Radyo Natin 101.3 Roxas, Palawan

31/07/2026

ORAS NG HIMALA W/ APOSTLE RENATO D. CARILLO

31/07/2026

BASAHIN l Nagpasalamat si dating Senator B**g Revilla Jr. matapos pagbigyan ng Sandiganbayan Third Division ang kaniyang petisyon na makapagpiyansa sa kaso niyang malversation dahil sa umano’y pagkakasangkot sa anomalya sa flood control projects sa Pandi, Bulacan. | DZRH News

Nagpasalamat si dating Senator B**g Revilla Jr. matapos pagbigyan ng Sandiganbayan Third Division ang kaniyang petisyon na makapagpiyansa sa kaso niyang malversation dahil sa umano’y pagkakasangkot sa anomalya sa flood control projects sa Pandi, Bulacan. | DZRH News

31/07/2026

BREAKING: Maghahain ang Office of the Ombudsman ng kasong plunder at graft laban kina Batangas 1st District Rep. Leandro Leviste at Senador Loren Legarda kaugnay ng kanilang mga solar contracts, ayon kay Ombudsman Jesus Crispin “Boying” Remulla. | DZRH News

31/07/2026

𝗗𝗢𝗛 𝗠𝗜𝗠𝗔𝗥𝗢𝗣𝗔 𝗔𝗧 𝗖𝗢𝗡𝗚𝗥𝗘𝗦𝗦𝗪𝗢𝗠𝗔𝗡 𝗥𝗢𝗦𝗔𝗟𝗜𝗘 "𝗠𝗢𝗠𝗠𝗬 𝗥𝗢𝗦𝗘" 𝗦𝗔𝗟𝗩𝗔𝗠𝗘, 𝗧𝗜𝗡𝗨𝗧𝗨𝗞𝗔𝗡 𝗔𝗡𝗚 𝗞𝗔𝗟𝗔𝗚𝗔𝗬𝗔𝗡 𝗡𝗚 𝗠𝗚𝗔 𝗣𝗔𝗦𝗜𝗟𝗜𝗗𝗔𝗗 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗔𝗧 𝗞𝗔𝗣𝗔𝗞𝗔𝗡𝗔𝗡 𝗡𝗚 𝗠𝗚𝗔 𝗛𝗘𝗔𝗟𝗧𝗛 𝗪𝗢𝗥𝗞𝗘𝗥𝗦 𝗦𝗔 𝗗𝗜𝗦𝗧𝗥𝗜𝗧𝗢

LOOK l Nagpulong ang Department of Health (DOH) MIMAROPA at Palawan 1st District Representative Rosalie "Mommy Rose" Salvame upang talakayin ang kasalukuyang kalagayan ng mga pasilidad pangkalusugan sa rehiyon.

Kabilang sa mga tinalakay ang pisikal na estado ng mga Super Health Center, Barangay Health Stations (BHS), at iba pang health facilities, lalo na ang mga napinsala ng bagyo, hindi pa natatapos, o nangangailangan pa ng karagdagang pondo upang makumpleto.

Napag-usapan din ang deployment ng mga health worker, kung saan binigyang-diin ng DOH MIMAROPA na isa sa mga pangunahing hamon sa pagkuha ng mga doktor at iba pang health professionals ay ang mababang Salary Grade.

Dahil dito, humiling ang DOH MIMAROPA ng suporta kay Congresswoman Salvame upang maisulong ang lehislatibong pagtaas ng Salary Grade ng mga health worker, partikular ng mga doktor, bilang hakbang sa pagpapalakas ng serbisyong pangkalusugan sa MIMAROPA.

Ipinahayag naman ni Congresswoman Salvame ang kanyang patuloy na suporta sa mga programang magpapahusay sa sektor ng kalusugan. Binigyang-diin niya ang kahalagahan ng pagkakaroon ng sapat na pasilidad, modernong kagamitan, at mga health worker na may makatarungan at sapat na kompensasyon upang matiyak ang dekalidad na serbisyong medikal para sa bawat Palawenyo.

Photo courtesy: Cong.Mommy Rose Salvame

31/07/2026

SUSPEK SA UMANO'Y ₱20K GCASH SCAM SA ISANG TINDAHAN SA ROXAS, NASA KUSTODIYA NA NG PULIS

ROXAS, PALAWAN – Isang reklamo ng umano'y panloloko na may kaugnayan sa GCash Cash-In ang kasalukuyang iniimbestigahan ng Roxas Municipal Police Station (MPS) matapos ang insidente sa Raguin Store sa bayan ng Roxas.

