http://www.cardmri.com/?page_id=41

The Movie Maven, San Pedro Laguna (2025)

12/06/2025

Pamagat: "Ang Gabi ng Biyernes Trese"

Ngayong araw ay Hunyo 13, 2025—isang Biyernes Trese. Sa maraming kultura, ito ay itinuturing na araw ng kamalasan. Marami ang ayaw lumabas ng bahay, ayaw maglakbay, o gumawa ng mahahalagang desisyon. Ngunit bakit nga ba? Ano ang pinagmulan ng takot sa Friday the 13th? Sa mga bansa sa Kanluran, lalo na sa mga Kristiyanong tradisyon, ang bilang na 13 ay itinuturing na malas—ikinasasama ito ng loob sa mga hapag-kainan, paliparan, at hotel. Sinasabing ito ay may koneksyon sa huling hapunan ni Hesus at ang pagtataksil ni Hudas, na ika-13 sa mga bisita.

Ngunit sa kabilang banda, sa ilang mga kultura gaya ng sa Tsina, ang 13 ay itinuturing na maswerte. Para sa kanila, ito ay numero ng pagbabago, bagong simula, at suwerte sa negosyo. Kaya't ano nga ba ang katotohanan? Alamat lamang ba ito, o may mas malalim na dahilan kung bakit may mga taong kinatatakutan ito?

Ngayong gabi, samahan ninyo ako sa isang kuwentong maaaring magbago ng pananaw ninyo tungkol sa Friday the 13th. Isang kwento ng takot, misteryo, at mga nilalang na hindi natin nakikita—ngunit maaaring naririyan lang sa ating tabi...

Maynila, 2019

Sa isang lumang apartment sa Quiapo, nakatira si Aling Rosa, isang retiradong g**o na kinikilala sa lugar bilang mabait pero may misteryosong katahimikan. Sa edad na 78, siya'y naninirahang mag-isa, kasama lamang ang kanyang mga alagang pusa. Araw-araw siyang dumadaan sa simbahan, naglalagay ng mga bulaklak sa altar, at nakangiting bumabati sa mga batang naglalaro sa kalye. Ngunit tuwing Biyernes Trese, hindi siya lumalabas ng bahay. Nakakandado ang mga bintana, nakapatay ang mga ilaw, at tila nawawala siya sa mundo.

Isang araw, isang grupo ng mga estudyante sa kolehiyo—sina Marco, Janine, Lito, at Carla—ang napagpasyahang gumawa ng documentary tungkol sa mga pamahiin sa Pilipinas. Napag-alaman nilang si Aling Rosa raw ay may malalim na dahilan kung bakit kinatatakutan ang Biyernes Trese sa kanilang lugar. Ayon sa mga matatanda, may isang gabi ng Biyernes Trese kung saan may buong pamilyang nawawala, at si Aling Rosa ang huling taong nakita na may koneksyon sa kanila.

Gamit ang kanilang camera, nagplano ang grupo na interbyuhin si Aling Rosa. Pumunta sila sa kanyang bahay isang araw bago ang Biyernes Trese.

"Pasensya na, mga iho't iha," ani Aling Rosa, nanginginig ang tinig. "Huwag na huwag kayong lalabas bukas ng gabi. Magsindi kayo ng kandila. Magdasal kayo. At huwag n'yong hahamunin ang araw na 'yon."

Ngunit ang kabataan, mapusok. Binalewala nila ang babala. Nagdesisyon silang bumalik kina Aling Rosa sa mismong gabi ng Biyernes Trese—dala ang kamera, dala ang tapang, dala ang pagkauhaw sa katotohanan.

Pagdating nila sa tapat ng bahay ni Aling Rosa, tahimik ang paligid. Malakas ang ulan. Malamig ang hangin. Walang ilaw. Sa likod ng lens ng kamera, makikita ang kakaibang paggalaw sa bintana—parang may aninong sumisilip.

