SJDM Insider

14/02/2026

Mas pinadali ang serbisyo dahil sa PhilHealth Express! Mas mapapalapit na sa mga residente ng San Jose Del Monte (SJDM) ang mga pangunahing serbisyong pangkalusugan ng PhilHealth.

Sa pamamagitan ng PhilHealth Express, hindi na kailangang bumiyahe nang malayo para sa mga importanteng transaksyon. Mas mabilis, mas accessible, at mas abot-kamay ang serbisyo para sa ating mga kababayan.

Narito ang ilan sa mga serbisyong maaaring ma-avail:
• Membership Registration - Pagpaparehistro ng bagong miyembro
• Benefit Inquiry Assistance - Pagtatanong tungkol sa benepisyo, claims, at coverage
• Issuance of PhilHealth ID/PVC ID - Pagproseso at pag-print ng PhilHealth ID (kung available sa branch)

Isang hakbang ito tungo sa mas maayos at mas pinalawak na health service para sa lahat.

13/02/2026

13/02/2026

PINALAKING BALIWAG CENTRAL TERMINAL, HATAK-INVESTOR SA BULACAN

Mas pinalaki na ang Baliwag Central Terminal sa Daang Maharlika at ayon sa DTI, malinaw itong patunay ng tiwala ng mga investor sa Bulacan. Sinabi ni Acting Provincial Director Coco Chanel Garcia-Yap na nagsisilbi na itong “investors’ magnet” dahil mas gumanda ang transport system at mas dumami ang business opportunities sa lungsod.

Nagsimula ang proyekto sa public-private partnership noong 2015 at tuloy-tuloy ang expansion, kabilang ang dagdag na 6,000 sqm commercial space. Ngayon, mas maayos na ang loading bays, waiting areas, may OTOP kiosks at malalaking establisimyento gaya ng Ace Builders. Para kay Mayor Sonia Estrella, malinaw ang mensahe: bukas ang Baliwag sa negosyo at trabaho.

13/02/2026

12/02/2026

Isinagawa ng mga awtoridad ng San Jose del Monte ang destruction ng mga nakumpiskang modified open pipe at maingay na mufflers bilang bahagi ng mas pinaigting na pagpapatupad ng batas laban sa noise pollution at ilegal na modipikasyon ng mga sasakyan.

Ayon sa pamahalaang lungsod, layunin ng aktibidad na mapanatili ang katahimikan, kaligtasan, at kaayusan sa komunidad. Ang paggamit ng open pipe ay nagdudulot ng labis na ingay na nakakaabala sa publiko at maaari ring magdulot ng panganib sa kalsada.

Bukod sa istorbo, maaari rin itong makaapekto sa kalusugan tulad ng stress, pananakit ng ulo, at hirap sa pagtulog, lalo na sa mga residente na malapit sa mga pangunahing kalsada.

Pinaalalahanan ang lahat ng motorista na sumunod sa umiiral na batas at lokal na ordinansa hinggil sa tamang modipikasyon ng sasakyan para sa kapakanan ng buong komunidad.

12/02/2026

PABATID SA PUBLIKO

Ang PRIMEWATER ay magsasagawa ng LEAK DETECTION ACTIVITY sa ating baranagay ngayong buwan ng Pebrero ngunit wala pang tiyak na araw, ganun pa man ay sinisiguro nilang gagawin ito sa gabi, 8:00pm onwards.

Hinihikayat ng Pamunuan ng Brgy. Tungkong Mangga na ugaliing mag-imbak ng sapat na suplay ng tubig upang makasigurado sa pangangailangan sa lahat ng oras at maiwasan ang anumang abala.

Hinihingi naming ang inyong pag-unawa sa usaping ito. Maraming salamat po sa inyong pag-unawa at pakikiisa.

(c) BRGY Tungkong Mangga, City of San Jose Del Monte, Bulacan

12/02/2026

Nagulat ang ilang residente sa isang subdivision sa Brgy. Sto. Cristo, San Jose del Monte, Bulacan matapos umanong biglang pumasok at manghuli ng mga motorsiklo ang mga traffic enforcer sa loob mismo ng kanilang nasasakupan. Umani ito ng tanong at reaksyon mula sa netizens kung may sapat bang awtoridad ang mga enforcer na magsagawa ng operasyon sa loob ng pribadong subdivision.

🟥 TRAFFIC ENFORCER SA LOOB NG SUBDIVISION?

Nagulat ang ilang residente sa isang subdivision sa Brgy. Sto. Cristo, San Jose del Monte, Bulacan matapos umanong biglang pumasok at manghuli ng mga motorsiklo ang mga traffic enforcer sa loob mismo ng kanilang nasasakupan. Umani ito ng tanong at reaksyon mula sa netizens kung may sapat bang awtoridad ang mga enforcer na magsagawa ng operasyon sa loob ng pribadong subdivision.

12/02/2026

DATING SAN JOSE WATER CHAIRMAN CALAJATE, ARESTADO MATAPOS MAGSINUNGALING SA SENADO SA ISYU NG PRIMEWATER

Arestado si dating San Jose Water chairman Even Calajate matapos kasuhan ng perjury kaugnay ng kanyang gawa-gawang testimonya sa Senado sa isyu ng PrimeWater Infrastructure Corporation. Itinakda ang piyansa sa ₱120,000 matapos makakita ang piskalya ng sapat na prima facie evidence. Senior citizen man o hindi, kapag may ebidensya, may kaso.

Sa gitna ng umiinit na lokal na pulitika, lumilitaw ang mga alegasyong maaaring may political motive ang kanyang pagdiin sa pagdinig. May mga nagsasabing posibleng nagpagamit siya upang palakasin ang mga paratang laban sa ilang opisyal. Anuman ang pulitika sa likod nito, ang testigong nagsalita sa ilalim ng panunumpa ang unang haharap sa legal na pananagutan.

Bawat salitang binibitawan sa ilalim ng oath ay may katapat na responsibilidad, at kapag napatunayang kasinungalingan, batas ang susunod na sisingil.

07/02/2026

Isinagawa ng SJDM ang renovation at pagpapalawak ng River Esplanade bilang bahagi ng patuloy na layunin na gawing mas pedestrian-friendly at park-friendly ang lungsod.

Hindi lang ito simpleng pag-aayos ng lugar, ito ay paglikha ng tinatawag na “third space” o pampublikong espasyo kung saan pwedeng:
• maglakad at mag-ehersisyo
• magpahinga at mag-relax
• mag-bonding ang pamilya at magkakaibigan
• magkaroon ng ligtas na lugar ang komunidad sa gitna ng urban na kapaligiran

Ang River Esplanade ay nagsisilbing ligtas, inklusibo, at bukas na espasyo para sa lahat, isang alternatibo sa siksik na siyudad at limitadong parke.

Isang hakbang ito tungo sa mas malusog, mas konektado, at mas maayos na pamumuhay para sa bawat residente.

06/02/2026

Sa ulat, kinilala ang suspek na si alyas “Boy”, 47, dating Barangay Tanod at kanyang may bahay na si alyas ‘Ann’, 44 kapwa residente ng Brgy. Minuyan Proper.

BULACAN, Philippines - Arestado ang mag-asawa matapos mahulihan ng iligal na droga sa buy-bust operation ng pulisya sa lungsod ng San Jose Del Monte (SJDM) nitong hapon ng Pebrero 3. Sa ulat, kinilala ang suspek na si alyas “Boy”, 47, dating Barangay Tanod at kanyang may bahay na si alyas ‘Ann...