Silang Municipal Updates

03/07/2025

𝐆𝐧𝐠. 𝐂𝐨𝐧𝐜𝐡𝐢𝐭𝐚 𝐂𝐚𝐦𝐚𝐫𝐜𝐞: 𝐂𝐞𝐧𝐭𝐞𝐧𝐚𝐫𝐢𝐚𝐧 𝐦𝐮𝐥𝐚 𝐬𝐚 𝐁𝐫𝐠𝐲. 𝐒𝐚𝐛𝐮𝐭𝐚𝐧, 𝐍𝐚𝐤𝐚𝐭𝐚𝐧𝐠𝐠𝐚𝐩 𝐧𝐠 𝐏𝟓𝟎,𝟎𝟎𝟎 𝐦𝐮𝐥𝐚 𝐬𝐚 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧

Bilang pagkilala sa mahabang buhay at mahalagang ambag bilang isa sa mga pinakamatatandang mamamayan ng bayan, personal na iniabot ni Mayor Ted Carranza at ni 𝐌𝐮𝐧𝐢𝐜𝐢𝐩𝐚𝐥 𝐒𝐨𝐜𝐢𝐚𝐥 𝐖𝐞𝐥𝐟𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞𝐫 (𝐌𝐒𝐖𝐃𝐎) 𝐌𝐚. 𝐂𝐚𝐭𝐡𝐞𝐫𝐢𝐧𝐞 𝐀. 𝐁𝐚𝐜𝐨𝐫 ang halagang ₱50,000 kay 𝐆𝐧𝐠. 𝐂𝐨𝐧𝐜𝐡𝐢𝐭𝐚 𝐂𝐚𝐦𝐚𝐫𝐜𝐞, isang centenarian mula sa Barangay Sabutan, kanina ika-3 ng Hulyo.

Ang nasabing halaga ay bahagi ng programang ipinatutupad ng Pamahalaang Bayan ng Silang na layuning kilalanin at suportahan ang mga matatandang mamamayan na umabot sa edad na 𝐢𝐬𝐚𝐧𝐝𝐚𝐚𝐧𝐠 (𝟏𝟎𝟎) 𝐭𝐚𝐨𝐧, bilang pagpapakita ng pagpapahalaga at respeto sa kanilang naging bahagi sa paghubog ng komunidad.

03/07/2025

𝐒𝐢𝐥𝐚𝐧𝐠 𝐁𝐚𝐧𝐚𝐧𝐚 𝐈𝐧𝐝𝐮𝐬𝐭𝐫𝐲 𝐂𝐨𝐮𝐧𝐜𝐢𝐥 𝐌𝐨𝐧𝐭𝐡𝐥𝐲 𝐌𝐞𝐞𝐭𝐢𝐧𝐠

Nagdaos ang Silang Banana Industry Council ng kanilang buwanang pagpupulong kanina, ika-3 ng Hulyo, sa Municipal Agriculture Office - FITS Center Silang, Cavite.

Tinalakay sa pagpupulong ay ang monitoring ng pests and disease, kahalagahan ng crop insurance at pagpapa-rehistro ng mga magsasaka sa 𝐑𝐞𝐠𝐢𝐬𝐭𝐫𝐲 𝐒𝐲𝐬𝐭𝐞𝐦 𝐟𝐨𝐫 𝐁𝐚𝐬𝐢𝐜 𝐒𝐞𝐜𝐭𝐨𝐫𝐬 𝐢𝐧 𝐀𝐠𝐫𝐢𝐜𝐮𝐥𝐭𝐮𝐫𝐞 (𝐑𝐒𝐁𝐒𝐀).

Pinangunahan ni 𝐁𝐚𝐛𝐲 𝐄𝐫𝐢𝐜𝐚 𝐏. 𝐓𝐚𝐧𝐚𝐨𝐭𝐚𝐧𝐚𝐨, Agricultural Technologist ang nasabing pagpupulong na dinaluhan ng mga miyembro ng konseho, sa pamumuno ni 𝐆. 𝐌𝐚𝐫𝐢𝐨 𝐉𝐨𝐞𝐥 𝐏𝐚𝐥𝐚𝐠𝐚𝐧𝐚𝐬, Association President.

