ICT-Cyber Punk

ICT-Cyber Punk Contact information, map and directions, contact form, opening hours, services, ratings, photos, videos and announcements from ICT-Cyber Punk, Digital creator, San Jose del Monte.

Sa Kandungan ng LansanganNang talikuran ng mundo si paslit,Inalok ng lansangan ang kamay nitoKinulong siya sa bisig, pin...
17/01/2026

Sa Kandungan ng Lansangan

Nang talikuran ng mundo si paslit,
Inalok ng lansangan ang kamay nito
Kinulong siya sa bisig, pinatahan,
At nangakong hindi siya iiwan.

Saksi ang poste ng ilaw sa kaniyang pag-iisa,
Ni walang inang magsasabing, “anak, tahan na.”
Ang basura sa iba, kaniya’y kayamanang pilit,
Nilunok ang pait ng kapalaran,
Ng batang tanging unan ay sariling siko niya’t binti.

Ano’ng kasalanan at pasan ang mundo ng munting balikat
Upang sa ganitong pagdurusa’y maaga siyang mamulat?
Ang mundo’y nagpatuloy, mabilis naglakad,
Habang siya’y naiwang nakalahad ang mga palad.

Isinulat ni: Marc Lance Desphy

Balang-araw,uuwi rin tayo sa tahanang puno ng mga pangarap na natupad.Isang tahanang buo.Hindi lang dahil may ipon o may...
12/01/2026

Balang-araw,
uuwi rin tayo sa tahanang puno ng mga pangarap na natupad.

Isang tahanang buo.
Hindi lang dahil may ipon o may naipundar,
kundi dahil nandoon ang bawat dahilan
kung bakit tayo sabik na sabik laging umuwi.

Doon sa payapa at tahimik na espasyo,
Hindi lang simpleng tutuluyan,
kundi magiging ligtas na kanlungan
para sa pagod nating mga puso.

Makauuwi rin tayo sa tirahang ang unang yayakap sa atin ay paghilom.

Isinulat ni : John Paul Naval

Gusto ko ring magsumbongKanino ako magsusumbong kung sa akin sila nagsasabi ng mga hinanakit nila?Kanino ako tatakbo kun...
08/01/2026

Gusto ko ring magsumbong

Kanino ako magsusumbong kung sa akin sila nagsasabi ng mga hinanakit nila?
Kanino ako tatakbo kung sa akin sila lumalapit sa tuwing may kailangan sila?
Sino ang yayakap sa akin kapag hindi ko na kaya?
Wala nga pala.

Lagi akong nandito para sa kanila.
Lagi akong handa para sa iba.
Pero 'pag dating sa sarili ko, bakit parang mag-isa na?
Bakit kapag ako na, para bang walang gustong tabihan ako para ako'y kumalma?

Kanino ako hihinga?
Sino ang aking pahinga?
Ang katulad ko'y maaari bang magpahinga?
Sana maisip nila na kailangan ko rin sila.

Sana maisip nila na gusto ko ring marinig ang mga salitang "Kamusta ka?"
Gusto ko ring yakapin nila ako at umiyak sa mga bisig nila.
Gusto ko ring magsumbong na parang bata,
Pero hindi ko magawa dahil ako ang sandalan nila.

Isinulat ni : Joseph Domingo

"Buhay sa Lungsod" Tumatakbo ang mga paa sa kalsadang mamasa-masa,Ang sigaw ng mga dyip, tila awit ng gabi.Bawat tahanan...
06/01/2026

"Buhay sa Lungsod"

Tumatakbo ang mga paa sa kalsadang mamasa-masa,
Ang sigaw ng mga dyip, tila awit ng gabi.
Bawat tahanan ay may kwentong sasabihin,
Ngiti at luha, sa bawat sulok makikita.