"Bukas ang pinto," bulong ni Janine. "Pasukin na natin."

Pagkapasok nila, sinalubong sila ng masangsang na amoy ng insenso at dugo. Ang sahig ay may bakas ng putik, at may mga simbolo sa dingding na parang sinulat gamit ang pulang likido. Nasa gitna ng sala ang isang altar na may itim na kandila at lumang larawan ng pamilyang nawawala.

"Guys... ‘yan yung pamilya na sinasabi nila..." bulong ni Lito, nanginginig.

Biglang nagsara ang pinto. Nawalan ng kuryente. Sumigaw si Carla. Isa-isa silang hinanap ang pinanggagalingan ng tunog—tila may umiiyak na babae sa kabilang kwarto.

Pagpasok ni Marco sa silid, nakita niya si Aling Rosa—nakaupo sa sahig, umiiyak, duguan ang kamay, hawak ang isang matandang diary.

"Hindi ko na sila mapipigilan... huli na... huli na kayong lahat..."

At biglang nag-iba ang anyo ni Aling Rosa. Tumirik ang kanyang mga mata, bumuka ang bibig nang abot-tainga, at isang halakhak na hindi makatao ang lumabas sa kanya. Lumutang siya sa ere habang ang paligid ay tila binalot ng usok at sigaw ng mga kaluluwang nawawala.

Ang kamera'y bumagsak sa sahig, ngunit patuloy itong nagre-record.

Isa-isa silang nawala.

Si Janine—nahila sa kisame ng isang kamay na may mahabang kuko.
Si Lito—natagpuan sa banyo, nakapaskil sa salamin ang salitang "HUWAG MAG-IMBESTIGA."
Si Carla—nawala sa manipis na usok at hindi na nakita.
At si Marco—huling nakita sa footage, nakatingin sa kamera, umiiyak, habang ang mga mata niya'y nangingitim. "Tulungan n’yo kami..." ang huli niyang nasabi bago siya hatakin sa dilim.

Kinabukasan, nakita ang kamera sa labas ng bahay ni Aling Rosa—basang-basa at may dugo.

Wala na ang bahay.

Walang bakas ng kung ano mang nangyari.

Hanggang ngayon, sinasabing tuwing Biyernes Trese, may mga kabataang nawawala sa Quiapo. At ang kanilang mga boses, maririnig sa hangin. Umiiyak. Humihingi ng tulong.

At sa bawat Friday the 13th, may bagong kuwento na muling uulit.

15/04/2025

Nagsimula ang kuwento sa isang babaeng nagmula sa China papuntang Hongkong. Mei ang pangalan nya.
Makikitang dumadaan sya sa isang security check dala ang isang makulay na baunan. Pagdating nya sa kanyang bahay sa Hongkong maingat nyang binuksan ang baunan at itinapon ang mga laman nito maliban sa isang lalagyan na may maliliit na bagay na kulay orange na parang mga hilaw na yolk ng itlog at matapos itong hugasan ng tubig na may kasamang luya ay agad nya itong kinain.

Kinaumagahan, Si Mrs Li isang dating sikat na TV aktres ay makikitang papunta sa lugar kung saan matatagpuan si Mei. Matapos ang ilang oras na pag iikot ay matagumpay nyang nakita ang bahay ni Mei.

Pinatuloy naman sya agad ng babaeng hinahanap at pagdating sa loob ng bahay ay agad nyang sinabi kay Mrs Li na hulaan kung ilang taon na sya. Sandali syang tinitigan ni Mrs Li at sinabing nasa 30's na si Mei. Agad namang natawa si Mei at sinabing matanda na sya at tinatawag sya sa kanilang lugar na Auntie Mei. Bahagyang namangha si Mrs. Li pero hindi sya agad naniwala kung hindi nya ito mapapatunayan.