03/07/2025

🔴 𝐋𝐈𝐕𝐄 | 𝐏𝐚𝐠𝐝𝐚𝐥𝐚𝐰 𝐧𝐢 𝐌𝐚𝐲𝐨𝐫 𝐓𝐞𝐝 𝐂𝐚𝐫𝐫𝐚𝐧𝐳𝐚 𝐤𝐚𝐲 𝐂𝐞𝐧𝐭𝐞𝐧𝐚𝐫𝐢𝐚𝐧 𝐂𝐨𝐧𝐜𝐡𝐢𝐭𝐚 𝐂𝐚𝐦𝐚𝐫𝐜𝐞

Pagbisita ni Mayor Ted Carranza si 𝐆𝐧𝐠. 𝐂𝐨𝐧𝐜𝐡𝐢𝐭𝐚 𝐂𝐚𝐦𝐚𝐫𝐜𝐞, isang centenarian ng Silang, bilang pagkilala sa kanyang 100 taong buhay na puno ng karunungan, sakripisyo, at pagmamahal.

03/07/2025

𝐈𝐬𝐢𝐩 𝐁𝐚𝐠𝐨 𝐌𝐚𝐠-𝐩𝐨𝐬𝐭.
𝐁𝐚𝐧𝐭𝐚 𝐬𝐚 𝐒𝐨𝐜𝐢𝐚𝐥 𝐌𝐞𝐝𝐢𝐚, 𝐌𝐚𝐚𝐚𝐫𝐢𝐧𝐠 𝐌𝐚𝐠𝐫𝐞𝐬𝐮𝐥𝐭𝐚 𝐬𝐚 𝟐𝟎 𝐓𝐚𝐨𝐧𝐠 𝐊𝐮𝐥𝐨𝐧𝐠.

Sa panahon ngayon ng mabilisang impormasyon at matinding damdamin, madaling makapagsalita sa social media. Ngunit tandaan: ang pagbabanta sa buhay, ay may bigat sa batas.

Ayon sa 𝐂𝐲𝐛𝐞𝐫𝐜𝐫𝐢𝐦𝐞 𝐏𝐫𝐞𝐯𝐞𝐧𝐭𝐢𝐨𝐧 𝐀𝐜𝐭 (𝐑𝐀 𝟏𝟎𝟏𝟕𝟓) kapag ang banta sa buhay ay ginawa sa pamamagitan ng Facebook, text, o email ito ay may kaparusahang pagkakakulong:

🔺 Mula 6–12 taon, pwedeng maging 12–20 taon (reclusión temporal)
🔺 Mula 1–6 buwan, pwedeng maging 6 buwan hanggang 6 taon (prisión correccional)

👉 Minsan, isang comment lang ang kailangang burahin — o pigilang i-post — para makaiwas sa kaso, sa kahihiyan, o sa pagkakakulong.

Maging responsable. Maging mabuting halimbawa.

03/07/2025

𝐒𝐞𝐫𝐛𝐢𝐬𝐲𝐨𝐧𝐠 𝐏𝐚𝐧𝐠-𝐄𝐝𝐮𝐤𝐚𝐬𝐲𝐨𝐧, 𝐍𝐚𝐧𝐚𝐧𝐚𝐭𝐢𝐥𝐢𝐧𝐠 𝐏𝐚𝐧𝐠𝐮𝐧𝐚𝐡𝐢𝐧𝐠 𝐏𝐫𝐚𝐲𝐨𝐫𝐢𝐝𝐚𝐝 𝐧𝐢 𝐌𝐚𝐲𝐨𝐫 𝐂𝐚𝐫𝐫𝐚𝐧𝐳𝐚

Nagsagawa ng pamamahagi ng ₱𝟏,𝟏𝟎𝟎 𝐮𝐧𝐢𝐟𝐨𝐫𝐦 𝐚𝐥𝐥𝐨𝐰𝐚𝐧𝐜𝐞 sa 𝐁𝐚𝐠𝐨𝐧𝐠 𝐁𝐮𝐡𝐚𝐲 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 noong Hulyo 3, bilang bahagi ng programang pang-edukasyon ni Mayor Ted Carranza. Ang inisyatibong ito ay kabilang sa kanyang 𝐔𝐧𝐚𝐧𝐠 𝟏𝟎𝟎 𝐀𝐫𝐚𝐰 sa panunungkulan, na malinaw na nagpapakita ng kanyang layunin na gawing pangunahing prayoridad ang edukasyon bilang pundasyon ng isang maunlad at progresibong Silang.

Sinimulan noong nakaraang taon, ang programang ito ay patuloy na pinalalakas ni Mayor Carranza at ngayon ay sumasaklaw sa lahat ng estudyante mula 𝐊𝐢𝐧𝐝𝐞𝐫 𝐡𝐚𝐧𝐠𝐠𝐚𝐧𝐠 𝐆𝐫𝐚𝐝𝐞 𝟔 sa mga pampublikong paaralan ng Silang, Cavite.