Ang ilaw ng kalye ay nagliliwanag,
Parang bituin sa lupa na nagbabantay.
Buhay na puno ng kulay at damdamin,
Sa lungsod na ito, tahanan ng lahat ng tao

Isinulat ni : Jhemuel Mabute

"Buhay sa Lansangan"Ang sikat ng araw ay lumiwanagSa mga dingding ng lumang gusaliAng mga paa'y naglalakbaySa mga daang ...
06/01/2026

"Buhay sa Lansangan"

Ang sikat ng araw ay lumiwanag
Sa mga dingding ng lumang gusali
Ang mga paa'y naglalakbay
Sa mga daang puno ng alalahanin

Ang hangin ay may dalang awit
Mula sa mga boses ng bata
Habang ang ulap ay gumagalaw
Parang mga pangarap na hindi matapos-tapos

Ang gabi ay dumarating nang dahan-dahan
Ang ilaw ay nagliliwanag sa bawat tahanan
Ang buhay ay tuloy pa rin
Sa kabila ng mga pagsubok at kahirapan

Isinulat ni : Josh Ivan Vinzon

BituinPara kang bituin sa kalangitan,Gustong gusto kong pinagmamasdan,Kahit nasa malayo palaging ikaw ang tanaw,Tingin k...
06/01/2026

Bituin

Para kang bituin sa kalangitan,
Gustong gusto kong pinagmamasdan,
Kahit nasa malayo palaging ikaw ang tanaw,
Tingin ko sayo ay para bang nakakatunaw.

Sa paaralan ikaw palagi ang hinahanap ng aking mga mata,
Kapag nakita hindi maiwasang ang saya,
Kapag ikaw ay tumitingin ako ay namumula,
Sinta huwag ka namang ngumiti dahil ako ay nahuhulog na.

Sa magulong kapaligiran palaging ikaw ay aking natatanaw,
Kahit nasa malayo ikaw parin ay aking natatagpuan,
Kapag tayo ay nagkakatitigan bumibilis ang tibok ng puso ko sinta,
Ayaw paawat ng puso kong sayo lang nagiging masaya.

Isinulat ni : Gjhay J. Villacorta

Sa Loob ng KatahimikanSa katahimikan, doon ako natutong makinig—sa tibok ng pusong pagod ngunit hindi sumusuko.May mga p...
06/01/2026

Sa Loob ng Katahimikan

Sa katahimikan, doon ako natutong makinig—
sa tibok ng pusong pagod ngunit hindi sumusuko.
May mga pangarap na sugatan ng pagkabigo,
ngunit patuloy na humihinga sa bawat pag-asa.
Hindi lahat ng sugat ay nakikita ng mata,
ang ilan ay naninirahan sa loob ng ngiti.
Sa bawat luha na lihim kong tinatago,
may lakas na unti-unting isinisilang.
Ako’y binuo ng takot at tapang,
ng mga gabing nagduda at umagang bumangon.
At sa gitna ng lahat ng aking pagkabasag,
pinili kong manatiling buo.

Isinulat ni : Kein Nimuel Acedera

Pamagat: Sa Gitna ng Tahimik na LabanSumulat: Kjai Neji L. Malabayabas Sa bawat umaga, dala ko ang bigat ng pangarap,nak...
04/01/2026

Pamagat: Sa Gitna ng Tahimik na Laban

Sumulat: Kjai Neji L. Malabayabas

Sa bawat umaga, dala ko ang bigat ng pangarap,
nakasilid sa bag kasama ng mga aklat at takot.
Tahimik akong lumalaban,
habang ang mundo ay patuloy sa pag-ikot.

May mga araw na gusto kong sumuko,
kapag ang pagod ay mas mabigat kaysa pag-asa.
Ngunit sa bawat hakbang,
pinipili kong maniwala sa sarili ko.

Hindi man palaging panalo,
ang mahalaga’y hindi ako huminto.
Dahil sa dulo ng lahat ng ito,
may bukas na naghihintay para sa akin.

Pamagat: TALONGSumulat: Jhaydie Quetua DiolaSa hardin ng umaga, tahimik kang tumubo,Lilang balat, sa araw ay nakangiti’t...
04/01/2026

Pamagat: TALONG

Sumulat: Jhaydie Quetua Diola

Sa hardin ng umaga, tahimik kang tumubo,
Lilang balat, sa araw ay nakangiti’t buo.
Sa ulan at init, matiyagang naghihintay,
Bunga ng sipag, sa lupa’y alay.

