒍𝒂 𝒌𝒂𝒚: Kayden Ely S. Cruz
𝑷𝒖𝒃𝒎𝒂𝒕 𝒎𝒖𝒍𝒂 𝒌𝒂𝒚: Jhomari L. Tamayo

12/06/2025

𝑀𝑎𝑙𝑖𝑔𝑎𝑦𝑎𝑛𝑔 𝐴𝑟𝑎𝑤 𝑛𝑔 𝐾𝑎𝑙𝑎𝑦𝑎𝑎𝑛! 🇵🇭

Ngayon ay ipinagdiriwang ang ika-127 Araw ng Kalayaan ng Pilipinas!

Ating iwagayway ang pambansang watawat ng Pilipinas na sumisimbolo ng sakripisyo at pagbibigay-buhay ng mga mahahalagang tao para sa kalayaan ng ating bansa.

Muli tayong magkaisa, mag sama-sama at magtulungan upang ating makamtan ang pagbabago at kaunlaran ng ating minamahal na bayan.

"Aling pag-ibig pa ang hihigit pa kaya sa pagkadalisay at pagkadakila gaya ng pag-ibig sa tinubuang lupa? Aling pag-ibig pa? Wala na nga. Wala." - Andrés Bonifacio

Kapsyon mula kay: Amanda Jade Palcutilo
Pubmat mula kay: Jhomari Tamayo

28/04/2025

𝘼𝙉𝙂 𝙋𝘼𝙂𝙇𝘼𝙇𝘼𝙆𝘽𝘼𝙔: Sa loob ng dalawang dekada, naging sandigan ng pagpapahayag ng katotohanan ang papel at tinta ng pluma. Ngayon, ating tunghayan ang ika-21 lathala — isang makasaysayang yugto para sa Pitak ng Lakandupil, ang Opisyal na Pahayagang Filipino ng Paaralang Sekundarya ng Doña Rosario.

Sa pagharap ng bagong curriculum, bumuo ng iba't ibang mga pangyayaring makabuluhan ang ating mahal na paaralan. Halina't tuklasin at maging bahagi ng makabagong kabanata mula sa tinig ng ating kapwa Rosarians!

𝙏𝙞𝙣𝙞𝙜 𝙣𝙜 𝙠𝙖𝙗𝙖𝙩𝙖𝙖𝙣, 𝙝𝙖𝙩𝙞𝙙 𝙖𝙮 𝙠𝙖𝙩𝙤𝙩𝙤𝙝𝙖𝙣𝙖𝙣

Pindutin ang link:
https://issuu.com/pitaknglakandupil/docs/pitak_ng_lakandupil_t.p._2024-2025

Kapsyon mula kina: Ma. Nichole Castil at Abdul Wahab Arpha
Pubmat mula kay: Abdul Wahab Arpha

15/01/2025

𝗠𝗴𝗮 𝗺𝗮𝗺𝗮𝗺𝗮𝗵𝗮𝘆𝗮𝗴 𝗻𝗴 𝗣𝗶𝘁𝗮𝗸 𝗻𝗴 𝗟𝗮𝗸𝗮𝗻𝗱𝘂𝗽𝗶𝗹 𝘀𝗮 𝘁𝗮𝗼𝗻𝗴 𝗽𝗮𝗻𝘂𝗿𝘂𝗮𝗻 2024-2025

24/10/2024

Pagbati sa ating mga kaJourney na nagkamit ng karangalan sa District V Secondary Schools Press Conference.

Isinagawa ang tagisan ng husay sa panulat ng indibidwal na kategorya sa Paaralang Sekondarya ng San Bartolome. Samantala, ang pangkatang kategorya ay ipinagpatuloy sa Pamantasan ng Our Lady of Fatima sa Lagro, Lungsod Quezon. Ginanap noong ika- 19 at 20 ng Oktubre, 2024 ang nabanggit na kompetisyon.

Nagkamit ng karangalan ang Pitak ng Lakandupil. Unang karangalan sa pagsulat ng Agham, Mark Justine Remolacio. Ikasiyam na karangalan nakamit ni Yohan Literatus sa pagsulat ng Kolum. Ikasiyam na karangalan nakamit ni Ma. Nichole Castil sa pagwawasto at pag-uulo ng balita.

Walang humpay na pasasalamat sa ating punong g**o, Dr. Arliana A. Arboleda at sa g**ong tagapayo Gng. Loida R. Palacio sa malaking suporta at patnubay na inyong inilaan tungo sa ikatatagumpay ng gawaing ito. Taos-pusong pasasalamat sa mga magulang na gumabay at umalalay sa mga anak na mamamahayag ng paaralan.

