Chronicles of Intelligence - JPI Santa Maria Campus School Publication

Chronicles of Intelligence - JPI Santa Maria Campus School Publication The Chronicles of Intelligence is the official school publication of JPI – Santa Maria Campus.

It was established in November 2023 during the School Year 2023–2024 with the vision of developing responsible, competent, and ethical student journalists.

BALITA || BulPriSA District IV 2026, Umarangkada!Opisyal na binuksan ang Bulacan Private Schools Association (BulPriSA) ...
06/10/2026

BALITA || BulPriSA District IV 2026, Umarangkada!

Opisyal na binuksan ang Bulacan Private Schools Association (BulPriSA) Athletic Meet 2026 kasama ang mga pambatong estudyante ng mga pribadong paaralan ng iba't ibang larangan sa Covered Court ng Munisipyo ng Santa Maria, Bulacan nitong ika-30 ng Setyembre 2026.

Tagisan ng husay at dangal ay sinimulan matapos magbigay ng paunang pananalita ang nag-lunsad ng programa na si Gng. Bernadette "Leah" Halili, President ng BulPriSA District IV. Binigyang-diin niya ang kahalagahan ng pag-unlad ng malasakit sa pamamagitan ng paghikayat sa mga atleta na “play hard, play fair, and enjoy every moment.”

Dumalo rin sa programa sina Dr. Jay-Arr C. Tayao, Division Sports Officer ng Division of Bulacan; Konsehal Lito Jacinto; Kgg. Bartolome "Omeng" Ramos, Alkalde ng Santa Maria; Kgg. Daniel P. Fernando, Punong lungsod ng Bulacan; Gng. Cynthia Angeles, President ng BulPriSA-Execom; at Kgg. Salvador "Ador" Pleyto, 6th District Congressman ng Bulacan.

Tampok din ang makukulay na pagtatanghal ng sayaw mula sa iba't ibang estudyante ng iba't-ibang paaralan at ng natatanging bilang mula sa mga piling g**o ng BulPriSA, na sinundan ng oath of sportsmanship bilang pagpapakita ng pangako ng mga atleta na mananatiling patas sa laro, disiplina, at respeto sa kapwa manlalaro.

Nagbigay ng panghuling pananalita ang Athletic Coordinator na si G. Melo Palad bago pormal na idineklara ni Gng. Halili na bukas na ang BulPriSA District IV Meet, hudyat ng pagsisimula ng mga kompetisyong pampalakasan ng stratehiya sa paglalaro sa iba't ibang larangan.

✍️: Denziel Jade Jose || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Sir Mark Joven Pabilada || Journalism Club Adviser

BALITA | “Your Mind Matters”: Kamalayan sa Kalusugang Pangkaisipan, Tinalakay sa Seminar sa JPIIsinagawa ang webinar-sem...
03/10/2026

BALITA | “Your Mind Matters”: Kamalayan sa Kalusugang Pangkaisipan, Tinalakay sa Seminar sa JPI

Isinagawa ang webinar-seminar tungkol sa mental health awareness sa JPI Big Hall nitong Setyembre 25, 2026, bandang ika-9 ng umaga, sa pangunguna ng Quipper Philippines sa ilalim ng temang "Your Mind Matters: Positive Psychology Tools for Mental Health and Well-Being." Layunin ng aktibidad na talakayin ang kalagayan ng mga mag-aaral at magbigay ng kaalaman.

Binuksan ang programa sa pambungad na pananalita ni Lucy P. Paloma, Partner Success Lead ng Quipper Philippines Inc. Dumalo ang mga kinatawan mula sa Central Luzon Quipper Team at mga kalahok mula sa Bataan, Bulacan, Nueva Ecija, Pampanga, Tarlac, at Zambales. Ang pangunahing tagapagsalita ay si Dr. Jayvie Villazor, isang direktor, konsultan, at mananaliksik na nagtalakay sa mga senyales ng mga isyung pangkaisipan tulad ng depresyon, pagkabalisa, labis na pagkapagod, at sikolohikal na trauma.

Ibinahagi rin niya sa talakayan ang datos mula sa World Health Organization na nagpapakita na taun-taon ay lumalampas sa 800,000 ang namamatay dahil sa pagpapakamatay, habang 10% hanggang 15% ng mga batang Pilipinong may edad 5 hanggang 15 ay apektado ng mga suliranin sa kalusugang pangkaisipan. Nabanggit din niya na ang utak ay ganap na nabubuo sa edad na 25 hanggang 29, kaya mahalaga ang tamang paggabay at suporta sa mga kabataan.

Inaasahang magsisilbing gabay ang natutunan sa nasabing pagtitipon sa pagtukoy, pag-unawa, at maagang pagtugon sa mga pangangailangang pangkaisipan ng mga mag-aaral sa kanilang sariling mga paaralan.

