Saluysoy - Opisyal na Pahayagan ng Culaylay ES

20/08/2026

𝑪𝒖𝒍𝒂𝒚𝒍𝒂𝒚 𝑬𝒍𝒆𝒎𝒆𝒏𝒕𝒂𝒓𝒚 𝑺𝒄𝒉𝒐𝒐𝒍 𝑵𝒂𝒈𝒔𝒂𝒈𝒂𝒘𝒂 𝒏𝒈 𝑰𝒏𝒅𝒖𝒄𝒕𝒊𝒐𝒏 𝒂𝒏𝒅 𝑶𝒂𝒕𝒉𝒕𝒂𝒌𝒊𝒏𝒈 𝑪𝒆𝒓𝒆𝒎𝒐𝒏𝒚 𝒏𝒈 𝒎𝒈𝒂 𝑩𝒂𝒈𝒐𝒏𝒈 𝑯𝒂𝒍𝒂𝒍 𝒏𝒂 𝑺𝑷𝑻𝑨 𝒂𝒕 𝑯𝑷𝑻𝑨 𝑶𝒇𝒇𝒊𝒄𝒆𝒓𝒔

Isinagawa ngayong ika-19 ng Agosto 2026 ang Induction and Oathtaking Ceremony ng mga bagong halal na opisyal ng School Parent-Teacher Association (SPTA) at Homeroom Parent-Teacher Association (HPTA) ng Culaylay Elementary School.

Layunin ng seremonya na pormal na maitalaga sa kanilang mga tungkulin ang mga bagong halal na opisyal na magsisilbing katuwang ng paaralan sa pagpapatupad ng iba't ibang programa, proyekto, at mga gawaing nakatuon sa kapakanan at pag-unlad ng bawat mag-aaral.

Nagsimula ang programa sa panalangin, pag-awit ng Pambansang Awit, at Pambungad na Pananalita ni Robie-Ann S. Castillo, TIC/OIC-School Principal. Sinundan ito ng pagpapakilala sa mga opisyal at mensahe mula sa mga kinatawan ng SPTA.

Isa sa mga tampok ng programa ang pormal na Induction of Officers na pinangunahan ni Barangay Kagawad Alberto Dacumos, isang opisyal ng Barangay Culaylay. Sa kanyang pangunguna, taimtim na nanumpa ang mga bagong halal na opisyal ng SPTA at HPTA bilang tanda ng kanilang pagtanggap sa responsibilidad at pangakong gagampanan nang tapat ang kanilang mga tungkulin bilang mga lider at katuwang ng paaralan.

Samantala, pinangunahan naman ni Yolanda S. Tucay, Faculty President, ang oathtaking ng mga bagong halal na opisyal. Sa pamamagitan ng seremonyang ito, pormal na pinagtibay ang kanilang panunungkulan at responsibilidad sa paglilingkod sa samahan at sa buong komunidad ng paaralan.

Naging bahagi rin ng programa ang presentation of officers, isang intermission number, at dance presentation ng Kindergarten parents na nilahukan ng mga magulang mula Kindergarten hanggang Grade 6. Nagbigay rin ng mensahe si Marcelina Regala, SPTA President, bago ang closing remarks ni Yolanda S. Tucay.

Ang matagumpay na Induction and Oathtaking Ceremony ay nagsisilbing mahalagang hakbang sa pagpapalakas ng ugnayan ng paaralan, tahanan, at komunidad. Inaasahang ang mga bagong halal na opisyal ng SPTA at HPTA ay magiging aktibong katuwang ng Culaylay Elementary School sa pagpapatupad ng mga programa at proyektong magbibigay ng positibong epekto sa pagkatuto at kabuuang kapakanan ng bawat batang Culaylayan.

Sa pagkakaisa at pagtutulungan ng paaralan, mga magulang, at komunidad, patuloy na maisusulong ang isang MATATAG, ligtas, at dekalidad na edukasyon para sa bawat mag-aaral ng Culaylay Elementary School.

