13/05/2025
Para po sa Unang Distrito ng Quezon,
Ako po at ang aking buong pamilya ay taos-pusong nagpapasalamat sa lahat ng nagtiwala, sumuporta, at nagmalasakit sa akin. Bagamat hindi po tayo pinalad sa resulta ng halalan at kinapos man tayo sa materyal na aspeto, naiparating naman natin ang tunay na kampanya—isang kampanyang may layuning makapaghatid ng makabuluhang programa para sa pangmatagalang kapakinabangan ng bawat mamamayan ng Unang Distrito ng Quezon.
Bilang isang first-time candidate, isang malaking karangalan po ang makakuha ng humigit-kumulang 33,000 boto. Patunay po ito na maraming tumatangkilik sa platapormang nakatuon sa tunay na serbisyo at pag-unlad, lalo na para sa ating mga masisipag na magsasaka, mangingisda, tanod, TODA, senior citizens, at mga PWD.
Tuloy pa rin po ang ating adhikain at serbisyo. Mula sa Pamilya Alcala Subok na at Tatak Alcala. Muli, maraming, maraming salamat po sa inyong lahat. Pagpalain po nawa kayo ng ating Poong Maykapal.