Ang nasabing ayuda ay naglalayong matulungan ang mga magulang sa gastusin para sa uniporme ng kanilang mga anak. Ipinapakita ng programang ito ang patuloy na pagtutok ng lokal na pamahalaan, sa pangunguna ni Mayor Carranza, sa kapakanan at kinabukasan ng kabataang mag-aaral.

03/07/2025

𝐏𝐚𝐚𝐥𝐚𝐚𝐥𝐚 𝐬𝐚 𝐏𝐮𝐛𝐥𝐢𝐤𝐨:

Huwag basta maniwala sa mga FB pages na walang opisyal na basehan.

Ang legal na proklamasyon ni Mayor Ted Carranza ay ginawa ng COMELEC.

Ang tunay na lider, tahimik man, ay may mandatong malinaw.

03/07/2025

𝐒𝐂𝐇𝐄𝐃𝐔𝐋𝐄 𝐎𝐅 𝐀𝐂𝐓𝐈𝐕𝐈𝐓𝐈𝐄𝐒
as of July 3, 2025, 9:15 AM

Mag-antabay sa mga maaaring pagbabago sa schedule at sa mga karagdagan pang kaganapan dito sa ating bayan.

03/07/2025

𝐀𝐓𝐓𝐄𝐍𝐓𝐈𝐎𝐍 𝐏𝐀𝐑𝐄𝐍𝐓𝐒

Kasalukuyan pong isinasagawa ang 𝐃𝐢𝐬𝐭𝐫𝐢𝐛𝐮𝐭𝐢𝐨𝐧 𝐧𝐠 𝐔𝐧𝐢𝐟𝐨𝐫𝐦 𝐀𝐥𝐥𝐨𝐰𝐚𝐧𝐜𝐞 (P1,100) sa 𝐁𝐚𝐠𝐨𝐧𝐠 𝐁𝐮𝐡𝐚𝐲 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥.

02/07/2025

Suspendido ang klase sa lahat ng antas sa buong lalawigan
ng Cavite!

-Gov Abeng Remulla

Walang pasok, Caviteños! 🛑🎒
Suspendido ang klase sa lahat ng antas sa buong lalawigan ng Cavite!
Pahinga muna ang bag, uniform at alarm clock — pero huwag ang pagdarasal at pag-iingat! ⛈️☔

I-tag na si tropa, teacher at si crush — baka di pa nila alam! 😉

02/07/2025

Nananatiling lehitimo at may bisa ang pagkaalkalde ni Mayor Ted Carranza sa kabila ng bagong desisyon ng Korte Suprema na nagbasura sa “second-placer rule.”

Ayon sa mga legal na eksperto, ang kanyang pagkakaupo ay batay sa utos ng COMELEC En Banc na inilabas noong Hunyo 19, 2025—bago pa man ipalabas ng Korte Suprema ang naturang bagong doktrina noong Hunyo 22. Ang kanyang pormal na proklamasyon ng Municipal Board of Canvassers (MBOC) noong Hunyo 25 ay tanging pagsunod lamang sa naunang kautusan ng COMELEC.

Kinumpirma rin ng Commission on Elections (COMELEC) na hindi na ito magsusumite ng Motion for Reconsideration (MR) laban sa desisyon ng Korte Suprema. Sa halip, hihingi na lamang ito ng paliwanag o clarification kung paano ipatutupad ang desisyon sa mga kasong pending o naresolba na.

Ang desisyon ng COMELEC ay base sa batas na umiiral noon, at ang ruling ng Supreme Court ay hindi maaaring ipatupad pabalik o retroactively.

Sa desisyong ito ng COMELEC na huwag nang kuwestyunin ang Supreme Court ruling, malinaw na susundin na ng ahensya ang bagong patakaran sa mga darating na kaso, ngunit hindi na ito mag-aapekto sa mga desisyong nauna nang inilabas—tulad ng kay Carranza.

02/07/2025

𝐋𝐢𝐛𝐫𝐞𝐧𝐠 𝐇𝐈𝐕 𝐓𝐞𝐬𝐭𝐢𝐧𝐠 𝐊𝐢𝐭𝐬, 𝐈𝐩𝐢𝐧𝐚𝐦𝐚𝐡𝐚𝐠𝐢 𝐧𝐠 𝐑𝐇𝐔 𝐛𝐢𝐥𝐚𝐧𝐠 𝐁𝐚𝐡𝐚𝐠𝐢 𝐧𝐠 𝐊𝐚𝐦𝐩𝐚𝐧𝐲𝐚 𝐊𝐨𝐧𝐭𝐫𝐚 𝐇𝐈𝐕

Bilang bahagi ng pinalalakas na kampanya sa HIV awareness at prevention, nagsagawa ang 𝐑𝐮𝐫𝐚𝐥 𝐇𝐞𝐚𝐥𝐭𝐡 𝐔𝐧𝐢𝐭 (𝐑𝐇𝐔) - 𝐒𝐢𝐥𝐚𝐧𝐠 ng pamamahagi ng libreng HIV testing kits sa New Municipal Building Grounds noong Sabado, ika-28 ng Hunyo.