18/08/2026

𝑪𝑬𝑺, 𝑺𝒖𝒎𝒂𝒊𝒍𝒂𝒍𝒊𝒎 𝒔𝒂 𝑰𝒏𝒊𝒕𝒊𝒂𝒍 𝑫𝒊𝒗𝒊𝒔𝒊𝒐𝒏 𝑶𝒏-𝑺𝒊𝒕𝒆 𝑽𝒂𝒍𝒊𝒅𝒂𝒕𝒊𝒐𝒏 𝒑𝒂𝒓𝒂 𝒔𝒂 2026 𝑩𝒆𝒔𝒕 𝑬𝒏𝒉𝒂𝒏𝒄𝒆𝒅 𝑮𝒖𝒍𝒂𝒚𝒂𝒏 𝒔𝒂 𝑷𝒂𝒂𝒓𝒂𝒍𝒂𝒏 𝑷𝒓𝒐𝒈𝒓𝒂𝒎

Isinagawa ngayong ika-18 ng Agosto 2026 ang Initial Division On-Site Validation para sa Division Search for the 2026 Best Enhanced Gulayan sa Paaralan Program (GPP) Project Game Best Implements sa Culaylay Elementary School.

Layunin ng on-site validation na masuri at mapatunayan ang mga implementasyon, programa, at best practices ng paaralan sa pagpapatupad ng Gulayan sa Paaralan Program. Bahagi rin ito ng paghahanap at pagkilala sa mga paaralang nagpakita ng mahusay, makabuluhan, at napapanatiling mga gawain sa pagpapaunlad ng GPP.

Itinalaga bilang validators ng Gulayan sa Paaralan ng Culaylay Elementary School sina Dr. Ruel Romualdo, Sir Jefferson Ganiban, at Sir Francis De Guzman. Sa kanilang pagbisita, isinagawa ang masusing pagsusuri sa mga pasilidad, taniman, dokumentasyon, at iba't ibang gawain ng paaralan na may kaugnayan sa pagpapatupad ng Gulayan sa Paaralan Program.

Ipinakita rin ng paaralan ang mga inisyatiba nito sa paggamit ng mga ani mula sa gulayan, kabilang ang kontribusyon nito sa School-Based Feeding Program (SBFP) at iba pang income-generating activities. Sa pamamagitan ng mga gawaing ito, naipakikita kung paano nagiging kapaki-pakinabang ang Gulayan sa Paaralan hindi lamang sa pagpapanatili ng isang luntiang kapaligiran kundi maging sa pagsuporta sa nutrisyon at iba pang pangangailangan ng mga mag-aaral.

Tampok din sa implementasyon ng paaralan ang mga programang naglalayong mapalakas ang waste management, environmental awareness, at community participation. Patuloy na hinihikayat ang mga mag-aaral, g**o, magulang, at iba pang stakeholders na makiisa sa pangangalaga at pagpapaunlad ng gulayan.

Ang nasabing validation ay naging mahalagang pagkakataon para sa Culaylay Elementary School na maipakita ang mga bunga ng sama-samang pagsisikap ng buong komunidad ng paaralan. Higit pa sa paghahangad ng pagkilala, layunin ng programa na mapanatili ang mga gawaing makatutulong sa kalusugan, nutrisyon, kalinisan, pangangalaga sa kapaligiran, at pag-unlad ng mga mag-aaral.

Sa pamamagitan ng patuloy na pagtutulungan at dedikasyon ng mga g**o, mag-aaral, magulang, at stakeholders, nananatiling buhay ang diwa ng Gulayan sa Paaralan bilang isang makabuluhang programa tungo sa isang mas luntian, masustansiya, at mas responsableng komunidad ng Culaylay Elementary School.

31/07/2026

ᴄᴇꜱ, ɴᴀɢꜱᴀɢᴀᴡᴀ ɴɢ ᴏʀɪᴇɴᴛᴀᴛɪᴏɴ ᴘᴀʀᴀ ꜱᴀ ᴀʀᴀʟ ᴘʀᴏɢʀᴀᴍ 2026–2027

Bilang paghahanda sa pagpapatupad ng Academic Recovery and Accessible Learning (ARAL) Program para sa Taong Panuruan 2026–2027, nagsagawa ang Culaylay Elementary School ng isang orientation para sa mga magulang ng mga piling mag-aaral na lalahok sa programa ngayong Hulyo 31, 2026.

