22/08/2025
ππ‘πππ‘π πππππ§ π‘π π /π© π’ππππ‘ πππ§ 5, π‘ππ§πππ£π¨ππ‘π π£ππ§ππ¬ π¦π πππππ§ π¦π πππππ£ππ‘ π£π’π₯π§
| Natagpuang wala nang buhay ang isang 25-anyos na engine cadset ng passenger fast craft M/V Ocean Jet 5, matapos mahulog sa dagat sa Port of Calapan Ferry Berth noong Huwebes, Agosto 21, 2025.
Kinilala ang biktima na si Cyril Quingco, residente ng Buluangan, Valderrama, Antique.
Batay sa imbestigasyon, huling namataan ang biktima bandang ala-una ng madaling araw habang nasa video call sa pier area, samantalang pumasok na sa barko ang kanyang mga kasamahan upang magpahinga. Kinabukasan, bandang alas-8:40 ng umaga, isang kapwa tripulante na kinilalang si Jay Lord Achas ang nakakita ng anino ng tao sa ilalim ng barko, na kalaunan ay nakumpirmang bangkay ng biktima.
Agad rumesponde ang Philippine Coast Guard (PCG) Calapan kasama ang Special Operations Group (SOG), PNP Maritime Group 4B, at Calapan City Police Station. Sa isinagawang retrieval operations, matagumpay na naiahon ang katawan ng biktima bandang alas-9:10 ng umaga.
Kaagad ding nakipag-ugnayan ang PCG sa City Disaster Risk Reduction and Management Office (CDRRMO) para sa ambulansya. Ang labi ay itinurn-over sa Funeraria Naujan sa tulong ng PCG at CDRRMO personnel.
Samantala, nakikipagtulungan na ang PCG at PNP Maritime sa mas malalim na imbestigasyon upang alamin ang sanhi ng insidente. Inatasan din ang kapitan ng barko na magsumite ng marine protest at opisyal na incident report.
Tiniyak ng PCG na ginagawa ang lahat ng kinakailangang hakbang upang malinawan ang pangyayari at mabigyan ng kaukulang tulong ang pamilya ng nasawi.
πΉ Video credit: PEMS Willer Arellano, PNP-Regional Maritime Group-4B, Calapan Maritime Monitoring Team
