https://www.facebook.com/514304518439683/

Hayag sa Masa

Home
Philippines
Quezon City
Hayag sa Masa

Contact information, map and directions, contact form, opening hours, services, ratings, photos, videos and announcements from Hayag sa Masa, News & Media Website, 1128 Tandang Sora Avenue, 1128 Metro Manila, Quezon City.

07/02/2025

AGHAM | TL-Environmentalistang Erans para sa kalikasan!

“Ugat ng kalusugan, bunga ng kaunlaran” yan ang mga katagang iniwan ng TLE club sa kanilang isinagawang proyketong “Pagtatanim at pag sasaayos ng gulayan sa paaralan” noong ika- 16 at 17 ng disyembre.

Sa pangunguna at pagsasanib-pwersa ng TLE club at ng TLE department matagumpay na naisagawa ang proyektong ito na isinagawa sa roof top ng Bautista building kung saan ang gulayan ng paaralan.

Isinagawa ang proyekto para sa patuloy pag papalaganap ng kamalayan para sa mga hamon sa ating kapalagiran at kalikasan. Isa ang proyektong ito sa mga programa sa ating paaralan na patunay na ang New Era High School ay isang environmental at green school sa ating bansa.

Ayon sa mga nakilahok sa patimpalak na iyon ay nahirapan sila dahil sa tirik ng araw sa gulayan dag-dag pa rito ang mataas na palapag ng gulayan kaya’t nahirapan na mag angat at mag baba ng gamit ang mga nakilahok dito. Gayunpaman ay hindi masyadong ininda ng mga nakilahok dahil sa idinulot nitong saya, aral at pagkakaisa para sakanila.

Sa huli ang proyektong ito ay isa lamang sa mga hakbang ng ating paaralan para sa patuloy na pag laban sa mga ating suliranin sa kapaligiran at kalikasan. Nawa’y ang proyektong ito ay maging isang simbolo para sa ating mag-aaral na ipag patuloy ang paglaban sa mga problema ng ating kalikasan sa maliit man o malaking pamamaraan.

✍️: Justine Aldeguer

06/02/2025

Balita | Erans, Masigla sa pagpapatupad ng Plastic-Free Monday

Sa patuloy na lumalalang problema sa plastik na basura, nagsagawa ang New Era High School ng programang Plastic-Free Monday bilang tugon sa adbokasiya ng pangangalaga sa kalikasan. Ang proyektong ito ay naglalayong bawasan ang paggamit ng plastik sa loob ng paaralan tuwing Lunes, habang hinihikayat ang mga mag-aaral, g**o, at kawani na maging mas responsable sa kanilang basura.

Sinimulan ang Plastic-Free Monday sa pamamagitan ng isang malawakang kampanya ng impormasyon sa paaralan. Sa pangunguna ng Yes - O Club, Science Club, at iba pang organisasyon.

Ang administrasyon ng paaralan, sa suporta ng mga g**o at magulang, ay nagpatupad ng ilang patakaran, kabilang ang:
- Pagbawas ng single-use plastics sa mga canteen at tindahan sa loob ng paaralan.
- Pagpapalakas ng paggamit ng eco-friendly alternatives tulad ng reusable water bottles, lunch boxes, at tote bags.
- Pagsasagawa ng inspeksyon upang tiyakin ang pagsunod ng mga mag-aaral at g**o sa programa.

Sa wakas, ang plastic free mondays na proyektong binuo ng mga organisasyong pang kalikasan ay isa lamang sa mga hakbang ng paaralan para sa pakikiisa sa adbokasiyang pakikipaglaban sa mga suliranin at problema ng kalikasan na dapat na patuloy isagawa sa mga susunod pa na taon para sa mabuting kinabukasan ng mga susunod pang henerasyon.

✍️: Vian Lee Adriano

05/02/2025

PHOTOJOURN | Patakaran sa Kaligtasan ng mga Mag-aaral
Paaralang Sekundarya ng New Era (PSNE)

Upang matiyak ang kaligtasan ng lahat ng mag-aaral, mahigpit na ipinatutupad ang patakarang Bawal Lumagpas sa Gather.
Ang sinumang lalabag ay maaaring malagay sa panganib o maaksidente. Hinihikayat ang lahat na sumunod sa patakarang ito para sa isang ligtas at maayos na kapaligiran sa paaralan.

✍️: Rainzel Anne Gabriel
📷: Rainzel Anne Gabriel

04/02/2025

BALITA | Matagumpay na naisagawa ng PSNE ang Mathematics Culmination Day

Matagumpay na naisagawa ng Math Department ang taunang Mathematics Culmination Day noong enero 31, kung saan ginawaran ang mga mag-aaral na nagpakita ng kanilang partisipasyon sa bawa't aktibidad.