Layunin ng naturang orientation na maipaliwanag sa mga magulang ang kahalagahan ng ARAL Program bilang isang interbensyon ng Department of Education upang matulungan ang mga mag-aaral na higit pang mapaunlad ang kanilang kasanayan sa pagbasa at pagbilang. Tinalakay rin ang mga layunin, iskedyul, at mga inaasahang gawain ng mga mag-aaral at kanilang mga magulang sa buong implementasyon ng programa.

Ipinaliwanag sa pagpupulong na ang mga sesyon ng ARAL Program ay isasagawa pagkatapos ng huling oras ng klase sa hapon, kung saan ang mga mag-aaral ay sasailalim sa mga karagdagang gawaing pampagkatuto na nakatuon sa pagpapalakas ng kanilang pundasyong akademiko.

Binigyang-diin din sa orientation ang mahalagang papel ng mga magulang sa tagumpay ng programa. Hinikayat silang patuloy na gabayan, hikayatin, at suportahan ang kanilang mga anak upang maging aktibo sa pagdalo at pakikilahok sa bawat sesyon ng ARAL Program.

Bilang bahagi ng pagpupulong, nilagdaan ng mga magulang ang Parent Consent Form bilang patunay ng kanilang pahintulot at pagsuporta sa paglahok ng kanilang mga anak sa programa. Ipinahayag din nila ang kanilang kooperasyon upang matiyak ang tuloy-tuloy na pagkatuto at pag-unlad ng kanilang mga anak.

Sa pamamagitan ng matagumpay na orientation, muling ipinakita ng Culaylay Elementary School ang matibay na ugnayan ng paaralan at mga magulang sa pagsuporta sa mga programang naglalayong maiangat ang kalidad ng edukasyon. Inaasahan na sa sama-samang pagtutulungan ng mga g**o, magulang, at mga mag-aaral, magiging matagumpay ang implementasyon ng ARAL Program ngayong Taong Panuruan 2026–2027 at makatutulong ito sa paglinang ng mas mahusay na kasanayan at pagkatuto ng bawat batang kalahok sa programa, tungo sa mas matatag na pundasyon ng kanilang pag-aaral at mas maliwanag na kinabukasan.

29/07/2026

𝓕𝓾𝓶𝓲𝓰𝓪𝓽𝓲𝓸𝓷 𝓐𝓬𝓽𝓲𝓿𝓲𝓽𝔂 𝓘𝓼𝓲𝓷𝓪𝓰𝓪𝔀𝓪 𝓼𝓪 𝓒𝓾𝓵𝓪𝔂𝓵𝓪𝔂 𝓔𝓵𝓮𝓶𝓮𝓷𝓽𝓪𝓻𝔂 𝓢𝓬𝓱𝓸𝓸𝓵 𝓑𝓲𝓵𝓪𝓷𝓰 𝓟𝓪𝓰-𝓲𝔀𝓪𝓼 𝓼𝓪 𝓓𝓮𝓷𝓰𝓾𝓮

CULAYLAY, San Jose City, Nueva Ecija – Bilang bahagi ng patuloy na kampanya laban sa dengue at iba pang sakit na dulot ng lamok, matagumpay na isinagawa ang Fumigation Activity sa Culaylay Elementary School ngayong Hulyo 29, 2026, sa ganap na ika-3:00 ng hapon.

Ang nasabing aktibidad ay isang inisyatibo ng Local Government Unit (LGU) ng San Jose City sa pakikipagtulungan ng City Health Office (CHO). Layunin nitong mabawasan ang bilang ng mga lamok sa loob at paligid ng paaralan upang matiyak ang kaligtasan at kalusugan ng mga mag-aaral, g**o, at iba pang kawani.

Sa pamamagitan ng fumigation, inaasahang mapipigilan ang pagdami ng mga lamok na maaaring magdala ng dengue, lalo na sa panahon ng tag-ulan kung kailan mas mataas ang panganib ng pagkalat ng sakit.

Nagpahayag ng taos-pusong pasasalamat ang pamunuan ng Culaylay Elementary School sa LGU ng San Jose City at sa City Health Office sa kanilang agarang pagtugon at patuloy na suporta sa pagpapanatili ng isang ligtas, malinis, at malusog na kapaligiran para sa buong komunidad ng paaralan.

Patuloy na hinihikayat ang lahat na makiisa sa mga programang pangkalusugan sa pamamagitan ng pagpapanatiling malinis ng kapaligiran at pag-aalis ng mga lugar na maaaring pamugaran ng mga lamok. Sama-sama nating pangalagaan ang kalusugan ng bawat isa at panatilihing ligtas ang ating paaralan.

