18/05/2026
Nakakapanghina ng loob at nakakadismaya. 💔
Pinush natin, nanghikayat tayo na bumoto kasi last day ngayon ng voter’s registration. Tapos ganito ang sasalubong sa mga tao:
Andito tayo ngayon sa SM North Edsa para sa QC District 2 registration.
Ang bukas ng mall, 11:00 AM.
Dahil gustong makiisa, 10:00 AM pumunta na tayo.
Sobrang dami na agad ng tao.
Pero sige, tiis at pila tayo kasi mahalaga ’to, karapatan natin ’to bilang Pilipino.
Wala pang 11:30 AM— may lumapit sa pila na taga-Comelec, hinahanap nya yung babae na may hawak daw ng papel, kasi yun na daw yung huli sa pila.
1200 katao lang daw - na hindi nila sinabi o inaannounce kahit saan.
Nahanap niya yung babae, nasa gitna ng pila, may hawak ngang papel na di malaman kung ano, naka-tupi, nakatago.
Wala man lang pasabi tungkol dun o malinaw na marker man lang para alam ng tao na “cut off” na. May lagpas isang daan yung nakapila sa likod nung babae.
Nagkagulatan na lang ang lahat.
Walang maayos na announcement,
walang sistema,
walang malinaw na proseso para abisuhan 'yung mga taong nag-effort pumila.
Last week, nagpunta na rin ako, May 11, para sana hindi na rin sabayan ang last day. Kaso 2pm naman nag-cut off na rin sila sa hindi rin malinaw na dahilan.
Sobrang nakakadismaya lang at nakakalito na naglalaan ka ng oras, pamasahe, pagliban sa trabaho, at gusto lang namang maging bahagi ng pagbabago para sa Pilipinas.
Tulungan niyo naman po ang mga tao.
Kung simpleng sistema at komunikasyon sa pagpila hindi na maayos nang ganito, paano pa natin aasahan na masosolusyunan ‘yung mga mas malalaking problema ng bansa natin? 😞🇵🇭