Batay sa paunang impormasyon, isang indibidwal ang nagpa-GCash Cash-In na nagkakahalaga ng ₱20,000. Gayunman, matapos maisagawa ang transaksyon, hindi umano nito naibigay ang kaukulang bayad sa tindahan.

Agad namang nagsampa ng reklamo ang biktima sa Roxas MPS. Sa kasalukuyan, nasa kustodiya na ng pulisya ang suspek habang nagpapatuloy ang imbestigasyon at hinihintay ang pinal na ulat ng mga awtoridad.

Ayon sa imbestigasyon ni Police Officer I (POI) Michael Adion, patuloy pang kinakalap ang mga ebidensya at mga pahayag ng mga sangkot upang matukoy ang buong pangyayari at maisampa ang kaukulang kaso.
Tumanggi namang ipabanggit ng biktima ang kanyang pagkakakilanlan.

DISCLAIMER: Ang ulat na ito ay batay sa paunang impormasyon mula sa complainant at sa Roxas Municipal Police Station (MPS). Patuloy pa ang isinasagawang imbestigasyon at hinihintay ang pinal na ulat ng mga awtoridad.

Ang suspek ay itinuturing na inosente hangga't hindi napatutunayang nagkasala sa hukuman. Magbibigay ang Radyo Natin Roxas Palawan ng mga susunod na update at follow-up report sa kasong ito sa oras na maging available ang opisyal na impormasyon mula sa mga kinauukulan.
VIA Lhon Salcedo

31/07/2026

𝗠𝗔𝗞𝗨𝗞𝗨𝗟𝗔𝗬 𝗡𝗔 𝗙𝗟𝗢𝗔𝗧 𝗔𝗧 𝗚𝗨𝗟𝗔𝗬, 𝗧𝗔𝗠𝗣𝗢𝗞 𝗦𝗔 𝗡𝗨𝗧𝗥𝗜𝗧𝗜𝗢𝗡 𝗠𝗢𝗡𝗧𝗛 𝟮𝟬𝟮𝟲 𝗦𝗔 𝗥𝗢𝗫𝗔𝗦

WATCH l Naging makulay at masigla ang pagbubukas ng Nutrition Month 2026 sa Roxas sa pamamagitan ng parada ng mga barangay na tampok ang mga float na pinalamutian ng sariwang gulay at prutas.

Ipinakita ng bawat barangay ang kanilang pagkamalikhain at pagkakaisa habang isinusulong ang kahalagahan ng wastong nutrisyon, pagkain ng masustansya, at pangangalaga sa kalusugan ng bawat pamilyang Roxaseño. VIA I Kempee Yamson and Villagracia Nangit Airyn

31/07/2026

MAKUKULAY NA FLOAT NA GAWA SA GULAY AT PRUTAS, TAMPOK SA NUTRITION MONTH 2026 SA ROXAS, PALAWAN

ROXAS, PALAWAN – Makukulay at malikhaing float na pinalamutian ng sariwang gulay at prutas ang naging tampok sa parada bilang hudyat ng pagdiriwang ng Nutrition Month 2026 sa Bayan ng Roxas.

Pinangunahan ng Pamahalaang Bayan ng Roxas ang aktibidad na nilahukan ng mga opisyal ng bawat barangay, mga empleyado ng lokal na pamahalaan, at iba pang sektor ng komunidad. Bawat barangay ay nagpakitang-gilas sa kanilang mga float na sumasalamin sa kahalagahan ng wastong nutrisyon at pagkain ng masusustansyang pagkain.

Bukod sa pagiging makulay na selebrasyon, nagsilbi ring paalala ang parada sa publiko tungkol sa kahalagahan ng balanseng pagkain, malusog na pamumuhay, at paggamit ng mga lokal na gulay at prutas bilang bahagi ng pang-araw-araw na pagkain.

Ipinakita rin ng aktibidad ang pagkakaisa at kooperasyon ng mga barangay sa pagsusulong ng mga programang pangkalusugan na naglalayong mapabuti ang nutrisyon at kapakanan ng bawat pamilyang Roxaseño.

Inaasahang magpapatuloy ang pagdiriwang ng Nutrition Month sa buong buwan sa pamamagitan ng iba't ibang programang pangkalusugan, edukasyon, at iba pang gawaing nagtataguyod ng wastong nutrisyon sa komunidad.
-Radyo Natin News VIA Lhon Salcedo

30/07/2026

MGA PINUNO NG PHILIPPINE COUNCILORS LEAGUE, NAGTIPON SA ILOILO PARA SA PAGHAHANDA NG 2026 NATIONAL CONGRESS

ILOILO CITY – Nagtipon sa Iloilo ang mga pambansang opisyal ng Philippine Councilors League (PCL) kasama ang PCL Roxas,Palawan upang pagtibayin ang mga paghahanda para sa gaganaping 2026 PCL National Congress.