Higit sa lahat, ang papuri at pasasalamat sa Poong Dakila sa pagbibigay ng husay, tatag at talino ng bawat mamamahayag.

Tunay na hindi matitinag ang mga mamamahayag ng Pitak ng Lakandupil. Pagbati sa lahat ng nakilahok!

Kapsyon mula kay: Abdul Wahab Arpha
Pubmat mula kay: Ma. Nichole Castil

30/09/2024

Pagyamanin ang Kaalaman: Buwan ng Agham tungo sa Kaunlaran

Isang matagumpay na pagdiriwang ng Buwan ng Agham, ang isinagawa sa Paaralang Sekundarya ng Doña Rosario (PSDR), layunin na pahalagahan ang mundo ng Siyensya.

Bilang bahagi ng pagdiriwang, pinarangalan ang mga nagwagi sa iba’t ibang patimpalak na isinagawa sa ilalim ng Buwan ng Agham, sa pangunguna ng pamunuan ng Youth for Environment in Schools-Organization (YES-O).

Kapsyon mula kay: Abdul Wahab Arpha
Pubmat mula kay: Nichole Castil

12/06/2024

𝗠𝗮𝗹𝗶𝗴𝗮𝘆𝗮𝗻𝗴 𝗶𝗸𝗮-𝟭𝟮𝟲 𝗻𝗮 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻 𝗻𝗴 𝗣𝗶𝗹𝗶𝗽𝗶𝗻𝗮𝘀!

Malugod nating ipagbunyi ang araw ng Kalayaan ng Pilipinas, alalahanin ang mga taong buwis buhay na nakipaglaban at nagsakripisyo ng kanilang buhay para sa ating bansa.

Sama-sama nating ipakita ang pagkakaisa, pagtutulungan at pag-asa para sa ikauunlad ng pinakamamahal nating
Perlas ng Silangan, Pilipinas!

Kapsyon mula kay: Abdul Wahab Arpha
Pubmat mula kay: Franchesca Rain Rivera

09/06/2024

Panibagong pahina ang nagbubukas para sa bagong paglalakbay ng ating mga mamamahayag. Maligayang pagbati sa ating mga kaJourney!

Walang katumbas na salita upang maipahayag namin ang aming pasasalamat sa inyong paggabay.

Inyong tandaan na lumipas man ang panahon, hindi kukupas ang inyong marka bilang mamamahayag ng Pitak ng Lakandupil.

Baunin ninyo ang lahat ng ating karanasan at pinagsamahan, patuloy namin kayong susuportahan maging sa inyong susunod na tatahaking landas. Maraming salamat kaJourney!

PADAYON, KAJOURNEY!

Kapsyon mula kay: Franchesca Rain B. Rivera
Pubmat mula kay: Abdul Wahab Arpha

18/05/2024

𝗣𝗦𝗗𝗥 𝗧𝗲𝗰𝗵𝗻𝗼𝗹𝗼𝗴𝘆 𝗮𝗻𝗱 𝗟𝗶𝘃𝗲𝗹𝗶𝗵𝗼𝗼𝗱 𝗘𝗱𝘂𝗰𝗮𝘁𝗶𝗼𝗻

Magandang buhay!

Inaanyayahan namin kayo na piliin ang Filipino Journalism (Pitak ng Lakandupil) bilang inyong specialization sa darating na taong panuruan 2024-2025. Bukas ang aming pintuan sa lahat ng handang makipagsapalaran at maging parte ng opisyal na publikasyon ng ating inang paaralang Doña Rosario.

Halina at maging isang KaJOURNey! Sumama na sa lakbay ng pamamahayag.

Narito ang iba't ibang kategorya:

(Indibiduwal na Kategorya)
Pagsulat ng Balita
Pagsulat ng Editoryal
Paglalarawang Tudling
Pagsulat ng Kolum
Pagsulat ng Lathalain
Pagsulat ng Agham at Teknolohiya
Pagsulat ng Isports
Pagkuha ng Larawan
Pagwawasto at Pag-uulo ng Balita
Mobile Journalism

(Pangkatang Kategorya)
Radio Broadcasting
Collaborative Deskstop Publishing

Para sa karagdagang impormasyon, tingnan ang mga larawan sa ibaba:

_____

Kapsyon at Pubmat mula kay: Joedin Mae S. Mancilla

18/05/2024

𝗣𝗦𝗗𝗥, 𝗻𝗮𝗴𝗱𝗮𝗼𝘀 𝗻𝗴 𝗖𝗮𝗿𝗲𝗲𝗿 𝗢𝗿𝗶𝗲𝗻𝘁𝗮𝘁𝗶𝗼𝗻

Naganap sa Paaralang Sekundarya ng Doña Rosario(PSDR) ang Career Orientation na may temang "Equipping Learner's Mind with Technology towards Industrial and Entrepreneurial Creativity and Innovation", Mayo 17, 2024.

