28/07/2025
Mula Casino Patungong Kusina: Awit Gaming, Nagbebenta na ng Bagoong!
Matapos umani ng matinding atensyon online dahil sa umano’y pagkatalo niya ng higit 69 milyong piso sa sugal, muling nagparamdam si Awit Gaming sa social media—ngayong may bagong hanapbuhay na siya. Sa halip na content creation o online streaming, nagbebenta na siya ngayon ng sariling produkto: “Bagoong ni Awit.”
Ibinida niya sa post ang dalawang variant ng kanyang panindang bagoong alamang—Spicy at Original, na mabibili sa halagang ₱140 bawat bote. Marami ang nagulat sa pagbabagong ito, lalo’t kilala si Awit sa kanyang marangyang pamumuhay noon.
Muling naging usap-usapan ang kanyang kwento online, at ilang netizens ang nagkomento na tila bumalik na siya sa "kangkongan" matapos ang tinawag nilang “casino downfall.” Gayunpaman, pinuri din siya ng ilan sa kanyang pagsusumikap na bumangon muli sa pamamagitan ng negosyo.
📸: AwitG Official Vlogs | Fb