✍️: Rosemarie Lucero || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
📸: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser See less

JPi Samurais, kasalukuyang nasa gitna ng sagupaan kontra AJIA upang maitawid ang huling yugto ng elimination round para ...
02/10/2026

JPi Samurais, kasalukuyang nasa gitna ng sagupaan kontra AJIA upang maitawid ang huling yugto ng elimination round para sa larangan ng basketball boys 5x5 ngayong araw.

Kasalukuyang nagaganap ang laban ng JPi Santa Maria kontra Arimathea para sa kategorya ng basketball boys 5x5 dito sa Sa...
02/10/2026

Kasalukuyang nagaganap ang laban ng JPi Santa Maria kontra Arimathea para sa kategorya ng basketball boys 5x5 dito sa Sacred Heart Academy.

Kasalukuyang ginaganap sa Sacred Heart Academy ang sagupaan sa pagitan ng JPi Santa Maria at AJIA sa larangan ng basketb...
01/10/2026

Kasalukuyang ginaganap sa Sacred Heart Academy ang sagupaan sa pagitan ng JPi Santa Maria at AJIA sa larangan ng basketball 5x5 para sa District IV ng BulPriSA 2026

BALITA | Mr. at Ms. JPI Santa Maria Campus 2026, Nakoronahan na! Kinilala sina Iyah Mae Figueroa at Jehlal Imperial bila...
19/09/2026

BALITA | Mr. at Ms. JPI Santa Maria Campus 2026, Nakoronahan na!

Kinilala sina Iyah Mae Figueroa at Jehlal Imperial bilang Ms. at Mr. JPI Santa Maria 2026 sa kakatapos lamang na patimpalak nitong Miyerkules, ika-16 ng Setyembre, na ginanap sa JPI Santa Maria Campus School Grounds.

Naiuwi naman nina Beacris Javier at Lawrence Bungato ang titulong "1st Runner Up". Samantala, nasungkit nina Aliyah Nicole Manlises at John Carlo Aquino ang pagkilala bilang "2nd Runner Up" ng nasabing patimpalak.

Kinilala naman bilang "Best in Talent" sina Iyah Mae Figueroa at Lawrence Bungato, habang "Best in School Uniform" naman sina Mary Steffan Fortaleza at Jehlal Imperial, at "Best in Sportswear" naman sina Beacris Javier at Jehlal Imperial.

Sa huli, kinilala ng lahat ang katapangan na ipinamalas ng bawat estudyanteng tumayo upang ipakita na ang tunay na kagandahan at kagwapuhan ay nakikita sa panloob na kaanyuan.

✍️: Denziel Jade Jose || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser

BALITA | Kumpiyansa at Angking Talino, Tampok sa Mr. at Ms. JPI Santa Maria 2026 Ipinagpatuloy ang patimpalak para sa su...
19/09/2026

BALITA | Kumpiyansa at Angking Talino, Tampok sa Mr. at Ms. JPI Santa Maria 2026

Ipinagpatuloy ang patimpalak para sa susunod na Mr. at Ms. JPI Santa Maria 2026 ngunit kanila namang itinampok ang mga kandidato sa Sportswear at Question and Answer (Q&A) portion, kung saan ipinamalas nila hindi lamang ang kanilang kumpiyansa sa pagrampa sa entablado, kundi pati na rin ang kanilang husay at talino sa pagsagot at pagpapahayag ng kanilang mga pananaw. Sa bawat hakbang at salita, nasilayan ang kanilang personalidad, talino, at paninindigan bilang mga kinatawan ng kani-kanilang mga baitang at pangkat.

Iba't ibang uri ng Sportswear ang napiling irampa ng mga kandidato. May mga napiling mag-billiards, may mga pumiling mag-racing at equestrian. Mayroon ding nagtampok ng bullfighting, archery, arnis, shooting, chess at iba pang kakaibang Sportswear kung saan ipinamalas nila ang kanilang pagkamalikhain sa pagsasagawa ng kanilang pagrampa.

Matapos magpakitang-gilas ng mga kandidato sa kani-kanilang mga Sportswear, dumako naman sila sa Q&A portion ng pageant, kung saan may apatnapung katanungan na maaaring mabunot ng mga kandidato. Sa bawat katanungang kanilang nabunot, hinarap ng mga kandidato ang hamon nang may kumpiyansa at kahandaan. Iba’t ibang pananaw at sagot ang kanilang ibinahagi, na nagbigay-diin sa kanilang kakayahang magpahayag ng saloobin sa harap ng mga hurado at manonood.

Hindi lamang naging pagkakataon ang Sportswear at Q&A portion upang maipakita ng mga kandidato ang kanilang kumpiyansa sa entablado, kundi nagsilbi rin itong plataporma upang maipamalas ang kanilang personalidad, pagkamalikhain, at kakayahan sa mabilis at malinaw na pagpapahayag ng kanilang mga ideya. Sa pagtatapos ng dalawang bahagi ng patimpalak, mas naging kapansin-pansin ang kani-kanilang katangian at paghahanda habang papalapit ang pageant sa mga huling bahagi nito.

