Misyon
Magpalaganap ng mga balita na ilalathala bawat tatlong buwan, sa loob at labas ng parokya, bilang mapagkakatiwalaang sandigan at katuwang ng kura paroko, kasama ng mga lingkod-simbahan at ng mga laiko sa paglikha ng kamalayan patungkol sa mga paksang may kaugnayan sa ating Simbahan, sa diwa ng tapat na pamamahayag at mabisang komunikasyon. Ang pahayagang palihang ito ay maihahambing sa pul
ót na produkto ng sipag, pagbabahaginan, at pagkakaisa. Ito ang siyang maghahatid ng mga impormasyon at kuwentong hitik sa inspirasyon at puspos ng pag-ibig ng Diyos maging sa mga malalayong lugar na sakop ng parokya, pati na sa mga hindi abot ng internet at makabagong teknolohiya sa panahon ng bagong ebanghelisasyon. Bisyon
Maabot ang marami at maging bahagi ng kanilang paglalakbay sa buhay-pananampalataya upang makabahagi sa walang patid na pagbubuklod ng sambayanan ni San Bernardo ng Claraval tungo sa pagsunod sa Panginoong Hesukristo at sa kapuriha’t kaluwalhatian ng Diyos.