Matapos yun agad din syang tinanong ni Mei kung ano ang pakay sa kanya ng dating sikat na aktres. Wala namang pagpipigil na sinagot sya nito at sinabing ang kanyang ganda ang pinakamalaking asset nya at ito ang dahilan kung bakit nahumaling sa kanya ang kanyang napakayamang asawa. Dahil sa paglipas ng mga taon ay sobra na syang nababahala sa unti unting pagkupas ng kanyang ganda ganun na din ang dating mainit na pagtingin sa kanya ng asawa. Nalaman umano nya sa ilang mapakakatiwalaang kakilala na ang kakaibang dumplings ni Mei ay mas mahusay sa kahit na anong cosmetics para mapanatili ang kanyang kagandahan at kabataan. Gusto nya umano itong subukan sa pag nanasa na mapanatili sa tabi nya ang mayamang asawa na si Mr. Li.

Mayamaya lang ay pumasok na si Mei sa kanyang kusina para maihanda ang dumplings. Ipinaliwanag nya na hindi lang basta nagpapaganda ng panlabas na anyo ang kanyang sekretong sangkap kundi pinipigil din nito ang pagtanda. Maingat na inihanda ni Mei ang mga sangkap gamit ang kanyang kasanyan at ng maluto na ito ay agad nyang ihinain sa nag aangtay na si Mrs. Li . Sinabi nya na kainin ito agad habang mainit pa.

Nang tikman ito ni Mrs. Li ay may kakaibang hindi nya alam dahil hindi kaigaigaya ang lasa ng dumplings at nahulog pa nga ang ilan nito sa sahig. Kalmado naman itong pinulot ni Mei at sinabing mag focus ito sa magiging resluta at hindi sa lasa. Iginiit nito na ang kanyang dumplings ay magbibigay ng malaking pagbabago na hindi kayang tapatan ng kahit anong pinakamamahaling cosmetics.

At dahil naenganyo sya sa mga sinabi ni Mei ay pinikit nalamang nya ang kanyang mata at sinimulang kainin ang mga dumplings.

Sa kabilang dako naman makikita ang isang eksena kung saan naliligo sa isang pool si Mr. Li habang tumatawa at nakikipaglandian sa mga babaeng nakapaligid a kanya

Matapos ang paliligo ang umupo ito sa gilid ng pool at isang batang batang masahista ang nagmasahe dito. Nagsimulang kumilos ng kakaiba si Mr. Li dahil na din sa ipinapakitang motibo ng dalaga. Sa itaas naman ay natatanaw sila ni Mrs. Li mula sa bintana at labis itong nag aalala sa ikinikilos ng asawa.

Sa sumunod na eksena ay makikita naman si Mei na bumibisita sa isang abortion hospital sa Chenzen kung saan iniabot nito sa kanya ang isang box at sinabing hindi sya nito palaging mabibigyan ng mga sangkap na katulad ng dati. Medyo nag alala si Mei sa sinabi ng doctor pero tahimik syang umalis.

Kinabukasan muling bumisita si mrs Li para sa karagdagang dumplings. Habang nag uusap ay tinanong nya si Mei kung ano ba yung sekretong sangkap nito. Wala namang kaabog abog na sinabi ni Mei na karne ng fetus ang ginagamit nya. Inisip naman ni Mrs Li na ito ay biro lang at binalewala lang nya ito.
Kaya ng ihinain ni Mei ang dumplings ang agad nya itong kinain

Pag uwi ni Mrs Li ay sinubukan nitong kunin ang pansin ng asawa. Nag suggest ito na maglaan ng mas maraming oras sa isat isa para sa paparating nilang 15th anniversary. Pero mukhang may ibang plano ang kanyang asawa at sinabi sa kanya na kailangan nyang umalis para sa isa namang importanteng business trip. Kabisado ni Mrs Li akpag sinasabi nitong business trip pero wala na itong nagawa ng bigyan sya nito ng cheke na may nakasulat na napakalaking halaga para manahimik na sya.