Sa lutong pinakbet o simpleng inihaw,
Ikaw ay kasamang pampasigla ng ulam.
Hindi man magarbo ang anyo’t pangalan,
Sa bawat hapag, ikaw ay mahalaga’t tapat.

Parang talong ang taong marunong magtiis,
Tahimik man minsan, sa gawa’y matamis.
Sa simpleng anyo, may saysay na taglay—
Maliit na bagay, malaking buhay ang alay.

Pamagat: Sa Gitna ng Katahimikan‎Sumulat: Andrew Malbuezo‎Sa gitna ng katahimikan‎naririnig ko ang tibok ng aking puso,‎...
04/01/2026

Pamagat: Sa Gitna ng Katahimikan

‎Sumulat: Andrew Malbuezo

‎Sa gitna ng katahimikan
‎naririnig ko ang tibok ng aking puso,
‎tila ba’y may gustong sabihin
‎ngunit takot pang ilabas.
‎Ang hangin ay marahang yumayakap,
‎dala ang mga pangarap na minsang nalimutan.
‎Sa bawat hakbang ko sa dilim,
‎may liwanag pa ring sumusunod.
‎Hindi man malinaw ang bukas,
‎patuloy pa rin akong lalakad,
‎sapagkat sa bawat paghinga
‎may pag-asang muling sisibol.

"EKSENANG WALANG ISKRIP"Ang buhay ay parang palabas nawalang sinusunod na iskrip.Hindi natin alam kung anoang susunod na...
04/01/2026

"EKSENANG WALANG ISKRIP"

Ang buhay ay parang palabas na
walang sinusunod na iskrip.
Hindi natin alam kung ano
ang susunod na mangyayari.

May mga araw na masaya,
may mga araw na nakakalito.
Minsan ay tumatawa tayo,
minsan ay bigla na lang umiiyak.

Hindi lahat ng plano ay nasusunod,
may mga pangarap na nahihinto,
ngunit patuloy pa rin ang lakad
kahit mahirap.

Sa eksenang ito ng buhay,
tayo mismo ang gumaganap,
kahit walang iskrip,
tuloy pa rin ang kuwento.

Isinulat ni : Reynaldo Jr Cuenca Bohol

"BATANG AKO"Ako’y isang bata noon,‎wala pang alam gawin‎kundi ang maglaro‎umaga man o gabi,‎tila ba walang kapaguran‎ang...
03/01/2026

"BATANG AKO"

Ako’y isang bata noon,
‎wala pang alam gawin
‎kundi ang maglaro
‎umaga man o gabi,
‎tila ba walang kapaguran
‎ang munting katawan.
‎
‎Sa bawat araw na lumilipas,
‎buong maghapon ang takbuhan,
‎ang tawanan ay walang hanggan.
‎At pagdating ng gabi,
‎ang pagod ay yakap-yakap ako
‎hanggang sa mahimbing na tulog.
‎
‎Ako’y isang batang
‎puno ng saya ang mukha,
‎sapagkat ang lungkot
‎ay hindi pa kilala.
‎Ang tanging iniisip ko lamang noon
‎ay kung may meryenda pa ba sa hapon.
‎
‎Kay sarap maging bata,
‎dahil kung ikaw man ay malungkot,
‎isang ngiti,
‎isang laro,
‎ay sapat na
‎upang maibalik ang sigla.
‎
‎Ngunit heto na ako ngayon
‎nasa hinaharap,
‎harap sa tunay na realidad ng mundo,
‎kung saan ang lahat
‎ay hindi na nakukuha
‎sa madaling paraan.

Isinulat ni : John Raven L. Plaza

Address

San Jose Del Monte
3024

Telephone

+639674037464

Website

Alerts

Be the first to know and let us send you an email when ICT-Cyber Punk posts news and promotions. Your email address will not be used for any other purpose, and you can unsubscribe at any time.

Shortcuts

Share

Category