23/05/2025
(Ako lang pud ni opinion basi sa akong kaagi)
Isip usa ka inahan sa 5 ka anak. Niagi ko halos tanan pagsuway. Niagi ko anang pares nga himaje, hinginom ug daghan pay uban nga kinaiyas laki nga usahay di nato kayang e tolerate nga mga babae.
Niagi ko anang ugangan nga pinangga ka, bisan paman ug di pa sila andam nga magka apo peru giatiman ko.
Niagi pud ko ug ugangan nga tanan maot nga storya nabati nako. Dautan kas mga tawo. Niya dika tagaan ug sempatiya sa emung pares kay wala siya kabalo unsay tinuod niya mas nituo sya's iyang pamilya kay mas nahibaw kuno sya sa ila.
Niagi ko anang wakoy kaduolan bisag unsa lang ka gamay sa emung ge kinahanglan kay kabalo kos akong kaugalingon nga wakoy masaligan. Pasalamat lang gihapon kos akong ate ug mama nga bisag lisud pud sila di gyud mag duha2 ug tabang sa ako. Peru naa gyuy panahon nga maulaw gyud ta pangayog pabor kay permi na lang sab diay.
Niagi ko anang gusto na nakong ma matay, mas worst kay gusto nakong ubanon akong mga anak. Ngano? Tungod kay di ko gustong ebilin sila sa ilang amahan kay mahadlok ko basig daug daugon sila sa maminyuan sa ilang amahan. Or daug daugon sila sa pamilya sa ilang amahan. Kay naa sa akong huna2 nitatak ang storya nga "ayaw isalig emung mga anak sa mga tawong wa ka angay nemu, kay moabot an panahon nga ug wa nka wa napod nay ayo ang pagtagad nila"
Maong mahadlok ko mamatay nga ibilin akong mga anak.
Sa karun para sa ako maayo na akong kahimtang. Bisan paman sa among kapobrehon wala nami nagsigeg away. Sa mga gagmayng butang nga awayan namo sa una karun kataw an nlang namo. Pasalamat lang ko kay nakita na sa akong pares ang iyang sayop. Na realize niya ug unsay angay niya bag uhon, unsay angay undangon ug unsay angay ipadayon.
Tinuod sab ang storya nga dili makagaba ang mo sukol, kay mas nigaan among kinabuhi nga gibugto namo among koneksyon sa mga tawong dili na angay ipadayon.
Sa mga kabatan-onang babae diha karun. Unta mahimo ni ninyong sumbanan sa kinabuhi. Ayaw mo pag menyo kay gusto lang ninyo ang lalaki. Ila-ilaha sab ang pamilya. Hinuon wala may perpektong tawo, pamilya, kinaiya ug kinabuhi. Peru pwede ta mamili. Ayaw higugmaa ang lalaki ug una. Emung kaugalingon jud dapat emung unahon pagmahal. Ayaw pagdali kay walay kaminyuon nga sayon. Pangitaa ang lalaki nga kabalo maminaw sa emung mga sentimento. Ayaw ng ng lalaki nga taas kaayog lantaw sa kaugalingon. Ayaw mog padaug-daug tawon.
Kita ang angay nga magda sa atong kinabuhi ug dili ang mga tawong nagpalibot nato.
Ayaw kalimot pagtawag ug pag pasalamat sa Ginoo kay naa rana Siya permi maminaw ug mo giya nemu.
CTTO OF THE PHOTOS