Nagsawalang kibo si Mrs. Li dahil ayaw nyang mawala sa kanya ang mayamang asawa at lalo na ang glamorosong pamumuhay na meron sya.

Mas napadalas ang pagbisita ni Mrs Li kay Mei dala na din ng kawalang pag asa. Yung dating parang hindi nya maintindihang lasa na dumplings ay parang normal na lamang sa lanya ngaun. Dumating pa sa punto na nagsa suggest sya kay Mei kung paano mas mapapabuti ang lasa ng mga dumplings.

Lumipas ang maraming araw at napansin ni Mei ang malaking pagbabago sa hitsura ni Mrs Li. Nagmukha na itong mas bata ngaun at nawala na din ang mga pangingitim sa gilid ng mata. Ngunit sadyang naiinip na si Mrs Li at hindi na kayang mag antay pa ng ilang buwan dahil baka tuluyan ng maagaw ng iba ang kanyang asawa.

Nang papaalis na si Mrs Li ay may bigla naman dumating na babae kasama ang nak nitong si Kate. Nalaman umano ng babae na ito na isa si Mei sa mahuhusay na gynecologist sa China at nais nyang ihingi ng tulong ang kanyang anak na limang buwang buntis dahil hindi umano nila kaya ang gamutan sa kahit anong hospital. Sinabi din nito na ang kanyang anak ay nabuntis ng sarili nitong ama kaya gusto nila itong ipalaglag.

Tumanggi si Mei dahil napakabata pa ni Kate at 5 months na ang bata. Itinuro nya ang mga ito sa isang illegal clinic kung saan nagsasagawa ito ng nasabing procedure. Sinabi din nya na may koneklsyon sya sa hospital pero hindi bilang isang gynecologist kundi doon sya kumukuha ng mga fetus na inilalagay nya sa kanyang mga dumplings. Sinabi nya na yun ay kanyang sekretong sangkap at yun din ang dahilan kung bakit sya nananatiling bata.

Sa kabilang dako lalong nag alala si Mrs Li ng malamang nakiki pagrelasyon ang asawa sa batang masahista kaya kinausap nito si Mei na gumawa ng paraan upang mas mapabilis pa ang kanyang transformation. Habang sa kabilang banda naman ang ina ni Kate ay araw araw ding nagpupunta kay Mei at kinukulit sya nitong tulungan sila.

Sa kalaunan ay napapayag din si Mei kaya kinabukasan ay isinagawa ni Mei ang napaka delikadong procedure. sa mismong apartment nya. Nagawa nyang mailabas ang bata mula sa sinapupunan ni Kate ng hindi gumagamit ng anestesia na labis na nagdulot ng trauma kay Kate. Pero sa kabilang banda natutuwa si Mei dahil nagawa nyang makakuha ng sangkap ng walang gamit na chemical.

Kinabukasan ay bumisita muli si Mrs Li at masaya nitong ibinalita na meron na syang nakuhang sangkap na magpapabata kay Mrs Li sa loob lamang ng ilang oras.

Habang inihahanda ni Mei ang mga sangkap ay naisipan ni Mrs, Li na sumilip sa kusina at doon nga tumambad sa kanya ang sangkap. Sa sobrang takot at pagkagulat ay napatakbo ito papalayo pero agad din nyang naisip ang kagandahang maibibigay nito sa kanya. Tanging ang ganda at kabataan lang ang nagpapatibay sa kanilang pagsasama ng kanyang asawa at hindi nya papayagang mawala ito ng ganun na lang.

Agad syang bumalik at pinanood pa si Mei habang ginagawa ang dumplings. Pagkatapos mailuto ay agad nya itong kinain ng may matinding pananabik sa resulta. Makalipas lang ang ilang sandali nag iba na ang pakiramdam ni Mrs Li kaya sabik na Sabik itong umuwi sa kanila at sa mahabang panahon ang lumipas ay napuri ni Mr. Li ang kanyang kakaibang alindog. Nagniig ang mag asawa na parang bagong kasal palamang.