Ilan sa mga pangunahing aktibidad ay ang Mobile Legends Tournament, Quiz Bee, at Rubik’s Cube Competition. Lahat ng ito ay naglalayong ipakita na ang talino sa matematika ay maaaring isabuhay sa iba't ibang paraan, maging sa larangan ng gaming o logic.

Sa pagtatapos ng selebrasyon, ginanap ang awarding ceremony kung saan ginawaran ng Math Department ang mga natatanging mag-aaral na nagwagi sa iba’t ibang patimpalak.

Sa huli, ipinahayag ng Math Department ang kanilang pasasalamat sa lahat ng lumahok at nagbigay ng kanilang oras at talento upang gawing makabuluhan ang selebrasyon.

✍️:Rafael James M. Ranjo

03/02/2025

KARTUNING | Sa bawat medalyang iyong natatanggap sa likod nito'y ipinapakita ang iyong paghihirap at bigat bilang isang mag-aaral na ang hinahangad lamang ay tagumpay.

🎨: Andrea Nicol Mahinay

31/01/2025

BALITA | Feeding Program, Patuloy para sa Erans

Patuloy na isinasagawa ang feeding program sa New Era High School,upang matugunan ang pangangailangan sa nutrisyon ng mga mag-aaral.

Pinangungunahan ng TLE Club ang programang ito, naglalayong mapabuti ang kalusugan at kakayahang mag-aral ng mga estudyante, lalo na ang mga nanggagaling sa mahihirap na pamilya.

"Nakakatulong ito para sa mga estudyanteng hirap o walang kakayahang bumili ng pagkain na sasapat sa kanilang pangangailangan".Ayon kay Christian Jay Caber mula sa 7-Kelvin.

Matagumpay na naisusulong ang programang ito sa bunga ng kooperasyon ng mga g**o, estudyante, at mga tagasuporta.

Sinisikap ng paaralan na maghanap ng mga paraan upang mapaunlad pa ang feeding program at masig**ong maabot nito ang lahat ng nangangailangang mag-aaral.

Naniniwala ang New Era High school na ang isang malusog na katawan ay kailangan para sa isang matalinong isipan.

✍️: LLyanzel Ajan Morillo

30/01/2025

BALITA | Kooperasyon ng Erans, Pinalakas sa General Assembly

Noong Enero 28, isinagawa ang isang matagumpay na General Assembly ng mga may tungkulin na mag-aaral sa New Era High School (NEHS) upang palakasin ang koordinasyon at pamumuno sa mga organisasyon ng paaralan.

Pinangunahan ng Supreme Secondary Learner Government (SSLG) ang pagtitipon, kung saan tinalakay ang mga proyekto na magdudulot ng positibong pagbabago sa komunidad ng NEHS.

Dumalo rito ang mga opisyal ng iba't ibang club at mga pangulo ng klase, na nagbahagi ng mga ideya at plano para sa pagpapabuti ng mga gawain sa paaralan.

Binanggit ni Dr. Anita Bohol, punongg**o ng NEHS, sa kanyang pambungad na mensahe ang kahalagahan ng pagkakaisa at pamumuno upang magtagumpay ang samahan ng mga mag-aaral.

Ipinakita ng SSLG ang papel ng Coordinating Council sa pagpaplano at pagsasakatuparan ng mga proyekto ng mga club, na layuning magbigay ng mas maraming oportunidad para sa mga mag-aaral.

Tinalakay rin ang mga aktibidad na nakatakdang isagawa sa mga susunod na buwan, kabilang ang mga gawain sa akademiko, pampalakasan, at pangkultura.

Sa pamamagitan talakayan at mga ideya na ibinahagi ng mga dumalo ang nagpatibay sa kanilang layunin na magtulungan para sa mas matagumpay na pamamahala at karanasan ng mga mag-aaral sa NEHS.

✍️: Lexiz Bustillos

29/01/2025

PHOTOJOURN | Isang karangalan para sa mga g**o at estudyante ang maisagawa at makilahok sa math fair para sa buwan ng matematika, nairaos ito sa pamamagitan ng kanilang pakikiisa para mabuo ang tinatawag na math fair sa covered court ng PSNE (Paaralang Sekundarya ng New Era).

✍️:Jamela Quial
📷:Jamela Quial

Address

1128 Tandang Sora Avenue, 1128 Metro Manila
Quezon City
1101–1128

Website

facebook.com

Alerts

Be the first to know and let us send you an email when Hayag sa Masa posts news and promotions. Your email address will not be used for any other purpose, and you can unsubscribe at any time.