Tampok sa isinagawang strategic planning ang pagpapalakas ng Continuing Local Legislative Education Program (CLLEP) na nakatuon sa Environmental Management at Disaster Risk Reduction and Management (DRRM).

Layunin nitong mabigyan ang mga halal na konsehal ng mas praktikal na kaalaman sa pagbuo ng mga polisiya para sa pagtugon sa epekto ng pagbabago ng klima at mga sakuna.

Pinangunahan ang pulong ni PCL National Chairman Atty. Raul R. Corro ng Muntinlupa City, kasama si PCL National President Benjamin A. Abalos III ng Mandaluyong City.

Dumalo rin sina National Secretary General Marion Francis D. Marcos ng Naujan, Oriental Mindoro, at Advocacy Committee Chair Atty. Elmer O. Datuin, kasama ang iba pang opisyal ng liga.

Samantala, tiniyak ni PCL Visayas at Iloilo Chapter President JP Peñol ang kahandaan ng Iloilo sa pagho-host ng naturang pambansang pagtitipon, habang ipinagmamalaki ang mahusay na pamamahala at mga makabagong inisyatiba sa lehislatura ng rehiyon.

Ayon sa mga opisyal, layunin din ng kongreso na higit pang palakasin ang ugnayan ng mga lokal na pamahalaan, isulong ang transparency at accountability, at hikayatin ang makabago at teknolohiyang nakabatay na pamamahala upang mapabilis ang kaunlaran ng mga komunidad sa buong bansa. VIA l NoNoy Dela Cruz

Courtesy: Philippine Councilors League - Iloilo

30/07/2026

📢 PUBLIC SERVICE ANNOUNCEMENT 📻

READ l Narito ang OPISYAL na HOTLINE NUMBERS ng Radyo Natin Roxas Palawan 101.3 FM!

May nais bang ibalita? May reklamo, hinaing, anunsyo, o nangangailangan ng tulong? Nandito kami upang makinig at maglingkod sa ating mga kababayan.

☎️ RADYO NATIN HOTLINES:
📱 Smart: 0919 718 0372
📱 TNT: 0970 472 2503

📩 Maaari rin kaming i-message sa aming page: Radyo Natin Roxas Palawan para sa inyong mga balita, concerns, at public service requests.

🎙️ Radyo Natin 101.3 Roxas, Palawan
Your Friend. Your Radio.

Tapat na Balita. Totoong Serbisyo. Laging Nakaagapay sa Roxas at sa buong Palawan.

30/07/2026

LADY RIDERS NG PALAWAN, ISINUSULONG ANG TURISMO SA PAMAMAGITAN NG RIDING AT VLOGGING

WATCH l Dumating sa bayan ng Roxas ang mga Members ng Lady Riders ng Palawan. Patuloy na nagbibigay-inspirasyon ang nasabing mga Riders sa Palawan, isang grupo ng labing-isang kababaihang motorcycle riders na pinamumunuan ni Jha MOTO Vlogs, sa pamamagitan ng pagsasama ng kanilang hilig sa pagmomotorsiklo at pagsusulong ng turismo sa lalawigan.

Sa kabila ng init ng araw o malakas na ulan, walang sawang binabaybay ng grupo ang iba't ibang bayan at destinasyon sa Palawan upang ipakita ang likas na ganda, kultura, at mga natatanging tanawin ng bawat lugar.

Sa pamamagitan ng kanilang mga larawan, video, at vlog na ibinabahagi sa social media, naipapakilala nila sa mas maraming tao ang mga nakatagong yaman at atraksyon ng Palawan, na nagiging daan upang makahikayat ng mas maraming turista at mapalakas ang lokal na turismo.

Ayon sa grupo, layunin nilang maging inspirasyon sa kapwa kababaihan na ipakita na walang kasarian ang pagmamahal sa paglalakbay at pakikipagsapalaran. Higit pa sa isang riding group, nagsisilbi rin silang mga tagapagtaguyod ng kagandahan at potensyal ng Palawan bilang isa sa mga pangunahing destinasyon ng bansa.

Patunay ang Lady Riders ng Palawan na ang pagkakaisa, tapang, at pagmamahal sa sariling lalawigan ay maaaring maging mabisang paraan upang maitaguyod ang turismo at maipagmalaki ang likas na yaman ng Palawan.
-Radyo Natin News VIA l Lhon Salcedo