Sa mga susunod na eksena ay makikita si Kate at ang kanyang ina na nakasakay sa bus. Nanghihina ang dalaga at nakakaranas ng matinding pagdurugo at dahil sa sobrang dami ng dugong nawala dito ay nag collapse ito sa daan na naging dahilan upang bawian ito ng buhay.

Sa kabilang dako dahil sa instant na kagandahan ay nakuhang mag celebrate ni Mrs. Li kasama ang mga kaibigan nito pero maya maya lang ay may nakapansin ng kakaibang amoy na nagmumula sa kanyang katawan kaya agad itong napatawag kay Mei upang alamain kung bakit nagkaganoon. At saka lamang nito nalaman ang tungkol sa sanggol na bunga ng in**st. Dahil dito tinakot nyang ipapapulius si Mei kapag hindi ito gumawa ng solusyon. Lingid sa kanyang kaalaman ay nakikinig pala si Mr. li sa kanilang usapan ni Mei.

Nang gabing iyon lihim na nagpungta si Mr. Li kay Mei upang malaman ang ilegal na gawain nito. Sinabi ni Mei na nagtitinda sya ng ng dumplings at habang naghahain ito ay naikwento nya ang tungkol sa cannibalism at kung paanong ang mga sinaunang tao ay naka survive sa mga tag gutom at ibat ibang uri ng mga sakit. At kahit umano ang mga sundalo ay nakukuhang kainin ang laman ng kanilang mga kalaban. Hinainan nya si Mr. Li ng dumplings at agad naman itong kinain ni Mr. Li ng walang pag aalinglangan. Sinabi pa n ito na sya ay 60 years old na pero ng dahil sa dumplings ay nananatili syang bata at maganda.

Nang sumunod na araw ay sa doctor na bumisita si Mrs Li upang ikunsulta ang mabahong amoy na naggagaling sa kanyang katawan. Pinayuhan lang sya nito na manatili sa bahay at kumain ng masustansyang pagkain. Bago pa sya makalabas ay nakigta nya ang batang masahista at narinig na ito ay nagdadalantao at ito ay sa kanyang asawa. Dito nya din nalaman na sya ay nagdadalantao din.

Sa kanyang paglalakad habang umiiyak ito, ay nakita nya si Mei sa isang salon at nagmakaawa itong solusyunan ang kanyang panganngamoy. Nag alok sya ng napakalaking halaga para sa dumplings pero tinaggihan ito ni Mei. Walang syang kaalam alam na si Mei ang bagong babae sa buhay ng kanyang asawa.

Nang kanyang puntahan ulit ang bahay ni Mei ay nalaman nyang niraid ito ng mga pulis pero wala na doon si Mei. Agad din nyang hinanap ang masahista at nalaman na limang buwan na itong buntis sa kanyang asawa. Nag alok ng makaing halaga si Mrs Li sa masahista kung ito at manganganak ng malusog na bata. Nagulat ngunit natuwa si Mrs Li ng sabihin ng masahista na gusto nyang ipalaglag ang bata dahil ito ang gusto ni Mr li kapalit ng malaking halaga. Agad namang sinabi ni Mrs. Li na dodoblehin ang alok ng asawa kapag gagawin nya ito. Wala namang pagtanggi ang masahista at pumayag sa alok ni Mrs. Li.

Habang ginagawa ang procedure ay nakabantay si Mrs Li at mahigpit na ibinilin nito na huwag gagamit ng anumang gamot kahit anestesia. Sinabi din nya na kailangan nya ang bata.

Magmula noon ay si Mrs. Li na ang gumawa ng sarili nyang dumplings at maging ang batang kanyang dinadala ay hindi nakaligtas sa kanya.

13/04/2025

Sulit ka dito may free delivery pa. Menos gastos sa tricycle hindi ka pa magbubuhat.Check na sa yellow basket 🧺🧺👇👇👇👇 Direct from Isabela kaya mura