18/06/2026

𝘾𝙀𝙎, 𝙉𝙖𝙠𝙞𝙞𝙨𝙖 𝙨𝙖 2𝙣𝙙 𝙌𝙪𝙖𝙧𝙩𝙚𝙧 𝙉𝙖𝙩𝙞𝙤𝙣𝙬𝙞𝙙𝙚 𝙎𝙞𝙢𝙪𝙡𝙩𝙖𝙣𝙚𝙤𝙪𝙨 𝙀𝙖𝙧𝙩𝙝𝙦𝙪𝙖𝙠𝙚 𝘿𝙧𝙞𝙡𝙡

Matagumpay na nakiisa ang Culaylay Elementary School sa isinagawang 2nd Quarter Nationwide Simultaneous Earthquake Drill (NSED) ngayong Hunyo 18, 2026, ganap na alas-9:00 ng umaga.

Sa pagsisimula ng drill, agad na isinagawa ng mga mag-aaral, g**o, at kawani ng paaralan ang wastong pamamaraan ng pag-iingat sa panahon ng lindol sa pamamagitan ng “Duck, Cover, and Hold.” Bilang karagdagang hakbang sa kaligtasan, ang bawat mag-aaral ay nagsuot ng hard hat upang maprotektahan ang kanilang ulo laban sa mga maaaring bumagsak na bagay habang isinasagawa ang drill.

Matapos ang itinakdang oras ng pagyanig, maayos at disiplinadong nagtungo ang lahat sa mga itinakdang evacuation area habang sinusunod ang mga itinakdang safety protocols. Ipinakita ng mga mag-aaral ang kanilang kahandaan at kaalaman sa tamang pagtugon sa mga emerhensiyang dulot ng lindol.

Layunin ng aktibidad na mapalawak ang kamalayan at kahandaan ng bawat isa sakaling magkaroon ng aktuwal na lindol o iba pang sakuna. Sa pamamagitan ng regular na pagsasagawa ng earthquake drills, nahuhubog ang kakayahan ng mga mag-aaral na manatiling kalmado at makapagdesisyon nang tama sa oras ng panganib.

Pinangunahan ng School Disaster Risk Reduction and Management (DRRM) Team ang nasabing gawain katuwang ang mga g**o upang matiyak ang maayos at ligtas na pagsasagawa ng drill. Nagkaroon din ng maikling ebalwasyon pagkatapos ng aktibidad upang matukoy ang mga maaaring pang pagbutihin sa mga susunod na pagsasanay.

Sa matagumpay na pagsasagawa ng 2nd Quarter Nationwide Simultaneous Earthquake Drill, muling ipinakita ng Culaylay Elementary School ang matibay nitong adbokasiya sa pagtataguyod ng kultura ng kahandaan, kaligtasan, at katatagan ng buong komunidad ng paaralan.

16/06/2026

Culaylay ES Nagsagawa ng General Assembly Bilang Bahagi ng Pagbubukas ng SY 2026–2027

CULAYLAY, SAN JOSE CITY — Kasabay ng pagbubukas ng School Year 2026–2027, matagumpay na isinagawa ng Culaylay Elementary School ang General Assembly noong Hunyo 11, 2026 sa School Gymnasium na dinaluhan ng mga magulang, g**o, at iba pang stakeholders ng paaralan.

Bago ang pangkalahatang pagpupulong, nagsagawa muna ng Homeroom PTA Meeting sa bawat silid-aralan upang talakayin ang mga plano at programa para sa bagong taong panuruan.

Sa General Assembly, tinalakay ang iba't ibang mahahalagang usapin kabilang ang ulat ng mga proyekto at tagumpay ng School Parent-Teacher Association (SPTA) para sa School Year 2025–2026. Ibinahagi rin ang accomplishment ng Brigada Eskwela, kabilang ang mga natanggap na donasyon at boluntaryong serbisyo mula sa mga stakeholder na naging malaking bahagi sa paghahanda ng paaralan para sa pagbubukas ng klase.

