Worldwide Radyo Maragtas FP

31/01/2026

JUST IN: PANAY VICE MAYOR JULIUS ASIS, NAGTALIWAN NA

Nagapa-abot kita sang pagpakig-unong sa pamilya Asis.

31/01/2026

31/01/2026

FLASH! AKSIDENTE NAGLUNTAD SA BRGY. NASUNOGAN, DAO SUBONG NGA HAPON, ENERO 31, 2026

Video via Emerson Manuel/FB

31/01/2026

LOKAL! CAPIZ PHO, GINAPA-KALMA KAG ALERTO ANG MGA CAPISNON BATUK SA NIPAH VIRUS; PILIPINAS NAGAPABILIN NGA WALA SANG KASO

Gina-pakalma kag magkuha lamang sang impormasyon sa mga verified kag accurate sources natuhoy sa kaso sang Nipah virus sa pungsod.

Suno sa PHO, nagapabilin nga WALA sang kaso sang Nipah virus ang Pilipinas apisar sa nagadamo nga kaso sa pungsod India.

Ginapa-alerto man sini ang publiko kag istrikto nga i-obserbar ang; pagsuksok sang gloves kag mask sa pa-atensir sa mga kasapatan labi na sa mga nagamasakit, magbakal lamang sang karne sa mga authorized kag na-inspect nga dealers kag hugasan kag lutuon sang maayo ang tanan nga mga pagkaon.

Ang Nipah virus isa ka zoonotic disease nga nagakahulugan mahimo ini makuha halin sa sapat makadtu sa tawo pinaagi sa contact sa laway, dugo, ihi sang mga infected fruit bats kag iban pa nga mga sapat.

Mahimo man maka-laton ang direkta nga kontak sa mga infected materials or infected animals.

Samtang, pila naman ka sintomas sini amo ang; influenza, lagnat, sakit sang ulo, ubo, pagpalanakit ukon pagpangluya sang kalawasan.

Dugang pa sang PHO, mas maayo ang prevention ukon paglikaw sa amo nga balatian labi na nga wala sang bulong batuk diri.

Text by: ROVista

31/01/2026

PAGTUKOD SANG ILOILO-CAPIZ-AKLAN EXPRESSWAY (ICAEx), MAGAPADASIG SANG BIYAHE SA ISLA SANG PANAY; PROYEKTO NAKAKUHA SANG PANIBAG-O NGA FUNDING!

Lauman ang mas madasig nga biyahe sa tion nga mangin operational na ang ginadiso nga Iloilo–Capiz–Aklan Expressway (ICAEx) matapos gin-alokaran sang panibag-o nga pondo sang DPWH.

Ang mega infrastracture project nga ICAEx ang nagasukat sang 210-kilometer, four-lane highway nga ginabug-usan sang elevated roadways, viaducts, tunnel kag malaba nga tulay nga maga-angut sa probinsya sang Iloilo, Capiz, kag Aklan.

Diri sa Capiz, magalabay ang proyekto sa banwa sang Dumarao, Cuartero, Dao, Jamindan, Sigma, Ivisan, Sapian, kag sa Syudad sang Roxas.

Sa Iloilo naman, mangin main entry point ang Barangay M.V. Hechanova sa Leganes, nga malapit naman sa ginaduso nga Panay-Guimaras Bridge, component sang Panay-Guimaras-Negros Island Bridges Project.

Ginalauman nga makapahagan-hagan ini sa kagutok sa mga existing highways pinaagi sa paglikaw sa mga chokepoints ukon matawo nga lugar, makapadasig sa delivery sang mga produkto, ma-improve ang emergency response sa tion sang pagbinaha kag makapaayo para sa tourism development opportunities para sa madamo nga tourist attractions sa Panay Island.

Mahibaluan, ang travel time subong halin sa Iloilo pakadtu sa Ivisan, Capiz ang nagalab-ot sa 2 oras ukon 100 kilometers, samtang ang halin sa Ivisan padulong sa Kalibo, Aklan, ang nagalab-ot sa 30 minutos ukon 67 kilometers.

Via PIA Western Visayas
Transtext: ROVista

11/01/2026

WATCH: 4 PATAY, 12 GINABULONG KAG MASOBRA 30 MISSING SA PAGKA-LUSDAK SANG LANDFILL SA CEBU CITY

Nagapadayon ang search and rescue operation sang mga otoridad sa nagluntad nga pagka-lusdak sang landfill sa Bgy. Binaliw sa Cebu City matapos makumpirmar nga may mga buhi sa gihapon nga natatabunan sang gabukid nga basura.

Sa inisyal nga datus, apat na ang kumpirmado nga patay, 12 ang gindala sa mga ospital kag masobra 30 pa ang missing.

Video courtesy of Councilor Dave Tumulak
Transtext: ROVista

10/01/2026

10/01/2026

Watch: Pulis sa Manila, ginkasohan sang r**e matapos gindala sa isa ka motel ang wala alinto nga babaye kag gin-abuso

Nagpasaka sang reklamo nga pag-pang-abuso ang 27 anyos nga babaye matapos ini gindala sang pulis sa isa ka Motel sa Manila samtang ini ang wala sang alinto, alas-6 sa aga, Disyembre 4, 2025

Nagresulta suno diri sa pagpang-himulos.

Suno naman sa kampo sang pulis, may "consent" ang pagpakighilawas sini sa babaye.

Suno naman sa Manila Police District, kaso nga r**e kag administrative case ang ginapangatubang sang suspek nga pulis.

Video courtesy John Consulta/FB