✍️: Kelsy Alexa Joguilon || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser

BALITA | Tatak ng Isang JPIan, Ibinida ng Bawat KandidatoIpinamalas ng bawat kalahok ang galing sa pagrampa sa pamamagit...
19/09/2026

BALITA | Tatak ng Isang JPIan, Ibinida ng Bawat Kandidato

Ipinamalas ng bawat kalahok ang galing sa pagrampa sa pamamagitan ng disenteng pagsusuot ng uniporme ng ating paaralan sa kakatapos lamang na Mr. at Ms. JPI Santa Maria Campus 2026 nitong Miyerkules, ika-16 ng Setyembre na ginanap sa JPI Main Campus School Grounds.

Mula sa plantsadong uniporme hanggang sa ID at sapatos, buong kumpiyansang rumampa ang mga estudyante sa entablado. Naipakita ng bawat kandidato ang tamang pagsuot ng uniporme at nagbigay inspirasyon sa iba pang estudyante ng tamang pagsuot nito.

Ito ang ebidensya na hindi lang ang panlabas na anyo ang tinitingnan ng mga hurado, kundi pati na rin ang kanilang husay sa talas ng pag-iisip at kumpiyansa sa pagrampa.

✍️: Denziel Jade Jose || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser

BALITA | Nagniningning na Presensya, Tampok sa Pormal na Pagpapakilala ng mga Kalahok Hinarap ng mga kalahok sa Mr. at M...
19/09/2026

BALITA | Nagniningning na Presensya, Tampok sa Pormal na Pagpapakilala ng mga Kalahok

Hinarap ng mga kalahok sa Mr. at Ms. JPI Santa Maria Campus ang entablado para sa kanilang pormal na pagpapakilala nitong Miyerkules, ika-16 ng Setyembre 2026, sa JPI Main Campus School Grounds matapos ang matagumpay na Talent Portion.

Sa harap ng mga manonood, suot ng bawat kalahok ang kanilang simpleng kasuotan habang ipinapahayag ang kanilang pangalan at kung saang baitang at pangkat sila nagmula. Buong tiwala sa sarili, ipinamalas nila ang kanilang karisma at presensya sa entablado.

Tinugunan naman ng masiglang palakpakan at hiyawan ng mga kapwa mag-aaral ang bawat pagpapakilala habang isa-isang humaharap ang mga kalahok. Ramdam ang suporta mula sa mga kapwa estudyante at manonood na sabik na saksihan ang mga kalahok na kanilang sinusuportahan.

Pinatunayan ng mga kalahok sa kanilang pagtatanghal na hindi lamang sila magaganda at makikisig, bagkus may kaniya-kaniya ring husay at talento na maipagmamalaki.

✍️: Rosemarie Lucero || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser

BALITA | Mr. at Ms. JPI Santa Maria Campus 2026 Candidates, Nagpakitang-Gilas sa EntabladoMatagumpay na ginanap ang pagp...
19/09/2026

BALITA | Mr. at Ms. JPI Santa Maria Campus 2026 Candidates, Nagpakitang-Gilas sa Entablado

Matagumpay na ginanap ang pagpapakitang-gilas ng bawat kalahok sa Mr. at Ms. JPI Santa Maria Campus 2026 nitong ika-16 ng Setyembre, kung saan isa-isa nilang ipinakita ang kanilang kahanga-hangang talento at tiwala sa sarili. Ito ay ginanap sa JPI Main Campus School Grounds.

Sinimulan ang programa ng isang taos-pusong panalangin na pinangunahan ni Lyra Jamaica De Vera, PRO 12 ng Student Government Organization (SGO). Kasunod nito ang pag-awit ng Pambansang Awit na “Lupang Hinirang”, na kinumpasan ni G. Clarence Garcia.

Agad namang uminit ang entablado nang humarap ang mga kalahok sa Mr. at Ms. JPI Campus upang ipakita ang kanilang iba’t-ibang galing at kakayahan. Mula sa pag-awit, pagsayaw hanggang sa iba pang malikhaing pagtatanghal—bawat isa ay ipinamalas ang kanilang makakaya upang humanga ang mga hurado at ang buong manonood.

✍️: Rosemarie Lucero || News Writer
✔️: Roxanne Sofia Cheng || Copy Editor
✔️: Lyra Jamaica De Vera || Editor In Chief
✔️: Ma'am Cristine Jean Uyanib || Journalism Club Adviser
🖼️: Bea Cereen Tuliao || Associate Copy Editor
🖼️: Sir Mark Joven Pabilada || Journalism Club Adviser

Address

49 Drive T Santiago St. , Poblacion
Santa Maria
3022

Website

Alerts

Be the first to know and let us send you an email when Chronicles of Intelligence - JPI Santa Maria Campus School Publication posts news and promotions. Your email address will not be used for any other purpose, and you can unsubscribe at any time.

Shortcuts

Share

Category