Nagkaroon din ng update hinggil sa ARAL Summer Program na naglalayong higit pang mapaunlad ang kakayahan ng mga mag-aaral sa pagbasa at pagkatuto. Samantala, muling ipinaalala sa mga magulang ang Child Protection Policy at iba pang School Policies upang matiyak ang kaligtasan at kapakanan ng bawat mag-aaral.

Tinalakay rin ng pamunuan ng paaralan ang programang Gulayan sa Paaralan at nagsagawa ng oryentasyon tungkol sa mga DepEd Orders at School Programs, Projects, and Activities (PPAs) na ipatutupad sa kasalukuyang taon.

Nagkaroon din ng Open Forum kung saan nabigyan ng pagkakataon ang mga magulang na magbigay ng kanilang mga katanungan, opinyon, at mungkahi para sa patuloy na pagpapabuti ng mga serbisyo ng paaralan.

Bilang pagtatapos ng programa, isinagawa ang halalan para sa mga bagong opisyal ng SPTA na magsisilbing katuwang ng paaralan sa pagpapatupad ng mga programa at proyekto para sa kapakinabangan ng mga mag-aaral.

Sa pamamagitan ng General Assembly, muling pinagtibay ang matatag na ugnayan ng paaralan, mga magulang, at komunidad sa pagsusulong ng dekalidad na edukasyon at matagumpay na kinabukasan para sa bawat batang Culaylayan.

13/06/2026

🏆♟️ A Big Congratulations to Cathaliea Camille R. Manalo! ♟️🏆

Your remarkable achievement has brought immense pride and honor to our school and the entire Culaylay community. Your dedication, perseverance, and passion for excellence have truly paid off.

May you continue to inspire your fellow learners to dream big, work hard, and strive for success. Keep shining and reaching greater heights as you represent our school with excellence and pride.

We are proud of you, Cathaliea! Congratulations and best wishes for your future competitions and endeavors! 🎉👏

🏆♟️ A Rising Chess Star from Nueva Ecija!
Cathaliea Camille Manalo of San Jose City, Nueva Ecija delivered an impressive performance at the NCFP National Age Group Chess Championships held at SM Central Olongapo City, finishing 9th Place in the U10 Girls Standard Chess event and 7th Place in the Blitz Chess category.
What makes her achievement even more remarkable is that Cathaliea only recently learned the game of chess. Earlier this year, she also advanced to the CLRAA eliminations, showing tremendous potential and rapid growth in the sport.
A fantastic debut on the national stage and surely just the beginning of bigger accomplishments ahead. Congratulations, Cathaliea! The future looks bright for this young chess talent! 🇵🇭

07/06/2026

JUST IN: Batang Chess Wizard ng Culaylay, Nagwagi ng 9th Place sa National Age Group Chess Championship

OLONGAPO CITY – Muling ipinamalas ng kabataang atleta ang husay at talino sa larangan ng chess matapos makamit ni Cathaliea Camille R. Manalo ika-9 na pwesto sa katatapos lamang na National Age Group Chess Championship 2026 na ginanap sa SMX Convention Center, Olongapo City noong Hunyo 3–7, 2026. Ang prestihiyosong torneo ay dinaluhan ng mga pinakamahusay na batang manlalaro sa mga kategoryang U8 hanggang U20 para sa boys at girls.

Si Cathaliea ay lumahok sa Under-10 Girls Category, kung saan nakipagsabayan siya sa mga mahuhusay na batang chess players mula sa iba't ibang lugar. Sa kabila ng matinding kompetisyon, ipinakita niya ang kanyang determinasyon, disiplina, at kahusayan sa bawat laban na naging daan upang makapasok siya sa Top 10 at maiuwi ang karangalang 9th Place sa pambansang paligsahan.

Ang tagumpay na ito ay bunga ng kanyang walang sawang pagsasanay, dedikasyon sa laro, at suporta ng kanyang pamilya, mga coach, at mga g**ong patuloy na gumagabay sa kanyang pag-unlad bilang isang batang atleta.

Buong pagmamalaki namang binabati ng paaralan si Cathaliea Camille R. Manalo sa kanyang natamong tagumpay. Nawa'y magsilbi itong hakbang tungo sa mas marami pang karangalan at tagumpay sa mga susunod na kompetisyon.

Congratulations, Cathaliea Camille R. Manalo! Patuloy mong itaas ang bandera ng iyong paaralan at komunidad sa larangan ng chess.