Ang aktibidad ay isinagawa bilang bahagi ng pagdiriwang ng 𝐏𝐫𝐢𝐝𝐞 𝐌𝐨𝐧𝐭𝐡, bilang pagkilala at suporta sa LGBTQIA+ community at sa layunin nitong palaganapin ang tamang kaalaman ukol sa HIV.

Layon ng inisyatibang ito na hikayatin ang mamamayan na maging mulat at responsable sa kanilang kalusugan sa pamamagitan ng maagang pagpapa-test at tamang impormasyon tungkol sa HIV. Ang testing kits ay ligtas gamitin, confidential, at libre para sa lahat ng nagnanais magpasuri.

Sa kasalukuyan, nilalakad ng RHU Silang ang pagpapa-apruba sa Department of Health (DOH) na maging fully-accredited ang pasilidad upang magbigay ng paggamot para sa HIV.

Hinimok din ng mga health officer ang publiko na labanan ang diskriminasyon sa mga may HIV at palaganapin ang wastong kaalaman para sa isang ligtas at malusog na komunidad.

02/07/2025

𝐊𝐚𝐩 𝐉𝐮𝐧 𝐃𝐞 𝐉𝐞𝐬𝐮𝐬 𝐉𝐫., 𝐁𝐚𝐠𝐨𝐧𝐠 𝐇𝐚𝐥𝐚𝐥 𝐧𝐚 𝐏𝐫𝐞𝐬𝐢𝐝𝐞𝐧𝐭𝐞 𝐧𝐠 𝐋𝐢𝐠𝐚 𝐧𝐠 𝐦𝐠𝐚 𝐁𝐚𝐫𝐚𝐧𝐠𝐚𝐲 𝐬𝐚 𝐒𝐢𝐥𝐚𝐧𝐠

Sa ginanap na 𝐒𝐩𝐞𝐜𝐢𝐚𝐥 𝐄𝐥𝐞𝐜𝐭𝐢𝐨𝐧 ng 𝐋𝐢𝐠𝐚 𝐧𝐠 𝐦𝐠𝐚 𝐁𝐚𝐫𝐚𝐧𝐠𝐚𝐲 ngayong 𝐇𝐮𝐥𝐲𝐨 𝟐, 𝟐𝟎𝟐𝟓 sa ika-4 na palapag ng SB Hall, New Municipal Hall, nahalal si 𝐊𝐚𝐩𝐢𝐭𝐚𝐧 𝐋𝐮𝐜𝐢𝐚𝐧𝐨 𝐏. 𝐃𝐞 𝐉𝐞𝐬𝐮𝐬 𝐉𝐫. ng Barangay Tibig bilang bagong 𝐏𝐫𝐞𝐬𝐢𝐝𝐞𝐧𝐭𝐞 𝐧𝐠 𝐀𝐬𝐬𝐨𝐜𝐢𝐚𝐭𝐢𝐨𝐧 𝐨𝐟 𝐁𝐚𝐫𝐚𝐧𝐠𝐚𝐲 𝐂𝐚𝐩𝐭𝐚𝐢𝐧𝐬 (𝐀𝐁𝐂) sa Silang.

Kasama niyang nahalal sina 𝐉𝐨𝐞𝐥𝐢𝐭𝐨 𝐀. 𝐆𝐞𝐧𝐞𝐫𝐨𝐬𝐨 ng Barangay Adlas bilang Pangalawang Pangulo at 𝐊𝐚𝐩. 𝐀𝐜𝐞 𝐓𝐢𝐛𝐚𝐲𝐚𝐧 ng Pooc 2 bilang miyembro ng Board of Directors.

Gamit ang balota, 59 Barangay Captains ang lumahok sa eleksyon, kung saan 58 boto ang naitala para sa bawat nahalal na opisyal — patunay ng kanilang malawak na tiwala at suporta mula sa mga kapwa lider-barangay.

Inaasahang magbibigay ng panibagong sigla sa pamumuno ang bagong hanay ng mga opisyal sa pagpapatibay ng ugnayan at pagpapaunlad ng mga proyekto sa bawat barangay sa Bayan ng Silang.