Isinagawa ang programa para sa ikawalong baitang bilang paghahanda sa nalalapit nilang pagpili ng specialization sa darating na taong panuruan 2024-2025.

Ang programa ay pinangunahan ng Departamento ng Technology and Livelihood Education(TLE) sa pamumuno ni Gng. Mariazita G. Nillo.

Ipinakilala sa ikawalong baitang ang mga specialization na maaari nilang kunin, tulad ng: Wellness & Massage, Filipino Journalism, English Journalism, Cookery, Special Program in Foreign Language(SPFL) Spanish, Technical Drafting, Digital Illustration, Computer System Servicing(CSS), at Beauty Care.

Kapsyon mula kay: Abdul Wahab Arpha

20/04/2024

𝗦𝗖𝗛𝗢𝗢𝗟-𝗕𝗔𝗦𝗘𝗗 𝗠𝗜𝗡𝗜 𝗣𝗥𝗘𝗦𝗦 𝗖𝗢𝗡𝗙𝗘𝗥𝗘𝗡𝗖𝗘 𝗔𝗪𝗔𝗥𝗗𝗜𝗡𝗚
(Abril 18, 2024)

Tema: Mulat na Pagsulat: Katotohanan ang sandigan, pamamahayag na may paninindigan

Pagbati sa mga nag-uwi ng karangalan!

Pinatunayan ng mga Rosarian na kung may pagpupursige ay walang imposible. Gaano man kahirap ang hamon, ang kanilang kalooban ay pinagtibay ng dedikasyon.

Pagbati rin sa mga mamamahayag at g**ong tagapayo ng Pitak ng Lakandupil na nagbuhos ng kanilang oras, sipag, at tiyaga upang maisagawa ng maayos ang programa.

Kapsyon mula kay: Joedin Mae S. Mancilla
Pubmat mula kay: Ruszel John S. Ranile

19/04/2024

𝗦𝗲𝗿𝗯𝗶𝘀𝘆𝗼 𝗻𝗴 𝗶𝘀𝗮𝗻𝗴 𝗣𝘂𝗻𝗼𝗻𝗴 𝗚𝘂𝗿𝗼
𝘐𝘯𝘪𝘩𝘢𝘩𝘢𝘯𝘥𝘰𝘨 𝘯𝘨 𝘗𝘪𝘵𝘢𝘬 𝘯𝘨 𝘓𝘢𝘬𝘢𝘯𝘥𝘶𝘱𝘪𝘭 𝘬𝘢𝘺 𝘋𝘳. 𝘎𝘳𝘢𝘤𝘦 𝘈. 𝘛𝘢𝘳𝘪𝘮𝘢𝘯

Punong g**o naming naglilingkod,
sa responsibilidad ay hindi tumalikod.
Nagbigay sa paaralan ng pagbabago.
Sa iyo, kami ay sumasaludo.

Ilang taon na ang lumipas,
ang iyong galing ay walang kupas.
Naging inspirasyon sa mga mag-aaral.
Tinuruan kaming mas lalo pang magpagal.

Tinugunan mo ang aming pangangailangan.
Ikaw ay nagbahagi ng pagmamahal at kasipagan.
Nagbuhos ng suporta sa lahat ng Rosarian.
Itinayo mo ang bandera ng paaralan.

Ngayong iyong kaarawan,
malaman sana na ikaw ay pinahahalagahan.
Hayaan mong aming patunayan,
na ikaw ay aming pinasasalamatan.

Kasabay nito, ang iyong paglisan sa paaralan.
Tiyak na ang mga alaala ay hindi maiiwan.
Ang ipinamalas na husay ay hindi malilimutan.
Ang iyong serbisyo ay hindi kailanman matatawaran.

Muli, mabuhay at maligayang kaarawan Dr. Grace A. Tariman!

____

Tula mula kay: Joedin Mae S. Mancilla
Pubmat mula kay: Ruszel John S. Ranile

Pitak ng Lakandupil - PNL

15/06/2025

12/06/2025

28/04/2025

15/01/2025

24/10/2024

30/09/2024

12/06/2024

09/06/2024

18/05/2024

18/05/2024

20/04/2024

19/04/2024

Address

Website

Alerts

Contact The Business

Shortcuts

Share

Category